ଉଇକିପିଡ଼ିଆ:ଆଲୋଚନା ସଭା

ଏହା ଓଡ଼ିଆ ଉଇକିଆଳିଙ୍କ ମଧ୍ୟରେ ଉଇକିପିଡ଼ିଆ ଏବଂ ଅନ୍ୟାନ୍ୟ ଉଇକିମିଡ଼ିଆ ବାବଦରେ ବିଭିନ୍ନ ଆଲୋଚନା ନିମନ୍ତେ । ଏଥିରେ ନିୟମାବଳୀ, ବୈଷୟିକ (technical) ଅସୁବିଧା ଓ ଅନ୍ୟାନ୍ୟ ଉଇକି ଭିତ୍ତିକ ଆଲୋଚନା ହୋଇଥାଏ ।

ଶେଷ ଅଲୋଚନାଗୁଡିକ ୨୦୧୮-୦୭-୧୯ ଦିନ ଉଇକିପିଡ଼ିଆ:ଆଲୋଚନା ସଭା/ଅଭିଲେଖ ୨୩ରେ ସାଇତା ଯାଇଛି ।

ଆପଣମାନେ ଜାଣିଥିବେ ମୁଁ ଏବଂ ଆମ କମ୍ୟୁନିଟିର ଅନ୍ୟ ତିନିଜଣ ସଭ୍ୟଙ୍କ ସହ ଏଇ ବର୍ଷ ଉଇକିମାନିଆରେ ଯୋଗ ଦେଇଥିଲୁ । ମୁଁ ମୋ ଅଭିଜ୍ଞତା ଏବଂ ଶିକ୍ଷା ବିଷୟରେ ଏଠି କିଛି ଲେଖୁଛି ।

• ହ୍ୟାକାଥନରେ ଗେଟେ ଟୂଲ ତିଆରି କରିବା ଆରମ୍ଭ କରିଥିଲି ଯାହା କୌଣସି ଏକ ୱେବସାଇଟରୁ ବହି ସିଧାସଳଖ କମନ୍ସରେ ଅପଲୋଡ଼ କରିବ । ଏହି କାମଟି ଏବେ ଲୋକାଲ କମ୍ପ୍ୟୁଟରରେ ଚାଲିଛି । ସଫଳ ପରଖ wmflabରେ ରଖାଯିବ ।
• ସେଠି ବହୁତ ଲୋକଙ୍କ ସହ ମିଶିବା ସୁଯୋଗ ମିଳିଥିଲା । ଏବଂ ଉଇକିପିଡ଼ିଆରେ ନୁଆ ଜିନିଷ ବିଷୟରେ ଶିଖିବାକୁ ପାଇଥିଲି ।
• ଓଡ଼଼ିଆ ଉଇକିପିଡ଼ିଆର କେତେକ ବୈଷୟୈକ ଅସୁବିଧା ବିଷୟରେ ଆଲୋଚନା କରିବା ସହ ସମାଧାନ ମଧ୍ୟ କରିଥିଲି ।
• ପ୍ରୋଜେକ୍ଟ ଟାଇଗର ବିଷୟରେ ଗୋଟେ ଉପସ୍ଥାପନାରେ ଭାଗ ନେଇଥଲି ଏବଂ ସେଥି କଣ ସବୁ ଅସୁବିଧା ହେଲା ସେଗୁଡିକ କହିଥିଲି ।
• ବିଭିନ୍ନ ଯାଗାର ଫଟୋ ଉଠାଇଥିଲି । କମନ୍ସରେ ଛାଡିଛି ।
• କିଛି ଅଲଗା ଭାରତୀୟ ଉଇକିଆଳିମାନଙ୍କ ସହ ମିଶି ଉଇକିପାଠାଗାର କେମିତି ଉନ୍ନତ ହେଇ ପାରିବ ସେ ବିଷୟରେ କଥା ହେଇଥିଲି ।
• ଓଟିଆରଏସ ଅସୁବିଧା ଗୁଡିକୁ ସମାଧା କରିବା ବିଷୟରେ ମଧ୍ୟ କଥା ହେଇଥିଲି ।

ଏହା ଗୋଟେ ସଂକ୍ଷିପ୍ତ ବିବରଣୀ, ଅଧିକ କିମ୍ବା କିଛି ଗୋଟେ ନିର୍ଦ୍ଦିଷ୍ଟ ବିଷୟରେ ଜାଣିବା ପାଇଁ ମୋ ଅଲୋଚନା ପୃଷ୍ଠାରେ ଲେଖନ୍ତୁ । ଦରକାରୀ ଲିଙ୍କଗୁଡିକ ପରେ ଯୋଡିଦେବି ।

Apologies for writing in English, please consider translating the message

Hello everyone,

This year CIS-A2K is seeking expressions of interest from interested communities in India for hosting the Train-the-Trainer 2019.

Train-the-Trainer or TTT is a residential training program which attempts to groom leadership skills among the Indian Wikimedia community (including English) members. Earlier TTT has been conducted in 2013, 2015, 2016, 2017 and 2018.

If you're interested in hosting the program, Following are the per-requests to propose a bid:

• Active local community which is willing to support conducting the event
  • At least 4 Community members should come together and propose the city. Women Wikimedians in organizing team is highly recommended.
• The city should have at least an International airport.
• Venue and accommodations should be available for the event dates.
  • Participants size of TTT is generally between 20-25.
  • Venue should have good Internet connectivity and conference space for the above-mentioned size of participants.
• Discussion in the local community.

Please learn more about the Train-the-Trainer program and to submit your proposal please visit this page. Feel free to reach to me for more information or email titocis-india.org

Best!

Pavan Santhosh ( MediaWiki message delivery (ମୋ ଆଲୋଚନା) ୧୧:୨୨, ୬ ଜାନୁଆରୀ ୨୦୧୯ (IST) )

କିଛି ଅସୁବିଧା କେହି ଜଣାଇନାହାନ୍ତି । ପରେ ଅସୁବିଧା ହେଲେ ନୁଆ ଆଲୋଚନା ଆରମ୍ଭ କରାଯିବା ।

କିଛିଦିନ ତଳେ ହୋଇଥିବା ଏହି ଅଲୋଚନା ଅନୁଯାୟୀ ଉଇକିପିଡିଆରେ ଵ ଫଳା ବଦଳରେ ବ ଫଳା କରାଗଲା ।

ଫଳାଫଳ ଏଇଆ ହେଲା ଯେ ଯେଊଁଠି ଵ ଫଳା ବ୍ୟବହାର ହେଉଥିଲା ସେଠି ବ ଫଳା ହେଲା, କିନ୍ତୁ ଏବେ ଦେଖା ଯାଉଛି ଯେ ଯେଉଁଠି ବ ଫଳା ଅଛି ସେଇଟା ସେ ଅକ୍ଷର ତଳେ ବ ଫଳା ନ ଦେଖେଇ ବ ଅକ୍ଷର ଦେଖଉଛି ।

ଉତ୍କଳ ବିଶ୍ବବିଦ୍ୟାଳୟରେ ବିଶ୍ବ ବନାନ ଏବେ ଏମିତି ଅଛି "ବରେ ହ୍ରସ୍ୱ ଇ କାର, ଶରେ ବ ଫଳା" ।

ଆସୁବିଧା ଏଇଆ ହଉଛି ଯେ ଏହା ୱିଣ୍ଡୋଜ କମ୍ପୁଟରରେ ଠିକରେ ଦେଖଉନି ହେଲେ ଆଣ୍ଡ୍ରଏଡ଼ରେ ଠିକରେ ଦେଖଉଛି ।

ସମାଧାନ: ବନାନ ଠିକ ଥିଲେବି ରେଣ୍ଡରିଂ ଅସୁବିଧା ପାଇଁ ଏହା ହଉଥିବାରୁ ସମାଧାନ ଗୁଡିକା ହେଲା ।

• ଯେମିତି ଅଛି ସେମିତି ରାଖିଦେବା । (ଆମେ ଯାଣିଛେ ଏଇଟା ଠିକ ବନାନ)
• ବ ଫଳା ବଦଳରେ ୱ ଫଳା ବ୍ୟବହାର କରିବା । (ପ୍ରାୟ ସମସ୍ତେ ବ୍ୟବହାର କରୁଛନ୍ତି)
• ଓଡ଼ିଆ ଉଇକିପିଡ଼ିଆରେ ଦେଖା ଯାଉଥିବା ଫଣ୍ଟ ନୋଟୋକୁ ବଦଳେଇବା । (ନୋଟୋ ସବୁତକ ପ୍ରକାର ମାନେ ବ ୱ ଆଉ ଵ କୁ ବ ଫଳା ହିସାବାରେ ଦେଖଉଛି)
• ଅଲଗା ମତାମତ

ଆପଣଙ୍କ ମତାମତ ଦେବାକୁ ଅନୁରୋଧ ।

ପଦକ୍ଷେପ

ଫେସବକୁ ଆଲୋଚନା ଏବଂ ଅଲଗା ଅଲୋଚନା ପରେ ଏଇଆ କରିବା ବୋଲି ଭାବୁଛି ଯେ ମ ସହ ବ ଫଳା ଥିଲେ ହଳନ୍ତ + ବ ରହିବ ଅନ୍ୟ ସମସ୍ତ ଜାଗାରେ ବ/ୱ ଫଳା ଥିଲେ ହଳନ୍ତ + ୱ ରହିବ ।

ସହମତି ନ ଥିଲେ ମତାମତ ଦିଅନ୍ତୁ ।

ଏଠି 'ବ ଫଳା' ଏହି ବ୍ୟବହାରର ଅର୍ଥ ଆମେ ସ୍ପଷ୍ଟ କରିଦେବା ଉଚିତ ହେବ । ଯେତେଦୂର ମୋର ନିଜର ଗବେଷଣାରୁ ଜାଣିବାକୁ ପାଇଛି ଵ (ପେଟକିଳା ବ) ଏକ ଅକ୍ଷର ଭାବେ କେବେ ସର୍ବସମ୍ମତ ହୋଇ ବ୍ୟବହାରରେ ପ୍ରଚଳିତ ନ ଥିଲା । ଆମ ବର୍ଣ୍ଣମାଳାରେ 'ବ' ଦୁଇ ଥର ଆସେ : ପ ଫ ବ ଭ ମ ଆଉ ଯ ର ଳ ବ ଏଭଳି । 'ୱ' ବର୍ଣ୍ଣ କେବଳ ୧୯୪୦ରେ ପ୍ରହରାଜଙ୍କ ଦ୍ୱାରା ସୃଷ୍ଟ ହୋଇ ପ୍ରଚଳନରେ ଆସିଛି । କିନ୍ତୁ ତାର ଯଥେଷ୍ଟ ପୂର୍ବରୁ 'ୱ' ଉଚ୍ଚାରଣ ଆମ ଭାଷାରେ ଯୁକ୍ତାକ୍ଷରର ଦ୍ୱିତୀୟ ବର୍ଣ୍ଣ ଭାବେ ରହିଆସିଛି (ଉଦା- ବିଶ୍ୱ) । ଏଣୁ 'ଆମ୍ବ'ରେ ଥିବା ଫଳା ଆଉ 'ବିଶ୍ୱ'ରେ ଥିବା ଫଳା ଦେଖିବାକୁ ସମାନ - ଉଭୟ ଗୋଟିଏ କାଳରେ 'ବ ଫଳା' ଭାବେ ପରିଚିତ ହେଉଥିଲା । ଲୋକଙ୍କର ଏହି ସମଝ ନିହିତ ଥିଲା ଯେ 'ମ'ରେ 'ବ ଫଳା' ହେଲେ ଉଚ୍ଚାରଣ 'ମ୍+ବ' ଭଳି ହେବ କିନ୍ତୁ 'ଶ', 'ଜ' ଆଦିରେ 'ବ ଫଳା' ହେଲେ ଉଚ୍ଚାରଣ 'ୱ' ଭଳି ହେବ (ଯେପରି ଜ୍ୱର, ବିଶ୍ୱ) ; ଏଣୁ ଉଭୟକୁ ବ ଫଳା କହିଲେ ମଧ୍ୟ ସ୍ଥାନ ଦେଖି ଉଚ୍ଚାରଣରେ ପାର୍ଥକ୍ୟ ରହୁଥିଲା । ଯେପରି ଆଗରୁ କହିଛି, ଏହି ଜିନିଷ ଲୋକଙ୍କୁ ଫିଟେଇ ବୁଝେଇବାକୁ ପଡ଼ୁନଥିଲା, ଏଇଟା ନିହିତ ଥିଲା ।

ତେବେ ପ୍ରହରାଜେ 'ୱ' ବର୍ଣ୍ଣ ପ୍ରଚଳନ କରାଇବା ପରେ 'ୱ' ଉଚ୍ଚାରଣ ଥିବା ଯୁକ୍ତାକ୍ଷରରେ +ୱ ବୋଲି ସନ୍ଧିବିଚ୍ଛେଦ କରି ଦର୍ଶାଗଲା । ମୁଁ ପାଠ ପଢ଼ିଛି ଏଇ ପଦ୍ଧତିରେ । ଏଣୁ ଆମ୍ବ = ଆ + ମ୍ + ବ କିନ୍ତୁ ବିଶ୍ୱ = ବି + ଶ୍ + ୱ । ଏଣୁ ଫରକଟା କେଉଁଠି ଆସିଲା ବୁଝିପାରୁଥିବେ । ତେବେ ପୂର୍ବର ଉଭୟକୁ 'ବ ଫଳା' ବୋଲିବା ଅଭ୍ୟାସ ଆମର ଏବେ ମଧ୍ୟ ରହିଛି । ଐତିହାସିକ ଜିନିଷ ।

ଜ୍ଞାନ ଭାଇ ଉପରେ ଯେଉଁ ଅର୍ଥରେ 'ବ ଫଳା' ବ୍ୟବହାର କରିଛନ୍ତି ଯେତେଦୂତ ମୁଁ ବୁଝିପାରୁଛି, ତାର ଅର୍ଥ ହେଲା '+ ବ' । + ୱ କୁ 'ୱ ଫଳା' ଲେଖିଛନ୍ତି । ଏହା ସରଳ ଓ ବିନା କଷ୍ଟରେ ବୁଝିହେଉଛି । ଆମ ଭିତରେ ଆଲୋଚନାରେ ଏହି କଥାକୁ ନେଇ ସମସ୍ତେ ସ୍ପଷ୍ଟ ଥିଲେ ଆଲୋଚନାରେ ଦିଗହରା ହେବା ଭୟ କମ ।

ମୋର ନିଜସ୍ୱ ସମର୍ଥନ 'ୱ ଫଳା' ବା (+ୱ) ଲାଗି । ତେବେ ଏହି ବିଷୟକୁ ନେଇ ଗୁଡ଼ାଏ କନଫିଉଜନ ଥିବା ଲକ୍ଷ୍ୟ କରିପାରୁଛି । ଆମର ଆଗାମୀ ସଭାରେ ଏହାର ଗୋଟେ ସମ୍ପୂର୍ଣ୍ଣ ଆଲୋଚନାଚକ୍ର ରଖିଲେ ଭଲ ହୁଅନ୍ତା ।

ଉପର ମତରେ ଏକମତ । ତେବେ କେବଳ ଏତିକି କହିବି ଯେ ଫଣ୍ଟ ନିର୍ବିଶେଷରେ ଯୁକ୍ତାକ୍ଷରରେ ଥିବା ବ ଫଳା ଉଭୟ "ଆମ୍ବ" ଓ "ବିଶ୍ୱ"ରେ ଯେମିତି ତଳେ ବଡ଼ ଲାଞ୍ଜିଆ "u" ଭଳି ଦିଶୁଥିବ । (ଆଉଟପୁଟ ଦୃଷ୍ଟିକୋଣରୁ କହୁଛି)

ଅସୁବିଧାଗୁଡିକା ଠିକ କରାଗଲା

ମ ଛଡା ଅନ୍ୟ ସ୍ଥାନରେ ୱ ଫଳା ରଖାଗଲା ।

ଆଗକୁ ଦେଖିବା କଥା:

କିଛି ଟାଇପଙ୍ଗ ଟୁଲରେ ବିନ୍ଦୁ ବ ଆସୁଛି, ସେଇଟା ଦେଖିବାକୁ ପଡିବ ।

ହୋଇଗଲା

ଉଇକିପିଡ଼ିଆରେ ବନାନକୁ ନେଇ ସବୁବେଳେ ଦ୍ୱନ୍ଦ ଉପୁଜିଲେ ଗୋଟେ ବାଟ । ପାଠ୍ୟପୁସ୍ତକରେ ପ୍ରଚଳିତ ବନାନକୁ ଅଗ୍ରାଧିକାର ଦିଆଯାଏ । କୌଣସି ଶବ୍ଦ ନୂଆ (ଯଥା ଆର୍ଟିଫିସିଆଲ ଇଣ୍ଟେଲିଜେନ୍ସ, ଫିନଟେକ ଆଦି) ପାଠ୍ୟପୁସ୍ତକରେ ନଥିଲେ ସେଠାରେ ଉଇକିପିଡ଼ିଆ ସମୂହ ମିଶି ବନାନଟିଏ ବାଛନ୍ତି । ତେବେ ଅନେକ ଦିନରୁ ପ୍ରଚଳିତ ବନାନରେ ଅନେକ ଦ୍ୱନ୍ଦାତ୍ମକ ବନାନର ବ୍ୟବହାର ପରିଲକ୍ଷିତ ହୋଇଛି । ସବୁଠୁ ବଡ଼ ହେଲା "ବ" ବଦଳରେ "ଵ"ର ବ୍ୟବହାର । ଓଡ଼ିଆରେ ସାଧାରଣ ପ୍ରଚଳନରେ କେବଳ "ବ" ବ୍ୟବହୃତ ଓ ଫଳା ଭାବେ "୍ବ" ବ୍ୟବହୃତ । "ଵ" ସାଧାରଣ ବ୍ୟବହାର ନ ଥିବାରୁ ସର୍ଚ ଓ ଏକା ନାମରେ ଦୁଇଟି ପ୍ରସଙ୍ଗ ତିଆରି ଭଳି ଦ୍ୱନ୍ଦ ଉପୁଜୁଛି । ଏଣୁ ପାଠ୍ୟପୁସ୍ତକର ବନାନ ଆଧାରରେ ଆମକୁ ବଟ ବ୍ୟବହାର କରି ଦ୍ୱନ୍ଦାତ୍ମକ ବନାନଗୁଡ଼ିକୁ ସୁଧାରିବାକୁ ପଡ଼ିବ । ତେବେ ବଟରେ ଏକାଥରେ ଅନେକ ଶବ୍ଦର ବନାନଶୁଦ୍ଧି କରାଯିବା ଆଗରୁ ସମସ୍ତଙ୍କ ମତ ମାଗିବା ବିଧେୟ ବୋଲି ଆମେ କେତେଜଣ ପରିଚାଳକ ଭାବୁଛୁ । କାହାରି ଆପତ୍ତି ଥିଲେ ତଳେ ଜଣାଇବେ । ଆପତ୍ତି ନ ଥିଲେ ସହମତି ଦେବେ । ସପ୍ତାହେ ଭିତରେ କୌଣସି ଆପତ୍ତି ନ ଆସିଲେ ବଟ ଚଳାଯିବ ।

ସହମତ ।

ସ‌ହମତ

ସହମତ

@Psubhashish ଭାଇ, ଉପରଲିଖିତ ଅକ୍ଷର ବଦଳରେ ମୁଁ ସହମତ, ଏହା ଛଡ଼ା ଯଦି ଆହୁରି କିଛି ଅକ୍ଷର ସବୁ ବଦଳ ହେବ ତାହା ଏଠାରେ ଜଣାଇଲେ ସଭିଙ୍କୁ ମତ ଦେବାରେ ସୁବିଧା ହେବ । (@Soumendrak)

ଏବେ କେବଳ ଏଇ ଅକ୍ଷର ଥିବା ଶବ୍ଦଗୁଡ଼ିକ । ଥରେ ଥରେ କରି କରିବା କାରଣ ଏକାଥରେ ଗୁଡ଼େ ବଦଳିଯିବ । କିଛି ଭୁଲ ଭଟକା କାଳେ ହେବ ଗୋଟେ ଗୋଟେ କରି କରିବା । ଯଦି ଆପଣଙ୍କ ଆଖିରେ ଏମିତି ଏକାଧିକ ଦ୍ୱନ୍ଦାତ୍ମକ ବନାନ ଆଖିରେ ପଡୁଛି ତାହେଲେ ଜଣେଇବେ । ମୋ ଆଖିରେ ଆଉଗୋଟେ ପଡ଼ିଛି । ତା' ହେଲା ଅନେକ ସ୍ଥାନରେ ପୂର୍ଣ୍ଣଚ୍ଛେଦ " ।" ଆଗରୁ ସ୍ପେସ ନାହିଁ । ଏହା ଆବଶ୍ୟକ ଓ ସ୍ପେସ ବିନା କେବେ କେବେ ଅ-କାରାନ୍ତ ଶବ୍ଦ ଆକାରାନ୍ତ ଶବ୍ଦ ଭଳି ଦିଶିପାରେ ।

ଠିକ କଥା କହିଲେ । ଏହି ପ୍ରସଙ୍ଗ ସଂକ୍ରାନ୍ତ ହୋଇନଥାଇପାରେ ତଥାପି ଏହା ଛଡ଼ା କିଛି ଦ୍ଵନ୍ଦାତ୍ମକ ଶବ୍ଦ/ଅକ୍ଷର ଯାହା ମୋ ନଜରକୁ ଆସିଛି ନିମ୍ନରେ ମୁଁ ଲେଖିଛି:

୧। ଡ଼ ବା ଡ ଭଳି ଅକ୍ଷର

୨। ହଳନ୍ତ ଏବଂ ରେଫ ର ବ୍ୟବହାର ଯାହାକି ଅଯଥା ଯୁକ୍ତାକ୍ଷର ସୃଷ୍ଟି କରୁଛି

୩। "ଓଡ଼ିଶାରେ" ନା "ଓଡ଼ିଶା ରେ" (ଏଇଟା ବୋଧେ ଏବେ ବଟ ଦ୍ୱାରା ଠିକ ହେଉଛି )

ଆହୁରି ମାନେ ପଡିଲେ ଏଠି ବଦଳ କରିଦେବି ।

କୌଣସି ଅସହମତି ବା ଭିନ୍ନ ମତ ଶେଷ ତାରିଖ ସୁଦ୍ଧା ଆସିନଥିବାରୁ @Jnanaranjan sahuଙ୍କୁ ଅନୁରୋଧ ବଟ ଚଳାଇ ବନାନ ସଂଶୋଧନ କରିବା ପାଇଁ ।

Y ହୋଇଗଲା ।

ଏହି ଅକ୍ଟୋବର ମାସରେ ଉଇକି ଓମ୍ୟାନ ଫର ଓମ୍ୟାନ ୱେଲବିଙ୍ଗ (ମହିଳା କଲ୍ୟାଣ ପାଇଁ ଉଇକି ମହିଳା) ନାମକ ଏକ ପ୍ରକଳ୍ପ ଆୟୋଜିତ ହେବ । କିଛି ଡ଼ାକ୍ତର ଏବଂ ଡ଼ାକ୍ତରୀ ଛାତ୍ରଛାତ୍ରୀଙ୍କ ସହିତ ସହବନ୍ଧିତ ହୋଇ ମହିଳାମାନଙ୍କର ବିଭିନ୍ନପ୍ରକାର ସ୍ୱାସ୍ଥ୍ୟ ସମସ୍ୟା ବିଷୟରେ ମାସବ୍ୟାପୀ ପ୍ରସଙ୍ଗ ତିଆରି ଏହାର ମୂଳ ଉଦ୍ଦେଶ୍ୟ । ପ୍ରକଳ୍ପ ସମ୍ପର୍କରେ ସବିଶେଷ ବିବରଣୀ ଆପଣ ଏହିଠାରୁ ପାଇପାରିବେ । ନିମ୍ନଲିଖିତ ପ୍ରଶ୍ନ କେତୋଟିର ଉତ୍ତର ଦେବା ସହିତ ନିଜସ୍ୱ ପ୍ରସ୍ତାବ ମଧ୍ୟ ଆଜିସୁଦ୍ଧା ଦେବାକୁ ଅନୁରୋଧ ।

• ଅନଲାଇନ ଗଣସମ୍ପାଦନା ବ୍ୟତୀତ ଅଫଲାଇନ ଗଣସମ୍ପାଦନା କରିପାରିବା କି?
• ପ୍ରତିଯୋଗିତାଟିଏ କରିବା ଉଚିତ ହେବ କି ?
• ପୁରସ୍କାରର ବ୍ୟବସ୍ଥା କରିବା ଉଚିତ କି? ଯଦି ହଁ, ତାହା ସମ୍ବନ୍ଧରେ ପ୍ରସ୍ତାବ ଦିଅନ୍ତୁ ।
• କିଛି ଲୋଗୋ ଏବଂ ସ୍ୱାଗ ଜିନିଷ ପ୍ରସ୍ତୁତ କରାଯାଉଛି । କିଏ ଏହାର ଦାୟିତ୍ୱ ନେବେ ନେଇପାରିବେ?
• ସହଭାଗୀମାନଙ୍କୁ କଣ ଦେବା ଉଚିତ - କାର୍ଡ଼, ଷ୍ଟିକର ଇତ୍ୟାଦି?
• ସହବନ୍ଧିତ ଡ଼ାକ୍ତର ଏବଂ ଡ଼ାକ୍ତରୀ ଛାତ୍ରଛାତ୍ରୀଙ୍କ ପାଇଁ ସ୍ଥାନୀୟ ପ୍ରଶିକ୍ଷଣ କର୍ମଶାଳାଟିଏ ଆୟୋଜନ କରିହେବ କି?
• ସମସ୍ତ ଭାରତୀୟ ଭାଷାର ଉଇକିପିଡ଼ିଆ ପ୍ରତିଦିନ ଗୋଟିଏ ବିଷୟରେ ହିଁ ପ୍ରସଙ୍ଗ ଲେଖିବା ଠିକ ହେବ?
• ଉଇକିପିଡ଼ିଆ ବ୍ୟତୀତ ଉଇକିମିଡ଼ିଆ କମନ୍ସ ଏବଂ ଉଇକିଡ଼ାଟାରେ ମଧ୍ୟ ଏହି ବିଷୟରେ ଗଣସମ୍ପାଦନା ଆୟୋଜନ କରିପାରିବା କି?
• ସାଧ୍ୟମତେ କୌଣସି ଦାୟିତ୍ୱ ନେଇପାରିବେ:

1. ସୋସିଆଲ ମିଡ଼ିଆ
2. ଉଇକି-ମେଡ ସହଭାଗିତା
3. ପ୍ରସଙ୍ଗସୂଚୀର ଦାୟିତ୍ୱ
4. ପଚରାଯିବାକୁ ଥିବା ପ୍ରଶ୍ନଗୁଡ଼ିକ ଉତ୍ତର ପ୍ରସ୍ତୁତି / ଥେସିସ / ଉଇକି-କାର୍ଯ୍ୟକ୍ରମ ଏବଂ ସମ୍ପାଦନା ସମ୍ପର୍କୀୟ ନିର୍ଦେଶାବଳୀ ନିର୍ଦ୍ଧିଷ୍ଟ କରିବା
5. ଲୋଗୋ ପ୍ରସ୍ତୁତି
6. ଉତ୍ତମମାନର ଲେଖାପାଇଁ ନିର୍ଦ୍ଦେଶାଵଳୀ
7. ସାଇଟ ନୋଟିସ 
8. ହିସାବନିକାସ
9. ଚିକିତ୍ସା ସମ୍ପର୍କୀୟ ଡିକ୍ସିନାରୀ
10. ପ୍ରମାଣପତ୍ରର ପ୍ରସ୍ତୁତି

@Gayatree Tripathy, ଅଫଲାଇନ ବାବଦରେ @Saileshpat କହିପାରିବ । ପ୍ରତିଯୋଗିତା କଲେ ଭଲ ହେବ । ପୁରସ୍କାର ଭାରି ଦ୍ୱନ୍ଦାତ୍ମକ ଜିନିଷ ହେଲେ ସେଥିରେ ପଇସା ବଦଳରେ ଅନ୍ୟ କିଛି କାମରେ ଆସିବା ଭଳି ଜିନିଷ (ଡାଟାପ୍ୟାକ କିମ୍ବା ଯିବା ଆସିବା ଖର୍ଚ୍ଚ ଆଦି) ରଖିଲେ ଭଲ । ଲୋଗୋ ଡିଜାଇନରେ ସାହାଯ୍ୟ କରିପାରିବି । ପୋଷ୍ଟକାର୍ଡ଼ ଆଉ ଷ୍ଟିକର ଦେଲେ ଭଲ ହେବ । ଡାକ୍ତର ଓ ଡାକ୍ତରୀ ଛାତ୍ରଛାତ୍ରୀମାନେ କର୍ମଶାଳା ପରେ ସକ୍ରିୟ ରହିବା ସନ୍ଦେହଜନକ କାରଣ ସେମାନେ ବ୍ୟସ୍ତ ଲୋକ ତଥାପି @Subas Chandra Rout ଏ ବାବଦରେ କହିପାରିବେ । କମନ୍ସରେ ହୁଏତ ଛବି ଥାଇପାରେ ଆଗରୁ ତେବେ ସେଥିରେ ଓ ଉଇକିଡାଟା ଉପରେ କିଛି ଫୋକସ ରହିଲେ ଭଲ । କେତେ ଦିନ ହାତରେ ରହିବା ତା' ଉପରେ ନିର୍ଭର କରୁଛି । ଲିଖନଶୈଳୀ ଓ ଲୋଗୋ ଡିଜାଇନ ପାଇଁ ସାହାଯ୍ୟ କରିପାରିବି ।

ଶୁଭ ଭାଇ ମତାମତ ଏବଂ ସହଯୋଗ ପାଇଁ ଅଶେଷ ଧନ୍ୟବାଦ ।

@ଗାୟତ୍ରୀ, ଉଇକି ବିଜ୍ଞାନ ମାସରେ ଖାଲି ସ୍ୱାସ୍ଥ୍ୟ ସମ୍ପର୍କିତ ଲେଖା ଆରମ୍ଭ ବା ଉନ୍ନତ ହେବନି, ଏହି ମାସରେ ବିଜ୍ଞାନ ସମ୍ବନ୍ଧିତ ଅନ୍ୟାନ୍ୟ ପ୍ରସଙ୍ଗ ମଧ୍ୟ ରହିପାରିବ । ଯେମିତିକି କମ୍ପୁଟର ବିଜ୍ଞାନ, ପରିବେଶ ବିଜ୍ଞାନ ଇତ୍ୟାଦି । ଏହି ପ୍ରକଳ୍ପ ସ‌ହିତ ପ୍ରଦୂଷଣ ଓ ଅଳିଆ ଆବର୍ଜନା ବିଷୟରେ କିଛି ନୂଆ କାମ ମଧ୍ୟ ଯୋଡ଼ାଯିବାକୁ ରାଞ୍ଚିରେ ଅନୁଷ୍ଠିତ WATରେ ଆଲୋଚନା ହୋଇଥିଲା, ଯାହାକି ମହୀଶୂର TTTରେ ପ୍ରଥମ କରି ପ୍ରସ୍ତାବ ଆଗତ କରାଯାଇଥିଲା । ସେତେବେଳେ ଏହାକୁ "Wiki Hate Pollution" ଭାବରେ ହିଁ ଆଲୋଚନା ହୋଇଥିଲା, ପରବର୍ତ୍ତୀ ସମୟରେ ଏହାକୁ ସ୍ୱତନ୍ତ୍ର ନ କରି ବିଜ୍ଞାନ ପ୍ରକଳ୍ପ ସ‌ହିତ ଯୋଡ଼ିବାକୁ ପ୍ରସ୍ତାବ ରଖାଯାଇଥିଲା । ଆମେ ବିଜ୍ଞାନ ପ୍ରକଳ୍ପ କଲେ, ସେଥିରେ ଏହାକୁ ମଧ୍ୟ ଯୋଡ଼ିପାରିବା ।

ଆଉ ଖାଲି ମାସସାରା ନୂଆ ପ୍ରସଙ୍ଗ ତିଆରି ନ କରି, ପୁରୁଣା ପ୍ରସଙ୍ଗକୁ ଉନ୍ନତ କରାଇପାରିଲେ ଭଲ ହୁଅନ୍ତା । ଆଉ ପୁରସ୍କାର ବ୍ୟବସ୍ଥା ରହିଲେ ମଧ୍ୟ ଭଲ, କିନ୍ତୁ ଏମିତି କିଛି ପୁରସ୍କାର ରହିବା ଦରକାର, ଯାହାକି ସମସ୍ତଙ୍କୁ ଆକୃଷ୍ଟ କରିବ । ନ ହେଲେ ଯଦି କାହାକୁ ପ୍ରଥମ ପୁରସ୍କାର ମିଳିଯିବ ବୋଲି ଜଣେ ଜାଣିବ, ନିଜେ ମଧ୍ୟ ଲେଖିବା ବନ୍ଦ କରିଦେବେ । ଫଳରେ ପ୍ରୋଜେକ୍ଟ ଟାଇଗର ସମୟରେ ଇଂରାଜୀ ଉଇକିପିଡ଼ିଆ ଭଳି ଆମର ମଧ୍ୟ ସମାନ ଅବସ୍ଥା ହୋଇଯିବ । ତେଣୁ ପ୍ରତିଯୋଗୀତାରେ ଭାଗ ନେବାକୁଥିବା ସଭିଙ୍କୁ ଯଦି ଆମେ ପୋଷ୍ଟକାର୍ଡ଼ ଆଦି ଦେଇପାରିବା, ତେବେ ଭଲ ହେବ । ବାକିତକ ପାଇଁ ମୁଁ @ଶୁଭ ଭାଇଙ୍କ ସ‌ହ ଏକମତ

ଯଦିଓ ଏବର୍ଷର ବିଷୟବସ୍ତୁ ମହିଳାଙ୍କ ସ୍ୱାସ୍ଥ୍ୟ ସମସ୍ୟା ରହିଛି, ଅନ୍ୟ ବିଜ୍ଞାନ ସମ୍ବନ୍ଧୀୟ ବିଭାଗ ଯୋଡ଼ିପାରିଲେ ବି ଭଲ ହେବ । ଗପୁ ଭାଇ ମତାମତ ପାଇଁ ଅଶେଷ ଧନ୍ୟବାଦ ।

ଅଫଲାଇନ କାରିବାପରିବା ସେଥିପାଇଁ ଆର୍ଥିକ ସହାୟତା ଦରକାର ଯାହକି ସିଆଇଏସ କିମ୍ବା ଉଇକିମିଡ଼ିଆ ଫାଉଣ୍ଡେସନକୁ ମାଗିପାରରିବା ।

ପ୍ରତିଯୋଗିତା ଯେ କେହି କରିପାରିବେ ।

ପୁରସ୍କାରର ବ୍ୟବସ୍ଥା କଲେ କିଛି ଅସୁବିଧା ନାହିଁ ହେଲେ ଯେମିତି ପୁରସ୍କାର ଲୋଭରେ ଲୋକମାନେ ନ ଲେଖିବେ ସେଥିପାଇଁ ଛୋଟ ପୁରସ୍କାର ରଖିଲେ ଭଲ ।

ଲୋଗୋ ପାଇଁ @Psubhashish ଭାଇ ସାହାଯ୍ୟ କରିପାରିବେ ।

ଆମେ ଖାଲି ନୂଆ ପ୍ରସଙ୍ଗ ଲେଖିବା ପାଇଁ ନ ରଖି, ପୁରୁଣା ପ୍ରସଙ୍ଗ ପାଇଁ ଉନ୍ନତ କରୁଥିବା ବ୍ୟବ‌ହାରକାରୀଙ୍କ ପାଇଁ କିଛି ଛୋଟ ପୋଷ୍ଟକାର୍ଡ଼ ଭଳି ପୁରସ୍କାର ରଖିଲେ ଭଲ । ଫଳରେ ନୂଆ ପ୍ରସଙ୍ଗ ଲେଖିବା ପରିବର୍ତ୍ତେ ପୁରୁଣ ପ୍ରସଙ୍ଗକୁ ଉନ୍ନତ କରିବା ପାଇଁ ଅଧିକ ବ୍ୟବ‌ହାରକାରୀ ଦୃଷ୍ଟି ଦେଇପାରନ୍ତି ।

ମତାମତ ପାଇଁ ଧନ୍ୟବାଦ, ଜ୍ଞାନ ଭାଇ । ପୁରସ୍କାର ବାବଦରେ ଶୁଭ ଭାଇଙ୍କ ସହ ଏକମତ ।

ଗପୁ ଭାଇ: ପ୍ରକଳ୍ପ ପୃଷ୍ଠାରେ ନୂଆ ତିଆରି ହେବାକୁ ଥିବା ପ୍ରସଙ୍ଗ ସୂଚୀ ସହିତ ଉନ୍ନତ ହେବାକୁ ଥିବା ପ୍ରସଙ୍ଗମାନଙ୍କର ତାଲିକା ରଖିଲେ ଭଲ ହେବ । କମ ସମୟ ଥିଲେ, ଜଣେ ସେହି ପ୍ରସଙ୍ଗଗୁଡ଼ିକୁ ଉନ୍ନତିକରଣ କରିପାରିବ ।

ଏଠାରେ ପ୍ରାୟ ୧୫ ଦିନରୁ ଅଧିକ ଦିନ ହେଲା କିଛି ଆଲୋଚନା ହେଉନାହିଁ । ଏହି ବିଜ୍ଞାନ ମାସ ନିମିତ୍ତ କିଛି ପ୍ରସ୍ତୁତି ଚାଲୁଅଛି କି ? @ସମସ୍ତଙ୍କୁ

ମୁଁ ଆଜି ଟିଟୋ ପଠାଇଥିବା ମେଲଟିଏ ଆମ ମେଲିଂ ଲିଷ୍ଟକୁ ପଠାଇଛି । ଉଇକିଡାଟାରେ ଆଗରୁ ସକ୍ରିୟ ଥିବା ଉଇକିଆଳିମାନେ ଏଥିରେ ଭାଗନେଇ ଉଇକିଡାଟା ବାବଦରେ ଅଧିକ ଶିଖିପାରିବେ ଓ ତାଙ୍କ ନିଜ ସମୂହକୁ ଉଇକିଡାଟା ବାବଦରେ ଅଧିକ ତାଲିମ ଦେଇପାରିବେ । ଏଥିପାଇଁ ଉଇକିଆଳିମାନଙ୍କୁ ଅନୁରୋଧ ଥରେ ଏ ବାବଦରେ ଏହି ଲିଙ୍କରୁ ସବିଶେଷ ପଢ଼ି ଯେଉଁ ଉଇକିଆଳି ଏଥିରେ ଭାଗ ନେବା ପାଇଁ ଆପଣଙ୍କୁ ଯୋଗ୍ୟ ବୋଲି ଲାଗୁଛନ୍ତି ତାଙ୍କ ନାମ ଏଠି ସପ୍ତାହେ ଭିତରେ (ଡିସେମ୍ବର ୩-୪ ତାରିଖ ସୁଦ୍ଧା) ଲେଖିବେ ।

କର ଭାଇନା ଗଲେ ଭଲ ହୁଅନ୍ତା ।

ମୁଁ କରବାବୁଙ୍କୁ ଯିବାକୁ ଅନୁରୋଧ କରୁଛି ।

ମୃତ୍ୟୁଞ୍ଜୟ କର

ମୃତ୍ୟୁଞ୍ଜୟ ଭାଇଙ୍କୁ ଯିବାକୁ ଅନୁରୋଧ।

@MKar ତାଙ୍କୁ ତାହେଲେ ଜଣାଇଦେବା? ମୋର ବି ବାକିମାନଙ୍କ ମତରେ ସହମତି । ;)

ମୋର ବି ସହମତି ।

ଉପରୋକ୍ତ କର୍ମଶାଳା ନିମନ୍ତେ ଯୋଜନା ପ୍ରସ୍ତୁତ କରିବା ବେଳେ ଟିଟୋ ମୋ ସହ ଆଲୋଚନା କରିଥିଲେ । ଏଥିରେ ଯୋଗଦେବା ନିମନ୍ତେ ମୁଁ ଆବେଦନ କରିସାରିଛି ।

ସମସ୍ତଙ୍କୁ ଧନ୍ୟବାଦ :)

ଇଏ ତ "ତୁ ଗୁହାରି କରିବୁ ଯାହାକୁ, ମୁଁ ଘଇତା କରିଛି ତାହାକୁ" ସିଚୁଏସନ! :)

ମାର୍ଚ୍ଚ ୨୯ରୁ ମାର୍ଚ୍ଚ ୩୧ ଯାଏ ଜର୍ମାନୀର ବର୍ଲିନଠାରେ ଉଇକିମିଡ଼ିଆ ସମିଟ ୨୦୧୯ ଅନୁଷ୍ଠିତ ହେବ । ଏଥିରେ ଉଇକିମିଡ଼ିଆ ମୁଭମେଣ୍ଟ ଷ୍ଟ୍ରାଟେଜି ବା ଆଗକୁ ଉଇକିମିଡ଼ିଆ ଚଳାଇବା ପାଇଁ ରଣନୀତି ତିଆରି ବାବଦରେ ଉଇକିମିଡ଼ିଆର ସହଯୋଗୀ ଅନୁଷ୍ଠାନସବୁ ଏକାଠି ମିଶି କାମକରିବେ । ଆମ ଓଡ଼ିଆ ଉଇକିମିଡ଼ିଆନ୍ସ ଇଉଜର ଗ୍ରୁପ ମଧ୍ୟ ଏକ ସହଯୋଗୀ ଓ ଆମେ ଜଣେ ଉଇକିଆଳିଙ୍କୁ ଏହି ଗୁରୁତ୍ତ୍ୱପୂର୍ଣ୍ଣ ୩ ଦିନିଆ କାର୍ଯ୍ୟକ୍ରମରେ ଭାଗନେବାକୁ ମନୋନୀତ କରିପାରିବା । ତାଙ୍କ ଯିବା ଆସିବା ଓ ରହିବା ଖର୍ଚ୍ଚ ଆଦି ଏହାର ଆୟୋଜକମାନେ ଉଇକିମିଡ଼ିଆର ବାର୍ଷିକ ବଜେଟରୁ ଆସିଥିବା ଏକ ଅନୁଦାନରୁ ବହନ କରିବେ । ଏହା ପାଇଁ ଆବେଦନର ଶେଷ ତାରିଖ ଡିସେମ୍ବର ୧୭ ତାରିଖ ଯାଏ ଥିବାରୁ ଆମେ ଡିସେମ୍ବର ୫ ତାରିଖ ସୁଦ୍ଧା ମନୋନୟନ କାମ ଶେଷ କରିପାରିଲେ ଭଲ ହେବ । ଏଥି ପାଇଁ ଇଚ୍ଛୁକ ଉଇକିଆଳିମାନେ ନିଜେ ନିଜକୁ ମନୋନୟନ କରିପାରିବେ ବା ଜଣେ ଉଇକିଆଳି ଆଉ ଜଣେ ଉଇକିଆଳିଙ୍କୁ ବି ମନୋନୟନ କରିପାରିବ । ମୁଁ ତଳେ ପ୍ରୀତିରଞ୍ଜନ ତ୍ରିପାଠୀଙ୍କୁ ମନୋନୟନ କରୁଛି ଫଳରେ ବାକିମାନେ ସମାନ ଢାଞ୍ଚାରେ ଅନ୍ୟ ଉଇକିଆଳିଙ୍କୁ ମନୋନୟନ କରିପାରିବେ । ଏ ମନୋନୟନଟି ଉଭୟ ସତସତିକା ମନୋନୟନ ଓ ଉଦାହରଣ ।

ମନୋନୟନ କଲାବେଳେ ପ୍ରାର୍ଥୀଙ୍କ ଯୋଗଦାନ କେଉଁ କେଉଁ ବିଶେଷ କ୍ଷେତ୍ରରେ ଆମ ଉଇକିପିଡ଼ିଆ ପାଇଁ ଲାଭ ଦାୟକ ହେବ ତା' ଲେଖିପାରିଲେ ଭଲ ହେବ । କୌଣସି ପ୍ରାର୍ଥୀଙ୍କୁ ସମର୍ଥନ ଦେବା ପାଇଁ ତାଙ୍କ ନାମ ତଳେ ବୁଲେଟ ପଏଣ୍ଟ କରି ନିଜ ମତ ଲେଖିପାରିବେ । ଏ ଲେଖାର ଡାହାଣ ପାଖରେ ଥିବା ତିନୋଟି ଡଟ ଉପରେ କର୍ସର ରଖିଲେ "Edit title"ରେ କ୍ଲିକ କରି ନୂଆ ପ୍ରାର୍ଥୀଙ୍କ ନାମ ତଳେ ଯୋଡ଼ିପାରିବେ ଓ ପୁରୁଣା ପ୍ରାର୍ଥୀଙ୍କ ବାବଦରେ ନିଜ ମତ ଦେଇପାରିବେ । ମତ ଦେଲା ପରେ ଏକ ଲୋକ ଭଳି ଦିଶୁଥିବା ଆଇକନରେ କ୍ଲିକ କରି ନିଜ ବ୍ୟବହାରକାରୀ ନାମ ବନ୍ଧନୀ ଭିତରେ ଲେଖିବେ । ମୁଁ ତଳେ ଯେମିତି ଲେଖିଛି ତାକୁ ଛାଞ୍ଚ ଭଳି ବ୍ୟବହାର କରିପାରିବେ ।

ପ୍ରୀତିରଞ୍ଜନ ତ୍ରିପାଠୀ (ବ୍ୟବହାରକାରୀ:Hellohappy)

• ସମର୍ଥନ: ବ୍ୟକ୍ତିତ୍ୱମାନଙ୍କ ଉପରେ ଥିବା ଲେଖାରେ ନେତୃତ୍ୱ ଓ ଆଗରୁ ଗଣସମ୍ପାଦନା ଓ ଉଇକିପିଡ଼ିଆ ଏଜୁକେସନ ପ୍ରୋଗ୍ରାମ ଆଦି ଉପରେ ଗୁରୁତ୍ତ୍ୱପୂର୍ଣ୍ଣ ପରାମର୍ଶ ଦେଇଛନ୍ତି । ଏସବୁକୁ ଭିତ୍ତି କରି ଏ କାର୍ଯ୍ୟକ୍ରମରେ ଭାଗନେଲେ ଏଥିରେ ବିଭିନ୍ନ ଆଲୋଚନାରେ ଭାଗନେଇ ଜ୍ଞାନ ଦିଆନିଆ ଆଉ ଓଡ଼ିଆ ଉଇକିପିଡ଼ିଆ ଓ ବାକି ଉଇକିମିଡ଼ିଆ ପ୍ରକଳ୍ପରେ କଣ କଣ ଉନ୍ନତ କରାଯାଇପାରିବ ସେ ବାବଦରେ ପରାମର୍ଶ ଦେଇପାରିବେ । (@Psubhashish)

• ସମର୍ଥନ: ପ୍ରୀତି ଭାଇଙ୍କୁ ମୁଁ ଯେବେଠାରୁ ଜାଣିଛି, ସେ ପ୍ରାୟ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ (ଓଡ଼ିଆ ଉଇକିପିଡ଼ିଆରେ ଆବଶ୍ୟକ ହେଉଥିବା ପ୍ରସଙ୍ଗ) ଉପରେ ଲେଖାଲେଖି କରନ୍ତି ଏବଂ ଅଧାର ନଥିବା ପ୍ରସଙ୍ଗ କିମ୍ବା ଉଇକିପିଡ଼ିଆର ନୀୟମକୁ ଧ୍ୟାନରେ ରଖି ଅଲଗା ପ୍ରସଙ୍ଗକୁ ମଧ୍ୟ ଠିକ୍‌ଠାକ୍ କରନ୍ତି । ତେଣୁ ଏଥର ସମିଟ୍‌ରେ ସେ ଯୋଗଦେଲେ ଓଡ଼ିଆ ଉଇକିପିଡ଼ିଆକୁ ଲାଭ ହେବ ବୋଲି ମୋତେ ବି ଲାଗୁଛି ।-ଗପୁ (ମୋ ଆଲୋଚନା) ୧୭:୩୪, ୧୯ ନଭେମ୍ବର ୨୦୧୮ (IST)
• ସମର୍ଥନ: ପ୍ରୀତି ଭାଇ ସ୍ୱୟଂ ଅତିଉନ୍ନତ୍ତ ସମ୍ପାଦନା କରିବା ସହ ଅନବରତ ଅନ୍ୟମାନଙ୍କୁ ସଠିକ ପରାମର୍ଶ ମଧ୍ୟ ଦେଇ ଆସୁଛନ୍ତି । ତାଙ୍କର ପୂର୍ବ ଅନୁଭବ ଏବଂ କାର୍ଯ୍ୟଶୈଳୀ ଯୋଗୁଁ ହେବାକୁ ଯାଉଥିବା ସମ୍ମିଳନୀରେ ନିଜେ ଅନେକ ନୂତନ କାର୍ଯ୍ୟ ପ୍ରଣାଳୀ ଶିଖିବା ସହ, ପରେ ଆସି ଆମମାନଙ୍କୁ ଧୈର୍ଯ୍ୟର ସହ ଶିଖାଇ ମଧ୍ୟ ପାରିବେ, ଯାହାଦ୍ୱାରା ଓଡ଼ିଆ ଉଇକିର ଉନ୍ନତି ସୁନିଶ୍ଚିତ । (@Soumendrak)
• ସମର୍ଥନ: ୧. ମୃତ୍ୟୁଞ୍ଜୟ କର ୨. ପ୍ରୀତିରଞ୍ଜନ ତ୍ରିପାଠୀ ୩. ହରିହର ଶତପଥୀ ସାର ୪. ସୁବାସ ଚନ୍ଦ୍ର ରାଉତ ସାର । ଏହି ମାନଙ୍କ ଭିତରୁ ଯିଏ ବି ଇଚ୍ଛୁକ ଗଲେ ଭଲ ହେବ ଯେହେତୁ ଏମାନଙ୍କ ଅନୁଭବ ଓ ଦକ୍ଷତା ଉଇକିପିଡ଼ିଆରେ ଅଧିକ ଏବଂ ଉଚ୍ଚକୋଟୀର । ଏହାଛଡ଼ା gender gap କୁ ଆଖି ଆଗରେ ରଖି ଗୋଟିଏ ଝିଅକୁ ମଧ୍ୟ ଯିବାକୁ ସୁଯୋଗ ଦିଆଗଲେ ଭଲ ହେବ । (@Pmsarangi)
• ଝିଅ ମାତ୍ର ୩-୪ ଜଣ ସକ୍ରିୟ । ତା ଭିତରୁ ଯିଏ ଗଲେ ବି ଭଲ । ଯଦି କାମ ଦେଖି ମନୋନୀତ କରାଯାଏ, ତା' ହେଲେ ଯିଏ ଅଧିକ ସକ୍ରିୟ, ଯାହାର କାମ ଅଧିକ ଉପ‌ଯୋଗୀ ଓଡ଼ିଆ ଉଇକିକୁ ଆଗକୁ ବଢ଼ାଇବାରେ ଏବଂ ଯିଏ ନିଜର ସମୟ ଦେଇପାରୁଛି ତାକୁ ପଠାଇବା ଉଚିତ । (@Pmsarangi)
• ସମର୍ଥନ:ପ୍ରୀତିରଞ୍ଜନ ଓହରିଗଲେ କରବାବୁଙ୍କୁ ମୋର ସମର୍ଥନ । ଉଭୟେ ଯୋଗ୍ୟ । ବ୍ୟବହାରକାରୀ:Hpsatapathy

ମୃତ୍ୟୁଞ୍ଜୟ କର (ବ୍ୟବହାରକାରୀ:MKar)

• ସମର୍ଥନ: ପ୍ରୀତି ଭାଇ ଓହରିଯିବାପରେ ଏବଂ ପ୍ରାୟ ଅଧିକାଂଶ ସଦସ୍ୟ ମୃତ୍ୟୁଞ୍ଜୟ ଭାଇଙ୍କୁ ମନୋନୀତ କରୁଥିବାରୁ ତାଙ୍କର ନାମ ଏଠାରେ ଦିଆହେଲା । ମୃତ୍ୟୁଞ୍ଜୟ ଭାଇ ନୂତନ ସଦସ୍ୟଗଣଙ୍କୁ ବହୁ ସାହାର୍ଯ୍ୟ କରନ୍ତି ଏବଂ ସେ ମଧ୍ୟ ବ୍ୟକ୍ତିଗତ ଭାବେ ମୋତେ ଅନେକ ଥର ସହାୟତା ପ୍ରଦାନ କରିଛନ୍ତି । ତାଙ୍କର ଉଇକିପିଡ଼ିଆ ପ୍ରତି ଆଗ୍ରହ, ଉଚ୍ଚାକାଂକ୍ଷା ଏବଂ ଅଭିଳାଷ ପ୍ରଶଂସନୀୟ । (@Soumendrak)

ମୋର ବି ସମର୍ଥନ ତାଙ୍କର ଅଭିଜ୍ଞତା ଓ ପଲିସି ଆଦିରେ ଯଥେଷ୍ଟ ଜ୍ଞାନ ଥିବାରୁ । ତେବେ ପ୍ରୀତି ଭାଇ ଓହରି ନାହାନ୍ତି । ସେ ବିଧିବଦ୍ଧ ଭାବେ ଓହରିଲି ବୋଲି ନ ଲେଖିଲେ ଧରାଯିବନି! :) ସେ କେବଳ ମତ ଦେଇଛନ୍ତି ଯେ ତାଙ୍କଠୁ ବାକି ଅଭିଜ୍ଞ ଉଇକିଆଳି ଗଲେ ଭଲ ଯାହା ଅନେକେ ମାନିବେ ନାହିଁ ।

 ସମର୍ଥନ: କର ଭାଇଙ୍କ ଅଭିଜ୍ଞତା ଓ ଟେକନିକାଲ ଦିଗରେ ଥିବା ଦକ୍ଷତା ଏ ପରିପ୍ରେକ୍ଷୀରେ ମହତ୍ତ୍ୱପୂର୍ଣ୍ଣ । ଏଣୁ ପୂର୍ଣ୍ଣ ସମର୍ଥନ ।

ଭାଇମାନେ, ମତେ ମନୋନୟନ କରିଥିବାରୁ ଧନ୍ୟବାଦ । କଥା ହେଲା, ଏହି ସମ୍ମିଳନୀରେ ରଣନୀତି(Strategy) ଓ ୟୁଜର ଗ୍ରୁପ ଆଦି ବାବଦରେ ଆଲୋଚନା ହେବ । ଆଉ କେବଳ ଉଇକିପିଡ଼ିଆ ନହେଇ ଉଇକିମିଡ଼ିଆର ସବୁ ପ୍ରକଳ୍ପ ବିଷୟରେ ଆଲୋଚନା ହେବ । ମୋର ଯୋଗଦାନ ଓ ଅନୁଭୁତି ଯେହେତୁ ମୁଖ୍ୟତଃ ଓଡ଼ିଆ ଉଇକିପିଡ଼ିଆରେ ସୀମିତ, ତେଣୁ ମୁଁ ଭାବୁଛି ଏ ସବୁ ବାବଦରେ ଅଧିକ ଦକ୍ଷତା ରଖିଥିବା ଜଣେ କେହି ଗଲେ ଆମ ଗୋଷ୍ଠୀପାଇଁ ସୁବିଧା ହେବ ।

ମୁଁ ଏଥିପାଇଁ ଜ୍ଞାନ ବାବୁଙ୍କୁ ମନୋନୟନ କରିବାକୁ ଚାହୁଁଛି ।

. ମୋ ସମର୍ଥନ ୨ ଜଣ ଉଇକିିଆଳିଙ୍କ ପାଇଁ । ୧. ମୃତ୍ୟୁଞ୍ଜୟ କର ୨. ପ୍ରୀତିରଞ୍ଜନ ତ୍ରିପାଠୀ@Chinmayee Mishra

ମୁଁ ଭାବୁଛି ଏଥିରେ ଜଣେ ଝିଅଙ୍କୁ ପଠାଇଲେ ଭଲହେବ । @Radhadwibedi

ଭଲହୁଅନ୍ତା । ଆପଣ ଜଣଙ୍କ ନାଁ ଦେଉନାହାନ୍ତି ହେଲେ ସମସ୍ତେ ମତ ଦିଅନ୍ତେ ।

ମୁଁ ପ୍ରସ୍ତାବ ଦବାପାଇଁ ଚାହୁଁଛି (୧) ଅଲିଭା ସାହୁ (୨) ପଂକ‌ଜମାଳା ଷଡ଼ଙ୍ଗୀ @Radhadwibedi

ମୋ ମତରେ ଏଭଳି ସମିଟ ସମ୍ମିଳନୀ ନିମନ୍ତେ ମୃତ୍ୟୁଞ୍ଜୟ ସବୁଠାରୁ ଯୋଗ୍ୟ ବ୍ୟକ୍ତି । ସେ ମଧ୍ୟ କେବେ ଯିବାର ସୁଯୋଗ ପାଇନାହାନ୍ତି । ଏଇଥର ସେ ଯାଆନ୍ତୁ ।

ଏଇଟା ଗୋଟେ ଶିଖିବା(learning) କାର୍ଯ୍ୟକ୍ରମ ବା ଇଭେନ୍ଟ ନୁହେଁ । ମୋ ବ୍ୟକ୍ତିଗତ ମତ ଜଣେ ପୁରୁଖା ଉଇକିଆଳି ଯିଏ ନିତିନିୟମ ଏବଂ ଆମ ଉଇକି ସହ ଭଲଭାବେ ଜଡିତ ଥିବେ ସେ ଗଲେ ଭଲ ସେଥିପାଇଁ @MKar ଭାଇ ଗଲେ ଭଲ । ଏମିତି ଲୋକ ଯିଏ ଉଇକିରେ ଆଗକୁ କଣ ହେବ କେମିତି କରାହେବ ସେ ବାବଦରେ ଗୁରୁତ୍ତ୍ୱପୁର୍ଣ ମତ ଦେଇପାରିବେ ଏବଂ ସେଠାକାର କଥା ଏଠି ବାଣ୍ଟିପାରିବେ ଏବଂ କାମରେ ଲଗେଇପାରିବେ । ସେ ଗଲେ ଭଲ ହୁଅନ୍ତା କାରଣ ସେ ବହୁତ ପୁରୁଣା ଲୋକ ଆଉ ନିତିନିୟମ ଆଉ ଇଉଜର ଗ୍ରୁପ ବିଷୟରେ ଅଧିକ ଜାଣିଛନ୍ତି । ଆଉ ଏକାଧିକ ଉଇକି ପ୍ରକଳ୍ପରେ କାମ କରୁଛନ୍ତି ।

ତାଙ୍କପରେ @Hellohappy (ପ୍ରିତି ଭାଇ) ଗଲେ ଭଲ ହେବ । କାରଣ ମୋ ମତରେ ସେ ଆମ ଗ୍ରୁପକୁ ସେଠି ଭଲ ଭାବେ ପ୍ରେଜେଣ୍ଟ କାରିପାରିବେ । ଏବଂ ମୋ ଆଶା ସେ ସଠା କଥାକୁ ଆମ ସହ ବାଣ୍ଟିପାରିବେ ।

ପ୍ରିତି ଭାଇ, ମୋ ନାଁ ଲେଖିବା ପାଇଁ ଧନ୍ୟବାଦ । ମୁଁ ଗଲେ କିଛି ଅସୁବିଧା ନାହିଁ ହେଲେ ଯେହେତୁ ମୁଁ ଦୁଇଥର ଅନ୍ତର୍ଜାତୀୟ କାର୍ଯ୍ୟକ୍ରମକୁ ଗଲିଣି ସେଥି ପାଇଁ ଆପଣ ଗଲେ ଭଲ । ଅଧିକ ଓଡ଼ିଆ ଉଇକିଆଳିଙ୍କୁ ଲୋକମାନେ ଜାଣନ୍ତୁ ମୋ ଇଛ୍ଛା ।

ଗୁରତ୍ତ୍ୱପୁର୍ଣ୍ଣ କଥା ହେଉଛି ଅଧିକ ଓଡ଼ିଆ ଉଇକିଆଳି ଭାଗନେବା କଥାକୁ ଧ୍ୟାନରେ ରଖି ଏହି ଇଭେନ୍ଟର ଗୁରୁତ୍ତୁକୁ ଅଣଦେଖା ନ କରିବା । ତେଣୁ ଭାବିଚିନ୍ତି ଜଣେ ପୁରୁଖା ଉଇକିଆଳିଙ୍କୁ ପଠାଇବା ।

ସହମତ । କର ଭାଇଙ୍କ ସଙ୍ଗେ ସଙ୍ଗେ ପ୍ରୀତି ଭାଇ ମଧ୍ୟ ପୁରୁଖା ଉଇକିଆଳି ହେଇଥିବାରୁ ଆମ କମ୍ୟୁନିଟିର ପ୍ରତିନିଧିତ୍ୱ ଭଲ ଭାବେ କରିପାରିବେ । ଆଶା କରେ ସେ ମଧ୍ୟ ଯିବାକୁ ରାଜି ହେବେ ।

ମନୋନୀତ ହୋଇଥିବା ସମସ୍ତଙ୍କୁ (@Hellohappy@MKar, @Aliva Sahoo, @Pmsarangi @Hpsatapathy @Subas Chandra Rout) ଅନୁରୋଧ ଯେ ସେମାନେ ମାର୍ଚ୍ଚ ୨୮ରୁ ଏପ୍ରିଲ ୧ ଯାଏ ସମୟ ଦେଇପାରିବେ କି ନାହିଁ ଜଣାଇବେ । ଯଦି କୌଣସି ପାରିବାରିକ/ବ୍ୟକ୍ତିଗତ କାରଣ ସକାଶେ ନିହାତି ଯିବାକୁ ଅସମର୍ଥ ତାହେଲେ ଆଗୁଆ ଜଣାଇବେ । ଅନେକେ ନିଜର ବଡ଼ପଣ ରଖି ବାକିମାନେ ତାଙ୍କଠୁ ଅଭିଜ୍ଞ ଓ ସେମାନେ ଯାଆନ୍ତୁ ବୋଲି ମତ ରଖିଛନ୍ତି । କିନ୍ତୁ ସେମାନେ ଏକଥା ମଧ୍ୟ ଜାଣିରଖନ୍ତୁ ଯେ ତାଙ୍କର ଦୀର୍ଘ ଦିନର ଅଂଶଗ୍ରହଣକୁ ଆଖିରେ ରଖି ତାଙ୍କୁ ବାକିମାନେ ମନୋନୟନ କରିଛନ୍ତି ।

ଯେଉଁ ଉଇକିଆଳିଙ୍କ ଯିବା ସ୍ଥିର ହେବ ତାଙ୍କୁ ତିନୋଟି ଅନୁରୋଧ:

1. ଯିବା ଆଗରୁ ଆଲୋଚନାଟିଏ ଆରମ୍ଭ କରିବେ ଏଇ ଆଲୋଚନା ସଭାରେ । ଉଇକିମିଡ଼ିଆ ସମିଟ ୨୦୧୯ରୁ ସବିଶେଷ ପଢ଼ି କେଉଁ କେଉଁ ସ୍ଥାନରେ ଓଡ଼ିଆ କମୁନିଟି ପାଇଁ କି କି ଲାଭ ଅଛି ତାକୁ ଭିତ୍ତି କରି ଆଲୋଚନା
2. ସେଠାରେ ଭାଗନେବା ସମୟରେ ଗୋଟେ ଜିନିଷ ମନେରଖିବେ । ସବୁଠୁ ଗୁରୁତ୍ତ୍ୱପୂର୍ଣ୍ଣ ଆଲୋଚନାଗୁଡ଼ିକ ମୁଖ୍ୟ ଆଲୋଚନା ସରିବା ପରେ ଲୋକ ଏକସଙ୍ଗେ ବସି ଖିଆପିଆ କଲା ବେଳେ ହୁଏ । ସରଳ ଭାଷାରେ କହିଲେ ମଞ୍ଚ ତଳେ ହୁଏ । ତେଣୁ ସେସବୁରେ ଭାଗନେଇ ପ୍ରଥମ କରି ଭେଟୁଥିବା ଉଇକିଆଳିଙ୍କ ସଙ୍ଗେ ମିଶିବେ । ଏସିଆରୁ ଆସୁଥିବା ଉଇକିଆଳିମାନେ ଏକାଠି ଭେଟନ୍ତି । ସେମାନଙ୍କ ସଙ୍ଗେ ଭେଟିବାରେ ଆପତ୍ତି ନାହିଁ ହେଲେ ଅନେକ ବର୍ଷ ଧରି ଆୟୋଜକ ଓ ଅଂଶଗ୍ରହଣ କରିବା ପରେ ମୋର ଅନୁଭୂତି ନିରାଶଜନକ । ଆଲୋଚନାସବୁ ଲକ୍ଷହୀନ ଆଉ ଜଣେ ଦୁଇଜଣ କେବଳ ଗପନ୍ତି ବାକିମାନେ ନୀରବ ଶ୍ରୋତା ।
3. ଫେରିବା ପରେ ଆଗାମୀ କାର୍ଯ୍ୟକ୍ରମରେ ନିହାତି ପ୍ରେଜେଣ୍ଟେସନଟିଏ ରଖିବେ । ସେଥିରେ ଶିଖିଥିବା ଜିନିଷରୁ କଣ କଣ ଆମ ପାଇଁ କାମରେ ଲାଗିବ ଆଉ ଆମେ କିପରି ସେ କାମ କରିବା ତା'ର ନେତୃତ୍ୱ ନେବେ ।

ସମସ୍ତଙ୍କୁ ଆଉଥରେ ଅନୁରୋଧ ଯେ ୨୯ ତାରିଖ (ଗୁରୁବାର) ସୁଦ୍ଧା ନିଜ ନିଜ ମତ ଜଣାଇବେ । ସେହି ଦିନ ସୁଦ୍ଧା ମିଳିଥିବା ସମସ୍ତ ମତକୁ ଆଖିରେ ରଖି ଜଣଙ୍କ ନାମ ଆୟୋଜକମାନଙ୍କୁ ଜଣାଯିବ ।

 ସମର୍ଥନ: ମୋ ମତରେ ମଧ୍ୟ ପ୍ରୀତି ଭାଇ କିମ୍ବା କର ଭାଇଙ୍କ ମଧ୍ୟରୁ କେହି ଜଣେ ଏହି ସମ୍ମିଳନୀରେ ଭାଗ ନେଲେ ଭଲ ହୁଅନ୍ତା । ମୁଁ Capacity Building ୱର୍କିଂ ଗୃପ ତରଫରୁ ଉଇକିମିଡ଼ିଆ ସମିଟ ୨୦୧୯ ରେ ଭାଗ ନେଉଛି ।

ମୋର ପୂର୍ବନିର୍ଦ୍ଧାରିତ ପାରିବାରିକ/ବ୍ୟକ୍ତିଗତ କାମ ଥିବାରୁ ଉଇକିମିଡ଼ିଆ ସମିଟ ୨୦୧୯ ରେ ଯୋଗଦେବା ସମ୍ଭବ ହେବନି ।

@କର ଭାଇଙ୍କର ଯଦି କାମ ଅଛି, ତେବେ @ପ୍ରୀତି ଭାଇ ଏଥିରେ ଯୋଗ ଦେଲେ ଭଲ ହେବ ।‌-ଗପୁ (ମୋ ଆଲୋଚନା) ୨୦:୫୯, ୨୬ ନଭେମ୍ବର ୨୦୧୮ (IST)

ତାହାଲେ ପ୍ରୀତି ଭାଇ ଯିବା ଠିକ ହେବ --Chinmayee Mishra (ମୋ ଆଲୋଚନା) ୨୦:୩୪, ୨୯ ନଭେମ୍ବର ୨୦୧୮ (IST)

ଶେଷ ତାରିଖ ଭିତରେ ଆସିଥିବା ମତକୁ (୯ଟି ସମର୍ଥନ ଓ କୌଣସି ଭିନ୍ନ ମତ ନାହିଁ) ଭିତ୍ତି କରି @Hellohappyଙ୍କୁ ଆମ କମ୍ୟୁନିଟି ତରଫରୁ ଏହାକୁ ଗ୍ରହଣ କରିବାକୁ ଅନୁରୋଧ । ଯଥାଶୀଘ୍ର ଗ୍ରହଣ କଲେ କାର୍ଯ୍ୟକ୍ରମ ପରିଚାଳକମାନଙ୍କ ସହ ପୁଣି ତାଙ୍କ ଯିବା ଆସିବା ବାବଦରେ ଆଲୋଚନା କରିବାକୁ ପଡ଼ିବ । ଭିସା ଆଦିରେ କାଳେ ଅଧିକ ସମୟ ଲାଗିବ ତେଣୁ ଯେତେ ଚଞ୍ଚଳ ସମ୍ଭବ ଏହାକୁ ଗ୍ରହଣ କରିବା ପାଇଁ ଅନୁରୋଧ ।

ହଉ, ସମସ୍ତେ କହୁଛନ୍ତି ଯଦି ଯିବା । ଆଗକୁ କଣ ସବୁ କରିବାକୁ ପଡ଼ିବ, ଜଣେଇବେ । ଧନ୍ୟବାଦ ।

ଆଗ ଗୋଟେ ନଡ଼ିଆ ବାଡାନ୍ତୁ ସମସ୍ତେ, ପ୍ରୀତି ଭାଇ ଆମ ୟୁଜର ଗ୍ରୁପ ତରଫରୁ ପ୍ରଥମ ହୋଇ ଏହି ସମିଟ ପାଇଁ ଯିବେ । ବହୁତ ବହୁତ ଧନ୍ୟବାଦ ପ୍ରୀତି ଭାଇ ।

ଜୁଲାଇ ମାସରେ ମୁଁ ଆଲୋଚନା ସଭାରେ ଓଡ଼ିଶା ସରକାରଙ୍କ ସହ ସିଆଇଏସର MoU ବିଷୟରେ ଲେଖିଥିଲି । ଆଗାମୀ ୨୬ତାରିଖରେ ଆମେ ଓଡ଼ିଆ ଭର୍ଚୁଆଲ ଏକାଡେମୀ ସହ ଏହି MoU ସ୍ଵାକ୍ଷର କରୁଛୁ ।

ଏଥିରେ ଓଡ଼ିଆ ଉଇକିମିଡ଼ିଆ ପ୍ରକଳ୍ପର ପ୍ରଚାର ପ୍ରସାର ସମେତ, ଗ୍ଲାମ ପ୍ରକଳ୍ପ, ବହି-ତଥ୍ୟ ଡିଜିଟାଇଜେସନ ଓ CC-BY-4.0 କୁ ଏକ ଓପେନ କଣ୍ଟେଣ୍ଟ ପଲିସି ଭାବେ ଆଣିବା ଭଳି ଅନ୍ୟ କିଛି ପ୍ରକଳ୍ପ ପାଇଁ ମଧ୍ୟ କିଛି ଯୋଜନା ଅଛି । ସିଆଇଏସ ସମେତ ଓଡ଼ିଆ ଭର୍ଚୁଆଲ ଏକାଡେମୀ ସିଡାକ ଓ ଶିକାଗୋ ବିଶ୍ୱବିଦ୍ୟାଳୟ ସହ MoU ସ୍ଵାକ୍ଷର କରୁଛି । ସିଆଇଏସ ତରଫରୁ ରିସର୍ଚ ନିର୍ଦେଶକ ସୁମନ୍ଦ୍ରୋ ଚଟ୍ଟପାଧାୟ MoU ସ୍ଵାକ୍ଷର କରିବେ । ଏହି ସଭା ମୂଳତଃ ୪୫ ମିନିଟ ପାଇଁ ଅଛି ଓ ପରେ ଭୁବନେଶ୍ବରରେ ରହୁଥିବା ଉଇକିଆଳିମାନଙ୍କ ସହ ଭେଟିବାର ଯୋଜନା ଅଛି ।

ଭର୍ଚୁଆଲ ଏକାଡେମୀ ଏବଂ ଓଡ଼ିଆ ଉଇକିମିଡ଼ିଆ ପ୍ରକଳ୍ପ, ବିଶେଷତଃ ଉଇକିପାଠାଗାରର କଣ ଆଦାନପ୍ରଦାନ ରହିବ? ସେମାନଙ୍କର ଇଉନିକୋଡ଼ କଣ୍ଟେଣ୍ଟ ଉଇକିପାଠାଗାରକୁ ଅଣାଯିବା ପାଇଁ କିଛି ବ୍ୟବସ୍ଥା କରିବା ସମ୍ଭବପର କି?

ଏଇଟା ହେଇସାରିଲାଣି କି @Saileshpat ?

@Hellohappyହଁ ଭାଇ, କିଛି ପେପର କାମ ବାକି ଅଛି ବୋଲି ଏବେ ଯାଏଁ ସୂଚନା ଦିଆହେଇନି, ଆଉ ସପ୍ତାହ ଭିତରେ ଲେଖିବି ।

ଏ ଆଲୋଚନାଟି ଓଡ଼ିଆ ଉଇକିପାଠାଗାରରୁ କଲିକତାରେ ହେବାକୁ ଥିବା Indic Wikisource Community Consultation 2018କୁ ଦୁଇଜଣ ଉଇକିଆଳିଙ୍କୁ ପଠାଇବା ବାବଦରେ । ଦୟାକରି ସିଧାସଳଖ ଉଇକିପାଠାଗାର ଆଲୋଚନା ସଭାରେ ଯାଇ ଶୁ୍କ୍ରବାର (୯ ତାରିଖ) ଦିନ ୪ଟା ସୁଦ୍ଧା ଜଣାନ୍ତୁ ।

ଏହି ମାସ ୨୯ ଓ ୩୦ ତାରିଖ ଦିନ ଭୁବନେଶ୍ୱରର ମେ ଫେୟାର କନଭେନସନ ସେଣ୍ଟରରେ ହେଉଥିବା "ଓଡ଼ିଶା ଲିଟେରାରି ଫେଷ୍ଟିଭାଲ"ରେ ମୋତେ ବୈଷୟିକ ବିଜ୍ଞାନରେ ଓଡ଼ିଆକୁ କିପରି ଆଗକୁ ନେବ ସେ ବାବଦରେ ଏକ ଦଳଗତ ଆଲୋଚନାରେ ବକ୍ତା ଭାବେ ଯୋଗଦେବା ପାଇଁ ଅନୁରୋଧ ମିଳିଛି । ମୁଁ ଏଥିରେ ୩୦ ତାରିଖ ଦିନ ୧୨:୩୦ରେ ହେବାକୁ ଥିବା ଏକ ଅଧିବେଶନରେ ଓଡ଼ିଆ ଉଇକିପିଡ଼ିଆ ଓ ବୈଷୟିକ ବିଜ୍ଞାନରେ ଓଡ଼ିଆରେ ଭୂମିକା ବାବଦରେ ଏକ ସଂକ୍ଷେପ ଅଭିଭାଷଣ ଦେବା ସହ ଦେବୀପ୍ରସନ୍ନ ପଟ୍ଟନାୟକ, ଯତୀନ ନାୟକ, ସୌମ୍ୟରଞ୍ଜନ ପଟ୍ଟନାୟକଙ୍କ ସହ ଭାଗନେବି । ଏଥିରେ ବାକି ଉଇକିଆଳିମାନେ ଯୋଗଦେଇପାରିଲେ ଭଲ ହେବ ଫଳରେ ଉଇକିପିଡ଼ିଆ ସମ୍ବନ୍ଧିତ ପ୍ରଶ୍ନର ଉତ୍ତର ବାକିମାନେ ଦେବା ଓ ସେଠି ଭାଗ ନେଉଥିବା ଦର୍ଶକ ଓ ବକ୍ତାମାନଙ୍କ ସଙ୍ଗେ ଓଡ଼ିଆ ଉଇକିପିଡ଼ିଆ ବାବଦରେ ଆଲୋଚନା କରିପାରନ୍ତେ । ଏଥିରେ ଭାଗନେବା ନିଶୁଳ୍କ ତେବେ ବୋଧେ ରେଜିଷ୍ଟ୍ରେସନ ଲୋଡ଼ା ।

ସେଦିନ ଆଲୋଚନା ପରେ ବା ସନ୍ଧ୍ୟାରେ ଆମେ ଏକ ଉଇକିମେଳଣ ମଧ୍ୟ କରିପାରିବା । @Sailesh (CIS-A2K) ଏ ବାବଦରେ ତମେ ଜଣାଇପାରିଲେ ଭଲ ହେବ ।

ହଁ ସନ୍ଧ୍ୟାରେ ଦେଖା ହେଇପାରିବା, ବାକିମାନଙ୍କୁ ଟିକେ ଜଣେଇଦେବି ।

ପ୍ରକାଶ ପାଇଥିବା ଦୁଇଟି ଖବରରେ ମୋତେ "Odia Wiki Founder" ବୋଲି ଭୁଲରେ ବାହାର କରାଯାଇଛି । ମୁଁ ଦୁଇ ସପ୍ତାହ ହେଲାଣି କାମରେ ବାହାରେ ଥିଲି ଆଉ ୩୦ ତାରିଖ ସକାଳୁ ଆସି ଦେଶରେ ପହଞ୍ଚିଲାର କେଇ ଘଣ୍ଟା ପରେ ଏ ଉତ୍ସବରେ ଭାଗ ନେଲି । ତେବେ ମୁଁ ଅନେକ ଦିନ ଆଗକୁ ଗୋଟେ ବାଇଓ ପଠେଇଥିଲି ଯାହା ସଂଶୋଧିତ ଭାବେ ତାଙ୍କ ୱେବସାଇଟରେ ପ୍ରକାଶ ପାଇଛି । ହେଲେ ଶୁଣିବାକୁ ପ୍ରଲୋଭିତ ଲାଗିଲେ ମୋ ଆଡୁ ଏ ବିରାଟ ଉପାଧି ପଛରେ କୌଣସି ହାତ ନାହିଁ । ଏମିତି ଉପାଧିକୁ ମୋର ଜୀବନ ଡର । ତେଣୁ ମୁଁ ମୋ ଭାଷଣରେ ସେଠି ସମସ୍ତଙ୍କ ଆଗରେ ସନ୍ଦେହ ମୋଚନ ପାଇଁ କହିଛି (ଭାଷଣଟା ରେକର୍ଡ଼ ହୋଇଛି ତେଣୁ ପ୍ରକାଶ ପାଇଲେ ଲିଙ୍କ ଦେବି) ଯେ ଉଇକିପିଡ଼ିଆରେ ସବୁକାମ ଅନେକଙ୍କ ମିଳିତ କାମ ଆଉ ସେ ସମସ୍ତଙ୍କ ଭିତରୁ ମୁଁ ଜଣେ । ତଥାପି ମିଡ଼ିଆରେ ଏସବୁ ଭୁଲ ଆଗରୁ ହୋଇଛି, ଏବେ ବି ହେଉଛି ଆଉ ଆଗକୁ ବି ହେବ ବୋଲି ଜାଣିରଖିବା କଥା । ଆମ ଆଡୁ ଆମେ ଚେଷ୍ଟାକରିବା କଥା ସେମାନଙ୍କୁ ଅବଗତ କରେଇବା ପାଇଁ । ମୁଁ ସେଠାର ଯେଉଁ ସାମ୍ବାଦିକାଙ୍କୁ ଜାଣିଛି ତାଙ୍କୁ ମେଲରେ ଜଣେଇଛି ଆଉ କିଛି ପୁରୁଖା ଉଇକିଆଳିଙ୍କୁ ତାକୁ ଫରୱାର୍ଡ଼ କରିଛି । ତଥାପି ବି ଇଏ ଚିରନ୍ତନ ଉପଚାର ବୋଲି ଭାବୁନି । ଏ ଯାତ୍ରା ଅସରନ୍ତି!