ସୌଭାଗ୍ୟବନ୍ତ ମହାରଣା
ସୌଭାଗ୍ୟବନ୍ତ ମହାରଣା | |
|---|---|
| ଜନ୍ମ | ୧୫ ଅଗଷ୍ଟ ୧୯୫୧ |
| ଜାତୀୟତା | ଭାରତୀୟ |
| ବୃତ୍ତି | ଓଡ଼ିଆ କବି |
| ପୁରସ୍କାର | ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର |
ସୌଭାଗ୍ୟବନ୍ତ ମହାରଣା, (ଜନ୍ମ: ୧୫ ଅଗଷ୍ଟ ୧୯୫୧) ଜଣେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ପ୍ରାପ୍ତ ଓଡ଼ିଆ କବି ଓ ଅନୁବାଦକ ।[୧] ସେ ୧୯୫୧ ମସିହା ଅଗଷ୍ଟ ୧୫ତାରିଖରେ ବଲାଙ୍ଗୀରଠାରେ ଜନ୍ମଗ୍ରହଣ କରିଥିଲେ । ୧୯୭୫ମସିହାରୁ ଲେଖାଲେଖି କରୁଥିବା ସୌଭାଗ୍ୟବନ୍ତଙ୍କର ଏଯାବତ ୯ଟି ଓଡ଼ିଆ ଓ ଗୋଟିଏ ହିନ୍ଦୀ କବିତା ପୁସ୍ତକ ପ୍ରକାଶ ପାଇସାରିଛି ଓ ବହୁ ଭାରତୀୟ ଭାଷାରେ ଅନୁବାଦିତ ମଧ୍ୟ ହୋଇସାରିଛି । ତାଙ୍କର ପ୍ରଥମ କବିତା ସଂକଳନ "ସାଗୁଆ କ୍ଷେତର ସହର" ୧୯୮୮ ମସିହାରେ ପ୍ରକାଶିତ ହୋଇଥିଲା । ପତ୍ରପତ୍ରିକାରେ ମଧ୍ୟ ତାଙ୍କର କବିତାଗୁଡ଼ିକ ନିୟମିତ ପ୍ରକାଶିତ ହୋଇଥାଏ । ଅନୁବାଦ ସାହିତ୍ୟରେ ସକ୍ରିୟ ସୌଭାଗ୍ୟବନ୍ତ, ସଚ୍ଚି ରାଉତରାୟ[୨], ରାଜେନ୍ଦ୍ର କିଶୋର ପଣ୍ଡା, ପ୍ରତିଭା ଶତପଥୀ, ମନୋରମା ବିଶ୍ୱାଳ ମହାପାତ୍ର, ଗୁରୁ ପ୍ରସାଦ ମହାନ୍ତି, ଜଗନ୍ନାଥ ପ୍ରସାଦ ଦାସ ଆଦି ଓଡ଼ିଆ କବିମାନଙ୍କର ଲେଖାକୁ ଇଂରାଜୀରେ ଅନୁବାଦିତ କରିଛନ୍ତି । "ଭାରତୀୟ ଜୀବନ ବିମା ନିଗମ"ରୁ ଅବସର ଗ୍ରହଣ କରି ସେ ସମ୍ବଲପୁରରେ ବସବାସ କରୁଛନ୍ତି । ସେ ସ୍ଥାପତ୍ୟ ଓ ସମ୍ଭାର ',' ଓଡ଼ିଆ କବିତାର ପୃଷ୍ଠଭୂମି ଓ ପର୍ଯ୍ୟାଲୋଚନା ',' ସାହିତ୍ୟ: ସ୍ୱର ଓ ସ୍ୱରୂପ ',' ସମକାଳୀନ ଓଡ଼ିଆ କବିତା: ଦିଶା ଓ ଦୃଷ୍ଟି ',' ସାହିତ୍ୟ: ସୃଜନ ଓ ସମୀକ୍ଷା ' ଇତ୍ୟାଦି ସମାଲୋଚନା ପୁସ୍ତକ ଗୁଡିକର ରଚୟିତା।
ରଚନାବଳୀ
[ସମ୍ପାଦନା]- ସାଗୁଆ କ୍ଷେତର ସହର - ୧୯୮୮
- ମାଟିପର୍ବ[୩]
- ଅପରମ୍ପରା
- ଅନାବୃତ ଅଜ୍ଞାତବାସ
- ଅଙ୍ଗୀକାର
- ସାରାଂଶ
- ଜୀବନ ପରି ଜୀବନ
- ଦୃଶ୍ୟାନ୍ତରର ନାୟକ
ସମ୍ମାନ ଓ ପୁରସ୍କାର
[ସମ୍ପାଦନା]- ଓଡ଼ିଶା ସାହିତ୍ୟ ଏକାଡେମୀ ସମ୍ମାନ, ୨୦୧୦(ମାଟିପର୍ବ ପାଇଁ)[୪]
- ଝଙ୍କାର କବିତା ପୁରସ୍କାର - ୨୦୧୮ (ପ୍ରଜାତନ୍ତ୍ର ପ୍ରଚାର ସମିତି ପ୍ରଦତ୍ତ)[୫]
- ତୀରତରଙ୍ଗ ସମ୍ମାନ - ୨୦୧୧[୬]
- ବସନ୍ତ ମୁଦୁଲି କବିତା ପୁରସ୍କାର, ୧୯୯୧
- ଗୋକର୍ଣ୍ଣିକା ସମ୍ମାନ
ଆଧାର
[ସମ୍ପାଦନା]- ↑ New Delhi. Ananda Bazar Patrika, Limited. 1979.
- ↑ Sachi Rautroy (1 January 1996). Verticals of Life: Selected Poems of Sachi Raut-Roy. Sahitya Akademi. pp. 8–. ISBN 978-81-260-0138-5.
- ↑ http://www.telegraphindia.com/1130102/jsp/odisha/story_16389014.jsp#.VEI8_FdoEpo
- ↑ http://www.thehindu.com/todays-paper/tp-national/tp-otherstates/sahitya-akademi-awards-presented/article4359663.ece
- ↑ "ଝଙ୍କାର ପୁରସ୍କାର ବିଜେତା" (PDF). ପ୍ରଜାତନ୍ତ୍ର ପ୍ରଚାର ସମିତି. Archived (PDF) from the original on 8 October 2020. Retrieved ୬ ମାର୍ଚ୍ଚ ୨୦୨୨.
{{cite web}}: Check date values in:|accessdate=(help) - ↑ http://www.poemhunter.com/soubhagyabanta-maharana/biography/
| International | |
|---|---|
| National | |
