ନରସିଂହ ମହାପାତ୍ର
ନରସିଂହ ମହାପାତ୍ର | |
|---|---|
| ଜନ୍ମ | ୧ ଜୁଲାଇ ୧୯୨୬ କୋରଣ୍ଟ, ଭଦ୍ରକ |
| ମୃତ୍ୟୁ | ୧୪ ଅକ୍ଟୋବର ୧୯୯୮ (ବୟସ ୭୨) |
| ଜଣାଶୁଣା | ନାଟ୍ୟକାର ଓ ଗୀତିକାର |
ନରସିଂହ ମହାପାତ୍ର( ୧ ଜୁଲାଇ ୧୯୨୬ - ୧୪ ଅକ୍ଟୋବର ୧୯୯୮), ଜଣେ ଓଡ଼ିଆ ନାଟ୍ୟକାର, ଗୀତିକବି, ଅଭିନେତା, ନିର୍ଦ୍ଦେଶକ ତଥା ସମ୍ପାଦକ ଥିଲେ ।[୧][୨][୩] ଓଡ଼ିଆ ବେତାର ନାଟକକୁ ଲୋକପ୍ରିୟ କରାଇବାରେ ମହାପାତ୍ରଙ୍କର ଅବଦାନ ରହିଛି ।[୪]
ନରସିଂହ ମହାପାତ୍ର, ଭଦ୍ରକ ଜିଲ୍ଲାର କୋରଣ୍ଟଠାରେ ଜନ୍ମଗ୍ରହଣ କରିଥିଲେ । ସେ ଛାତ୍ରଜୀବନରୁ ଲେଖାଲେଖି ଆରମ୍ଭ କରିଥିଲେ । ୧୯୪୯ମସିହାରେ ଆକାଶବାଣୀ କଟକରେ ସେ ଜଣେ ଗୀତିକାର ଭାବରେ ସ୍ୱୀକୃତି ପାଇଥିଲେ । ତାଙ୍କ ରଚିତ ବହୁ ଗୀତ "ସଜ ଫୁଲ", "ଅତସୀ କୁସୁମ" ଓ "ରାଗ ମଞ୍ଜରୀ" ଆଦି କାର୍ଯ୍ୟକ୍ରମରେ ପ୍ରସାରିତ ହୋଇଥିଲା । ୧୯୫୮ମସିହାରେ ସେ ଆକାଶବାଣୀ କଟକରେ ଜଣେ ନାଟ୍ୟକାର ଭାବରେ ଯୋଗ ଦେଇଥିଲେ । ଏଠାରେ ତାଙ୍କର ନାଟ୍ୟ ପ୍ରତିଭାର ବିକାଶ ଘଟିଥିଲା । ୨୭ବର୍ଷ ଆକାଶବାଣୀର ଚାକିରି ମଧ୍ୟରେ, ସେ ଶତାଧିକ ସାମାଜିକ, ପୌରାଣିକ, ଐତିହାସିକ, ହାସ୍ୟ ଓ ରହସ୍ୟ ନାଟକ ରଚନା କରିଥିଲେ ।
ନାଟକ ରଚନା ଓ ଗୀତିକବିତା ଲେଖିବା ବ୍ୟତିତ, କଳାର ଅନ୍ୟ ବହୁ ବିଭାଗରେ ତାଙ୍କର ପ୍ରବେଶ ରହିଥିଲା । ନାଟକରେ ଅଭିନୟ କରୁଥିଲେ ଓ ନିର୍ଦ୍ଦେଶନା ମଧ୍ୟ ଦେଉଥିଲେ । ସାଥୀ ଓ ନୂତନ ଆଶା ନାମରେ ଦୁଇଟି ପତ୍ରିକାର ସେ ସମ୍ପାଦନା କରୁଥିଲେ । ଜନତା, କଳାଶ୍ରୀ ଓ ଅନ୍ନପୂର୍ଣ୍ଣା ରଙ୍ଗମଞ୍ଚର ସେ ପୃଷ୍ଠପୋଷକ ଥିଲେ । ଜଣେ ଗୀତିକାର ଭାବରେ ମଧ୍ୟ ବହୁ ଓଡ଼ିଆ କଥାଚିତ୍ର ସହ ସମ୍ପୃକ୍ତ ଥିଲେ ।[୫] "ଶ୍ରୀ ଲୋକନାଥ" ଚଳଚ୍ଚିତ୍ରର "ଫୁଲ ରସିଆରେ ମନ ମୋର ଛୁଇଁ ଛୁଇଁ ଯା ଯା" ଗୀତ ତାଙ୍କର ଏକ ଲୋକପ୍ରିୟ ଗୀତ ।
୧୯୯୮ ମସିହା ଅକ୍ଟୋବର ୧୪ ତାରିଖରେ ତାଙ୍କର ନିଧନ ଘଟିଥିଲା ।[୬]
ଓଡ଼ିଆ କଥାଚିତ୍ରରେ ଗୀତିକାର ଭାବରେ[ସମ୍ପାଦନା]
- ଶ୍ରୀ ଲୋକନାଥ
- ଅମଡ଼ା ବାଟ
- ସ୍ତ୍ରୀ
- ରକ୍ତ ଗୋଲାପ
- ସୁନା ସଂସାର(ଉଭୟ ଗୀତିକାର ଓ ସଂଳାପ ଲେଖକ)
- ନୂଆ ବୋଉ
- ମାଣିକ ଯୋଡ଼ି
- ଏ ନୁହେଁ କାହାଣୀ
- ଭକ୍ତ ସାଲବେଗ[୭]
ଆଧାର[ସମ୍ପାଦନା]
- ↑ Contemporary Indian Literature. S.L. Shastry. 1964.
- ↑ N. C. Behuria (1990). Orissa State Gazetteer. Gazetteers Unit, Department of Revenue, Government of Orissa.
- ↑ Orissa Society of Americas 30th Annual Convention Souvenir: For Annual Convention Held in 1999 at Toronto, Canada. Odisha Society of the Americas. pp. 30–. GGKEY:LRH2U39SFWX.
- ↑ Sangeet Natak. Sangeet Natak Akademi. 2004.
- ↑ http://www.odiamusic.com/Category/CategoryResult.php?first=2&second=Narashingh+Mohapatra
- ↑ "ଆଜି ଜନ୍ମଦିନ". No. ସମ୍ବାଦ ୦୭/୦୧/୨୦୨୦ ଭୁବନେଶ୍ୱର ସଂସ୍କରଣ ପୃଷ୍ଠା ୧୪. ସମ୍ବାଦ. Archived from the original on 01 July 2020. Retrieved 1 July 2020.
{{cite news}}: Check date values in:|archivedate=(help) - ↑ ""ଫୁଲ ରସିଆର.." କବି". ସମ୍ବାଦ ୧୪/୧୦/୨୦୧୫ ଭୁବନେଶ୍ୱର ସଂସ୍କରଣ ପୃଷ୍ଠା ୪. Retrieved 14 October 2015.
ଅଧିକ ତଥ୍ୟ[ସମ୍ପାଦନା]
- ନରସିଂହ ମହାପାତ୍ର (ଇଣ୍ଟରନେଟ ମୁଭି ଡାଟାବେସରେ)
| ଚର୍ଯ୍ୟା ଯୁଗ | |||||||||||||
|---|---|---|---|---|---|---|---|---|---|---|---|---|---|
| ସାରଳା ଯୁଗ | |||||||||||||
| ପଞ୍ଚସଖା ଯୁଗ | |||||||||||||
| ରୀତି ଯୁଗ | |||||||||||||
| ରାଧାନାଥ ଯୁଗ | |||||||||||||
| ସତ୍ୟବାଦୀ ଯୁଗ | |||||||||||||
| ସବୁଜ ଯୁଗ | |||||||||||||
| ପ୍ରଗତି ଯୁଗ | |||||||||||||
| ସ୍ୱାଧୀନତା ପର |
| ||||||||||||
