କୃତାର୍ଥ ଆଚାର୍ଯ୍ୟ
କୃତାର୍ଥ ଆଚାର୍ଯ୍ୟ | |
|---|---|
| ଜନ୍ମ | ୨୦ ମାର୍ଚ୍ଚ ୧୯୦୦ |
| ମୃତ୍ୟୁ | ୭ ମଇ ୧୯୭୯ (ବୟସ ୭୯) |
| ବୈବାହିକ-ସାଥୀ | ଚଞ୍ଚଳା ଆଚାର୍ଯ୍ୟ [୧] |
| ସନ୍ତାନ | ଆନନ୍ଦ ଆଚାର୍ଯ୍ୟ, ପ୍ରସନ୍ନ ଆଚାର୍ଯ୍ୟ |
| ପୁରସ୍କାର | ପଦ୍ମଶ୍ରୀ |
କୃତାର୍ଥ ଆଚାର୍ଯ୍ୟ (୨୦ ମାର୍ଚ୍ଚ ୧୯୦୦ - ୭ ମଇ ୧୯୭୯)[୨] ଜଣେ ସମାଜସେବୀ ଥିଲେ ।[୩] ସେ ୧୯୫୪ ମସିହାରେ ସମ୍ବଲପୁରୀ ବସ୍ତ୍ରାଳୟ ନାମରେ ଏକ ତନ୍ତୁବାୟ ସମବାୟ ସମିତି ଗଠନ କରିଥିଲେ ।[୪][୫] ସମାଜସେବା ଓ ସମ୍ବଲପୁରୀ ବସ୍ତ୍ରର ଉନ୍ନତି ପାଇଁ ୧୯୬୫ ମସିହାରେ ଭାରତ ସରକାର ତାଙ୍କୁ ପଦ୍ମଶ୍ରୀ ପୁରସ୍କାରରେ ସମ୍ମାନିତ କରିଥିଲେ ।
ଜୀବନୀ
[ସମ୍ପାଦନା]ଆଚାର୍ଯ୍ୟ, ୧୯୦୦ ମସିହାରେ ବରଗଡ଼ ଜିଲ୍ଲାର ଜବକାଟିକରା ଗ୍ରାମରେ ଜନ୍ମଗ୍ରହଣ କରିଥିଲେ । ପରିବାରର ଆର୍ଥିକ ଦୁରାବସ୍ଥା ଯୋଗୁ, ତାଙ୍କର ବାଲ୍ୟକାଳ ଅସୁବିଧାରେ କଟିଥିଲା । ସେ ମାଟ୍ରିକ ପରୀକ୍ଷାରେ କୃତକାର୍ଯ୍ୟ ହୋଇ ପାରିନଥିଲେ । ରୋଜଗାର ପାଇଁ, ସେ ଜଣେ ମୁସଲମାନ ବ୍ୟବସାୟୀଙ୍କ ପାଖରେ କାମ କରିବା ସହିତ ଶିକ୍ଷକତା ଆରମ୍ଭ କରିଥିଲେ । ମହାତ୍ମା ଗାନ୍ଧୀଙ୍କ "କାଟି ଖାଅ, କୁଟି ପିନ୍ଧ" କଥାକୁ ସେ ଅନୁସରଣ କରୁଥିଲେ । ବରଗଡ଼ର ଆମ୍ବପାଲିଠାରେ କିଛି ହରିଜନ ବୁଣାକାରଙ୍କ ଲୁଗାବୁଣାର ନୂତନ ବିଧି ଶିଖେଇଥିଲେ । ସମ୍ବଲପୁରୀ ବସ୍ତ୍ରାଳୟ ମାଧ୍ୟମରେ ସେ ବୁଣାକାରମାନଙ୍କର ଆର୍ଥିକ ଅବସ୍ଥାରେ ଉନ୍ନତି ଆଣି ପାରିଥିଲେ । "କୃଷକ ଟ୍ରେଡିଂ" କମ୍ପାନୀ ପ୍ରତିଷ୍ଠା କରି, କୃଷକମାନଙ୍କର ଉନ୍ନତି କରିଥିଲେ । ଗରିବ ଛାତ୍ରମାନଙ୍କର ଶିକ୍ଷା ପାଇଁ ସେ ବୃତ୍ତି ବ୍ୟବସ୍ଥା କରିଥିଲେ । ୧୯୪୫ରେ ବ୍ରିଟିଶ ସରକାର ତାଙ୍କୁ 'ରାୟ ବାହାଦୂର' ଉପାଧୀ ପ୍ରଓ ଦାନ କରିଥିଲେ । ଭାରତ ସରକାରଙ୍କ ତରଫରୁ ତାଙ୍କୁ ପଦ୍ମଶ୍ରୀ ଓ ସମ୍ବଲପୁର ବିଶ୍ୱବିଦ୍ୟାଳୟ ତରଫରୁ ଡି ଲିଟ ଉପାଧି ପ୍ରଦାନ କରାଯାଇଥିଲା ।
୧୯୭୯ ମସିହାରେ କୃତାର୍ଥ ଆଚାର୍ଯ୍ୟଙ୍କର ତିରୋଧାନ ଘଟିଥିଲା ।
ସମ୍ମାନ ଓ ପୁରସ୍କାର
[ସମ୍ପାଦନା]- ରାୟ ବାହାଦୂର - ୧୯୪୫ (ବ୍ରିଟିଶ ସରକାର)
- ପଦ୍ମଶ୍ରୀ - ୧୯୬୫
- ଡି ଲିଟ - ସମ୍ବଲପୁର ବିଶ୍ୱବିଦ୍ୟାଳୟ[୬]
ଆଧାର
[ସମ୍ପାଦନା]- ↑ "Acharya,Shri Prasanna". Retrieved 18 August 2015.
- ↑ "ବାନ୍ଧକଳାର ଅନନ୍ୟ ବିନ୍ଧାଣୀ". sakalaepaper.com. ୭ ମଇ ୨୦୨୧. p. ୨. Archived from the original on ୭ ମଇ ୨୦୨୧. Retrieved 7 May 2021.
{{cite web}}: Check date values in:|date=and|archivedate=(help) - ↑ Laksha P. Swain (1 January 2006). Migration and Adjustment. Northern Book Centre. pp. 83–. ISBN 978-81-7211-211-0.
- ↑ "profile". Sambalpuri Bastralaya. Archived from the original on 5 March 2016. Retrieved 18 August 2015.
- ↑ ମିଶ୍ର, ତ୍ରିଲୋଚନ. "କିର୍ତ୍ତୀମାନ କର୍ମଯୋଗୀ ପଦ୍ମଶ୍ରୀ କୃତାର୍ଥ ଆଚାର୍ଯ୍ୟ" (May 2018): 38–39. Retrieved 16 September 2018.
{{cite journal}}: Cite journal requires|journal=(help)[permanent dead link] - ↑ "ଆଜି ଶ୍ରଦ୍ଧବାର୍ଷିକୀ". No. ସମ୍ବାଦ ୦୭/୦୫/୨୦୨୦ ଭୁବନେଶ୍ୱର ସଂସ୍କରଣ ପୃଷ୍ଠା ୨. Archived from the original on 07.05.2021. Retrieved 7 May 2020.
{{cite news}}: Check date values in:|archivedate=(help)
