ରଙ୍ଗନାଥ ମିଶ୍ର

ଉଇକିପିଡ଼ିଆ ରୁ
ସିଧାସଳଖ ଯିବେ ଦିଗବାରେଣିକୁ, ଖୋଜିବେ
ରଙ୍ଗନାଥ ମିଶ୍ର
ସଭ୍ୟ, ରାଜ୍ୟ ସଭା
In office
୨ ଜୁଲାଇ ୧୯୯୮ – ୧ ଜୁଲାଇ ୨୦୦୪
ମୁଖ୍ୟ ବିଚାରପତି, ସର୍ବୋଚ୍ଚ ନ୍ୟାୟାଳୟ
In office
୨୫ ସେପ୍ଟେମ୍ବର ୧୯୯୦ – ୨୪ ନଭେମ୍ବର ୧୯୯୧
ପୂର୍ବ ଅଧିକାରୀ ସବ୍ୟସାଚି ମୁଖାର୍ଜୀ
ପର ଅଧିକାରୀ କମଳ ନାରାୟଣ ସିଂହ
ମୁଖ୍ୟ ବିଚାରପତି, ଓଡ଼ିଶା ଉଚ୍ଚ ନ୍ୟାୟାଳୟ
In office
୧୬ ଜାନୁଆରୀ ୧୯୮୧ – ୧୪ ମାର୍ଚ୍ଚ ୧୯୮୩
ପୂର୍ବ ଅଧିକାରୀ ସୁକାନ୍ତ କିଶୋର ରାୟ
ପର ଅଧିକାରୀ ଡମ୍ବରୁଧର ପାଠକ
ରାଜ୍ୟପାଳ, ଓଡ଼ିଶା (କାର୍ଯ୍ୟକାରୀ)
In office
୨୫ ଜୁନ ୧୯୮୨ – ୩୧ ଅଗଷ୍ଟ ୧୯୮୨
ପୂର୍ବ ଅଧିକାରୀ ଚେପ୍ପୁଦିର ମୁଥାନ ପୂନାଚା
ପର ଅଧିକାରୀ ଚେପ୍ପୁଦିର ମୁଥାନ ପୂନାଚା
Personal details
ଜନ୍ମ ୨୫ ନଭେମ୍ବର ୧୯୨୬(1926-11-25)[୧]
ବାଣପୁର, ଖୋର୍ଦ୍ଧା ଜିଲ୍ଲା, ଓଡ଼ିଶା
ମୃତ୍ୟୁ ୧୩ ସେପ୍ଟେମ୍ବର, ୨୦୧୨ (୮୬ ବର୍ଷ)
ଜାତୀୟତା  ଭାରତୀୟ
ଜୀବନ ସାଥୀ ସୁମିତ୍ରା ମିଶ୍ର[୨]
ସନ୍ତାନ ଦେବାନନ୍ଦ ମିଶ୍ର, ଶିବାନନ୍ଦ ମିଶ୍ର[୩]
ବାପା/ମା' ଗୋଦାବରୀଶ ମିଶ୍ର[୪]
ଘର କଟକ
Education ସ୍ନାତକୋତ୍ତର,ଏଲ୍.ଏଲ୍.ଏମ୍
ଶିକ୍ଷାନୁଷ୍ଠାନ ବାଣପୁର ହାଇସ୍କୁଲ, ରେଭେନ୍ସା ବିଶ୍ଵବିଦ୍ୟାଳୟ,ଆହ୍ଲାବାଦ ବିଶ୍ଵବିଦ୍ୟାଳୟ
Known for ସୁପ୍ରିମକୋର୍ଟର ପ୍ରଧାନ ବିଚାରପତି, ଜାତୀୟ ମାନବିକ ଅଧିକାର କମିଶନର ଅଧ୍ୟକ୍ଷ
ଧର୍ମ ହିନ୍ଦୁ ଧର୍ମ

ରଙ୍ଗନାଥ ମିଶ୍ର (୨୫ ନଭେମ୍ବର ୧୯୨୬ - ୧୩ ସେପ୍ଟେମ୍ବର ୨୦୧୨) ଭାରତୀୟ ସୁପ୍ରିମ କୋର୍ଟର ଭୂତପୂର୍ବ ପ୍ରଧାନ ବିଚାରପତି । ଏତଦ ବ୍ୟତିତ ସେ ଜଣେ ରାଜ୍ୟ ସଭା ସାଂସଦ ତଥା ଭାରତୀୟ ଜାତୀୟ ମାନବିକ ଅଧିକାର କମିଶନର ପ୍ରଥମ ଅଧ୍ୟକ୍ଷ ଭାବେ କାର୍ଯ୍ୟ କରିଥିଲେ । ସେ ଭାରତୀୟ ସୁପ୍ରିମ କୋର୍ଟର ପ୍ରଥମ ଓଡ଼ିଆ ବିଚାରପତି ଥିଲେ ।[୫]

ଜୀବନୀ[ସମ୍ପାଦନା]

ବାଲ୍ୟଜୀବନ ଓ ଶିକ୍ଷା[ସମ୍ପାଦନା]

୧୯୨୬ ମସିହା ନଭେମ୍ବର ମାସ ୨୫ ତାରିଖରେ ଖୋର୍ଦ୍ଧା ଜିଲ୍ଲାର ବାଣପୁରଠାରେ, ପିତା ପଣ୍ଡିତ ଗୋଦାବରୀଶ ମିଶ୍ରଙ୍କର ପରିବାରରେ ରଙ୍ଗନାଥ ମିଶ୍ର ଜନ୍ମଗ୍ରହଣ କରିଥିଲେ । ବାଣପୁର ହାଇସ୍କୁଲରୁ ମାଟ୍ରିକ ପାସ କଲା ପରେ, ସେ କଟକର ରେଭେନ୍ସା ବିଶ୍ଵବିଦ୍ୟାଳୟ ଓ ଆହ୍ଲାବାଦ ବିଶ୍ଵବିଦ୍ୟାଳୟରୁ ଉଚ୍ଚଶିକ୍ଷା ଲାଭ କରିଥିଲେ ।

କର୍ମଜୀବନ[ସମ୍ପାଦନା]

ରଙ୍ଗନାଥ ମିଶ୍ର,୧୯୫୦ ମସିହା ସେପ୍ଟେମ୍ବର ୧୮ ତାରିଖରେ ଓଡ଼ିଶା ଉଚ୍ଚ ନ୍ୟାୟାଳୟରେ ଆଇନଜୀବି ଭାବରେ କାର୍ଯ୍ୟ ଆରମ୍ଭ କରିଥିଲେ । ୧୯୬୯ ମସିହା ଜୁଲାଇ ମାସ ୪ ତାରିଖରେ ହାଇକୋର୍ଟରେ ସେ ସ୍ଥାୟୀ ବିଚାରପତି ଭାବରେ ନିଯୁକ୍ତି ପାଇଥିଲେ । ୧୯୮୦ ମସିହା ନଭେମ୍ବର ୬ ତାରିଖରେ ହାଇକୋର୍ଟର କାର୍ଯ୍ୟକାରୀ ମୁଖ୍ୟ ବିଚାରପତି ଓ ୧୯୮୧ ମସିହା ଜାନୁଆରୀ ମାସ ୧୬ ତାରିଖରେ ମୁଖ୍ୟ ବିଚାରପତି ଭାବରେ ନିଯୁକ୍ତି ପାଇଥିଲେ । ୧୯୮୩ ମସିହା ମାର୍ଚ ମାସ ୧୫ ତାରିଖରେ ସେ ସୁପ୍ରିମ କୋର୍ଟର ବିଚାରପତି ଭାବରେ ନିଯୁକ୍ତ ହୋଇଥିଲେ । ୧୯୯୦ ସେପ୍ଟେମ୍ବର ୨୫ ତାରିଖରେ ସେ ଭାରତର ୨୧ତମ ପ୍ରଧାନ ବିଚାରପତି ଭାବରେ କାର୍ଯ୍ୟଭାର ଗ୍ରହଣ କରିଥିଲେ ଓ ୧୯୯୧ ମସିହା ନଭେମ୍ବର ମାସ ୨୪ ତାରିଖରେ ଅବସର ଗ୍ରହଣ କରିଥିଲେ ।[୬][୭] ୧୯୯୨ଠାରୁ, ସେ ଅଲ୍ ଇଣ୍ଡିଆ ବୟଜ ସ୍କାଉଟସ୍ ଆସୋସିଏଶନର ମୁଖ୍ୟ ସ୍କାଉଟସ୍ ଥିଲେ । ଏଥି ସହିତ ସେ ପ୍ରଥମ ଜାତୀୟ ମାନବିକ ଅଧିକାର କମିଶନର ଅଧ୍ୟକ୍ଷ ମଧ୍ୟ ଥିଲେ ।[୮] ଏହି ପଦରେ ସେ ୧୯୯୩ ମସିହାରୁ ୧୯୯୬ ମସିହା ପର୍ଯ୍ୟନ୍ତ କାର୍ଯ୍ୟ କରିଥିଲେ । [୯]୧୯୯୮ ମସିହାରେ, ରଙ୍ଗନାଥ ମିଶ୍ର କଂଗ୍ରେସ ଟିକଟରୁ ରାଜ୍ୟସଭାକୁ ନିର୍ବାଚିତ ହୋଇଥିଲେ ଓ ୨୦୦୪ ପର୍ଯ୍ୟନ୍ତ ରାଜ୍ୟସଭାର ସଦସ୍ୟ ରହିଥିଲେ ।[୧୦] ୨୦୦୪ ମସିହାରେ ସେ ଜାତୀୟ ସଂଖ୍ୟାଲଘୁ କମିଶନର ଅଧ୍ୟକ୍ଷ ନିଯୁକ୍ତ ହୋଇଥିଲେ । ଏହି କମିଶନ ଭାଷାଗତ ଓ ଜାତିଗତ ଅଳ୍ପସଂଖ୍ୟକ ମାନଙ୍କର ବିଭିନ୍ନ ସମସ୍ୟା ଉପରେ ଦୃଷ୍ଟିଦେବା ପାଇଁ ଗଠନ କରାଯାଇଥିଲା । ରଙ୍ଗନାଥ ମିଶ୍ର କମିଶନ ନାମରେ ମଧ୍ୟ ସୁପରିଚିତ ଏହି କମିଶନ ୨୦୦୭ ମସିହାରେ ତାଙ୍କର ରିପୋର୍ଟ କେନ୍ଦ୍ର ସରକାରଙ୍କ ନିକଟରେ ଦାଖଲ କରିଥିଲା । [୧୧] ଏହି ରିପୋର୍ଟ ଦେଶ ମଧ୍ୟରେ ବହୁ ବାଦବିବାଦର ସୂତ୍ରପାତ କରାଇଛି । [୧୨]

ପାରିବାରିକ ଜୀବନ[ସମ୍ପାଦନା]

ରଙ୍ଗନାଥ ମିଶ୍ର ଓ ପତ୍ନୀ ସୁମିତ୍ରା ମିଶ୍ରଙ୍କର ଦୁଇଟି ପୁତ୍ର ଥିଲେ, ଦେବାନନ୍ଦ ମିଶ୍ର ଓ ଶିବାନନ୍ଦ ମିଶ୍ର । ଉଭୟ ପୁତ୍ରଙ୍କର ଆଗରୁ ତିରୋଧାନ ହୋଇଛି । ତାଙ୍କ ନାତି ଆନନ୍ଦ ମିଶ୍ର, ସୁପ୍ରିମ କୋର୍ଟରେ ଜଣେ ଆଇନଜୀବି ଭାବରେ କାମ କରନ୍ତି ।[୧୩] ୨୦୧୨ ମସିହା ସେପ୍ଟେମ୍ବର ମାସ ୧୩ ତାରିଖରେ ଭୁବନେଶ୍ଵରଠାରେ ତାଙ୍କର ପରଲୋକ ହୋଇଥିଲା ।[୧୪]

ଆଧାର[ସମ୍ପାଦନା]