ଅଚ୍ୟୁତ ସାମନ୍ତ

ଇଂରାଜୀ ଲିଙ୍କ

https://or.wikipedia.org/wiki/Achyuta_Samanta

ଅଚ୍ୟୁତ ସାମନ୍ତ
ଅଚ୍ୟୁତାନନ୍ଦ ସାମନ୍ତ
ସାଂସଦ: ୧୭ଶ ଲୋକ ସଭା
କାର୍ଯ୍ୟକାଳ ୨୦୧୯ – ୨୦୨୪
ପୂର୍ବ ଅଧିକାରୀ	ପ୍ରତ୍ୟୁଷା ରାଜେଶ୍ୱରୀ ସିଂ, ବିଜେଡି
ନିର୍ବାଚନ ମଣ୍ଡଳୀ	କନ୍ଧମାଳ
ସାଂସଦ: ରାଜ୍ୟସଭା, ଓଡ଼ିଶା
କାର୍ଯ୍ୟକାଳ ୪ ଅପ୍ରେଲ ୨୦୧୮ – ୨୦୧୯
ପୂର୍ବ ଅଧିକାରୀ	ଏ ଭି ସ୍ୱାମୀ, ସ୍ୱାଧୀନ
ବ୍ୟକ୍ତିଗତ ସବିଶେଷ
ଜନ୍ମ	(1965-01-20) ୨୦ ଜାନୁଆରୀ ୧୯୬୫ କଲରାବାଙ୍କ, କଟକ ଜିଲ୍ଲା, ଓଡ଼ିଶା
ରାଜନୀତିକ ଦଳ	ବିଜୁ ଜନତା ଦଳ
ଘର	ଭୁବନେଶ୍ୱର, ଓଡ଼ିଶା, ଭାରତ
ଶିକ୍ଷାନୁଷ୍ଠାନ	Utkal University
ବୃତ୍ତି	ଶିକ୍ଷକ, ସମାଜସେବୀ ଏବଂ ଉଦ୍ୟୋକ୍ତା
ୱେବସାଇଟ	www.achyutasamanta.com

ଅଚ୍ୟୁତାନନ୍ଦ ସାମନ୍ତ (ଜନ୍ମ: ୨୦ ଜାନୁଆରୀ ୧୯୬୫) ଓଡ଼ିଶାର ଜଣେ ସାମଜିକ ଉଦ୍ୟୋକ୍ତା, ଶିକ୍ଷକ, ସମାଜସେବୀ ଏବଂ ରାଜନୀତିଜ୍ଞ । ଭୁବନେଶ୍ୱରରେ ଥିବା କିଟ୍ ବିଶ୍ୱବିଦ୍ୟାଳୟ (KIIT) ଏବଂ କିସ୍ ର (KISS) ସେ ପ୍ରତିଷ୍ଠାତା ଅଟନ୍ତି । ୧୭ଶ ଲୋକ ସଭାକୁ ସେ କନ୍ଧମାଳ ନିର୍ବାଚନ ମଣ୍ଡଳୀରୁ ବିଜେଡିର ପ୍ରାର୍ଥୀ ରୂପେ ନିର୍ବାଚିତ ହୋଇଥିଲେ ।

ନିଜେ ପ୍ରତିଷ୍ଠା କରିଥିବା କାଦମ୍ବିନୀ ମିଡ଼ିଆଦ୍ୱାରା ସେ ସଂସ୍କୃତି ଏବଂ କଳାର ପ୍ରଚାର ମଧ୍ୟ କରନ୍ତି । ନହ୍ନି ପରୀ ନାମକ ଲିଟିଲ ମିସ ଇଣ୍ଡିଆ ପ୍ରତିଯୋଗିତାର ସେ ୨୦୦୦ ମସିହାରୁ ଆୟୋଜନ କରୁଛନ୍ତି । ସେ ୨୫ଟି ଆଧ୍ୟାତ୍ମିକ କେନ୍ଦ୍ର ସ୍ଥାପନା କରିସାରିଛନ୍ତି ଏବଂ ମହାତ୍ମାଗାନ୍ଧୀଙ୍କର ସ୍ମୃତିରେ ଗାନ୍ଧୀ ଗ୍ରାମ ନାମକ ସଂଗ୍ରହାଳୟ ସ୍ଥାପନ କରିବାକୁ ଯାଉଛନ୍ତି; ଯେଉଁଥିରେ ଆଦିବାସୀ ଲୋକଙ୍କର ଜୀବନ ଶୈଳୀ, କଳା, ସଂସ୍କୃତି ଏବଂ ଯୋଗ ଏବଂ ଆଧ୍ୟାତ୍ମିକ ମନୋଭାବ ପାଇଁ ଏକ କେନ୍ଦ୍ର ରହିବ । ତାଙ୍କୁ ସମ୍ମାନଜନକ ଡି ଲିଟ (Doctor of Letters (D.Litt.) ଉପାଧି ଡ୍ୟାଫୋଡିଲ ଅନ୍ତର୍ଜାତୀୟ ମହାବିଦ୍ୟାଳୟରୁ ମିଳିଥିଲା ।

ପ୍ରାରମ୍ଭିକ ଜୀବନ

ଅଚ୍ୟୁତ, ଓଡ଼ିଶାର କଟକ ଜିଲ୍ଲାର କଲରାବାଙ୍କ ଗ୍ରାମରେ ୧୯୬୫ ମସିହାରେ ଅନାଦି ଚରଣ ସାମନ୍ତ ଏବଂ ନୀଳିମା ରାଣୀ ସାମନ୍ତଙ୍କ ଔରସରୁ ଜନ୍ମଗ୍ରହଣ କରିଥିଲେ । ଅଚ୍ୟୁତଙ୍କୁ ଯେତେବେଳେ ଚାରି ବର୍ଷ ହୋଇଥିଲା ତାଙ୍କର ପିତା ଶେଷ ନିଶ୍ୱାସ ତ୍ୟାଗ କରିଥିଲେ । ସେ ଦରିଦ୍ରତାର ସହ ବିଧବା ବୋଉ ଏବଂ ସାତ ଜଣ ଭାଇ ଭଉଣୀଙ୍କ ସହିତ ବଢ଼ିଥିଲେ ।

ଅଚ୍ୟୁତ, ଉତ୍କଳ ବିଶ୍ୱବିଦ୍ୟାଳୟରୁ ରସାୟନ ବିଜ୍ଞାନରେ ସ୍ନାତକୋତ୍ତର ଉପାଧି ଲାଭ କରିଥିଲେ । ଏକ ରସାୟନ ବିଜ୍ଞାନ ଲ୍ୟାବ ସହକାରୀ ଭାବରେ ମହର୍ଷି ମହାବିଦ୍ୟାଳୟରେ ୧୦ ବର୍ଷ ଧରି ସେ ଶିକ୍ଷାଦାନ କରିଥିଲେ ।

ରାଜନୈତିକ ଜୀବନ

୭ ମାର୍ଚ୍ଚ ୨୦୧୮ ମସିହାରେ ଅଚ୍ୟୁତ ସାମନ୍ତ ରାଜନୀତିରେ ପ୍ରବେଶ କରିଥିଲେ । ସେ ବିଜୁ ଜନତା ଦଳରେ ଯୋଗଦାନ କରିଥିଲେ । ୪ ଅପ୍ରେଲ, ୨୦୧୮ ମସିହାରେ ସେ ରାଜ୍ୟ ସଭାର ସଦସ୍ୟ ଭାବରେ ଯୋଗଦାନ କରିଥିଲେ । ମାର୍ଚ୍ଚ ମାସ ୧୮ ତାରିଖରେ ସେ କନ୍ଧମାଳରୁ ବିଜେଡିର ଲୋକ ସଭା ପ୍ରାର୍ଥୀ ଭାବରେ ଛିଡ଼ାହେବେ ବୋଲି ଘୋଷଣା କରାଯାଇଥିଲା । ସେ ପାଖାପଖି ଏକ ଲକ୍ଷ ଭୋଟରେ ନିଜର ନିକଟତମ ପ୍ରତିଦ୍ୱନ୍ଦୀ, ବିଜେପିର ଖାରବେଳ ସ୍ୱାଇଁଙ୍କୁ ପରାସ୍ତ କରି ୧୭ତମ ଲୋକ ସଭାର ସଭ୍ୟ ଭାବରେ ନିର୍ବାଚିତ ହୋଇଥିଲେ ।

ଶିକ୍ଷାବିଦ

ଅଚ୍ୟୁତ ସାମନ୍ତ କିଟ ବିଶ୍ୱବିଦ୍ୟାଳୟର ପ୍ରତିଷ୍ଠାତା, ପୂର୍ବତନ ଚାନ୍ସେଲର ଏବଂ ସଚିବ ଅଟନ୍ତି । ଏହାଛଡ଼ା ସେ ନିମ୍ନୋକ୍ତ ମହାବିଦ୍ୟାଳୟଗୁଡିକର ମଧ୍ୟ ପ୍ରତିଷ୍ଠାତା ଅଟନ୍ତି:

• କଳିଙ୍ଗ ଇନଷ୍ଟିଚ୍ୟୁଟ ଅଫ ସୋସିଆଲ ସାଇନ୍ସ (କିସ)
• କିଟ୍ ଅନ୍ତର୍ଜାତୀୟ ବିଦ୍ୟାଳୟ
• କଳିଙ୍ଗ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସ (KIMS)
• କିଟ୍ ସ୍କୁଲ ଅଫ ମ୍ୟାନେଜମେଣ୍ଟ (KSOM)
• କିଟ୍ ସ୍କୁଲ ଅଫ ରୁରାଲ ମ୍ୟାନେଜମେଣ୍ଟ (KSRM)
• କିଟ୍ ସ୍କୁଲ ଅଫ କମ୍ପ୍ୟୁଟର ଆପ୍ଲିକେସନ (KSCA)
• କିଟ୍ ସ୍କୁଲ ଅଫ ବାଇଓଟେକ୍ନଲୋଜି (KSBT)
• କିଟ୍ ଲ' ସ୍କୁଲ (KLS)
• କିଟ୍ ସ୍କୁଲ ଅଫ ଲାଙ୍ଗୁଏଜେସ (KSOL)
• କିଟ୍ ଇନଷ୍ଟିଚ୍ୟୁଟ ଅଫ ଡେଣ୍ଟାଲ ସାଇନ୍ସ (KIDS) ଏବଂ
• କଳିଙ୍ଗ ପଲିଟେକନିକ

ଜାତୀୟ ଏବଂ ଅନ୍ତର୍ଜାତୀୟ ସଂସ୍ଥାଗୁଡ଼ିକର ସଦସ୍ୟ

ସେ ନିମ୍ନଲିଖିତ ଅନୁଷ୍ଠାନ/ଆୟୋଗର ସଦସ୍ୟ ଅଟନ୍ତି:

ଜାତୀୟ

• ବିଶ୍ୱବିଦ୍ୟାଳୟ ଅନୁଦାନ ଆୟୋଗ (UGC)ର ସଦସ୍ୟ ଅଟନ୍ତି ।
• ଅଲ ଇଣ୍ଡିଆ କାଉନସିଲ ଫର ଟେକନିକାଲ ଏଡୁକେସନ (AICTE),
• ସେଣ୍ଟ୍ରାଲ ୟୁନିଭର୍ସିଟି ଅଫ ଓଡ଼ିଶା ,
• ନ୍ୟାସନାଲ କାଉନସିଲ ଫର ଟିଚର ଏଡୁକେସନ (NCTE)
• କଏର ବୋର୍ଡ଼ ଅଫ ଇଣ୍ଡିଆ,
• ଇଣ୍ଡିଆନ ସୋସାଇଟି ଫର ଟେକ୍ନିକାଲ ଏଡୁକେସନ
• ଇଣ୍ଡିଆନ ସାଇନ୍ସ କଂଗ୍ରେସ ଆସୋସିଏସନ (ISCA)

ଆନ୍ତର୍ଜାତୀୟ

• ଇଣ୍ଟରନ୍ୟାଶନାଲ ଆସୋସିଏସନ ଅଫ ୟୁନିଭର୍ସିଟି ପ୍ରେସିଡେଣ୍ଟସ (IAUP)
• ଇନଷ୍ଟିଚ୍ୟୁଟ ଅଫ ଇନ୍ଟରନେଶନାଲ ଏଡୁକେସନ (IIE)
• ଆସୋସିଏସନ ଅଫ ୟୁନିଭର୍ସିଟି ଅଫ ଏସିଆ ପାସିଫିକ (AUAP)
• ୟୁନିଭର୍ସିଟି ମୋବିଲିଟି ଇନ ଏସିଆ ଆଣ୍ଡ ଦ ପାସିଫିକ (UMAP), ବ୍ୟାଙ୍ଗକକ୍, ଥାଇଲ୍ୟାଣ୍ଡ
• ଏସିଆ-ପାସିଫିକ ଜର୍ଣ୍ଣାଲ ଅଫ ପବ୍ଲିକ ହେଲଥ (APACPH)
• ୟୁନାଇଟେଡ଼ ନେସନ୍ସ ଏକାଡେ଼ମିକ ଇମ୍ପାକ୍ଟ (UNAI),
• ଏସିଆ ଇକୋନୋମିକ ଫୋରମ (AEF) ଏବଂ
• CIFEJ (Centre International Du Films Pour L'enfance Et La Jeunesse, Dubai).

ମାନକ ଏବଂ ସମ୍ମାନ

• ରାଷ୍ଟ୍ରୀୟ ସଂସ୍କୃତ ବିଦ୍ୟାପୀଠ – ସେଣ୍ଟ୍ରାଲ ୟୁନିଭର୍ସିଟି, ତିରୁପତି, ଭାରତ − ୨୦୧୧
• ହାଂସିଓ ବିଶ୍ୱବିଦ୍ୟାଳୟ, ଦକ୍ଷିଣ କୋରିଆ, ୨୦୧୦
• ଜାତୀୟ ବିଶ୍ୱବିଦ୍ୟାଳୟ, କାମ୍ବୋଡ଼ିଆ– ୨୦୦୯
• ୟୁନିଭର୍ସିଟି ଅଫ କାମ୍ବୋଡ଼ିଆ, କାମ୍ବୋଡ଼ିଆ, ୨୦୦୯
• ଓଆଇୟୁ, କଲମ୍ବୋ– ୨୦୦୨ ଏବଂ ୨୦୦୫ (D.Sc)
• ନ୍ୟାସନାଲ ଫର୍ମୋସା ୟୁନିଭର୍ସିଟି, ତାଇୱାନ – ୨୦୧୨
• ସାମାଜିକ ପ୍ରଭାବ ପାଇଁ ଗାନ୍ଧୀ ମଣ୍ଡେଲା ପୁରସ୍କାର - ୨୦୧୯

ପୁରସ୍କାର ଏବଂ କୀର୍ତ୍ତିମାନ

ଅଚ୍ୟୁତ ବହୁମାତ୍ରାରେ ପୁରସ୍କାର ଲାଭ କରିଥିଲେ । ସେ ସାମାଜିକ ଉଦ୍ୟୋକ୍ତାରେ ନୂତନ କୀର୍ତ୍ତିମାନ ସ୍ଥାପନ କରିଥିଲେ । ଆମେରିକାନ ଏଜ ଫାଉଣ୍ଡେସନ ତରଫରୁ ସେ ବିଶ୍ୱର ଶ୍ରେଷ୍ଠ ୧୫ ସାମାଜିକ ଉଦ୍ୟୋକ୍ତା ମଧ୍ୟରେ ସ୍ଥାନ ପାଇଥିଲେ । ଅଚ୍ୟୁତ, ଭାରତର କୌଣସି ବିଶ୍ୱବିଦ୍ୟାଳୟର ସର୍ବକନିଷ୍ଠ ଚାନ୍ସେଲର ରୂପେ ଲିମ୍କା ବୁକ ଅଫ ରେକର୍ଡରେ ସ୍ଥାନ ପାଇଥିଲେ ।

ଅଚ୍ୟୁତ ସାମନ୍ତଙ୍କୁ ମିଳିଥିବା ପୁରସ୍କାର ଏବଂ ସମ୍ମାନ ତାଲିକା

ମସିହା	ପ୍ରଦାନକାରୀ ସଂସ୍ଥା	ପୁରସ୍କାର କିମ୍ବା ସମ୍ମାନ ନାମ	କ୍ଷେତ୍ର/କାହିଁକି ମିଳିଥିଲା
-	ଘରୋଇ ବିଭାଗ, କମ୍ବୋଡିଆ	ସାର୍ଟିଫିକେଟ ଅଫ ଏକଶିଲେନ୍ସ	ସମାଜ ସେବା
-	ଭାରତୀୟ ଦୁତାବାସ, ମସ୍କଟ, ଓମାନ	ପ୍ରଥମ ଓଡ଼ିଆ ଭାବରେ ଆନ୍ତର୍ଜାତିକ ପୁରସ୍କାର	ସମାଜ ସେବା
୨୦୦୪	ମହାତ୍ମାଗାନ୍ଧୀ ସ୍ମୃତି ସଂସ୍ଥାନ, ଜୋହାନ୍ସବର୍ଗ, ଦକ୍ଷିଣ ଆଫ୍ରିକା	ମାନବିକତା ପୁରସ୍କାର	ସମାଜ ସେବା
୨୦୦୭	ଏକ ଜାତୀୟ ଟେଲିଭିଜନ ଚ୍ୟାନେଲ	ପ୍ରିୟ ଓଡ଼ିଆ ସମ୍ମାନ	-
୨୦୧୧	ଗଡ଼ଫ୍ରେ ଫଲିପ୍ସ ପୁରସ୍କାର	ସାମାଜିକ ସାହାସିକତା ପୁରସ୍କାର	ସାହାସିକତା
୨୦୧୨	-	ଜବାହାରଲାଲ ନେହେରୁ ପୁରସ୍କାର	-
୨୦୧୪	ଅନ୍ତର୍ଜାତୀୟ ମହିଳା ସଙ୍ଗଠନ (TIAW)	୨୦୧୩ ୱାର୍ଲଡ ଅଫ ଡିଫରେନ୍ସ	-
୨୦୧୪	ମାନିଲା, ଫିଲିପାଇନ୍ସ	ଗୁସି ଶାନ୍ତି ପୁରସ୍କାର	-
୨୦୧୪	ମସ୍କୋ, ରୁଷ	କମନୱେଲଥ ଅଫ ଇଂଡିପେଣ୍ଡେଣ୍ଟ ଷ୍ଟେଟ୍ସ (CIS)	-
୨୦୧୪	୨୪ତମ ବାର୍ଷିକ ପୁରସ୍କାର	ବିଶିଷ୍ଟ ପୁରସ୍କାର	-
୨୦୧୪	କମ୍ପ୍ୟୁଟର ସୋସାଇଟି ଅଫ ଇଣ୍ଡିଆ (CSI), ହାଇଦ୍ରାବାଦ	ସମ୍ମାନଜନକ ଫେଲୋସିପ ପୁରସ୍କାର	-
୨୦୧୪	ଥୀଙ୍କ ମିଡ଼ିଆ	ଥୀଙ୍କ ଇଣ୍ଡିଆ ପୁରସ୍କାର	-
୨୦୧୫	ଚେକ ରିପବ୍ଲିକ ସରକାର	ବେସାମରିକ ପୁରସ୍କାର	-
୨୦୧୫	ଇକୋନୋମିକ ଟାଇମ୍ସ, ଅନ୍ତ୍ରପ୍ରନରସିପ ସମିଟ, ନୂଆଦିଲ୍ଲୀଠାରେ	ସଫଳ ଉଦ୍ୟୋକ୍ତା	ଉଦ୍ୟୋଗ
୨୦୧୫	ବିଶ୍ୱ ସିଏସଆର କଂଗ୍ରେସ	ହଲ ଅଫ ଫେମ ପୁରସ୍କାର	-
୨୦୧୫	ବାହାରିନ ରାଜ୍ୟ	ସର୍ବଶ୍ରେଷ୍ଠ ବେସାମରିକ ସମ୍ମାନ, ଇସା ପୁରସ୍କାର	ମାନବ ସେବା
୨୦୧୫	ମଙ୍ଗୋଲିଆ	ସର୍ବଶ୍ରେଷ୍ଠ ବେସାମରିକ ସମ୍ମାନ, ଶ୍ରେଷ୍ଠ କର୍ମଚାରୀ	-
୨୦୧୮	ୟୁନିଭର୍ସିଟି ଅଫ କାମ୍ବୋଡ଼ିଆ	ହ୍ୟୁମାନୀଟିଜରେ ଦୃଷ୍ଟାନ୍ତମୂଳକ ପ୍ରଫେସର

ମୁଖ୍ୟ ବକ୍ତା

• ୟୁନିଭର୍ସିଟି ଅଫ ପଭର୍ଟି ଏଲିଭିଏସନ, ମାଡ୍ରିଦ, ସ୍ପେନ, ୨୦୧୫
• ଅସଲୋ ସମିଟ
• ୟୁଏନଡିପି, ଜୟପୁର
• ଲାଲ ବହାଦୁର ଶାସ୍ତ୍ରୀ ନ୍ୟାସନାଲ ଏକାଡେମୀ ଅଫ ଆଡମିନଷ୍ଟ୍ରେସନ
• ଆଇଏଫଏସ ଏକାଡେମୀ, ଡେରାଡୁନ, ଭାରତ
• ଜାତିସଙ୍ଘ ମୁଖ୍ୟାଳୟ, ନୂଆଦିଲ୍ଲୀ