ବିଦ୍ୟାଧର ମିଶ୍ର

ବିଦ୍ୟାଧର ମିଶ୍ର
ଜନ୍ମ	(1918-02-14)୧୪ ଫେବୃଆରୀ ୧୯୧୮ କାଦୁଅପଡ଼ା, ଜଗତସିଂହପୁର
ମୃତ୍ୟୁ	୨୮ ମଇ ୨୦୦୪(2004-05-28) (ବୟସ ୮୬)
ଜାତୀୟତା	ଭାରତୀୟ
ଜାତୀୟତା	ଭାରତୀୟ
ଉଲ୍ଲେଖନୀୟ କୃତି	ବିଂଶ ଶତାବ୍ଦୀର ଓଡ଼ିଶା ଓ ମୋ ଅନୁଭୂତି
ସନ୍ତାନ	ଗୋପବନ୍ଧୁ ମିଶ୍ର (ପୁତ୍ର), ଚିତ୍ରଲେଖା ମିଶ୍ର (କନ୍ୟା)
ପିତାମାତା	ଅଲେଖ ମିଶ୍ର (ପିତା)
ପୁରସ୍କାର	ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର

ବିଦ୍ୟାଧର ମିଶ୍ର (ଜନ୍ମ: ୧୬ ଜାନୁଆରୀ ୧୯୨୯) ଜଣେ ଭାରତୀୟ ଓଡ଼ିଆ-ଭାଷୀ ଅର୍ଥନୀତିଜ୍ଞ, ଶିକ୍ଷାବିତ୍ ଓ ପ୍ରାବନ୍ଧିକ । ସେ ନିଜ ସାହିତ୍ୟକୃତି ବିଂଶ ଶତାବ୍ଦୀର ଓଡ଼ିଶା ଓ ମୋ ଅନୁଭୂତି ପାଇଁ ୧୯୯୯ରେ ଓଡ଼ିଶା ସାହିତ୍ୟ ଏକାଡ଼େମୀ ପୁରସ୍କାର ପାଇଥିଲେ ।

ଜୀବନୀ

ବିଦ୍ୟାଧର ୧୯୧୮ ମସିହା ଫେବୃଆରୀ ୧୪ ତାରିଖରେ ଓଡ଼ିଶାର ଜଗତସିଂହପୁରସ୍ଥିତ କାଦୁଅପଡ଼ା ଗାଁରେ ଜନ୍ମଗ୍ରହଣ କରିଥିଲେ । ବିଦ୍ୟାଧର ରେଭେନ୍ସା କଲେଜିଏଟ ସ୍କୁଲରୁ ମାଟ୍ରିକ୍, ରେଭେନ୍ସା ମହାବିଦ୍ୟାଳୟରୁ ଅର୍ଥନୀତି ସମ୍ମାନ ସହ ସ୍ନାତକ, ପାଟଣା ବିଶ୍ୱବିଦ୍ୟାଳୟରୁ ଅର୍ଥନୀତିରେ ସ୍ନାତକୋତ୍ତର (୧୯୪୨) ପ୍ରଥମ ଶ୍ରେଣୀରେ ପ୍ରଥମ ସ୍ଥାନ ପାଇ ସ୍ୱର୍ଣ୍ଣପଦକ ଲାଭ କରିଥିଲେ । ୧୯୪୪ରେ ଗଙ୍ଗାଧର ମେହେର ମହାବିଦ୍ୟାଳୟରେ ଅଧ୍ୟାପନା ଆରମ୍ଭ କଲେ । ପରେ ଲଣ୍ଡନ ସ୍କୁଲ୍ ଅଫ୍ ଇକୋନୋମିକ୍ସରୁ ଡକ୍ଟରେଟ୍ ଉପାଧି ଲାଭ କରିଥିଲେ । ସେ ରେଭେନ୍ସା ଓ ପରେ ଉତ୍କଳ ବିଶ୍ୱବିଦ୍ୟାଳୟରେ ୧୭ ବର୍ଷ ଧରି ପ୍ରାଧ୍ୟାପକ ଥିଲେ । ସେଠାରେ ସେ ବିଶ୍ଳେଷଣମୂଳକ ପ୍ରୟୋଗ ଅର୍ଥନୀତି (ଆନାଲିଟିକାଲ ଆପ୍ଲାଏଡ଼ ଇକୋନୋମିକ୍ସ) ଆରମ୍ଭ କରିଥିଲେ । ୧୯୭୭ରୁ ୧୯୮୦ ପର୍ଯ୍ୟନ୍ତ ସେ ସେଠାରେ କୁଳପତି ରହିବା ସହିତ ଚତୁର୍ଥ ଦରମା କମିଶନର ସଦସ୍ୟ ଥିଲେ । ଅର୍ଥନୀତି ଓ ବିଭିନ୍ନ ବିଷୟକ ସେ ଏକାଧିକ ପୁସ୍ତକ ଉଭୟ ଓଡ଼ିଆ ଓ ଇଂରାଜୀ ଭାଷାରେ ପ୍ରଣୟନ କରିଥିଲେ । ସେ ଇଂଲଣ୍ଡ, କାନାଡା, ସୁଇଜରଲାଣ୍ଡ, ଫ୍ରାନ୍ସ,, ପଶ୍ଚିମ ଜର୍ମାନୀ ଆଦି ଦେଶ ଭ୍ରମଣ କରିଥିଲେ ।

ରଚନାବଳୀ

ଓଡ଼ିଆ

• ବିକଶିତ ପାଶ୍ଚାତ୍ୟ ଜଗତ
• ନାନୀ ୧୯୯୨
• ନବତୀର୍ଥ
• ବିଂଶ ଶତାବ୍ଦୀର ଓଡ଼ିଶା ଓ ମୋ ଅନୁଭୂତି

ଇଂରାଜୀ

• Study of beggar problem at Cuttack (1963)
• Evaluation report of Malkangiri integrated Tribal Development project, Koraput, Orissa (1980)
• Village life in India: pastand present (1988)

ସମ୍ମାନ ଓ ପୁରସ୍କାର

• ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (ବିଂଶ ଶତାବ୍ଦୀର ଓଡ଼ିଶା ଓ ମୋ ଅନୁଭୂତି ପାଇଁ) - ୧୯୯୬