ଡି ପ୍ରକାଶ ରାଓ

ଉଇକିପିଡ଼ିଆ ରୁ
Jump to navigation Jump to search
ପଦ୍ମଶ୍ରୀ

ଡି ପ୍ରକାଶ ରାଓ
ଜନ୍ମ ଓ ଜନ୍ମସ୍ଥାନ
ଦେବରପଲ୍ଲୀ ପ୍ରକାଶ ରାଓ[୧]

୧୧ ନଭେମ୍ବର ୧୯୫୮ (1958-11-11) (୬୦ ବର୍ଷ)
ଜାତୀୟତାଭାରତୀୟ
ପ୍ରସିଦ୍ଧିସମାଜସେବା
ସନ୍ତାନହରିପ୍ରିୟା, ଭାନୁପ୍ରିୟା
ବାପା ବୋଉଡି କ୍ରୀଷ୍ଣମୂର୍ତ୍ତୀ, ଡି ଲକ୍ଷ୍ମୀ

ଡି ପ୍ରକାଶ ରାଓ(ଜନ୍ମ: ୧୧ ନଭେମ୍ବର ୧୯୫୮) କଟକରେ ରହୁଥିବା ଜଣେ ପଦ୍ମଶ୍ରୀ ସମ୍ମାନିତ ସମାଜସେବୀ । ପେଶାରେ ସେ ଜଣେ ଚା' ବିକାଳି ହୋଇଥିଲେ ମଧ୍ୟ ନିଜ ସମାଜସେବା କାର୍ଯ୍ୟପାଇଁ ଦେଶ ବିଦେଶରେ ପରିଚିତ ।[୨] ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କଟକରେ ରାଓଙ୍କୁ ସାକ୍ଷାତ କରିଥିଲେ ଓ ନିଜ ମନ କି ବାତ କାର୍ଯ୍ୟକ୍ରମରେ ତାଙ୍କର ପ୍ରଶଂସା ମଧ୍ୟ କରିଥିଲେ ।[୩]

ସମାଜସେବା[ସମ୍ପାଦନା]

ରାଓ, ସକାଳୁ ବକ୍ସି ବଜାରସ୍ଥିତ ନିଜ ଚା ଦୋକାନରେ ବିକ୍ରିବଟା ସାରି କଟକ ବଡ଼ ଡାକ୍ତରଖାନାକୁ ସବୁଦିନ ଯାଆନ୍ତି । ସେଠାରେ ରୋଗୀମାନଙ୍କର ଯେକୌଣସି ସେବା ଆବଶ୍ୟକ, ସେ ନିଜ ସାଧ୍ୟମତେ କରିଥାନ୍ତି । ଇତିମଧ୍ୟରେ ସେ ୨୧୭ଥର ରକ୍ତଦାନ କରିସାରିଛନ୍ତି ।[୪] ମୃତ୍ୟୁପରେ ନିଜ ଶରୀରଦାନ କରିବାକୁ ମଧ୍ୟ ସଂକଳ୍ପ ନେଇଛନ୍ତି । ଏତବ୍ୟତୀତ, ୨୦୦୦ମସିହାରୁ ରାଓ ନିଜ ଘରେ ବସ୍ତି ପିଲାଙ୍କପାଇଁ ଏକ ସ୍କୁଲ ଖୋଲିଛନ୍ତି । ସ୍କୁଲର ନାମ ରଖିଛନ୍ତି "ଆଶା ଆଶ୍ୱାସନା ଗୃହ" ଓ ପ୍ରଥମ ଶ୍ରେଣୀରୁ ତୃତୀୟ ଶ୍ରେଣୀ ଯାଏଁ ଶିକ୍ଷାଦାନ କରନ୍ତି । ବର୍ତ୍ତମାନ ସେଠାରେ ୭୫ଜଣ ଛାତ୍ର ପାଠ ପଢୁଛନ୍ତି ।[୫] ଚା' ଦୋକାନରୁ ହେଉଥିବା ଆୟର ଅଧା ସେ ଏହି ସ୍କୁଲ ପରିଚାଳନାରେ ଖର୍ଚ୍ଚ କରନ୍ତି ।[୬] ତାଙ୍କର ଏହି ସମାଜସେବା ଦେଖି ଜିଲ୍ଲା ପ୍ରଶାସନ ଓ ଅନ୍ୟାନ୍ୟ ବଦାନ୍ୟବ୍ୟକ୍ତି ତାଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି ।

ପାରିବାରିକ ଜୀବନ[ସମ୍ପାଦନା]

ସ୍ତ୍ରୀ ଓ ଦୁଇ ଝିଅ ହରିପ୍ରିୟା ଏବଂ ଭାନୁପ୍ରିୟାଙ୍କୁ ନେଇ ପ୍ରକାଶଙ୍କର ପରିବାର । ରାଓଙ୍କର ଅଣଜେଜେ ଡି ଆପାଲସ୍ୱାମୀ କାକିନାଡ଼ାରୁ ଆସି କଟକରେ ରହିଥିଲେ । ଜେଜେବାପା ଡି ଆଦି ନାରାୟଣ ସ୍ୱାମୀ ଥିଲେ ମଧୁବାବୁଙ୍କର ନିକଟତମ ବ୍ୟକ୍ତି । "ଉତ୍କଳ ଟ୍ୟାନେରୀ"ର ସେ ଥିଲେ ପରିଚାଳକ । ପିତା ଡି କ୍ରୀଷ୍ଣମୂର୍ତ୍ତୀ ଥିଲେ ଇଂରେଜମାନଙ୍କ ସୈନିକ । ଦ୍ୱିତୀୟ ବିଶ୍ୱଯୁଦ୍ଧରେ ସେ ଇଂରେଜମାନଙ୍କ ତରଫରୁ ଜାପାନ ବିରୁଦ୍ଧରେ ଯୁଦ୍ଧ କରିଥିଲେ । ବିଶ୍ୱଯୁଦ୍ଧପରେ ସେ କଟକରେ ଏକ ଖବରକାଗଜ ସଂସ୍ଥାରେ କାମ କରୁଥିଲେ । ସେଠାରୁ ଚାକିରି ଯିବାପରେ ତାଳଚେର ରାଜାଙ୍କଠୁ ୫ଟଙ୍କା ସାହାଯ୍ୟ ପାଇ ନିଜ ଚା ଦୋକାନ ଆରମ୍ଭ କରିଥିଲେ । ୫୪ବର୍ଷର ସେହି ଚା ଦୋକାନରେ ପ୍ରକାଶ ରାଓ ଏବେ କାର୍ଯ୍ୟରତ ।[୭]

ପୁରସ୍କାର ଓ ସମ୍ମାନ[ସମ୍ପାଦନା]

  • ପଦ୍ମଶ୍ରୀ, ୨୦୧୯[୮]

ଆଧାର[ସମ୍ପାଦନା]

  1. https://www.financialexpress.com/india-news/meet-devarapalli-prakash-rao-odisha-tea-seller-who-earned-pm-modis-praise-for-promoting-education-among-slum-children/1183482/
  2. https://www.ted.com/tedx/events/21658
  3. http://indianexpress.com/article/trending/trending-in-india/meet-d-prakash-rao-odisha-tea-seller-who-runs-school-for-slum-kids-5198780/
  4. https://www.ndtv.com/india-news/cuttack-tea-seller-prakash-rao-life-changed-after-narendra-modi-mann-ki-baat-1859860
  5. http://odishatv.in/odisha/body-slider/d-prakash-rao-tea-seller-who-turned-messiah-for-slum-children-264347
  6. https://economictimes.indiatimes.com/news/politics-and-nation/watch-cuttack-tea-seller-donates-half-of-his-earning-to-run-school-for-slum-kids/videoshow/64382368.cms
  7. "ବ୍ୟକ୍ତିତ୍ୱ". ନିତିଦିନ ୦୨/୦୬/୨୦୧୮ ପୃଷ୍ଠା ୯. Retrieved 2 June 2018.
  8. "Three from Odisha to get Padma awards; CM Naveen's sister Gita Mehta among awardees". odishatv.in. Retrieved 25 January 2019.