ରଙ୍ଗନାଥ ମିଶ୍ର
ଜଷ୍ଟିସ ରଙ୍ଗନାଥ ମିଶ୍ର | |
|---|---|
 | |
| ସଭ୍ୟ, ରାଜ୍ୟ ସଭା | |
| କାର୍ଯ୍ୟକାଳ ୨ ଜୁଲାଇ ୧୯୯୮ – ୧ ଜୁଲାଇ ୨୦୦୪ | |
| ମୁଖ୍ୟ ବିଚାରପତି, ଭାରତୀୟ ସର୍ବୋଚ୍ଚ ନ୍ୟାୟାଳୟ | |
| କାର୍ଯ୍ୟକାଳ ୨୫ ସେପ୍ଟେମ୍ବର ୧୯୯୦ – ୨୪ ନଭେମ୍ବର ୧୯୯୧ | |
| ପୂର୍ବ ଅଧିକାରୀ | ସବ୍ୟସାଚି ମୁଖାର୍ଜୀ |
| ପର ଅଧିକାରୀ | କମଳ ନାରାୟଣ ସିଂହ |
| ମୁଖ୍ୟ ବିଚାରପତି, ଓଡ଼ିଶା ଉଚ୍ଚ ନ୍ୟାୟାଳୟ | |
| କାର୍ଯ୍ୟକାଳ ୧୬ ଜାନୁଆରୀ ୧୯୮୧ – ୧୪ ମାର୍ଚ୍ଚ ୧୯୮୩ | |
| ପୂର୍ବ ଅଧିକାରୀ | ସୁକାନ୍ତ କିଶୋର ରାୟ |
| ପର ଅଧିକାରୀ | ଡମ୍ବରୁଧର ପାଠକ |
| ରାଜ୍ୟପାଳ, ଓଡ଼ିଶା (କାର୍ଯ୍ୟକାରୀ) | |
| କାର୍ଯ୍ୟକାଳ ୨୫ ଜୁନ ୧୯୮୨ – ୩୧ ଅଗଷ୍ଟ ୧୯୮୨ | |
| ପୂର୍ବ ଅଧିକାରୀ | ଚେପ୍ପୁଦିର ମୁଥାନ ପୂନାଚା |
| ପର ଅଧିକାରୀ | ଚେପ୍ପୁଦିର ମୁଥାନ ପୂନାଚା |
| ବ୍ୟକ୍ତିଗତ ସବିଶେଷ | |
| ଜନ୍ମ | ୨୫ ନଭେମ୍ବର ୧୯୨୬
ବାଣପୁର, ଖୋର୍ଦ୍ଧା ଜିଲ୍ଲା, ଓଡ଼ିଶା |
| ମୃତ୍ୟୁ | ୧୩ ସେପ୍ଟେମ୍ବର ୨୦୧୨ (ବୟସ ୮୬) |
| ଜାତୀୟତା |  ଭାରତୀୟ |
| ଜୀବନ ସାଥୀ | ସୁମିତ୍ରା ମିଶ୍ର[୨] |
| ସନ୍ତାନ | ଦେବାନନ୍ଦ ମିଶ୍ର, ଶିବାନନ୍ଦ ମିଶ୍ର[୩] |
| ବାପା/ବୋଉ | ଗୋଦାବରୀଶ ମିଶ୍ର[୪] |
| ଘର | କଟକ |
| ଶିକ୍ଷା | ସ୍ନାତକୋତ୍ତର,ଏଲ୍.ଏଲ୍.ଏମ୍ |
| ଶିକ୍ଷାନୁଷ୍ଠାନ | ବାଣପୁର ହାଇସ୍କୁଲ, ରେଭେନ୍ସା ବିଶ୍ୱବିଦ୍ୟାଳୟ,ଆହ୍ଲାବାଦ ବିଶ୍ୱବିଦ୍ୟାଳୟ |
| ପ୍ରସିଦ୍ଧି | ଭାରତୀୟ ସର୍ବୋଚ୍ଚ ନ୍ୟାୟାଳୟର ପ୍ରଧାନ ବିଚାରପତି, ଜାତୀୟ ମାନବିକ ଅଧିକାର କମିଶନର ଅଧ୍ୟକ୍ଷ |
ରଙ୍ଗନାଥ ମିଶ୍ର (୨୫ ନଭେମ୍ବର ୧୯୨୬ - ୧୩ ସେପ୍ଟେମ୍ବର ୨୦୧୨) ଭାରତୀୟ ସର୍ବୋଚ୍ଚ ନ୍ୟାୟାଳୟର ଭୂତପୂର୍ବ ପ୍ରଧାନ ବିଚାରପତି । ଏତଦ ବ୍ୟତିତ ସେ ଜଣେ ରାଜ୍ୟ ସଭା ସାଂସଦ ତଥା ଭାରତୀୟ ଜାତୀୟ ମାନବିକ ଅଧିକାର କମିଶନର ପ୍ରଥମ ଅଧ୍ୟକ୍ଷ ଭାବେ କାର୍ଯ୍ୟ କରିଥିଲେ । ସେ ଭାରତୀୟ ସୁପ୍ରିମ କୋର୍ଟର ପ୍ରଥମ ଓଡ଼ିଆ ବିଚାରପତି ଥିଲେ ।[୫]
ଜୀବନୀ
[ସମ୍ପାଦନା]ବାଲ୍ୟଜୀବନ ଓ ଶିକ୍ଷା
[ସମ୍ପାଦନା]୧୯୨୬ ମସିହା ନଭେମ୍ବର ମାସ ୨୫ ତାରିଖରେ ଖୋର୍ଦ୍ଧା ଜିଲ୍ଲାର ବାଣପୁରଠାରେ, ପିତା ପଣ୍ଡିତ ଗୋଦାବରୀଶ ମିଶ୍ରଙ୍କର ପରିବାରରେ ରଙ୍ଗନାଥ ମିଶ୍ର ଜନ୍ମଗ୍ରହଣ କରିଥିଲେ । ବାଣପୁର ହାଇସ୍କୁଲରୁ ମାଟ୍ରିକ ପାସ କଲା ପରେ, ସେ କଟକର ରେଭେନ୍ସା ବିଶ୍ୱବିଦ୍ୟାଳୟ ଓ ଆହ୍ଲାବାଦ ବିଶ୍ୱବିଦ୍ୟାଳୟରୁ ଉଚ୍ଚଶିକ୍ଷା ଲାଭ କରିଥିଲେ ।
କର୍ମଜୀବନ
[ସମ୍ପାଦନା]ରଙ୍ଗନାଥ ମିଶ୍ର,୧୯୫୦ ମସିହା ସେପ୍ଟେମ୍ବର ୧୮ ତାରିଖରେ ଓଡ଼ିଶା ଉଚ୍ଚ ନ୍ୟାୟାଳୟରେ ଆଇନଜୀବୀ ଭାବରେ କାର୍ଯ୍ୟ ଆରମ୍ଭ କରିଥିଲେ । ୧୯୬୯ ମସିହା ଜୁଲାଇ ମାସ ୪ ତାରିଖରେ ହାଇକୋର୍ଟରେ ସେ ସ୍ଥାୟୀ ବିଚାରପତି ଭାବରେ ନିଯୁକ୍ତି ପାଇଥିଲେ । ୧୯୮୦ ମସିହା ନଭେମ୍ବର ୬ ତାରିଖରେ ହାଇକୋର୍ଟର କାର୍ଯ୍ୟକାରୀ ମୁଖ୍ୟ ବିଚାରପତି ଓ ୧୯୮୧ ମସିହା ଜାନୁଆରୀ ମାସ ୧୬ ତାରିଖରେ ମୁଖ୍ୟ ବିଚାରପତି ଭାବରେ ନିଯୁକ୍ତି ପାଇଥିଲେ । ୧୯୮୩ ମସିହା ମାର୍ଚ ମାସ ୧୫ ତାରିଖରେ ସେ ଭାରତୀୟ ସର୍ବୋଚ୍ଚ ନ୍ୟାୟାଳୟର ବିଚାରପତି ଭାବରେ ନିଯୁକ୍ତ ହୋଇଥିଲେ । ୧୯୯୦ ସେପ୍ଟେମ୍ବର ୨୫ ତାରିଖରେ ସେ ଭାରତର ୨୧ତମ ପ୍ରଧାନ ବିଚାରପତି ଭାବରେ କାର୍ଯ୍ୟଭାର ଗ୍ରହଣ କରିଥିଲେ ଓ ୧୯୯୧ ମସିହା ନଭେମ୍ବର ମାସ ୨୪ ତାରିଖରେ ଅବସର ଗ୍ରହଣ କରିଥିଲେ ।[୬][୭] ୧୯୯୨ଠାରୁ, ସେ ଅଲ୍ ଇଣ୍ଡିଆ ବୟଜ ସ୍କାଉଟସ୍ ଆସୋସିଏଶନର ମୁଖ୍ୟ ସ୍କାଉଟସ୍ ଥିଲେ । ଏଥି ସହିତ ସେ ପ୍ରଥମ ଜାତୀୟ ମାନବିକ ଅଧିକାର କମିଶନର ଅଧ୍ୟକ୍ଷ ମଧ୍ୟ ଥିଲେ ।[୮] ଏହି ପଦରେ ସେ ୧୯୯୩ ମସିହାରୁ ୧୯୯୬ ମସିହା ପର୍ଯ୍ୟନ୍ତ କାର୍ଯ୍ୟ କରିଥିଲେ । [୯]୧୯୯୮ ମସିହାରେ, ରଙ୍ଗନାଥ ମିଶ୍ର କଂଗ୍ରେସ ଟିକଟରୁ ରାଜ୍ୟସଭାକୁ ନିର୍ବାଚିତ ହୋଇଥିଲେ ଓ ୨୦୦୪ ପର୍ଯ୍ୟନ୍ତ ରାଜ୍ୟସଭାର ସଦସ୍ୟ ରହିଥିଲେ ।[୧୦] ୨୦୦୪ ମସିହାରେ ସେ ଜାତୀୟ ସଂଖ୍ୟାଲଘୁ କମିଶନର ଅଧ୍ୟକ୍ଷ ନିଯୁକ୍ତ ହୋଇଥିଲେ । ଏହି କମିଶନ ଭାଷାଗତ ଓ ଜାତିଗତ ଅଳ୍ପସଂଖ୍ୟକ ମାନଙ୍କର ବିଭିନ୍ନ ସମସ୍ୟା ଉପରେ ଦୃଷ୍ଟିଦେବା ପାଇଁ ଗଠନ କରାଯାଇଥିଲା । ରଙ୍ଗନାଥ ମିଶ୍ର କମିଶନ ନାମରେ ମଧ୍ୟ ସୁପରିଚିତ ଏହି କମିଶନ ୨୦୦୭ ମସିହାରେ ତାଙ୍କର ରିପୋର୍ଟ କେନ୍ଦ୍ର ସରକାରଙ୍କ ନିକଟରେ ଦାଖଲ କରିଥିଲା । [୧୧] ଏହି ରିପୋର୍ଟ ଦେଶ ମଧ୍ୟରେ ବହୁ ବାଦବିବାଦର ସୂତ୍ରପାତ କରାଇଛି । [୧୨]
ପାରିବାରିକ ଜୀବନ
[ସମ୍ପାଦନା]ରଙ୍ଗନାଥ ମିଶ୍ର ଓ ପତ୍ନୀ ସୁମିତ୍ରା ମିଶ୍ରଙ୍କର ଦୁଇଟି ପୁତ୍ର ଥିଲେ, ଦେବାନନ୍ଦ ମିଶ୍ର ଓ ଶିବାନନ୍ଦ ମିଶ୍ର । ଉଭୟ ପୁତ୍ରଙ୍କର ଆଗରୁ ତିରୋଧାନ ହୋଇଛି । ତାଙ୍କ ନାତି ଆନନ୍ଦ ମିଶ୍ର, ଭାରତୀୟ ସର୍ବୋଚ୍ଚ ନ୍ୟାୟାଳୟରେ ଜଣେ ଆଇନଜୀବୀ ଭାବରେ କାମ କରନ୍ତି ।[୧୩] ୨୦୧୨ ମସିହା ସେପ୍ଟେମ୍ବର ମାସ ୧୩ ତାରିଖରେ ଭୁବନେଶ୍ୱରଠାରେ ତାଙ୍କର ଦେହାନ୍ତ ହୋଇଥିଲା ।[୧୪]
ଆଧାର
[ସମ୍ପାଦନା]- ↑ "ଆର୍କାଇଭ୍ କପି". Archived from the original on 2012-09-17. Retrieved 2012-09-19.
{{cite web}}: Cite has empty unknown parameter:|1=(help) - ↑ "ଆର୍କାଇଭ୍ କପି". Archived from the original on 2012-09-14. Retrieved 2012-09-19.
{{cite web}}: Cite has empty unknown parameter:|1=(help) - ↑ http://www.dharitri.com/epaper/140912/p13.htm
- ↑ "ଆର୍କାଇଭ୍ କପି". Archived from the original on 2012-09-23. Retrieved 2012-09-19.
{{cite web}}: Cite has empty unknown parameter:|1=(help) - ↑ "National Human Rights Commission - New Delhi". nhrc.nic.in. 2006. Retrieved 20 September 2012.
Justice Shri Ranganath Misra was the first Chairperson of the Commission
- ↑ http://supremecourtofindia.nic.in/judges/bio/rmisra.htm
- ↑ http://www.indiavision.com/news/article/national/345537/pm-condoles-death-of-justice-ranganath-mishra/[permanent dead link]
- ↑ http://nhrc.nic.in/Documents/sec-1.pdf
- ↑ "ଆର୍କାଇଭ୍ କପି". Archived from the original on 2012-09-23. Retrieved 2012-09-19.
{{cite web}}: Cite has empty unknown parameter:|1=(help) - ↑ "Alphabetical List Of All Members Of Rajya Sabha Since 1952". 164.100.47.5. Retrieved 30 December 2012.
Misra Shri Ranganath Odisha INC 02/07/1998 01/07/2004
{{cite web}}: horizontal tab character in|quote=at position 22 (help) - ↑ http://ncm.nic.in/pdf/compilation.pdf
- ↑ "ଆର୍କାଇଭ୍ କପି". Archived from the original on 2016-09-07. Retrieved 2012-09-19.
{{cite web}}: Cite has empty unknown parameter:|1=(help) - ↑ http://www.odisha.com/20060924/fullstory/Arati.html
- ↑ http://www.thehindu.com/news/national/article3893788.ece