ଦୀପକ ମିଶ୍ର

ଉଇକିପିଡ଼ିଆ‌ରୁ
ଦୀପକ ମିଶ୍ର
Born(1938-11-07)୭ ନଭେମ୍ବର ୧୯୩୮
କମାରଖଣ୍ଡି, କେନ୍ଦ୍ରାପଡ଼ା
Died୩୦ ଜାନୁଆରୀ ୨୦୦୮(2008-01-30) (ବୟସ ୬୯)
କେନ୍ଦ୍ରାପଡ଼ା
Cause of deathହୃଦ୍‌ଘାତ
Nationalityଭାରତୀୟ
Educationସ୍ନାତକୋତ୍ତର(ଇତିହାସ)
Alma materଆହ୍ଲାବାଦ ବିଶ୍ୱବିଦ୍ୟାଳୟ
Known forକବି
Parentବ୍ରଜ କୁମାର ମିଶ୍ର
Relativesଦୂଲାଳ ମିଶ୍ର (ଭାଇ)
Awardsକେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର

ଦୀପକ ମିଶ୍ର (୭ ନଭେମ୍ବର ୧୯୩୮ - ୩୦ ଜାନୁଆରୀ ୨୦୦୮[୧]) ଜଣେ ଓଡ଼ିଆ କବି[୨], ସାମ୍ବାଦିକ ଓ ଅଧ୍ୟାପକ ଥିଲେ । ତାଙ୍କର ବହୁ କବିତା ପୁସ୍ତକ ଓ ବିଭିନ୍ନ ପତ୍ରପତ୍ରିକାରେ ପ୍ରକାଶ ପାଇସାରିଛି । ପ୍ରବନ୍ଧ ଓ ଅନୁବାଦ ସାହିତ୍ୟ କ୍ଷେତ୍ରରେ ମଧ୍ୟ ତାଙ୍କର ଅବଦାନ ରହିଛି । [୩]

ଜୀବନୀ[ସମ୍ପାଦନା]

ଦୀପକ ମିଶ୍ର, ୧୯୩୮ ମସିହାରେ କେନ୍ଦ୍ରାପଡ଼ା ଜିଲ୍ଲାର କମାରଖଣ୍ଡିଠାରେ ଜନ୍ମଗ୍ରହଣ କରିଥିଲେ । ପିତା ବ୍ରଜ କୁମାର ମିଶ୍ର ଥିଲେ ପଣ୍ଡିତ ଓ ଜମିଦାର । ଦୀପକ ପ୍ରାଥମିକ ଶ୍ରେଣୀରେ ପଢୁଥିବାବେଳେ ତାଙ୍କ ପିତାଙ୍କର ମୃତ୍ୟୁ ହୋଇଥିଲା । ଖୁବ ଅଳ୍ପ ବୟସରୁ କବିତା ଲେଖିବା ଆରମ୍ଭ କରିଥିଲେ ଓ ତାହା ନିୟମିତ ଭାବରେ ବିଭିନ୍ନ ପତ୍ରପତ୍ରିକାରେ ପ୍ରକାଶିତ ହେଉଥିଲା । କଟକରେ ମହାବିଦ୍ୟାଳୟରେ ପଢୁଥିବା ସମୟରେ, ସେ ଜଙ୍ଗଲ ବିଭାଗରେ କିରାଣୀ ଚାକିରି କରିବା ଆରମ୍ଭ କରିଥିଲେ । ପରବର୍ତ୍ତୀ ସମୟରେ ସେ ଆହ୍ଲାବାଦ ବିଶ୍ୱବିଦ୍ୟାଳୟରୁ ଇତିହାସରେ ସ୍ନାତକୋତ୍ତର ପାଠ୍ୟକ୍ରମ ସମାପ୍ତ କରିସାରି, ଓଡ଼ିଶା ଫେରିଥିଲେ । ବିଜୁ ପଟ୍ଟନାୟକ କେନ୍ଦ୍ରାପଡ଼ାରୁ କଳିଙ୍ଗ ନାମକ ଦୈନିକ ଖବରକାଗଜ ପ୍ରକାଶନ ଆରମ୍ଭ କରିବାରୁ, ଦୀପକ ମିଶ୍ର ସେହି ଖବର କାଗଜର ସମ୍ପାଦକ ମଣ୍ଡଳୀରେ ଯୋଗଦାନ କରିଥିଲେ । ବାମପନ୍ଥୀ କବି ମନମୋହନ ମିଶ୍ର ଏହି ଖବର କାଗଜରେ ସମ୍ପାଦନା ଦାୟିତ୍ୱରେ ଥିଲେ । ଭାନୁଜୀ ରାଓ, ଜ୍ଞାନୀନ୍ଦ୍ର ବର୍ମା ଓ କୃଷ୍ଣ ଚନ୍ଦ୍ର ମହାନ୍ତି ସେଠାରେ ତାଙ୍କ ସହକର୍ମୀ ଥିଲେ । ପରବର୍ତ୍ତୀ ସମୟରେ ସୁରେନ୍ଦ୍ର ମହାନ୍ତି, ସେହି ଖବରକାଗଜର ସମ୍ପାଦକ ନିଯୁକ୍ତ ହେବାରୁ, ସେ ସୁରେନ୍ଦ୍ର ମହାନ୍ତିଙ୍କ ସହିତ କାମ କରିବାର ସୁଯୋଗ ମଧ୍ୟ ଲାଭ କରିଥିଲେ । ବର୍ଷକ ପରେ "କଳିଙ୍ଗ" ଛାଡି, ସେ କେନ୍ଦ୍ରାପଡ଼ା ମହାବିଦ୍ୟାଳୟରେ ଅଧ୍ୟାପକ ଭାବରେ ନିଜର ବୃତ୍ତି ଆରମ୍ଭ କରିଥିଲେ । ୧୯୯୮ ମସିହାରେ ସେବାନିବୃତ ହେବା ପର୍ଯ୍ୟନ୍ତ ସେହି ଅନୁଷ୍ଠାନରେ ଅଧ୍ୟାପନା କରିଥିଲେ ।

୨୦୦୮ରେ ତାଙ୍କ ଦେହାନ୍ତ ହେବାବେଳକୁ ସେ ଓଡ଼ିଶା ସାହିତ୍ୟ ଏକାଡେମୀର ସଭାପତି ଭାବରେ କାର୍ଯ୍ୟ କରୁଥିଲେ ।[୪] ଏହା ଥିଲା ତାଙ୍କର ଦ୍ୱିତୀୟ କାର୍ଯ୍ୟକାଳ ।[୫]

ସାହିତ୍ୟ କୃତି[ସମ୍ପାଦନା]

  • ଅସମାପିକା - ୧୯୬୧
  • ଅନୁଷ୍ଟୁପ - ୧୯୬୯
  • ନିଶିଦ୍ଧ ହ୍ରଦ - ୧୯୭୦
  • ନିର୍ଜନ ନକ୍ଷତ୍ର - ୧୯୭୧
  • ନିଦାଘ ଯାତ୍ରା - ୧୯୯୯
  • ମଧ୍ୟାହ୍ନର ଛାଇ - ୧୯୭୪
  • ସପ୍ତମ ପୃଥିବୀ - ୧୯୭୭[୬]
  • ଶୂନ୍ଯତାର ଶୋଷ - ୧୯୮୧
  • ଧୂଳିର ସିଂହାସନ - ୧୯୮୯
  • ନୀରବଧି ନାଭିଶ୍ୱାସ
  • ଦୀପକ ମିଶ୍ରଙ୍କ କେତୋଟି କବିତା - ୧୯୬୩
  • ଦୀପକ ମିଶ୍ରଙ୍କ ନିର୍ବାଚିତ କବିତା - ୨୦୦୩
  • ଅରଣା ମଇଁଷି - ୧୯୭୯
  • କେମିତି ହୁଅନ୍ତା
  • କପଟ ସୂର୍ଯାସ୍ତ - ୧୯୮୪
  • ଋକ୍ - ୧୯୯୪[୭]
  • ଅନଘ
  • ବୃତ୍ତ - ୧୯୭୫
  • ସୁଖ ସଂହିତା - ୨୦୦୬[୮]

ପୁରସ୍କାର ଓ ସମ୍ମାନ[ସମ୍ପାଦନା]

  • କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର, ୨୦୦୭ ('ସୁଖ ସଂହିତା' ନିମନ୍ତେ)[୯] [୧୦]
  • ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ୧୯୭୮ ('ବୃତ୍ତ' ନିମନ୍ତେ)[୧୧]
  • ବିଷୁବ ପୁରସ୍କାର, ୨୦୦୧ (ପ୍ରଜାତନ୍ତ୍ର ପ୍ରଚାର ସମିତି ପ୍ରଦତ୍ତ) [୧୨]
  • ଶାରଳା ପୁରସ୍କାର (ନିଦାଘ ଯାତ୍ରା)[୧୩] - ୨୦୦୩ (ଯୁଗ୍ମବିଜେତା ଘୋଷିତ ହେଇଥିବାରୁ ପ୍ରତ୍ୟାଖ୍ୟାନ କରିଥିଲେ)[୧୪]
  • ଗୋକର୍ଣ୍ଣିକା ପୁରସ୍କାର, ୧୯୮୪
  • ଝଙ୍କାର ପୁରସ୍କାର (କବିତା), ୧୯୭୬ (ପ୍ରଜାତନ୍ତ୍ର ପ୍ରଚାର ସମିତି ପ୍ରଦତ୍ତ)

ଆଧାର[ସମ୍ପାଦନା]

  1. http://www.thehindu.com/todays-paper/tp-national/tp-otherstates/deepak-mishra-passes-away/article1190054.ece
  2. Amaresh Datta (1987). Encyclopaedia of Indian Literature: A-Devo. Sahitya Akademi. pp. 304–. ISBN 978-81-260-1803-1.
  3. http://news.oneindia.in/2008/01/30/noted-oriya-poet-deepak-mishra-passes-away-1201707306.html
  4. http://odisha.in/wp/?p=132
  5. "ଦୀପକ ମିଶ୍ର". ସମ୍ବାଦ ୩୦/୦୧/୨୦୧୭ ଭୁବନେଶ୍ୱର ସଂସ୍କରଣ ପୃଷ୍ଠା ୨. Archived from the original on 2 February 2017. Retrieved 30 January 2017.
  6. Jatindra Mohan Mohanty (1989). Into another intensity: essays on Oriya literature. Post-Graduate Dept. of English, Utkal University.
  7. http://www.oocities.org/indian_poets/oriya.html
  8. "ଆର୍କାଇଭ୍ କପି". Archived from the original on 2014-06-28. Retrieved 2014-06-07. {{cite web}}: Cite has empty unknown parameter: |1= (help)
  9. "AKADEMI AWARDS (1955-2020)". କେନ୍ଦ୍ର ସାହିତ୍ୟ ଏକାଡେମୀ. Retrieved 13 June 2021.
  10. http://orissa.gov.in/e-magazine/orissaannualreference/ORA-2011/pdf/90-91.pdf
  11. "ଓଡ଼ିଶା ସାହିତ୍ୟ ଏକାଡେମୀ ପୁରସ୍କୃତ ପୁସ୍ତକ ଓ ଲେଖକ". ଓଡ଼ିଶା ସାହିତ୍ୟ ଏକାଡେମୀ. Retrieved 30 January 2017.
  12. "ବିଷୁବ ପୁରସ୍କାର ବିଜେତା" (PDF). ପ୍ରଜାତନ୍ତ୍ର ପ୍ରଚାର ସମିତି. Archived (PDF) from the original on 8 October 2020. Retrieved 9 October 2020.
  13. http://www.imfa.in/resource-centre/2003/may23.htm
  14. http://www.thehindu.com/todays-paper/tp-national/tp-otherstates/deepak-mishra-is-sahitya-akademi-president/article1889272.ece