ମାଧବ ଚନ୍ଦ୍ର ଶତପଥୀ

ମାଧବ ଚନ୍ଦ୍ର ଶତପଥୀ
ଜନ୍ମ ଓ ଜନ୍ମସ୍ଥାନ	(1928-03-21)୨୧ ମାର୍ଚ୍ଚ ୧୯୨୮ କାଦୁଅ ମାଗୁରା, ବଡ଼ଚଣା, ଯାଜପୁର
ମୃତ୍ୟୁ	୨୫ ଫେବୃଆରୀ ୨୦୧୭(2017-02-25) (ବୟସ ୮୮) କଟକ
ଭାଷା	ଓଡ଼ିଆ
ଜାତୀୟତା	ଭାରତୀୟ
ନାଗରିକତା	ଭାରତୀୟ
ଶୈଳୀ	ବ୍ୟଙ୍ଗ
ଜୀବନସାଥୀ	ପ୍ରେମଲତା
ସନ୍ତାନ	ତପନ

ମାଧବ ଚନ୍ଦ୍ର ଶତପଥୀ(୨୧ ମାର୍ଚ୍ଚ ୧୯୨୮- ୨୫ ଫେବୃଆରୀ ୨୦୧୭) ଜଣେ ଓଡ଼ିଆ ବ୍ୟଙ୍ଗ ସାହିତ୍ୟିକ ଥିଲେ । ୪୧ଖଣ୍ଡ ପୁସ୍ତକ ରଚନା କରି, ସେ ଓଡ଼ିଆ ବ୍ୟଙ୍ଗସାହିତ୍ୟକୁ ସମୃଦ୍ଧ କରିଛନ୍ତି । ତାଙ୍କ ରଚିତ ଅନେକ ପୁସ୍ତକ ଏବେ ଓଡ଼ିଶାରେ ବିଦ୍ୟାଳୟ ଓ ମହାବିଦ୍ୟାଳୟସ୍ତରରେ ପାଠ୍ୟପୁସ୍ତକ ଭାବରେ ଆଦୃତ ହୋଇଛି ।

ଜୀବନୀ

ମାଧବ ଚନ୍ଦ୍ର ୧୯୨୮ ମସିହାରେ ଯାଜପୁର ଜିଲ୍ଲା ଅନ୍ତର୍ଗତ ବଡ଼ଚଣା ବ୍ଳକର କାଦୁଅ ମାଗୁରା ଗ୍ରାମରେ ଜନ୍ମଗ୍ରହଣ କରିଥିଲେ । ପିତାଙ୍କ ନାମ ଥିଲା ଦୀନବନ୍ଧୁ ଶତପଥୀ ଓ ମାତା ସାରମଣି ଦେବୀ । ବୃତ୍ତିରେ ଥିଲେ ସେ ଜଣେ ଅଧ୍ୟାପକ । ସମ୍ବଲପୁର ସରକାରୀ ମହାବିଦ୍ୟାଳୟରୁ ଚାକିରି ଆରମ୍ଭ କରି, ସେ ବିଭିନ୍ନ କଲେଜରେ ଅଧ୍ୟାପନା କରି ବଲାଙ୍ଗିର ଟ୍ରେନିଙ୍ଗ କଲେଜରୁ ଅବସର ଗ୍ରହଣ କରିଥିଲେ । ଜଣେ ଛାତ୍ରବତ୍ସଳ ଅଧ୍ୟାପକ ଭାବରେ ସେ ପରିଚିତ ଥିଲେ । ପତ୍ନୀ ପ୍ରେମଲତା, ପୁତ୍ର ତପନ କୁମାର ଓ ତିନି ଝିଅଙ୍କୁ ନେଇ ତାଙ୍କ ପରିବାର । ୨୦୧୭ ମସିହା ଫେବୃଆରୀ ୨୫ ତାରିଖରେ ମାଧବ ଚନ୍ଦ୍ର ଇହଲିଳା ସମ୍ବରଣ କରିଥିଲେ ।

ରଚନାବଳି

• ନିଶ ଓ ପରିବାର ନିୟନ୍ତ୍ରଣ
• ନାମରୁ ରାଶିନକ୍ଷତ୍ର
• ପ୍ରହାରେଣ ଧନଞ୍ଜୟ
• କଙ୍କିଡୋଳି ଉପାଖ୍ୟାନ
• ପିତୃ ପରାମର୍ଶ କେନ୍ଦ୍ର
• ଆଦି ହାସ୍ୟବ୍ୟଙ୍ଗ ପୁସ୍ତକ
• କବିତା ମିଠାମିଠା
• ଆଧୁନିକ କବିତା
• ଅନୁବାଦ ଚିନ୍ତା ହଠାନ୍ତୁ
• ଜୀବନର ସ୍ୱାଦ ପାଆନ୍ତୁ
• କପି ତୁ କାହିଁ ଅଇଲୁ
• ମାଧବ ଶତପଥୀଙ୍କ ଅନାବନା କବିତା

ପୁରସ୍କାର ଓ ସମ୍ମାନ

• କାନ୍ତକବି ପୁରସ୍କାର
• ଓଡ଼ିଶା ସାହିତ୍ୟ ଏକାଡେମୀ ପକ୍ଷରୁ ସମ୍ବର୍ଦ୍ଧନା
• ଉତ୍କଳ ସାହିତ୍ୟ ସମାଜର ହାସ୍ୟବ୍ୟଙ୍ଗ ସମ୍ମାନ
• ପ୍ରଜାତନ୍ତ୍ର ବିଷୁବ ପୁରସ୍କାର