ଧରଣୀଧର ପାଣିଗ୍ରାହୀ
ଧରଣୀଧର ପାଣିଗ୍ରାହୀ | |
|---|---|
| ଜନ୍ମ | ୨ ଜାନୁଆରୀ ୧୯୩୬ |
| ମୃତ୍ୟୁ | ୧୭ ନଭେମ୍ବର ୨୦୨୦ (ବୟସ ୮୪) ନୂଆପଲ୍ଲୀ, ଭୁବନେଶ୍ୱର |
| ଜାତୀୟତା | ଭାରତୀୟ |
| ଜାତୀୟତା | ଭାରତୀୟ |
| ପୁରସ୍କାର | କେନ୍ଦ୍ର ସାହିତ୍ୟ ଏକାଡେମୀ ଅନୁବାଦ ସମ୍ମାନ ୨୦୦୯ |
ଧରଣୀଧର ପାଣିଗ୍ରାହୀ (୨ ଜାନୁଆରୀ ୧୯୩୬ - ୧୭ ନଭେମ୍ବର ୨୦୨୦) ଜଣେ ଓଡ଼ିଆ ସାହିତ୍ୟିକ ଓ ଶିକ୍ଷାବିତ ଥିଲେ । ସେ ଅର୍ଥନୀତି, ସମାଜତତ୍ତ୍ୱ, ସଂସ୍କୃତି ସମ୍ପର୍କିତ ନାନା ପ୍ରବନ୍ଧ ଅନୁବାଦ କରିବା ସହିତ ଅର୍ଥନୀତି ବିଷୟରେ ଉଭୟ ଇଂରାଜୀ ଏବଂ ଓଡ଼ିଆ ଭାଷାରେ ଅନେକ ପୁସ୍ତକ ରଚନା କରିଥିଲେ । ସେ ଉଭୟ କେନ୍ଦ୍ର ସାହିତ୍ୟ ଏକାଡେମୀ ଓ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଲାଭ କରିଥିଲେ । ଓଡ଼ିଆ ସମ୍ବାଦପତ୍ର ଓ ସ୍ତମ୍ବଲେଖ ପାଇଁ ତାଙ୍କୁ ମିଳିଛି ବିପୁଳ ପାଠକୀୟ ଶ୍ରଦ୍ଧା, ସମ୍ମାନ ଓ ସ୍ୱୀକୃତି । ଓଡ଼ିଆ ଭାଷାରେ ପ୍ରାୟୋଗିକ ସମାଲୋଚନା, ତାତ୍ତ୍ୱିକ ପ୍ରବନ୍ଧ ତଥା ରାଜନୈତିକ, ଅର୍ଥନୈତିକ ଓ ସାମାଜିକ ସମାସ୍ୟାବଳୀ ଉପରେ ନୂତନ ଦୃଷ୍ଟିଭଙ୍ଗୀ ସମ୍ବଳିତ ପ୍ରବନ୍ଧ ରଚନା ପାଇଁ ସେ ଓଡ଼ିଆ ପାଠକ ମହଲରେ ଏକ ସ୍ୱତନ୍ତ୍ର ସ୍ଥାନର ଅଧିକାରୀ ।
ରଚନାବଳୀ
[ସମ୍ପାଦନା]ମୌଳିକ ରଚନା:
[ସମ୍ପାଦନା]- ଅର୍ଥନୀତି ପ୍ରବେଶ
- ଅର୍ଥନୀତି ପରିଚୟ
- ମୁଦ୍ରାବ୍ୟାଙ୍କ ଓ ସରକାରୀ ବିତ୍ତ ବ୍ୟବସ୍ଥା
- ସରକାରୀ ବିତ୍ତ
- ଗ୍ରାମ୍ୟ ଶିଳ୍ପାୟନ
- ଭାରତୀୟ ଅର୍ଥନୀତି
- ରାଷ୍ଟ୍ରାୟତ୍ତ ଉଦ୍ୟୋଗ ଓ ଅର୍ଥନୈତିକ ବିକାଶ
- ରାଜନୀତିଜ୍ଞଙ୍କ ଭାରତବର୍ଷ
- ଅର୍ଥନୀତିକ ଭାରତ
- ମହାଭାରତ ପରେ
- ଆଞ୍ଜନେୟ
- ଶ୍ରୀମୟୀ ବୈଷ୍ଣୋ ଦେବୀ
- ଲୌହମାନବ
- ଭାରତ ବିକାଶ ପରିକ୍ରମା
- ରାଷ୍ଟ୍ରୀୟ ବିତ୍ତ
- କନିଷ୍ଠ ମାର୍ଟିନ ଲୁଥର କିଙ୍ଗ୍
- ଭାବଭୂମିର ଅମୃତାଲୋକ
- ପ୍ରବାଦ ପୁରୁଷ
- ଚକ୍ରବର୍ତ୍ତୀ ରାଜଗୋପାଳାଚାରୀ ୨୦୧୫
- ଅମୃତ ଅନୁଭବ (ଯୁଗ୍ମ: ଦ୍ୱାରିକା ମୋହନ ମିଶ୍ର)
ଅନୁବାଦ:
[ସମ୍ପାଦନା]- କରଣ ସିଂହ: ଆତ୍ମଜୀବନୀ
- ସନ୍ଥ ବିଭୂତି
- ମୃତ୍ୟୁ ପରେ
- ଜୀବନ ଓ ମୃତ୍ୟୁ ଦର୍ଶନ
- ବ୍ରହ୍ମବାଦ ଦର୍ଶନ
- ତୀର୍ଥଭୂମି ଭାରତ ୨୦୧୩ (ମୂଳ: ମ୍ୟାଡ଼େଲିନ୍ ସ୍ଲେଡ୍)
ସମ୍ମାନ ଓ ପୁରସ୍କାର
[ସମ୍ପାଦନା]- ଧରିତ୍ରୀ ସାରସ୍ୱତ ସମ୍ମାନ - ୧୯୮୨
- କେନ୍ଦ୍ର ସାହିତ୍ୟ ଏକାଡେମୀ ଅନୁବାଦ ପୁରସ୍କାର - ୨୦୦୯ (କରଣ ସିଂହ: ଆତ୍ମଜୀବନୀ)
- ରାଜଧାନୀ ପୁସ୍ତକମେଳା ଶ୍ରେଷ୍ଠ ଅନୁବାଦ ପୁରସ୍କାର - ୨୦୧୦ (ମୃତ୍ୟୁ ପରେ)
- ଉତ୍କଳ ସାହିତ୍ୟ ସମାଜର ବିକ୍ରମ ଦାସ ଭ୍ରମଣ କାହାଣୀ ସମ୍ମାନ - ୨୦୧୧
- ସନ୍ଧ୍ୟାତାରା ସାହିତ୍ୟ ସଂସଦ ସମ୍ମାନ - ୨୦୧୧
- ଢେଙ୍କାନାଳ ଜିଲ୍ଲା ଲେଖକ ସଂସଦ ତରଫରୁ ରାଜ୍ୟସ୍ତରୀୟ ଶ୍ରୀଧର ସ୍ୱାମୀ ସମ୍ମାନ - ୨୦୧୨
- ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (ଜୀବନୀ ଓ ଭ୍ରମଣ ସାହିତ୍ୟ) - ୨୦୧୫ (ଲୌହମାନବ)[୧]
- ଓଡ଼ିଶା ପାଠକ ସାହିତ୍ୟ ସଂସଦ ସମ୍ମାନ - ୨୦୧୫
ବ୍ୟକ୍ତିଗତ ଜୀବନ
[ସମ୍ପାଦନା]ଧରଣୀଧର ୧୯୩୬ ମସିହା ଜାନୁଆରୀ ୨ ତାରିଖରେ ଢେଙ୍କାନାଳ ଜିଲ୍ଲାର ହିନ୍ଦୋଳ ଅନ୍ତର୍ଗତ ବେରୁଆଁପାଳଠାରେ ଜନ୍ମଗ୍ରହଣ କରିଥିଲେ । ସେ ରେଭେନ୍ସା, ବିଜେବି ଓ ରାଜଧାନୀ ମହାବିଦ୍ୟାଳୟ ଆଦିରେ ଅଧ୍ୟାପନା କରି ୧୯୯୪ ମସିହାରେ ଅବସର ଗ୍ରହଣ କରିଥିଲେ ।
୨୦୨୦ ମସିହା ନଭେମ୍ବର ୧୭ ତାରିଖରେ ଭୁବନେଶ୍ୱରର ନୂଆପଲ୍ଲୀସ୍ଥିତ ନିଜ ବାସଭବନରେ ତାଙ୍କର ପରଲୋକ ଘଟିଥିଲା ।[୨]
ଆଧାର
[ସମ୍ପାଦନା]- ↑ "୨୦୧୫ ଓ ୧୬ ବର୍ଷ ପାଇଁ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଘୋଷଣା". www.nitidin.com. ନିତିଦିନ. Archived from the original on 11 July 2022. Retrieved 11 July 2022.
- ↑ "ପରଲୋକରେ ଧରଣୀଧର ପାଣିଗ୍ରାହୀ". www.sambad.in. ଇଷ୍ଟର୍ଣ୍ଣ ମିଡ଼ିଆ. Archived from the original on 11 July 2022. Retrieved 11 July 2022.