ଜୟନ୍ତ ମହାପାତ୍ର
ପଦ୍ମଶ୍ରୀ ଜୟନ୍ତ ମହାପାତ୍ର | |
|---|---|
 | |
| ଜନ୍ମ ଓ ଜନ୍ମସ୍ଥାନ | ୨୨ ଅକ୍ଟୋବର ୧୯୨୮ କଟକ |
| ବୃତ୍ତି | ପଦାର୍ଥ ବିଜ୍ଞାନ ଅଧ୍ୟାପକ, ସାହିତ୍ୟିକ |
| ଭାଷା | ଓଡ଼ିଆ, ଇଂରାଜୀ |
| ପୁରସ୍କାର | ପଦ୍ମଶ୍ରୀ, କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର |
ଜୟନ୍ତ ମହାପାତ୍ର (ଜନ୍ମ ୨୨ ଅକ୍ଟୋବର ୧୯୨୮)[୧] ଓଡ଼ିଶାରେ ଜନ୍ମିତ ଜଣେ ଓଡ଼ିଆ ତଥା ଇଂରାଜୀ କବି । [୨][୩] ତାଙ୍କର ୨୭ଟି ଇଂରାଜୀ ଓ ୯ଟି ଓଡ଼ିଆ କବିତା ସଙ୍କଳନ ସହିତ ଗୋଟିଏ ଗପ ବହି ଏବଂ ଆତ୍ମଜୀବନୀ ପାହିନି ରାତି ପ୍ରକାଶ ପାଇସାରିଛି ।
ଜୀବନ[ସମ୍ପାଦନା]
ଜୟନ୍ତ ମହାପାତ୍ର ୧୯୨୮ ମସିହା ଅକ୍ଟୋବର ମାସ ୨୨ତାରିଖ ଦୁର୍ଗାଷ୍ଟମୀ ତିଥିରେ କଟକଠାରେ ଏକ ନିମ୍ନ ମଧ୍ୟବିତ୍ତ ପରିବାରରେ ଜନ୍ମଗ୍ରହଣ କରିଥିଲେ । ପିତାଙ୍କ ନାମ ଥିଲା ନେମୁଏଲ ମହାପାତ୍ର ଓ ମାତାଙ୍କ ନାମ ସୁଧାଂଶୁବାଳା ଦାଶ ।[୪] ସେ କଟକର ଷ୍ଟିବର୍ଟ ସ୍କୁଲରେ ପଢ଼ା ଆରମ୍ଭ କରି ପରେ ପଦାର୍ଥ ବିଜ୍ଞାନରେ ସ୍ନାତକତ୍ତୋର ହାସଲ କରିଛନ୍ତି। ୧୯୪୯ ମସିହାରେ ସେ ରାଜ୍ୟର ବିଭିନ୍ନ ସରକାରୀ କଲେଜ ଯଥା, ଫକୀରମୋହନ କଲେଜ, ବାଲେଶ୍ୱର , ଗଙ୍ଗାଧର ମେହେର କଲେଜ, ସମ୍ବଲପୁର, ବି. ଜେ.ବି କଲେଜ, ଭୁବନେଶ୍ୱର ଏବଂ ରେଭେନ୍ସା କଲେଜ, କଟକରେ ପଦାର୍ଥ ବିଜ୍ଞାନ ବିଭାଗରେ ଅଧ୍ୟାପକ ଭାବେ କାର୍ଯ୍ୟ କରି ୧୯୮୬ରେ ଅବସର ଗ୍ରହଣ କରିଛନ୍ତି । [୫]
୩୮ ବର୍ଷ ବୟସରେ ସେ କବିତା ରଚନା କରିବା ଆରମ୍ଭ କଲେ ଏବଂ ୪୦ ବର୍ଷ ହେବା ପୂର୍ବରୁ ତାଙ୍କର ପ୍ରଥମ କବିତା ପ୍ରକାଶ ପାଇଥିଲା । ତାଙ୍କର ପ୍ରଥମ କବିତା ସଂକଳନ ସ୍ୱୟଂବର ଏବଂ କବିତାସମୂହ ୧୯୭୧ରେ ଏବଂ ପରେ ପରେ 'କ୍ଲୋଜ ଦି ସ୍କାଇ, ଟେନ ବାଇ ଟେନର ପ୍ରକାଶନ ହୋଇଥିଲା । ତାଙ୍କର କବିତା ଗୁଚ୍ଛ ମଧ୍ୟରୁ ଏ ରେନ ଅଫ ରାଇଟ୍ସ , ଲାଇଫ ସାଇନସ ଏବଂ ଏ ୱାଇଟନେସ ଅଫ ବୋନ ଆଦି ଉଚ୍ଚକୋଟୀର । ପାଠକମାନଙ୍କ ବେଶ ଆଦୃତି ଲାଭ କରିଥିବା ଜୟନ୍ତ ମହାପାତ୍ରଙ୍କ କବିତା ସଂକଳନଟି ହେଉଛି ଦି ଲଙ୍ଗ ପଏମ ରିଲେସନସିପ। ଏହି କବିତା ସଂକଳନ ମଧ୍ୟ ତାଙ୍କୁ ୧୯୮୧ ମସିହାରେ ସାହିତ୍ୟ ଏକାଡେମୀ ପୁରସ୍କାରରେ ସମ୍ମାନ୍ନିତ କରିଥିଲା । କେବଳ ସେତିକି ନୁହେଁ, ସେତେବେଳେ ସେ ମଧ୍ୟ ପ୍ରଥମ ଭାରତୀୟ କବି ଭାବେ ଏହି ସଫଳତା ଅର୍ଜନ କରିଥିଲେ । [୬] ସେ ଇତିମଧ୍ୟରେ ୧୬ଟି କବିତା ସଂକଳନ ରଚନା କରିସାରିଛନ୍ତି। [୭]
କବିଙ୍କର ଏବେକାର କବିତା ସଂକଳନଗୁଡିକ ହେଉଛି ଶେଡ଼ୋ ସ୍ପେସ, ବେଆର ଫେସ ଏବଂ ରେଣ୍ଡୋମ ଡିସେଣ୍ଟ ଇତ୍ୟାଦି। କେବଳ କବିତା ନୁହଁ, ସେ ମଧ୍ୟ ଅନେକ ପ୍ରବନ୍ଧ ରଚନା କରିଛନ୍ତି । କିଛି କ୍ଷୁଦ୍ର ଗଳ୍ପ ଗୁଡିକୁ ନେଇ ସେ ଏକାକୀ ଗ୍ରୀନ ଗାର୍ଡେନର ନାମକ ଏକ ପୁସ୍ତକ ପ୍ରକାଶ କରିଛନ୍ତି । ସମ୍ପାଦନ କ୍ଷେତ୍ରରେ ମଧ୍ୟ ସେ ସଫଳତା ଅର୍ଜନ କରିଛନ୍ତି । କଟକରୁ ପ୍ରକାଶିତ ହେଉଥିବା ଏକ ସାହିତ୍ୟ ପୁସ୍ତିକା ଚନ୍ଦ୍ରଭାଗାକୁ ସେ ବହୁ ବର୍ଷ ଧରି ସମ୍ପାଦନା କରିଛନ୍ତି ।
ରଚନାବଳୀ[ସମ୍ପାଦନା]
ଓଡ଼ିଆ[ସମ୍ପାଦନା]
|
ଇଂରାଜୀ[ସମ୍ପାଦନା]
|
ମାନସମ୍ମାନ[ସମ୍ପାଦନା]
- କେନ୍ଦ୍ର ସାହିତ୍ୟ ଏକାଡେମୀ ଫେଲୋସିପ - ୨୦୧୯[୮]
- ପଦ୍ମଶ୍ରୀ, ୨୦୦୯ [୯]
- କେନ୍ଦ୍ର ସାହିତ୍ୟ ଏକାଡେମୀ, ୧୯୮୧
- ଉତ୍କଳ ରତ୍ନ ସମ୍ମାନ, ୨୦୧୪[୧୦]
- ସାରଳା ସମ୍ମାନ, ୨୦୧୦
- ବିଷୁବ ପୁରସ୍କାର, ୨୦୦୭
- ଗଙ୍ଗାଧର ଜାତୀୟ ସମ୍ମାନ, ୧୯୯୪
- କହ୍ନେୟାଲାଲ ସେଠିଆ ସମ୍ମାନ - ୨୦୧୭(ଜୟପୁର ସାହିତ୍ୟ ଉତ୍ସବରେ ଜୀବନବ୍ୟାପି ସାହିତ୍ୟକୁ ଅବଦାନ ପାଇଁ)[୧୧]
- ଜାକବ ଗ୍ଲାଡଷ୍ଟୋନ ପୁରସ୍କାର(ଆମେରିକୀୟ ପତ୍ରିକା ପୋଏଟ୍ରି ଚିକାଗୋ ତରଫରୁ ପ୍ରଦତ୍ତ)[୧୨]
- କବି ସମ୍ରାଟ ଉପେନ୍ଦ୍ର ଭଞ୍ଜ ସମ୍ମାନ - ୨୦୨୩ (ବ୍ରହ୍ମପୁର ବିଶ୍ୱବିଦ୍ୟାଳୟ ପ୍ରଦତ୍ତ)[୧୩]
ଆଧାର[ସମ୍ପାଦନା]
- ↑ "Biography of Jayanta Mahapatra". PoemHunter.com. Retrieved 4 March 2017.
- ↑ "Jayanta Mahapatra". Poem hunter. Retrieved 16 April 2016.
- ↑ "Sahitya Akademi : Who's Who of Indian Writers". Sahitya Akademi. Sahitya Akademi. Retrieved 27 October 2015.
- ↑ "ନବେ ବର୍ଷରେ ପାଦ ଦେଲେ କବି ପଦ୍ମଶ୍ରୀ ଜୟନ୍ତ ମହାପାତ୍ର". ସମ୍ବାଦ ୨୪/୧୦/୨୦୧୭ ଭୁବନେଶ୍ୱର ସଂସ୍କରଣ ପୃଷ୍ଠା ୧୬. Retrieved 24 October 2017.
- ↑ [୧] Web page titled "Jayanta Mahapatra's Profile" at the Muse India Web site, accessed 16 October 2007
- ↑ "Padma Awards" (PDF). Ministry of Home Affairs, Government of India. 2015. Retrieved 21 July 2015.
- ↑ Grove, Richard. "The Dance of the Peacock:An Anthology of English Poetry from India". No. current. Hidden Brook Press, Canada. Retrieved 5 January 2015.
- ↑ "Press Release : Election of Fellows of Sahitya Akademi" (PDF). sahitya-akademi.gov.in. Sahitya Akademy. Retrieved 29 January 2019.
- ↑ "Noted poet Jayanta Mahapatra returns Padma Shri - The Times of India". The Times of India. Retrieved 2015-11-22.
- ↑ "Eminent Odisha poet Jayant Mohapatra to get Utkal Ratna Samman". Odisha Sun Times. Retrieved 31 August 2014.
- ↑ http://indianexpress.com/article/lifestyle/books/jaipur-literature-festival-cuttack-poet-bags-kanhaiya-lal-sethia-award-for-poetry-4486184/
- ↑ ରବିବାର ସମ୍ବାଦ ୦୫/୧୧/୨୦୧୭ ପୃଷ୍ଠା ୬ http://www.sambadepaper.com/Details.aspx?id=398822&boxid=191922743. Retrieved 6 November 2017.
{{cite news}}: Missing or empty|title=(help) - ↑ "ବ୍ରହ୍ମପୁର ବିଶ୍ୱବିଦ୍ୟାଲୟର ୫୭ତମ ପ୍ରତିଷ୍ଠା ଦିବସ". No. ସମ୍ବାଦ ୦୩/୦୧/୨୦୨୨ ଭୁବନେଶ୍ୱର ସଂସ୍କରଣ ପୃଷ୍ଠା ୧୧. ଇଷ୍ଟର୍ଣ୍ଣ ମିଡ଼ିଆ. 3 January 2023. Archived from the original on 3 January 2023. Retrieved 3 January 2023.
