ନରସିଂହ ମହାପାତ୍ର

ଉଇକିପିଡ଼ିଆ ରୁ
Jump to navigation Jump to search
ନରସିଂହ ମହାପାତ୍ର
ଜନ୍ମ ଓ ଜନ୍ମସ୍ଥାନ
କୋରଣ୍ଟ, ଭଦ୍ରକ
ମୃତ୍ୟୁ୧୪ ଅକ୍ଟୋବର ୧୯୯୮
ପ୍ରସିଦ୍ଧିନାଟ୍ୟକାର ଓ ଗୀତିକାର

ନରସିଂହ ମହାପାତ୍ର, ଜଣେ ଓଡ଼ିଆ ନାଟ୍ୟକାର, ଗୀତିକବି, ଅଭିନେତା, ନିର୍ଦ୍ଦେଶକ ତଥା ସମ୍ପାଦକ ଥିଲେ । ଓଡ଼ିଆ ବେତାର ନାଟକକୁ ଲୋକପ୍ରିୟ କରାଇବାରେ ମହାପାତ୍ରଙ୍କର ଅବଦାନ ରହିଛି ।

ନରସିଂହ ମହାପାତ୍ର, ଭଦ୍ରକ ଜିଲ୍ଲାର କୋରଣ୍ଟଠାରେ ଜନ୍ମଗ୍ରହଣ କରିଥିଲେ । ସେ ଛାତ୍ରଜୀବନରୁ ଲେଖାଲେଖି ଆରମ୍ଭ କରିଥିଲେ । ୧୯୪୯ମସିହାରେ ଆକାଶବାଣୀ କଟକରେ ସେ ଜଣେ ଗୀତିକାର ଭାବରେ ସ୍ୱୀକୃତି ପାଇଥିଲେ । ତାଙ୍କ ରଚିତ ବହୁ ଗୀତ "ସଜ ଫୁଲ", "ଅତସୀ କୁସୁମ" ଓ "ରାଗ ମଞ୍ଜରୀ" ଆଦି କାର୍ଯ୍ୟକ୍ରମରେ ପ୍ରସାରିତ ହେଉଥିଲେ । ୧୯୫୮ମସିହାରେ ସେ ଆକାଶବାଣୀ କଟକରେ ଜଣେ ନାଟ୍ୟକାର ଭାବରେ ଯୋଗ ଦେଇଥିଲେ । ଏଠାରେ ତାଙ୍କର ନାଟ୍ୟ ପ୍ରତିଭାର ବିକାଶ ଘଟିଥିଲା । ୨୭ବର୍ଷ ଆକାଶବାଣୀର ଚାକିରି ମଧ୍ୟରେ, ସେ ଶତାଧିକ ସାମାଜିକ, ପୌରାଣିକ, ଐତିହାସିକ, ହାସ୍ୟ ଓ ରହସ୍ୟ ନାଟକ ରଚନା କରିଥିଲେ ।

ନାଟକ ରଚନା ଓ ଗୀତିକବିତା ଲେଖିବା ବ୍ୟତିତ, କଳାର ଅନ୍ୟ ବହୁ ବିଭାଗରେ ତାଙ୍କର ପ୍ରବେଶ ରହିଥିଲା । ନାଟକରେ ଅଭିନୟ କରୁଥିଲେ ଓ ନିର୍ଦ୍ଦେଶନା ମଧ୍ୟ ଦେଉଥିଲେ । ସାଥୀନୂତନ ଆଶା ନାମରେ ଦୁଇଟି ପତ୍ରିକାର ସେ ସମ୍ପାଦନା କରୁଥିଲେ । ଜନତା, କଳାଶ୍ରୀ ଓ ଅନ୍ନପୂର୍ଣ୍ଣା ରଙ୍ଗମଞ୍ଚର ସେ ପୃଷ୍ଠପୋଷକ ଥିଲେ । ଜଣେ ଗୀତିକାର ଭାବରେ ମଧ୍ୟ ବହୁ ଓଡ଼ିଆ କଥାଚିତ୍ର ସହ ସମ୍ପୃକ୍ତ ଥିଲେ ।[୧] "ଶ୍ରୀ ଲୋକନାଥ" ଚଳଚ୍ଚିତ୍ରର "ଫୁଲ ରସିଆରେ ମନ ମୋର ଛୁଇଁ ଛୁଇଁ ଯା ଯା" ଗୀତ ତାଙ୍କର ଏକ ଲୋକପ୍ରିୟ ଗୀତ ।

୧୯୯୮ ମସିହା ଅକ୍ଟୋବର ୧୪ତାରିଖରେ ତାଙ୍କର ନିଧନ ଘଟିଥିଲା ।

ଓଡ଼ିଆ କଥାଚିତ୍ରରେ ଗୀତିକାର ଭାବରେ[ସମ୍ପାଦନା]

ଆଧାର[ସମ୍ପାଦନା]

  1. http://www.odiamusic.com/Category/CategoryResult.php?first=2&second=Narashingh+Mohapatra
  2. ""ଫୁଲ ରସିଆର.." କବି". ସମ୍ବାଦ ୧୪/୧୦/୨୦୧୫ ଭୁବନେଶ୍ୱର ସଂସ୍କରଣ ପୃଷ୍ଠା ୪. Retrieved 14 October 2015.

ଅଧିକ ତଥ୍ୟ[ସମ୍ପାଦନା]