ଚିନ୍ତାମଣି ବେହେରା
ଚିନ୍ତାମଣି ବେହେରା | |
|---|---|
| ଜନ୍ମ | ୭ ନଭେମ୍ବର ୧୯୨୭ ଜମାଡିହ, ମୟୂରଭଞ୍ଜ ଜିଲ୍ଲା |
| ମୃତ୍ୟୁ | ୭ ମାର୍ଚ୍ଚ ୨୦୦୫ (ବୟସ ୭୭) |
| ଜାତୀୟତା | ଭାରତୀୟ |
ଚିନ୍ତାମଣି ବେହେରା (୭ ନଭେମ୍ବର ୧୯୨୭–୭ ମାର୍ଚ୍ଚ ୨୦୦୫)[୧] ଜଣେ ଭାରତୀୟ ଓଡ଼ିଆ କବି ଓ ସମାଲୋଚକ । [୨] ସେ ଶିଶୁଲେଖାର ସମ୍ପାଦନା[୩] କରିବା ସହ ୧୯୮୩ରୁ ୧୯୮୫ ପର୍ଯ୍ୟନ୍ତ ଓଡ଼ିଶା ସାହିତ୍ୟ ଏକାଡେମୀର ସମ୍ପାଦକ ଦାୟିତ୍ୱ ତୁଲାଇଥିଲେ ।[୪]
ଜୀବନୀ
[ସମ୍ପାଦନା]ଚିନ୍ତାମଣି ୧୯୨୭ ମସିହାରେ ବାଲେଶ୍ୱର ଜିଲ୍ଲାର ଉଦଳା ଅନ୍ତର୍ଗତ ଜମାଡିହ ଗ୍ରାମରେ ଜନ୍ମନେଇଥିଲେ । ସେ ଜଣେ ମେଧାବୀ ଛାତ୍ର ଥିଲେ । ପିତାଙ୍କର ଇଚ୍ଛା ଥିଲା ସେ ଡାକ୍ତର କିମ୍ବା ଓକିଲ ହୁଅନ୍ତୁ ଆଉ ତାଙ୍କୁ ରେଭେନ୍ସା ମହାବିଦ୍ୟାଳୟରେ ପାଠ ପଢ଼ିବା ପାଇଁ କଟକ ପଠେଇଥିଲେ । ଚିନ୍ତାମଣି କିନ୍ତୁ ସାଙ୍ଗମାନଙ୍କ ସହ ମିଶି ବାଲେଶ୍ୱର ଚାଲି ଯାଇଯାଇ ସେଠାର ଫକୀର ମୋହନ ମହାବିଦ୍ୟାଳୟରେ କଳା ଶ୍ରେଣୀରେ ନାମ ଲେଖାଇଥିଲେ । ସେ ଉତ୍କଳ ବିଶ୍ୱବିଦ୍ୟାଳୟରୁ କଳାରେ ସ୍ନାତକ ଓ କଲିକତା ବିଶ୍ୱବିଦ୍ୟାଳୟରୁ ସ୍ନାତକତ୍ତୋର ଲାଭକରିଥିଲେ । ସ୍ନାତକୋତ୍ତର ଶ୍ରେଣୀରେ ପ୍ରଥମ ହୋଇ ସେ ସ୍ୱର୍ଣ୍ଣପଦକ ଲାଭକରିଥିଲେ । ଉଚ୍ଚଶିକ୍ଷା ପରେ ସେ ଭଦ୍ରକ ମହାବିଦ୍ୟାଳୟ ଓ ଶାନ୍ତିନିକେତନରେ ଶିକ୍ଷାଦାନ କରିଥିଲେ । ୧୯୫୨ ମସିହାରେ ସେ ଓଡ଼ିଶା ସରକାରଙ୍କ ଶିକ୍ଷାବିଭାଗରେ ଯୋଗଦେଇଥିଲେ ଓ ୧୯୮୭ରେ ଅବସର ନେଇଥିଲେ ।
ରଚନାବଳୀ
[ସମ୍ପାଦନା]କବିତା ସଙ୍କଳନ
[ସମ୍ପାଦନା]- ଶ୍ୱେତପଦ୍ମ
- ସ୍ୱସ୍ତିକା
- ନୂତନ ସ୍ୱାକ୍ଷର
- ହେ ବୈଦେହୀ ଭୁଲିଯାଅ
- ନୀଳଲୋହିତ
- ତୃତୀୟ ଚକ୍ଷୁ
- ନିଜେ ନିଜର ସାକ୍ଷୀ
- ଉଦୟାସ୍ତର କାବ୍ୟ
ସମାଲୋଚନା ଗ୍ରନ୍ଥ
[ସମ୍ପାଦନା]- କାବ୍ୟ ଓ କଳାକାର
- ଆଧୁନିକତାର କ ଖ ଗ
- ବିଦଗ୍ଧ ପାଠକ
- କଳାଦୃଷ୍ଟି
- ସାହିତ୍ୟ ଚିନ୍ତା
- ଚିତ୍ର ଓ ଚରିତ୍ର
- ଅନ୍ୟାନ୍ୟ ଆଲୋଚନା
ସମ୍ମାନ ଓ ପୁରସ୍କାର
[ସମ୍ପାଦନା]- ସାରଳା ସମ୍ମାନ, ୧୯୯୬[୫]
- କବିଶେଖର ଚିନ୍ତାମଣି ମହାନ୍ତି ପୁରସ୍କାର, ୧୯୯୫
- ବିଷୁବ ମିଳନ ପୁରସ୍କାର, ୧୯୯୦
- ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ୧୯୭୬ (ତୃତୀୟ ଚକ୍ଷୁ ନିମନ୍ତେ) [୬]
ଆଧାର
[ସମ୍ପାଦନା]- ↑ "CHINTAMANI BEHERA". orissadiary.com. Archived from the original on 8 December 2016. Retrieved 24 November 2016.
- ↑ ଓଡ଼ିଆ ସାହିତ୍ୟର ସଂକ୍ଷିପ୍ତ ପରିଚୟ, ଡ. ବୃନ୍ଦାବନଚନ୍ଦ୍ର ଆଚାର୍ଯ୍ୟ, ପୃଷ୍ଠା:୩୨୦-୨୧
- ↑ Kartik Chandra Dutt (1999). Who's who of Indian Writers, 1999: A-M. Sahitya Akademi. pp. 125–. ISBN 978-81-260-0873-5.
- ↑ "ଓଡ଼ିଶା ସାହିତ୍ୟ ଏକାଡେମୀର ସମ୍ପାଦକମାନଙ୍କ ନାମ ତାଲିକା". ଓଡ଼ିଶା ସାହିତ୍ୟ ଏକାଡେମୀ. Retrieved 24 November 2016.
- ↑ "Sarala Samman". Sarala Sahitya Sansad. Archived from the original on 20 December 2016. Retrieved 24 November 2016.
- ↑ "ଓଡ଼ିଶା ସାହିତ୍ୟ ଏକାଡେମୀ ପୁରସ୍କୃତ ପୁସ୍ତକ ଓ ଲେଖକ". ଓଡ଼ିଶା ସାହିତ୍ୟ ଏକାଡେମୀ. Retrieved 24 November 2016.
| International | |
|---|---|
| National | |
