ପର୍ଶୁରାମ ମିଶ୍ର
ପର୍ଶୁରାମ ମିଶ୍ର | |
|---|---|
| ଜନ୍ମ ଓ ଜନ୍ମସ୍ଥାନ | ୨୫ ଜାନୁଆରୀ ୧୮୯୪ |
| ମୃତ୍ୟୁ | ୪ ଅଗଷ୍ଟ ୧୯୮୧ (ବୟସ ୮୭) |
| ଜୀବିକା | ଉଦ୍ଭିଦ ବିଜ୍ଞାନୀ, ଶିକ୍ଷାବିତ |
| ପୁରସ୍କାର | ପଦ୍ମଶ୍ରୀ |
ପର୍ଶୁରାମ ମିଶ୍ର (୨୫ ଜାନୁଆରୀ ୧୮୯୪ - ୪ ଅଗଷ୍ଟ, ୧୯୮୧) ଜଣେ ଉଦ୍ଭିଦ ବିଜ୍ଞାନୀ ଓ ଶିକ୍ଷାବିତ । ସେ ଉତ୍କଳ ବିଶ୍ୱବିଦ୍ୟାଳୟ କୁଳପତି ଓ ସମ୍ବଲପୁର ବିଶ୍ୱବିଦ୍ୟାଳୟର ପ୍ରଥମ କୁଳପତି ଭାବେ ଦାୟିତ୍ୱ ନିର୍ବାହ କରିଥିଲେ । [୧] ସେ ୧୯୬୧ ମସିହାରେ ପଦ୍ମଶ୍ରୀ ପୁରସ୍କାରରେ ସମ୍ମାନୀତ ହୋଇଥିଲେ ।
ଜୀବନୀ[ସମ୍ପାଦନା]
ପର୍ଶୁରାମ, ୨୫ ଜାନୁଆରୀ ୧୮୯୪ ମସିହାରେ ସମ୍ବଲପୁର ଜିଲ୍ଲାର ବରପାଲି ଅନ୍ତର୍ଗତ ତୁଲଣ୍ଡି ଗ୍ରାମରେ ଜନ୍ମଗ୍ରହଣ କରିଥିଲେ ।[୨] ରେଭେନ୍ସା ମହାବିଦ୍ୟାଳୟରେ ଡେମନଷ୍ଟ୍ରେଟର ଭାବରେ ସେ ନିଜ ଚାକିରି ଜୀବନ ଆରମ୍ଭ କରିଥିଲେ । ୧୯୨୨ ମସିହାରେ ସେହି ଅନୁଷ୍ଠାନରେ ଉଦ୍ଭିଦବିଜ୍ଞାନ ବିଭାଗର ଅଧ୍ୟାପକ ଓ ପରେ ବିଭାଗମୁଖ୍ୟ ଭାବରେ କାର୍ଯ୍ୟ କରିଥିଲେ । ୧୯୫୦ମସିହାରେ ଗଙ୍ଗାଧର ମେହେର ମହାବିଦ୍ୟାଳୟର ଅଧ୍ୟକ୍ଷ ଥାଇ, ସେ ଅବସର ଗ୍ରହଣ କରିଥିଲେ । ୧୯୫୨ମସିହାରେ ସେ ଉତ୍କଳ ବିଶ୍ୱବିଦ୍ୟାଳୟର କୁଳପତି ଏବଂ ୧୯୬୭ମସିହାରେ ସମ୍ବଲପୁର ବିଶ୍ୱବିଦ୍ୟାଳୟର କୁଳପତି ପଦବୀମଣ୍ଡନ କରିଥିଲେ । ସେ ଲିଡ୍ସ ବିଶ୍ୱବିଦ୍ୟାଳୟରେ ଅଧ୍ୟୟନ କରି ପିଏଚଡି ହାସଲ କରିଥିଲେ ।[୩] ତାଙ୍କ ଉଦ୍ୟମରେ ବୁର୍ଲାରେ ଓଡ଼ିଶାର ପ୍ରଥମ ଇଞ୍ଜିନିୟରିଂ କଲେଜ ପ୍ରତିଷ୍ଠିତ ହୋଇଥିଲା । ମିଶ୍ରଙ୍କ ନାମରେ ଏକ ଶିକ୍ଷାନୁଷ୍ଠାନ ଅଛି ।[୪] ସେ ଅନେକ ବିଜ୍ଞାନ ସମ୍ବନ୍ଧିତ ନିବନ୍ଧ ଲେଖିଥିଲେ । ସେ କବିତା ମଧ୍ୟ ଲେଖୁଥିଲେ । ୧୯୮୧ମସିହା ଅଗଷ୍ଟ ୪ତାରିଖରେ ପର୍ଶୁରାମ ମିଶ୍ରଙ୍କର ମୃତ୍ୟୁ ଘଟିଥିଲା ।[୫]
ପୁରସ୍କାର ଓ ସମ୍ମାନ[ସମ୍ପାଦନା]
ଆଧାର[ସମ୍ପାଦନା]
- ↑ "Welcome to Sambalpur University". suniv.ac.in. 2012. Retrieved 10 June 2012.
The University started functioning from 1st January, 1967 with Prof.Parsuram Mishra as the first Vice-Chancellor.
- ↑ Encyclopaedia of Education, Culture and Children's Literature: v. 3. Indian culture and education. Deep & Deep Publications. 2009. pp. 171–. ISBN 978-81-8450-150-6.
- ↑ ଲିଡ୍ସ ବିଶ୍ୱବିଦ୍ୟାଳୟରେ ପଢୁଥିବାବେଳେ ପର୍ଶୁରାମ ମିଶ୍ରଙ୍କଦ୍ୱାରା ଲିଖିତ ଏକ ନିବନ୍ଧ
- ↑ "Dr.PARSHURAM MISHRA INSTITUTE OF ADVANCED STUDTY IN EDUCATION (PMIASE)". pmiasesambalpur.org. 2012. Retrieved 10 June 2012.
Dr.P.M.Institute of Advanced Study in Education, Sambalpur has been named after (Late) Padmashree Dr.Parshuram Mishra, a renowned scientist
{{cite web}}: no-break space character in|title=at position 52 (help) - ↑ "ଆଜି ଶ୍ରାଦ୍ଧବାର୍ଷିକୀ". ସମ୍ବାଦ ୦୪/୦୮/୨୦୨୦ ଭୁବନେଶ୍ୱର ସଂସ୍କରଣ ପୃଷ୍ଠା ୧୧. ଇଷ୍ଟର୍ଣ୍ଣ ମିଡିଆ ଲିମିଟେଡ଼. Retrieved 4 August 2020.
- ↑ "Previous Awardees". Padma Awards. Ministry of Home Affairs (Govt. of India). Retrieved 4 August 2020.
- ↑ "ଓଡ଼ିଶା ସାହିତ୍ୟ ଏକାଡେମୀଦ୍ୱାରା ସମ୍ବର୍ଦ୍ଧିତ ହୋଇଥିବା ସାହିତ୍ୟିକ/ ସାହିତ୍ୟିକା". Retrieved 4 August 2020.
 | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ ଅଟେ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |