ସହଦେବ ସାହୁ
ସହଦେବ ସାହୁ | |
|---|---|
 ଭୁବନେଶ୍ୱରରେ ସହଦେବ ସାହୁ | |
| ଜନ୍ମ ଓ ଜନ୍ମସ୍ଥାନ | ୯ ଅପ୍ରେଲ ୧୯୪୧ ରେକାବିବଜାର,ଯାଜପୁର, ଓଡ଼ିଶା |
| ବୃତ୍ତି | ଭାରତୀୟ ପ୍ରଶାସନିକ ସେବା, ସାହିତ୍ୟିକ |
| ଭାଷା | ଓଡ଼ିଆ |
| ଜାତୀୟତା | ଭାରତୀୟ |
| ସାହିତ୍ୟ କୃତି | ସୃଷ୍ଟିର ଜାତକ ଓ ଜୀବନ ଘଡ଼ି |
| ପୁରସ୍କାର | ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ସାରଳା ସମ୍ମାନ |
| ୱେବସାଇଟ | |
| ସହଦେବସାହୁ ଡଟ ଇନ | |
ସହଦେବ ସାହୁ (ଜନ୍ମ: ୯ ଅପ୍ରେଲ ୧୯୪୧) ଜଣେ ଭାରତୀୟ ପ୍ରଶାସନିକ ସେବା ଅଧିକାରୀ ଓ ସାହିତ୍ୟିକ ଅଟନ୍ତି । ସେ ଓଡ଼ିଶାର ମୁଖ୍ୟ ଶାସନ ସଚିବ ଭାବରେ କାର୍ଯ୍ୟ କରିଛନ୍ତି । ନିଜର ସାହିତ୍ୟ କୃତି ସୃଷ୍ଟିର ଜାତକ ଓ ଜୀବନ ଘଡ଼ି ପାଇଁ ସେ ୧୯୯୭ ମସିହାରେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଲାଭ କରିଥିଲେ ।
ବ୍ୟକ୍ତିଗତ ଜୀବନ
[ସମ୍ପାଦନା]ସହଦେବ, ୧୯୪୧ ମସିହା ଅପ୍ରେଲ ୯ ତାରିଖରେ ଯାଜପୁର ଜିଲ୍ଲାରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ଭାଗବତ ସାହୁ ଓ ମାତାଙ୍କ ନାମ ଶ୍ରୀୟା ସାହୁ ଥିଲା । ସେ ୧୯୫୭ ମସିହାରେ ଯାଜପୁର ଜିଲ୍ଲାର ପୁରୁଷୋତ୍ତମପୁର ହାଇସ୍କୁଲରୁ ମାଟ୍ରିକ ପାସ କରିଥିଲେ[୧] ଓ ରେଭେନ୍ସା ମହାବିଦ୍ୟାଳୟରୁ ୧୯୫୯ ମସିହାରେ ଆଇଏସସି ପାସ କରିଥିଲେ । ଏହି ଉଭୟ ଶ୍ରେଣୀରେ ସେ ସମଗ୍ର ରାଜ୍ୟରେ ପ୍ରଥମ ସ୍ଥାନ ଅଧିକାର କରିଥିଲେ । ୧୯୬୧ରେ ରାଜନୀତି ବିଜ୍ଞାନରେ ସ୍ନାତକ ଓ ୧୯୬୩ ମସିହାରେ ଆହ୍ଲାବାଦ ବିଶ୍ୱବିଦ୍ୟାଳୟରୁ ସ୍ନାତକୋତ୍ତର ପାଠ୍ୟକ୍ରମ ସମାପ୍ତ କରିଥିଲେ । ସ୍ନାତକୋତ୍ତର ଶ୍ରେଣୀରେ ସେ ଆହ୍ଲାବାଦ ବିଶ୍ୱବିଦ୍ୟାଳୟରେ ପ୍ରଥମ ସ୍ଥାନ ହାସଲ କରିଥିଲେ ।
ସହଦେବଙ୍କ ପତ୍ନୀ ସୁମିତ୍ରା ଜଣେ ସାହିତ୍ୟିକା ଥିଲେ । ତାଙ୍କ ଦୁଇପୁତ୍ରଙ୍କ ମଧ୍ୟରୁ ଜ୍ୟେଷ୍ଠ ସୁବ୍ରତ ଜଣେ ଭାରତୀୟ ପ୍ରଶାସନିକ ସେବା ଅଧିକାରୀ[୨][୩] ଓ କନିଷ୍ଠ ସୁଜିତ ଜଣେ ସଫ୍ଟୱେୟାର କର୍ମୀ ।
ବୃତ୍ତିଗତ ଜୀବନ
[ସମ୍ପାଦନା]ସହଦେବ, ଭାରତୀୟ ପ୍ରଶାସନିକ ସେବାରେ ୧୯୬୪ ମସିହାରେ ଯୋଗଦେଇ, ୨୦୦୦ ମସିହାରେ ଅବସର ଗ୍ରହଣ କରିଥିଲେ । ଏହି ସମୟରେ ସେ ଓଡ଼ିଶାର ମୁଖ୍ୟ ଶାସନ ସଚିବ ସମେତ, ବିଭିନ୍ନ ଗୁରୁତ୍ୱପୂର୍ଣ୍ଣ ପଦରେ ରହିଥିଲେ । ଅବସର ପରେ ସେ ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟର କୁଳପତି ଭାବରେ (୦୧/୧୧/୨୦୦୦ - ୩୧/୧୦/୨୦୦୩) କାର୍ଯ୍ୟ କରିଥିଲେ ।[୪] ଏତଦ ବ୍ୟତୀତ ସେ ସାରଳା ସାହିତ୍ୟ ସଂସଦ, ସାମନ୍ତ ଚନ୍ଦ୍ରଶେଖର ସ୍ମୃତି ପରିଷଦ, ଚିନ୍ତା ଓ ଚେତନା ଆଦି ସାହିତ୍ୟିକ ଓ ଅନ୍ୟ ବହୁ ସାମାଜିକ ଅନୁଷ୍ଠାନ ସହିତ ଜଡ଼ିତ ରହିଛନ୍ତି ।
ସାହିତ୍ୟ କୃତି
[ସମ୍ପାଦନା]ଗଳ୍ପ
[ସମ୍ପାଦନା]- ଏ ଦିଗ ସେ ଦିଗ - ୧୯୮୩
- ଆକାଶ କଲ୍ୟାଣ - ୧୯୮୫
- ଖଜୁରି ଗଛର ଶେଷ ପାହାଚ - ୧୯୯୧
- କଣ୍ଟାବାଡ଼ - ୧୯୯୫
- ସଲିଳ ସମାଧି - ୨୦୦୦
ପ୍ରବନ୍ଧ
[ସମ୍ପାଦନା]- ସମସ୍ୟା ଆଜି ଓ କାଲିର - ୧୯୭୬
- ଅନ୍ୟର ଆଈନାରେ - ୧୯୯୮
ଭ୍ରମଣ କାହାଣୀ
[ସମ୍ପାଦନା]- ଭିନ୍ନ ଦେଶ ଭିନ୍ନ ଦୃଷ୍ଟି - ୧୯୯୦
ଶିଶୁ ସାହିତ୍ୟ
[ସମ୍ପାଦନା]- ସରଗର ଚାନ୍ଦ - ୧୯୮୫
- ଦୈବୀ ପକ୍ଷୀ - ୧୯୮୯
- ବୁଦ୍ଧି ହିନ ବଳ - ୧୯୯୧
- ବୁଦ୍ଧି ପରୀକ୍ଷା ଭାଗ ୧ ଓ ୨ - ୧୯୮୪-୮୫
- ଯେତେ ଦୂର ସେତେ ପାଖ - ୧୯୮୯
- ଆଖିର ଲୁଚକାଳି - ୧୯୮୯
- ଅଦ୍ଭୁତ ପ୍ରାଣୀ ଜଗତ ଭାଗ ୧ ଓ ୨ - ୧୯୯୧
- ବିଜ୍ଞାନ ରହସ୍ୟ - ୧୯୮୯
- ଏମିତି ବି ଉଦଭାବନ ହେଉଛି - ୧୯୯୧
ବିଜ୍ଞାନ ଭିତ୍ତିକ ସାହିତ୍ୟ
[ସମ୍ପାଦନା]- ତାରକା ଯୁଦ୍ଧ ଓ ଅନ୍ୟାନ୍ୟ ପ୍ରବନ୍ଧ - ୧୯୮୬
- ସୃଷ୍ଟିର ଜାତକ ଓ ଜୀବନଘଡ଼ି - ୧୯୯୫
- ବିଜ୍ଞାନ ବୋଧ ଭାଗ ୧ ଓ ୨ - ୧୯୯୮/୨୦୦୦
- ଚଳନ୍ତି ବିଜ୍ଞାନ - ୨୦୦୦
- ଆଖିର ଲୁଚକାଳି - ୨୦୦୧
- ବିଜ୍ଞାନ ଓ ସମାଜ, ପ୍ରଭାବ ଓ ପ୍ରତିକ୍ରିୟା - ୨୦୦୨
- ଯନ୍ତ୍ରପାତିର କାହାଣୀ - ୨୦୦୨
- ଇଣ୍ଟରନେଟର କାହାଣୀ, ଅରୁ ହ ଯାଏଁ - ୨୦୦୧
- ସଚିତ୍ର ଇଣ୍ଟରନେଟ - ୨୦୦୯
- ଆମେ ଅକାଳକୁ ଡାକି ଆଣୁଛୁ - ୧୯୯୬ (ନେସନାଲ ବୁକ ଟ୍ରଷ୍ଟ)
- ପାଗଳ ଆମ୍ବ - ୧୯୯୭ (ନେସନାଲ ବୁକ ଟ୍ରଷ୍ଟ)
- ମୀର ସ୍ପେସ ଷ୍ଟେସନ - ୨୦୦୨ (ନେସନାଲ ବୁକ ଟ୍ରଷ୍ଟ)
କବିତା
[ସମ୍ପାଦନା]- ବରଗଛ ଓ ବସ୍ତି - ୧୯୯୫
ଅନ୍ୟ ଲେଖକଙ୍କ ସହିତ ସହ-ଲେଖନ
[ସମ୍ପାଦନା]- କମ୍ପ୍ୟୁଟର ପରିଚୟ
- ଆମ ଗଣତନ୍ତ୍ର
- ଗଛଲତାର ସଂସାର
ଇଂରାଜୀ ପୁସ୍ତକ
[ସମ୍ପାଦନା]- ରେସ୍ପନ୍ସିଭ ଆଡମିନିଷ୍ଟ୍ରେସନ (Responsive Administration)
- ଏ ଗାଇଡ଼ ଟୁ ଷ୍ଟାମ୍ପ କଲେକ୍ଟିଂ (A Guide to Stamp Collecting)
- ଆୱାର ନେସନାଲ ସିମ୍ବଲ: ଆନ ଓଭରଭ୍ୟୁ, ୨୦୦୧ (Our National Symbols: An Overview, 2001)
- ଫୋକ ଟେଲ୍ସ ଅଫ ଓଡ଼ିଶା (Folk Tales of Orissa 2001)
- ଟେଲସ ଫ୍ରମ ରାମାୟଣ (Tales From Ramayana)
ହିନ୍ଦୀ ପୁସ୍ତକ
[ସମ୍ପାଦନା]- ଆକାଶ କୁସୁମ
- ସୃଷ୍ଟି କି ଜନମପତ୍ରୀ
ପୁରସ୍କାର ଓ ସମ୍ମାନ
[ସମ୍ପାଦନା]- ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (ପ୍ରବନ୍ଧ ଓ ସମାଲୋଚନା), ୧୯୯୭ [୫]
- ସାରଳା ସମ୍ମାନ, ୨୦୦୦
- ପ୍ରାଣକୃଷ୍ଣ ପରିଜା ବିଜ୍ଞାନ ସମ୍ମାନ, ୧୯୯୫ (ଉତ୍କଳ ସାହିତ୍ୟ ସମାଜ ପ୍ରଦତ୍ତ)
- ଗୋପାଳ ଚନ୍ଦ୍ର ପଟ୍ଟନାୟକ ଲୋକପ୍ରିୟ ବିଜ୍ଞାନ ଲେଖକ ପୁରସ୍କାର, ୧୯୯୩ (ଓଡ଼ିଶା ବିଜ୍ଞାନ ପ୍ରଚାର ସମିତି ପ୍ରଦତ୍ତ)
- ବିଜ୍ଞାନ ପ୍ରଯୁକ୍ତି ବିଦ୍ୟା ପୁରସ୍କାର, ୨୦୦୪ (ଭୁବନେଶ୍ୱର ପୁସ୍ତକମେଳା)
- ପ୍ରଜ୍ଞାରତ୍ନ ସମ୍ମାନ - ୨୦୨୩ (ସାରଳା ସାହିତ୍ୟ ସଂସଦ ପ୍ରଦତ୍ତ)[୬]
ଆଧାର
[ସମ୍ପାଦନା]- ↑ "Toppers List" (PDF). www.bseodisha.nic.in/. Board of Secondary Education Odisha. Archived from the original (PDF) on 7 June 2021. Retrieved 7 June 2021.
{{cite web}}:|archive-date=/|archive-url=timestamp mismatch; 10 ଜାନୁଆରୀ 2020 suggested (help) - ↑ "ଓଡ଼ିଆ ପୁଅ ସୁବ୍ରତ ସାହୁ ହେଲେ ଛତିଶଗଡର ଅତିରିକ୍ତ ମୁଖ୍ୟ ଶାସନ ସଚିବ". www.nandighoshatv.com. ନନ୍ଦିଘୋଷ ଟିଭି. Archived from the original on 7 June 2021. Retrieved 7 June 2021.
- ↑ "ଛତିଶଗଡର ମୁଖ୍ୟ ଶାସନ ସଚିବ ଦାୟିତ୍ୱରେ ବରିଷ୍ଠ ଆଇଏଏସ ସୁବ୍ରତ ସାହୁ". www.prameyanews7.com/. ପ୍ରମେୟ. Retrieved 7 June 2021.
- ↑ "ABOUT UNIVERSITY". www.ouat.nic.in/. ouat. Archived from the original on 7 June 2021. Retrieved 7 June 2021.
- ↑ "ଓଡ଼ିଶା ସାହିତ୍ୟ ଏକାଡେମୀ ପୁରସ୍କୃତ ପୁସ୍ତକ ଓ ଲେଖକ". ଓଡ଼ିଶା ସାହିତ୍ୟ ଏକାଡେମୀ. Retrieved 8 June 2021.
- ↑ "ସହଦେବ ସାହୁ ପାଇବେ ପ୍ରଜ୍ଞାରତ୍ନ ସମ୍ମାନ". ସମ୍ବାଦ ୦୩/୦୫/୨୦୨୩ ଭୁବନେଶ୍ୱର ସଂସ୍କରଣ ପୃଷ୍ଠା ୧୩. ଇଷ୍ଟର୍ଣ୍ଣ ମିଡ଼ିଆ. 3 May 2023. Archived from the original on 3 May 2023. Retrieved 3 May 2023.