ହଳଧର ନାଗ

ଉଇକିପିଡ଼ିଆ ରୁ
ସିଧାସଳଖ ଯିବେ ଦିଗବାରେଣିକୁ, ଖୋଜିବେ
ହଳଧର ନାଗ
Haldhar Nag.JPG
ଜନ୍ମ ମାର୍ଚ୍ଚ ୩୧, ୧୯୫୦ (1950-03-31) (୬୭ ବର୍ଷ)
ଘେଁସ, ସୋହେଲା ବରଗଡ଼
ଜାତୀୟତା ଭାରତୀୟ
ପୁରସ୍କାର ପଦ୍ମଶ୍ରୀ
ଜୀବନ ସାଥି ମାଳତୀ
ସନ୍ତାନ ନନ୍ଦିନୀ

ହଳଧର ନାଗ ଓଡ଼ିଶାର ଜଣେ ପଦ୍ମଶ୍ରୀ ସମ୍ମାନିତ କବି ଓ ଲେଖକ । ସେ କୋଶଳି ଭାଷାରେ ସାହିତ୍ୟ ସର୍ଜନା କରି, ସେ ପ୍ରାୟ ୩୩୦ରୁ ଉର୍ଦ୍ଧ ଅନୁଷ୍ଠାନଦ୍ଵାରା ପୁରସ୍କୃତ ହୋଇଛନ୍ତି ।[୧]

ବାଲ୍ୟଜୀବନ[ସମ୍ପାଦନା]

ହଳଧର ବରଗଡ଼ ଜିଲ୍ଲାର ଘେଁସଠାରେ ୧୯୫୦ ମସିହା ମାର୍ଚ ୩୧ ତାରିଖ ଦିନ ଜନ୍ମଗ୍ରହଣ କରିଥିଲେ । [୨] ମାତା ଗୁରୁବାରୀ ଓ ପିତା ଭଜନାଗଙ୍କ ୫ପୁଅ ଓ ୧ଝିଅଙ୍କ ମଧ୍ୟରୁ, ସେ ସର୍ବ କନିଷ୍ଠ । ହଳଧରଙ୍କ ପିଲାଦିନର ନାମ "କାଲିଆ" । ଦିନମଜୁରିଆ ପିତା ଭଜନାଗ, ପୁଅ ହଳଧରଙ୍କୁ ମାତ୍ର ୩ୟ ଶ୍ରେଣୀ ଯାଏଁ ପାଠ ପଢେଇ ପାରିଥିଲେ । ହଳଧର ପିଲାବେଳେ ଘେଁସର ପ୍ରାଥମିକ ବିଦ୍ୟାଳୟରେ ସେ ଜଣେ ପାଣି ଭାରୁଆ ଭାବେ କାମ କରୁ ଥିଲେ । ମାତ୍ର ୧୦ବର୍ଷ ବୟସରୁ ସେ ନିଜ ପିତାମାତାଙ୍କୁ ହରେଇଥିଲେ । ନିଜ ଗୁଜୁରାଣ ମେଣ୍ଟାଇବା ପାଇ ସେ ବିଦ୍ୟାଳୟ ହତାରେ ଏକ ତେଜରାତି ଦୋକନ କରି ସେ ଗୁଜୁରାଣ ମେଣ୍ଟାଉ ଥିଲେ । ସେଇଠି ଶିକ୍ଷକ ମାନେ ପିଲା ମାନଙ୍କୁ ପଢାଇବା ସମୟରେ ତାକୁ ଶୁଣି ଓ ମନେରଖି ସେ ନିଜେ ନିଜେ ଅଭ୍ୟାସ କରୁଥିଲେ ।

ସାହିତ୍ୟ ସାଧନା[ସମ୍ପାଦନା]

ଧରାବନ୍ଧା ଶିକ୍ଷାର ଅଭାବ ହଳଧରଙ୍କ ସାହିତ୍ୟ ସର୍ଜନାରେ କେବେ ବାଧା ହୋଇ ପାରିନାହିଁ । ଆରମ୍ଭରୁ କୋଶଳି ଲୋକ କାହାଣୀ ଲେଖୁଥିବା ହଳଧର, ୧୯୯୦ ମସିହାରେ ସେ ନିଜ ପ୍ରଥମ କବିତା "ଧୋଡୋ ବରଗଛ୍" ଲେଖିଥିଲେ ।[୩] ନିଜର ଅନୁଭୁତିକୁ ପାଥେୟ କରି ସେ ଲେଖିଛନ୍ତି ଅନେକ ଲୋକକାବ୍ୟ । କୋଶଳି ଭାଷାରେ ତାଙ୍କର ଅନେକ କିମ୍ବଦନ୍ତୀ ମୁଳକ କାବ୍ୟ ଅଛି । ତାଙ୍କ ରଚନା ମଧ୍ୟରୁ "ମହାସତୀ ଉର୍ମିଳା" ସର୍ବଶ୍ରେଷ୍ଠ ବୋଲି ହଳଧର ମନେ କରନ୍ତି ।

ଲୋକକାବ୍ୟ[ସମ୍ପାଦନା]

  • ରାତି
  • ଚଏତ୍ର ସକାଲ୍ ଆଏଲା
  • ଶବରୀ
  • ମାଁ
  • ଅଛିଆ
  • ବଛର୍
  • ମହାସତୀ ଉର୍ମିଳା
  • ରସିଆ କବି
  • ସତିଆବିହା
  • ତାରା ମନ୍ଦୋଦରୀ
  • ଶିରୀ ସମଲାଇ
  • ଲକ୍ଷ୍ମୀପୁରାଣ
  • ପ୍ରେମ୍ ପାଇଛନ୍
  • ବୀର୍ ସୁରେନ୍ଦ୍ର ସାଇ
  • ସନ୍ଥ କବି ଭୀମଭୋଇ
  • ଋଷି କବି ଗଙ୍ଗାଧର
  • ଭାବ୍
  • ସୁରୁତ୍
  • ହଳଧର ଗ୍ରନ୍ଥାବଳୀ -୧(ଫ୍ରେଣ୍ଡସ ପବ୍ଳିସରସ୍ କଟକ)
  • ହଳଧର ଗ୍ରନ୍ଥାବଳୀ -୨(ସମ୍ବଲପୁର ବିଶ୍ଵବିଦ୍ୟାଳୟଦ୍ଵାରା ପ୍ରକାଶିତ ହୋଇ, ପାଠ୍ୟକ୍ରମର ଅନ୍ତର୍ଭୁକ୍ତ କରାଯିବ)[୪]

ହଳଧରଙ୍କ ନାଁରେ "ଲୋକ କବି ରତ୍ନ ହଳଧର ସଂସ୍କୃତି ପରିଷଦ", "ହଳଧର ସାହିତ୍ୟ ସଂସଦ", "ହଳଧର କ୍ଲବ" ଓ "ଲୋକକବି ହଳଧର ବନ ବିଦ୍ୟାଳୟ" ଆଦି ଅନୁଷ୍ଠାନ ଗଢି ଉଠିଛି ।[୫]

ଲକ୍ଷ[ସମ୍ପାଦନା]

କୋଶଲି ଭାଷାରେ ବହୁତ କମ ଲେଖା ଅଛି । ଏଣୁ କୋଶଲି ଭାଷାକୁ ବିଶ୍ଵ ସ୍ତରରେ ପରିଚିତ କରାଇବା ପାଇଁ ସେ ଶପଥ ନେଇଛନ୍ତି ବୋଲି ହଲଧର କହନ୍ତି । କୋଶଲି ଭାଷା ସଂସ୍କୃତରୁ ହିଁ ସୃଷ୍ଟି । ମାତ୍ର ଉପଯୁକ୍ତ ଭାବେ ବୁଝିବା ପାଇଁ ଲୋକେ ସମର୍ଥ ହେଉନାହନ୍ତି ବୋଲି ହଲଧର କହନ୍ତି । ଯେମିତି ଗାମୁଛାକୁ କୋଶଲି ଭାଷାରେ କୁହାଯାଏ 'କରିଆ'। ସଂସ୍କୃତ ଭାଷାର କର ଧାତୁରୁ କରିଆ ସୃଷ୍ଟି । ଏଭଳି ଉଦାହରଣ ଅନେକ । ତେଣୁ ଏ ସବୁକୁ ଲୋକଲୋଚନକୁ ଆଣିବା ତାଙ୍କ ଲକ୍ଷ ବୋଲି ହଳଧର କୁହନ୍ତି ।[ଆଧାର ଲୋଡ଼ା]

ସମ୍ମାନ[ସମ୍ପାଦନା]

  • ପଦ୍ମଶ୍ରୀ - ୨୦୧୬[୬]
  • ବ୍ରହ୍ମପୁତ୍ର ସମ୍ମାନ(ସମ୍ବଲପୁର ବିଶ୍ଵବିଦ୍ୟାଳୟଦ୍ଵାରା ପ୍ରଦତ୍ତ)
  • ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର - ୨୦୧୪

ଉପାଧୀ[ସମ୍ପାଦନା]

  • ଲୋକ କବିରତ୍ନ
  • କୋଶଳ କୁଇଲି
  • ଯାଦବ କୁଳ ଗୌରବ
  • କୋଶଳ ରତ୍ନ
  • ଯାଦବ ରତ୍ନ[୭]

ଆଧାର[ସମ୍ପାଦନା]