ଧନେଶ୍ଵର ମହାପାତ୍ର

ଉଇକିପିଡ଼ିଆ ରୁ
Jump to navigation Jump to search
ଧନେଶ୍ଵର ମହାପାତ୍ର
ଜନ୍ମ ୫ ଅଗଷ୍ଟ ୧୯୩୧(1931-08-05)
ଆୟତନ, କନିକା, କେନ୍ଦ୍ରାପଡ଼ା
ମୃତ୍ୟୁ ୨ ଜୁଲାଇ ୨୦୧୮ (୮୬ ବର୍ଷ)
କଟକ
ବୃତ୍ତି ଭାଷାବିତ୍ତ
ଭାଷା ଓଡ଼ିଆ
ଶିକ୍ଷା ପିଏଚଡି (ଓଡ଼ିଆ ଭାଷାତତ୍ତ୍ଵ)
ପୁରସ୍କାର ଅତିବଡ଼ୀ ଜଗନ୍ନାଥ ଦାସ ପୁରସ୍କାର
ଜୀବନ ସାଥି ଜୀବନ କୁମାରୀ ମହାପାତ୍ର
ସନ୍ତାନ ଧର୍ମବତ, କବିତା, ବିନୀତା, ଅନୀତା, ମମତା

ଧନେଶ୍ଵର ମହାପାତ୍ର ଜଣେ ଜଣାଶୁଣା[୧] ଓଡ଼ିଆ ଭାଷାବିତ୍ତ ଓ ସାହିତ୍ୟିକ ।[୨] ୨୦୧୩ ମସିହା ପାଇଁ, ତାଙ୍କୁ ଅତିବଡ଼ୀ ଜଗନ୍ନାଥ ଦାସ ପୁରସ୍କାରରେ ସମ୍ମାନୀତ କରାଯାଇଥିଲା ।[୩]

ବାଲ୍ୟଜୀବନ ଓ ଶିକ୍ଷା[ସମ୍ପାଦନା]

ଧନେଶ୍ଵର ମହାପାତ୍ର ୫ ଅଗଷ୍ଟ ୧୯୩୧ରେ କେନ୍ଦ୍ରାପଡ଼ା ଜିଲ୍ଲା କନିକା ଅନ୍ତର୍ଗତ ଆୟତନ ଗ୍ରାମରେ ଜନ୍ମଗ୍ରହଣ କରିଥିଲେ ।[୪] ସେ ମାତ୍ର ୩ ବର୍ଷ ବୟସରେ ନିଜ ପିତାଙ୍କୁ ହରାଇଥିଲେ । ନିଜ ଗାଁ ସ୍କୁଲରେ ମାତ୍ର ଚତୁର୍ଥ ଶ୍ରେଣୀ ଯାଏଁ ପାଠ ପଢ଼ିଥିଲେ । ଘରୋଇ ଭାବେ ପରୀକ୍ଷାଦେଇ, ସେ ଓଡ଼ିଆରେ ସ୍ନାତକୋତ୍ତର ଓ ସଂସ୍କୃତରେ ସ୍ନାତକୋତ୍ତର, ସାହିତ୍ୟାଚାର୍ଯ୍ୟ ଓ ବି.ଇ.ଡି ପାଠ ପଢ଼ିଥିଲେ । ସେ ଓଡ଼ିଆ ଭାଷାତତ୍ତ୍ଵରେ ପିଏଚଡି କରି, ଡକ୍ଟରେଟ ହାସଲ କରିଥିଲେ ।[୪]

କର୍ମଜୀବନ[ସମ୍ପାଦନା]

ଧନେଶ୍ଵର ମହାପାତ୍ର, ୧୯୫୨ ମସିହାରେ ନିଜ ଗ୍ରାମ ଆୟତନ ଏମ. ଇ ସ୍କୁଲରୁ ଶିକ୍ଷକତା ଆରମ୍ଭ କରିଥିଲେ । ପରବର୍ତ୍ତୀ ସମୟରେ, ସେ ରେଭେନ୍ସା କଲିଜିଏଅଟ ସ୍କୁଲ ଓ କଟକ ସେକେଣ୍ଡାରୀ ଟ୍ରେନିଂ ସ୍କୁଲରେ ମଧ୍ୟ ଶିକ୍ଷକତା କରିଥିଲେ । ଇତିମଧ୍ୟରେ, ସେ ନିଜ ସ୍ନାତକୋତ୍ତର ପାଠ ଶେଷ କରିସାରିଥିଲେ । ଏହାପରେ, ସେ ସୁନ୍ଦରଗଡ଼ କଲେଜ, ରେଭେନ୍ସା କଲେଜ ଓ ଭଦ୍ରକ କଲେଜରେ ଅଧ୍ୟାପନା କରିଥିଲେ । ଏହାପରେ ସେ ଭୁବନେଶ୍ଵରସ୍ଥିତ ରାଜ୍ୟ ପାଠ୍ୟ ପୁସ୍ତକ ପ୍ରଣୟନ ଓ ପ୍ରକାଶନ ସଂସ୍ଥାରେ କାମକରି ୧୯୮୪ ମସିହାରେ ଅବସର ଗ୍ରହଣ କରିଥିଲେ । ଏହି ସମୟ ବେଳକୁ କଟକ ରାଜାବଗିଚାରେ ସିଟି କଲେଜ ଆରମ୍ଭ ହେଲା ଓ ସେ ସେଠାରେ ୧୦ବର୍ଷ ଅଧ୍ୟକ୍ଷ ଭାବରେ କାର୍ଯ୍ୟ କରିଥିଲେ ।

ପ୍ରକାଶିତ ପୁସ୍ତକ[ସମ୍ପାଦନା]

ଧନେଶ୍ଵର ମହାପାତ୍ରଙ୍କର କେତୋଟି ପ୍ରକାଶିତ ପୁସ୍ତକର ତାଲିକା :

  • ସାରଳା ମହାଭାରତର ଭାଷା ତାତ୍ତ୍ଵିକ ଅନୁଶୀଳନ
  • ଓଡ଼ିଆ ଧ୍ଵନିତତ୍ତ୍ଵ ଓ ଶବ୍ଦସମ୍ଭାର[୫]
  • ଓଡ଼ିଆ ଭାଷାତତ୍ତ୍ଵ - 'ବିଚାର ଓ ବିଶ୍ଳେଷଣ'
  • ଆଧୁନିକ ଓଡ଼ିଆ ବ୍ୟାକରଣ
  • ସରଳ ଓଡ଼ିଆ ଅଭିଧାନ
  • ଆମ ଓଡ଼ିଆ ବ୍ୟାକରଣ(ଭାଗ ୧ ଓ ୨)
  • ସାହିତ୍ୟ ତତ୍ତ୍ଵ
  • ରମ୍ୟ ଅରମ୍ୟ
  • ସେ ଦିନ ସକାଳ
  • ହାସ୍ୟ- ହାସିକା
  • ବୁଲ ମୁକ୍ତ ବିହଙ୍ଗ ପରି
  • ବନ୍ଦୀ ଆଳାପ
  • ସଂସାର ଚିତ୍ର
  • ସନ୍ଥ ତୁଳସୀ ଦାସ(ନାଟକ)
  • ବେଣୀ ବନ୍ଧନ(ନାଟକ)
  • ବାଡ୍ଂମୟ
  • ଠିକପଢ଼ ଠିକଲେଖ
  • ବୁଦ୍ଧ ଚରିତଂ
  • ସେଦିନ ସକାଳ(କବିତା)
  • କାଳୀଦାସ ଗ୍ରନ୍ଥାବଳୀ
  • ଅଶ୍ୱଘୋଷ ରଚନାବଳୀ
  • ମୋ ଜୀବନ କାହାଣୀ(ଆତ୍ମଜୀବନୀ)[୬]

ପୁରସ୍କାର ଓ ସମ୍ମାନ[ସମ୍ପାଦନା]

ଧନେଶ୍ଵର ମହାପାତ୍ର ଲାଭକରିଥିବା ଏକ ଶତରୁ ଉର୍ଦ୍ଧ ସମ୍ମାନ ଓ ପୁରସ୍କାର ମଧ୍ୟରୁ କେତୋଟି :

  • ଅତିବଡ଼ୀ ଜଗନ୍ନାଥ ଦାସ ସମ୍ମାନ - ୨୦୧୩[୭]
  • ସୋଭିଏତ ଦେଶ ନେହେରୁ ପୁରସ୍କାର
  • ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (ଅନୁବାଦ), ୧୯୯୨ (ବୁଦ୍ଧ ଚରିତଂ)[୮]
  • ପ୍ରାଣନାଥ ମଞ୍ଜରୀ ଦେବୀ ସାହିତ୍ୟ ସମ୍ମାନ
  • ଉତ୍କଳ ସାହିତ୍ୟ ସମାଜ ସମ୍ମାନ
  • ନିଳଚକ୍ର ପୁରସ୍କାର ସହ ଉତ୍କଳ ପାଣିନି ଉପାଧୀ
  • ଉତ୍କଳ ପାଠକ ସମ୍ମାନ
  • ଜଷ୍ଟିସ ରାଜଗୋପାଳ ଦାସ ସ୍ମୃତି ସମ୍ମାନ
  • ପଣ୍ଡିତ ବିରୂପାକ୍ଷ କର ସ୍ମୃତି ସମ୍ମାନ
  • ସାରଳା ସାହିତ୍ୟ ସମାଜ ପକ୍ଷରୁ ଗୋଦାବରୀଶ ମିଶ୍ର ସମ୍ମାନ
  • ହେତୁବାଦି ଲେଖକ ସମାଜର ଚର୍ଚ୍ଚା ସମ୍ମାନ
  • ଗୋକର୍ଣ୍ଣିକା ସାହିତ୍ୟ ସମାଜ ସମ୍ମାନ
  • ଉତ୍କଳ ପାଠକ ସଂସଦ ସମ୍ମାନ
  • ଖରସ୍ରୋତା ସମ୍ମାନ [୯]

ଆଧାର[ସମ୍ପାଦନା]