ମାଇ ଭାଗି

ମାଇ ଭାଗି
ଜନ୍ମ	ଭାଗଭାରୀ ଖ୍ରୀ.ଅ. ୧୯୨୦ ବ୍ରିଟିଶ ଶାସନରେ ମିଠି ନିକଟସ୍ଥ ଡିପ୍ଲୋ, ସିନ୍ଧ ପାଖରେ (ଅଧୁନା ଠାରପାରକର ଜିଲ୍ଲା, ସିନ୍ଧ, ପାକିସ୍ତାନ)
ମୃତ୍ୟୁ	୭ ଜୁଲାଇ ୧୯୮୬ (୬୬ ବର୍ଷ) ଠାରପାରକର ଜିଲ୍ଲା, ସିନ୍ଧ, ପାକିସ୍ତାନ
ବୃତ୍ତି	ଲୋକଗାୟିକା
ସକ୍ରିୟ ବର୍ଷ	୧୯୬୮ - ୧୯୮୬
ପୁରସ୍କାର	ପ୍ରାଇଡ଼ ଅଫ ପରଫର୍ମାନ୍ସ ପୁରସ୍କାର (୧୯୮୧)

ମାଇ ଭାଗି (ଉର୍ଦ୍ଦୁ: مائی بھاگی; ଜନ୍ମ ନାମ: ଭାଗ ଭାରୀ) (ଖ୍ରୀ.ଅ. ୧୯୨୦ - ୭ ଜୁଲାଇ ୧୯୮୬) ଜଣେ ପାକିସ୍ତାନୀ ଲୋକ-ସଂଗୀତଜ୍ଞା ଥିଲେ । ସେ ମୁଖ୍ୟତଃ ଥାରୀ ଓ ସିନ୍ଧୀ ଭାଷାରେ ସଙ୍ଗୀତ ଗାୟନ କରୁଥିଲେ । ସେ ପାକିସ୍ତାନର ସିନ୍ଧରେ ଥିବା ଥାରସ୍ଥିତ ଅନ୍ତର୍ଗତ ମିଥିଠାରେ ୧୯୨୦ ମସିହାରେ ଜନ୍ମଗ୍ରହଣ କରିଥିଲେ । ରେଡ଼ିଓ ପାକିସ୍ତାନ ପାଇଁ ରେକର୍ଡ଼ ହୋଇଥିବା ଲୋକଗୀତ "ଖଡ଼ୀ ନିମ କେ ନିଚେ" ପାଇଁ ସେ ପ୍ରଥମେ ଜନପ୍ରିୟ ହୋଇଥିଲେ । ୧୯୮୬ରେ ତାଙ୍କର ମୃତ୍ୟୁ ପର୍ଯ୍ୟନ୍ତ ସେ ଲୋକସଂଗୀତ ଗାୟନ ଓ ପରିବେଷଣ ଜାରିରଖିଥିଲେ ।

ଜୀବନୀ

ପାକିସ୍ତାନର ସିନ୍ଧ ପ୍ରଦେଶସ୍ଥିତ ବିଶାଳ ଥାର ମରୁଭୂମି ଅନ୍ତର୍ଗତ ମିଥିଠାରେ ମାଇ ଭାଗି ୧୯୨୦ ମସିହାରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ଥିଲା ୱାନହ୍ୟୁନ ଫକିର ଏବଂ ମାଆଙ୍କ ନାମ ଥିଲା ଖାଦିଜା ମଗନହାର । ସେ ଥାର ମରୁଭୂମିର ଏକ ଗ୍ରାମରେ ବଢ଼ିଥିଲେ । ମାଇ ଭାଗିଙ୍କ ଜନ୍ମ ନାମ ଥିଲା "ଭାଗ ଭାରୀ" (ଏହାର ଅର୍ଥ ହେଲା "ଜଣେ ଭାଗ୍ୟଶାଳୀ ବ୍ୟକ୍ତି") । ତାଙ୍କ ପିତାମାତା ଉଭୟ ଆଞ୍ଚଳିକ ଗାୟକ-ଗାୟିକା ଥିଲେ । ଏକ ଶିଶୁ ଭାବରେ ସେ ପିଲାଦିନରୁ ଥାରୀ ଗୀତ ଗାଇବା ଆରମ୍ଭ କରିଥିଲେ । ସେ ୧୬ ବର୍ଷ ବୟସରେ ଲୋକ ଗାୟକ ହୋଥି ଫକିରଙ୍କୁ ବିବାହ କରିଥିଲେ । ରେକର୍ଡ଼ ନିର୍ମାତା ଏବଂ ପାକିସ୍ତାନୀ ଲୋକ ଗାୟିକା ଆବିଦା ପରବୀନଙ୍କ ସ୍ୱାମୀ ଶେଖ ଗୁଲାମ ହୁସେନ ତାଙ୍କୁ ରେଡିଓ ପାକିସ୍ତାନ ଷ୍ଟୁଡିଓରେ ଗୀତ ରେକର୍ଡ଼ କରିବା ପାଇଁ ପ୍ରୋତ୍ସାହନ ଦେଇଥିଲେ ଦେଇଥିଲେ ଏବଂ ରେଡିଓରେ ତାଙ୍କ ରେକର୍ଡ ବାଜିଥିଲା । ତାଙ୍କର ଲୋକଗୀତ "ଖଡ଼ୀ ନିମ କେ ନିଚେ" (ଏକ ନିମ ଗଛ ତଳେ) ପାକିସ୍ତାନୀ ଲୋକଙ୍କ ମଧ୍ୟରେ ଏକ ସୁପରହିଟ ଗୀତ ହୋଇଥିଲା ଏବଂ ତାଙ୍କ ଜନପ୍ରିୟତା ଏହା ପରେ ବଢ଼ିଥିଲା । ଏହାପରେ ପାକିସ୍ତାନ ସରକାର ତାଙ୍କୁ ବିଦେଶ ଗସ୍ତ ପାଇଁ ଆର୍ଥିକ ସହାୟତା ପ୍ରଦାନ କରିଥିଲେ । ସେ ୧୯୮୬ରେ ତାଙ୍କର ମୃତ୍ୟୁ ପର୍ଯ୍ୟନ୍ତ ସଂଗୀତ ପରିବେଷଣ ଜାରିରଖିଥିଲେ ।

ସମ୍ମାନ

• ୧୯୮୧ରେ ପାକିସ୍ତାନର ରାଷ୍ଟ୍ରପତିଙ୍କଠାରୁ ପ୍ରାଇଡ଼ ଅଫ ପରଫର୍ମାନ୍ସ ପୁରସ୍କାର
• ଶାହ ଅବଦୁଲ ଲତିଫ ଭିଟ୍ଟାଇ ପୁରସ୍କାର
• ସଚଲ ସାରମସ୍ତ ପୁରସ୍କାର