ପ୍ରମୋଦ କୁମାର ମହାନ୍ତି
ପ୍ରମୋଦ କୁମାର ମହାନ୍ତି | |
|---|---|
| ଜନ୍ମ | ୨୬ ଜାନୁଆରୀ ୧୯୪୨ ବିରିଡ଼ି, ଜଗତସିଂହପୁର |
| ମୃତ୍ୟୁ | ୨ ଫେବୃଆରୀ ୨୦୨୨ (ବୟସ ୮୦) |
| ଜାତୀୟତା | ଭାରତୀୟ |
| ଶିକ୍ଷାନୁଷ୍ଠାନ | ଅଲାଣ୍ଡୋ ଉ.ପ୍ରା. ବିଦ୍ୟାଳୟ, ଅଳକା ହାଇସ୍କୁଲ |
| ଉଲ୍ଲେଖନୀୟ କୃତି | ଅସରନ୍ତି ଅଣସର |
| ବୈବାହିକ-ସାଥୀ | କବିତା ପଟ୍ଟନାୟକ |
| ସନ୍ତାନ | ମିତ୍ରଭାନୁ |
| ପୁରସ୍କାର | କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର |
ପ୍ରମୋଦ କୁମାର ମହାନ୍ତି ( ୨୬ ଜାନୁଆରୀ ୧୯୪୨ - ୨ ଫେବୃଆରୀ ୨୦୨୨ ), କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପ୍ରାପ୍ତ[୧] ଜଣେ ଓଡ଼ିଆ କବି ଥିଲେ ।[୨]
ବ୍ୟକ୍ତିଗତ ଜୀବନ
[ସମ୍ପାଦନା]କବି ମହାନ୍ତି, ୧୯୪୨ମସିହାରେ ଜଗତସିଂହପୁର ଜିଲ୍ଲାର ବିରିଡିଠାରେ ଜନ୍ମଗ୍ରହଣ କରିଥିଲେ । ଅଲାଣ୍ଡୋ ଉ.ପ୍ରା. ବିଦ୍ୟାଳୟ ଓ ଅଳକା ହାଇସ୍କୁଲରେ ସେ ପାଠ ପଢ଼ିଥିଲେ । ରେଭେନ୍ସା ମହାବିଦ୍ୟାଳୟରୁ ସେ ମନୋବିଜ୍ଞାନରେ ସ୍ନାତକ ଶିକ୍ଷା ହାସଲ କରିଥିଲେ । ସ୍ନାତକ ଶିକ୍ଷା ସମାପ୍ତ କରିବାପରେ ସେ ଚିନ୍ତାମଣି ବିଦ୍ୟାପୀଠରେ କିଛି ଦିନ ଶିକ୍ଷକତା କରିଥିଲେ । ପରେ ସ୍ନାତକୋତ୍ତର ଶିକ୍ଷା ସମାପ୍ତ କରିବାପରେ ବାଙ୍କି ମହାବିଦ୍ୟାଳୟରେ ଅଧ୍ୟାପନା ଆରମ୍ଭ କରିଥିଲେ । ପରେ ସେ ଭୁବନେଶ୍ବରସ୍ଥିତ ରାଜ୍ୟ ଗ୍ରାମ୍ୟ ଉନ୍ନୟନ ପ୍ରତିଷ୍ଠାନରେ ମନୋବିଜ୍ଞାନର ଅଧ୍ୟାପନା କରି, ସେହି ଅନୁଷ୍ଠାନରୁ ନିର୍ଦ୍ଦେଶନା-ଅଧ୍ୟାପକ ପଦରେ ଥାଇ ୧୯୯୪ ମସିହାରେ ଅବସର ଗ୍ରହଣ କରିଥିଲେ ।
ସାହିତ୍ୟିକ ଜୀବନ
[ସମ୍ପାଦନା]ଶୈଶବରୁ ସାହିତ୍ୟ ପ୍ରତି ସେ ଆକର୍ଷିତ ଥିଲେ । ହାଇସ୍କୁଲରେ ପଢ଼ିଲା ବେଳେ, ସବୁଜପଲ୍ଲୀ ନାମରେ ଏକ ହାତଲେଖା ପତ୍ରିକା ବାହାର କରୁଥିଲେ । ପରବର୍ତ୍ତୀ ସମୟରେ ଏହି ପତ୍ରିକାର ନାମ ବଦଳି ମୈତ୍ରୀ ହୋଇଥିଲା । ସବୁଜପଲ୍ଲୀ ଓ ମୈତ୍ରୀ ପତ୍ରିକାରୁ ହିଁ ପ୍ରମୋଦଙ୍କର ଲେଖାଲେଖି ଆରମ୍ଭ ହୋଇଥିଲା ।
ପ୍ରମୋଦ, ଜଣେ ସହକାରୀ ଶିକ୍ଷକ ଭାବରେ ନିଜର ବୃତ୍ତିଗତ ଜୀବନ ଆରମ୍ଭ କରିଥିଲେ । ପରବର୍ତ୍ତୀ ସମୟରେ ଭଦ୍ରକ ମହାବିଦ୍ୟାଳୟରେ, ମନୋବିଜ୍ଞାନର ଗବେଷକ ଭାବରେ ଯୋଗଦାନ କରିଥିଲେ । ସେଠାର ଅନୁକୁଳ ପରିବେଶ, ମହାନ୍ତିଙ୍କୁ କବିତା ଲେଖିବା ପାଇଁ ପ୍ରେରଣା ଯୋଗାଇଥିଲା । ପ୍ରଜାତନ୍ତ୍ର, କଳିଙ୍ଗ ପ୍ରଭୃତି ପତ୍ରିକାରେ ତାଙ୍କର କବିତା ପ୍ରକାଶିତ ହେବାକୁ ଲାଗିଲା । ବିଭିନ୍ନ ପତ୍ରପତ୍ରିକା ଓ ସ୍ମରଣିକାରେ ପ୍ରକାଶିତ କବିତାକୁ ଏକାଠିକରି, କ୍ରମଶଃ ନାମକ କବିତା ସଂକଳନ ପ୍ରକାଶିତ ହେଲା । [୩]
ସାହିତ୍ୟ କୃତି
[ସମ୍ପାଦନା]ପଦ୍ୟ ପୁସ୍ତକ
[ସମ୍ପାଦନା]- କ୍ରମଶଃ - ୧୯୬୭
- ଦେବୀପାଦ - ୧୯୮୧
- ଅକାତକାତ - ୧୯୯୫
- ଚିତ୍ର ନଦୀ - ୨୦୦୨
- ଅସରନ୍ତି ଅଣସର - ୨୦୦୬ ( ଏଣ୍ଡ୍ଲେସ୍ ଆଡର୍ଣ୍ଣମେଣ୍ଟ୍ ନାମରେ ମେରି ମହାନ୍ତିଙ୍କଦ୍ୱାରା ଇଂରାଜୀ ଭାଷାକୁ ଅନୁବାଦିତ)
- ଅଲଗା କୁହ - ୨୦୦୭
- ଚିତ୍ର ଚିତ୍ରକ - ୨୦୦୯
- ଚିତ୍ର ପେଡ଼ି - ୨୦୦୯
- ଅକ୍ଷର ସେବା - ୨୦୧୪
- ବାଙମୟ ବର୍ଣ୍ଣମାଳା - ୨୦୧୬
- ଅଧାଅଧା ଅଲିମ୍ପିକ - ୨୦୧୭
ଗଦ୍ୟ ପୁସ୍ତକ
[ସମ୍ପାଦନା]- ପିଲାଙ୍କୁ କିପରି ମଣିଷ କରିବ
- ସିଗ୍ମଣ୍ଡ୍ ଫ୍ରଏଡ୍: ଜୀବନୀ ଓ ମନସମୀକ୍ଷା ତତ୍ତ୍ବ
ସମ୍ମାନ ଓ ପୁରସ୍କାର
[ସମ୍ପାଦନା]- କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର(ଅସରନ୍ତି ଅଣସର ପାଇଁ) - ୨୦୦୮ [୪]
- ବିଷୁବ ପୁରସ୍କାର, ୨୦୧୨ (ପ୍ରଜାତନ୍ତ୍ର ପ୍ରଚାର ସମିତି ପ୍ରଦତ୍ତ)[୫]
- ଝଙ୍କାର ପୁରସ୍କାର (କବିତା), ୧୯୯୬ (ପ୍ରଜାତନ୍ତ୍ର ପ୍ରଚାର ସମିତି ପ୍ରଦତ୍ତ)[୬]
- ଭାନୁଜୀ ରାଓ ସ୍ମାରକୀ ପୁରସ୍କାର, ୨୦୦୬ (ଶ୍ରୀ ଗଂଗାଧର ରଥ ଫାଉଣ୍ଡେସନ୍ ପ୍ରଦତ୍ତ)
- ଧରିତ୍ରୀ ପୁରସ୍କାର
ମୃତ୍ୟୁ
[ସମ୍ପାଦନା]୨୦୨୨ ମସିହା ଫେବୃଆରୀ ୨ ତାରିଖଦିନ ଭୁବନେଶ୍ୱରଠାରେ ପ୍ରମୋଦଙ୍କର ମୃତ୍ୟୁ ଘଟିଥିଲା ।[୭]
ଆଧାର
[ସମ୍ପାଦନା]- ↑ http://odisha.gov.in/e-magazine/orissaannualreference/2014/pdf/106-107.pdf
- ↑ http://www.newindianexpress.com/nation/article18968.ece[permanent dead link]
- ↑ "ପ୍ରଥମ ବହି : କ୍ରମଶଃ". ଧରିତ୍ରୀ ସାହିତ୍ୟାୟନ ସେପ୍ଟେମ୍ବର ୧୮-ଅକ୍ଟୋବର ୨, ୨୦୧୫ ପୃଷ୍ଠା ୨. Retrieved 29 September 2015.
- ↑ "AKADEMI AWARDS (1955-2020)". କେନ୍ଦ୍ର ସାହିତ୍ୟ ଏକାଡେମୀ. Retrieved 13 June 2021.
- ↑ http://orissamatters.com/2012/04/13/poet-pramod-mohanty-felicitated-with-bishuba-samman/
- ↑ "ଝଙ୍କାର ପୁରସ୍କାର ବିଜେତା" (PDF). ପ୍ରଜାତନ୍ତ୍ର ପ୍ରଚାର ସମିତି. Archived (PDF) from the original on 8 October 2020. Retrieved ୧୩ ଜୁନ ୨୦୨୧.
{{cite web}}: Check date values in:|accessdate=(help) - ↑ "ପରଲୋକରେ କେନ୍ଦ୍ର ସାହିତ୍ୟ ଏକାଡେମି ପୁରସ୍କାର ପ୍ରାପ୍ତ କବି ପ୍ରମୋଦ କୁମାର ମହାନ୍ତି". www.sambad.in. ଇଷ୍ଟର୍ଣ୍ଣ ମିଡ଼ିଆ. Archived from the original on 2 February 2022. Retrieved 2 February 2022.