ସୁସ୍ମିତା ବାଗ୍‌ଚୀ

ଉଇକିପିଡ଼ିଆ ରୁ
(Sushmita Bagchi ରୁ ଲେଉଟି ଆସିଛି)
Jump to navigation Jump to search
ଜନ୍ମ୨୫ ସେପ୍ଟେମ୍ବର ୧୯୬୦ (1960-09-25) (୫୮ ବର୍ଷ)
ଜାତୀୟତାଭାରତୀୟ
ବାସସ୍ଥଳୀଭୁବନେଶ୍ୱର
ନାଗରିକତା ଭାରତୀୟ
ପୁରସ୍କାରଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ୧୯୯୨
ଜୀବନ ସାଥିସୁବ୍ରତ ବାଗଚୀ
ସନ୍ତାନଦୁଇ ଝିଅ
ଜ୍ଞାତି କୁଟୁମ୍ବସଞ୍ଜୟ ପଣ୍ଡା(ଭାଇ)

ସୁସ୍ମିତା ବାଗ୍‌ଚୀ (ଜନ୍ମ: ୨୫ ସେପ୍ଟେମ୍ବର ୧୯୬୦) ଜଣେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଗାଳ୍ପିକା ।[୧] ତାଙ୍କର ୮ଟି ଉପନ୍ୟାସ, ୭ଟି ଗଳ୍ପ ସଂକଳନ ଓ ଗୋଟିଏ ଭ୍ରମଣକାହାଣୀ ପ୍ରକାଶ ପାଇଛି । [୨] ତାଙ୍କ ଲେଖା ଭାରତର ଅନ୍ୟାନ୍ୟ ଭାଷାକୁ ଅନୁବାଦିତ ମଧ୍ୟ ହୋଇଛି ।[୩]

ବ୍ୟକ୍ତିଗତ ଜୀବନୀ[ସମ୍ପାଦନା]

ସୁସ୍ମିତା ୧୯୬୦ମସିହାରେ ଜନ୍ମଗ୍ରହଣ କରିଥିଲେ । ପିତାଙ୍କ ନାମ ଥିଲା ହରିହର ପଣ୍ଡା ଓ ମାତାଙ୍କ ନାମ ଶକୁନ୍ତଳା ପଣ୍ଡା । ମାତା ଶକୁନ୍ତଳା ଜଣେ ସାହିତ୍ୟିକ ଓ ସମ୍ପାଦିକା ଥିଲେ । ୧୯୭୫ ମସିହାରୁ ଶକୁନ୍ତଳା ସୁଚରିତା ପତ୍ରିକାର ସମ୍ପାଦନା କରିଆସୁଥିଲେ । ତାଙ୍କ ଘରେ ସାହିତ୍ୟର ପରିବେଶ ଥିଲା ଓ ସାହିତ୍ୟିକମାନଙ୍କର ଯିବାଆସିବା ଥିଲା । ସେ ପରିବେଶର ପ୍ରଭାବ ସୁସ୍ମିତାଙ୍କ ଉପରେ ପଡିଥିଲା । ମାତାଙ୍କୁ ସମ୍ପାଦନା ଓ ଅନୁବାଦରେ ସାହାଯ୍ୟ କରିବାରୁ ଆରମ୍ଭ ହୋଇଥିଲା ସୁସ୍ମିତାଙ୍କର ସାହିତ୍ୟ ସର୍ଜନା । କ୍ରମେ ସେ ଅନୁଭବ କଲେ ଯେ, ସେ ନିଜେ ମୌଳିକ ସାହିତ୍ୟ ମଧ୍ୟ ଲେଖିପାରିବେ । ୧୫ବର୍ଷ ବୟସରେ ସେ ୧୮ବର୍ଷ ବୟସ୍କ ସୁବ୍ରତ ବାଗଚୀଙ୍କୁ ପ୍ରଥମେ ଭେଟିଥିଲେ ଓ ୪ ବର୍ଷ ପରେ ତାଙ୍କୁ ବିବାହ କରି, ଦିଲ୍ଲୀରେ ରହିବା ଆରମ୍ଭ କରିଥିଲେ । ସେଠାରେ ସେ ରାଜନୀତି ବିଜ୍ଞାନରେ ସ୍ନାତକତ୍ତୋର ଶେଷ କରି, ଦିଲ୍ଲୀ ବିଶ୍ୱବିଦ୍ୟାଳୟରେ ଅଧ୍ୟାପନା ଆରମ୍ଭ କରିଥିଲେ । ୮୦ଦଶକରେ ସୁବ୍ରତ ଓ ସୁସ୍ମିତା ବାଙ୍ଗାଲୋର ଚାଲି ଯାଇଥିଲେ ।

ସାହିତ୍ୟ ସର୍ଜନା[ସମ୍ପାଦନା]

୧୯୮୨ ମସିହାରେ ସୁସ୍ମିତାଙ୍କର ପ୍ରଥମ ଗଳ୍ପ ସୁଚରିତାରେ ପ୍ରକାଶ ପାଇଥିଲା । "ସ୍ରୋତପର୍ଣ୍ଣା" ଓ "ଦେବ ଶିଶୁ" ଉପନ୍ୟାସରୁ ସେ ପାଠକୀୟ ସ୍ୱୀକୃତି ପାଇବା ଆରମ୍ଭ କରିଥିଲେ ।

ରଚନାବଳୀ[ସମ୍ପାଦନା]

  • ସ୍ରୋତପର୍ଣ୍ଣା (ସୁଚରିତା ପବ୍ଳିକେଶନ) - ୨୦୦୨
  • ଦେବ ଶିଶୁ (ସୁଚରିତା ପବ୍ଳିକେଶନ) - ୨୦୦୨
  • ବସୁଧାର ପ୍ରଶ୍ନ (ସୁଚରିତା ପବ୍ଳିକେଶନ) - ୧୯୯୯
  • ବିମଳା ଦର୍ଶନ (ସୁଚରିତା ପବ୍ଳିକେଶନ) - ୨୦୦୭
  • ନୀଳ ଆକାଶ ଧଳା ମେଘ (ସୁଚରିତା ପବ୍ଳିକେଶନ) - ୨୦୦୩
  • ନୈବେଦ୍ୟ (ସୁଚରିତା ପବ୍ଳିକେଶନ) - ୧୯୯୬
  • ପ୍ରବାସର ପକ୍ଷୀ (ସୁଚରିତା ପବ୍ଳିକେଶନ) - ୧୯୯୮
  • ପ୍ରାଚୀ ପ୍ରତୀଚୀ (ସୁଚରିତା ପବ୍ଳିକେଶନ) - ୨୦୦୯
  • ସ୍ୱପ୍ନ ନିହାରୀକା (ସୁଚରିତା ପବ୍ଳିକେଶନ) - ୨୦୦୩
  • ମୋ ଝର୍କାରୁ ପୃଥିବୀ (ସୁଚରିତା ପବ୍ଳିକେଶନ) - ୧୯୯୫[୪]
  • Beneath a Rougher Sea[୫]

ସମ୍ମାନ ଓ ପୁରସ୍କାର[ସମ୍ପାଦନା]

  • ଉତ୍କଳ ସମ୍ମାନ
  • ଗଙ୍ଗାଧର ରଥ ଫାଉଣ୍ଡେସନ ସମ୍ମାନ
  • ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର - ୧୯୯୨[୬]
  • ଅଖିଳ କଥା ସମ୍ମାନ - ୨୦୧୮ (ଅଖିଳ ଫାଉଣ୍ଡେସନଦ୍ୱାରା ପ୍ରଦତ୍ତ)[୭]

ଆଧାର[ସମ୍ପାଦନା]

  1. Philomena Royappa Reddy; P. Sumangala (1998). Women in Development: Perspectives from Selected States of India. B.R. Publishing Corporation. ISBN 978-81-7018-978-7.
  2. Gunjan Jain (21 July 2016). She Walks, She Leads: Women Who Inspire India. Penguin Books Limited. pp. 489–. ISBN 978-93-86057-70-9.
  3. Susmita Bagchi (27 September 2010). Children of A Better God. Penguin Books Limited. ISBN 978-93-5214-136-4.
  4. "National Library of India". opac.nationallibrary.gov.in. Retrieved 20 December 2018.
  5. Susmita Bagchi (12 February 2016). Beneath a Rougher Sea. Leadstart Publishing Pvt Limited. ISBN 978-93-5201-623-5.
  6. "The sway of her Pen". thehindu. Retrieved 20 December 2018.
  7. (ସମ୍ବାଦ ୨୦/୧୨/୨୦୧୮ ଭୁବନେଶ୍ୱର ସଂସ୍କରଣ ପୃଷ୍ଠା ୧୪) http://sambadepaper.com/Details.aspx?id=540361&boxid=326545. Retrieved 20 December 2018. Missing or empty |title= (help)