ବିଶ୍ଵଜିତ ଦାସ

ଇଂରାଜୀ ଲିଙ୍କ

https://or.wikipedia.org/wiki/Biswajeet_Das

ବିଶ୍ଵଜିତ ଦାସ
ଜନ୍ମ	୧୯୩୬ ଓଡ଼ିଶା
ମୃତ୍ୟୁ	୩୦ ଡିସେମ୍ବର ୨୦୦୪
ଶିକ୍ଷାନୁଷ୍ଠାନ	ରେଭେନ୍ସା ମହାବିଦ୍ୟାଳୟ
ବିଷୟ	କବି, ଗାଳ୍ପିକ ଓ ବ୍ୟଙ୍ଗ ଲେଖକ
ଜୀବନ ସାଥି	ଗାୟତ୍ରୀ ଦେବୀ
ସନ୍ତାନ	ଶ୍ରେୟସୀ ଦାସ

ବିଶ୍ଵଜିତ ଦାସ (୧୯୩୬-୨୦୦୪) ଓଡ଼ିଶା ରେ ଜନ୍ମିତ ଜଣେ ଖ୍ୟାତନାମା ଓଡ଼ିଆ ନାଟ୍ୟକାର । ମା କୃଷ୍ଣକାମିନୀ ଦେବୀ ଏବଂ ପେସାରେ ହୋମିଓପାଥି ଡାକ୍ତର ତଥା ନାଟ୍ୟକାର ଓ ଅଭିନେତା ଥିବା ତାଙ୍କର ବାପା ସୁବୋଧ ଦାସ ଥିଲେ ତାଙ୍କ ପ୍ରେରଣାର ଉତ୍ସ ।

କେତୋଟି ବିଦେଶୀ ଭାଷାର ନାଟକକୁ ଓଡ଼ିଆରେ ଅନୁବାଦ କରି ସେ ଓଡ଼ିଆ ସାହିତ୍ୟକୁ ବହୁଭାବରେ ସମୃଦ୍ଧ କରିଛନ୍ତି । ୧୯୫୮ ମସିହାରେ ସେ ରାଜ୍ୟସରକାରଙ୍କ ଘରୋଇ ଲୋକସମ୍ପର୍କ ବିଭାଗ ଅଧୀନରେ ଥିବା ରାଜ୍ୟ ସୂଚନା କେନ୍ଦ୍ରରେ ସୂଚନା ଅଧିକାରୀ ଭାବେ କାର୍ଯ୍ୟାରମ୍ଭ କରିଥିଲେ । ୧୯୯୪ରେ ଯୁଗ୍ମ ନିର୍ଦ୍ଦେଶକ ପଦବୀରେ ଥାଇ ସେ ଚାକିରୀରୁ ଅବସର ଗ୍ରହଣ କରିଥିଲେ ।

ସେ ପ୍ରିୟତମା ଓ ନିଝୁମ ରାତିର ସାଥୀ କଥାଚିତ୍ରର ନିର୍ଦେଶନା ଦେବାସହ ଗୌରୀ, ନାଗଫାସ, ଅହଲ୍ୟା କାବେରୀ ଓ ତୁଣ୍ଡବାଇଦ କଥାଚିତ୍ରର ସଂଳାପ ରଚନା କରିଥିଲେ ।

୨୦୦୪ ମସିହା, ଡିସେମ୍ବର ୩୦ ତାରିଖ ଦିନ ତାଙ୍କର ମୃତ୍ୟୁ ହୋଇଥିଲା ।

ରଚନାବଳୀ

୧୯୫୨ ମସିହାରେ ରେଭେନ୍ସା ମହାବିଦ୍ୟାଳୟରେ ପଢ଼ିବାବେଳେ ସେ ପ୍ରଥମେ ଏକାଙ୍କିକା ଲେଖିବା ଆରମ୍ଭ କରିଥିଲେ । ୧୯୬୪ ମସିହାରେ ଓଡ଼ିଶା ସଙ୍ଗୀତ ନାଟକ ଏକାଡେମୀର ପ୍ରତିଯୋଗିତାରେ ବିଶ୍ଵଜିତଙ୍କ ଲିଖିତ 'ନାଲିପାନ ରାଣୀ, କଳାପାନ ଟିକା' କୁ ୫ଟି ଶ୍ରେଷ୍ଠ ପୁରସ୍କାରରୁ ୪ଟି ମିଳିଥିଲା

ନାଟକ ଓ ଏକାଙ୍କିକା

• ବହ୍ନି
• ମୃଗୟା
• ଦୃଶ୍ୟ
• ଡାଆଣୀ
• ବଇଁଶୀ
• ତନ୍ଦ୍ରା
• ବ୍ୟର୍ଥଲଗ୍ନ
• ସ୍ଵର୍ଗମର୍ତ୍ତ୍ୟ
• ଛଦ୍ମବେଶୀ
• ସୋ
• ନିର୍ଦ୍ଧାରିତ ଶିଳ୍ପୀଙ୍କ ଅନୁପସ୍ଥିତିରେ
• ପ୍ରଥମ ଦୃଶ୍ୟ
• ନାଲିପାନ ରାଣୀ, କଳାପାନ ଟିକା

ଦୁରଦର୍ଶନ ଧାରାବହିକ

• ସତ୍ୟ
• ସାଧୁ ସାବଧାନ

ସମ୍ମାନ ଓ ପୁରସ୍କାର

• ସିନେକ୍ରିଟିକ ପୁରସ୍କାର
• ଶ୍ରେଷ୍ଠ ନିର୍ଦ୍ଦେଶକ ପୁରସ୍କାର
• ୧୯୫୭ରେ ଭାରତୀୟ ସ୍ଵାଧୀନତା ସଂଗ୍ରାମର ଦଶମ ବାର୍ଷିକ ଉତ୍ସବ ଉପଲକ୍ଷେ ଅନୁଷ୍ଠିତ ରାଜ୍ୟସ୍ତରୀୟ ନାଟୋକତ୍ସବରେ ସର୍ବଶ୍ରେଷ୍ଠ ନାଟକ ରୂପେ 'ବହ୍ନି' ପୁରସ୍କୃତ ହେଇଥିଲା ।