ପ୍ରମୋଦ କୁମାର ମହାପାତ୍ର
ପ୍ରମୋଦ କୁମାର ମହାପାତ୍ର | |
|---|---|
| ଜନ୍ମ ଓ ଜନ୍ମସ୍ଥାନ | ୧୯ ଫେବୃଆରୀ ୧୯୫୬ ଓଳିହା, କେନ୍ଦ୍ରାପଡ଼ା ଜିଲ୍ଲା |
| ବୃତ୍ତି | ଶିକ୍ଷାବିତ |
| ଭାଷା | ଓଡ଼ିଆ |
| ଜାତୀୟତା | ଭାରତୀୟ |
| ଶିକ୍ଷା | ପିଏଚ୍ ଡି (ବିଜ୍ଞାନ) |
| ଶିକ୍ଷାନୁଷ୍ଠାନ | ରେଭେନ୍ସା ମହାବିଦ୍ୟାଳୟ ଉତ୍କଳ ବିଶ୍ୱବିଦ୍ୟାଳୟ |
| ପୁରସ୍କାର | ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ଓଡ଼ିଶା ବିଜ୍ଞାନ ଏକାଡ଼େମୀ ପୁରସ୍କାର |
| ଜୀବନସାଥୀ | ଅନସୂୟା ମିଶ୍ର |
ପ୍ରମୋଦ କୁମାର ମହାପାତ୍ର (ଜନ୍ମ ୧୯ ଫେବୃଆରୀ ୧୯୫୬) ଜଣେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ବିଜ୍ଞାନ ଲେଖକ, ସାମ୍ବାଦିକ ଓ ସମ୍ପାଦକ । ସେ ୧୯୯୬ ମସିହାରେ ଶତାବ୍ଦୀ ସାଧକ ପୁସ୍ତକ ପାଇଁ ଜୀବନୀ ଓ ଭ୍ରମଣ ସାହିତ୍ୟ ବିଭାଗରେ ଓଡ଼ିଶା ସାହିତ୍ୟ ଏକାଡ଼େମୀ ପୁରସ୍କାର ପାଇଥିଲେ ।[୧]
ସଂକ୍ଷିପ୍ତ ଜୀବନୀ
[ସମ୍ପାଦନା]ପ୍ରମୋଦ କେନ୍ଦ୍ରାପଡ଼ା ଜିଲ୍ଲାର ଓଳିହାଠାରେ ଜନ୍ମଗ୍ରହଣ କରିଥିଲେ । ରେଭେନସା କଲେଜରୁ ବିଜ୍ଞାନରେ ଓ ଉତ୍କଳ ବିଶ୍ୱବିଦ୍ୟାଳୟରୁ ଡଃ ଖଗେନ୍ଦ୍ରନାଥ ମଲ୍ଲିକଙ୍କ ତତ୍ତ୍ୱାବଧାନରେ ''ଓଡ଼ିଆ ସାହିତ୍ୟ ଓ ସଂସ୍କୃତିକୁ ରାଧାନାଥ ରଥଙ୍କ ଦାନ'' ଶୀର୍ଷକ ନିବନ୍ଧ ଉପସ୍ଥାପନ କରି ପିଏଚ୍ ଡି ଡିଗ୍ରୀ ଲାଭ କରିଥିଲେ । ପ୍ରଥମ ଓଡ଼ିଆ ବିଜ୍ଞାନ ଏନସାଇକ୍ଲୋପାଡ଼ିଆ ବିଜ୍ଞାନ କୋଷର ଲେଖକ ଭାବେ ଜଣାଶୁଣା ପ୍ରମୋଦ ବିଜ୍ଞାନ ସାହିତ୍ୟରେ ଶତାଧିକ ପୁସ୍ତକର ଲେଖକ । ଏଯାବତ୍ ଏହାର ୪ଭାଗ ପ୍ରକାଶିତ । ସେ ପୁଣି ପ୍ରଥମ ବିଜ୍ଞାନ କ'ଣ, କାହିଁକି ଏନସାଇକ୍ଲୋପାଡ଼ିଆ ଜ୍ଞାନ ବିଜ୍ଞାନର ଯୁଗ୍ମ ଲେଖକ । ଏହାର ୮ଟି ଭାଗ ପ୍ରକାଶିତ । ୩୬ ବର୍ଷ ସାମ୍ବାଦିକତା ସଂପୂର୍ଣ୍ଣ କରିବା ସହିତ ସେ ଦୈନିକ ସମାଜର ସମ୍ପାଦକ ରହି ଆସିଥିଲେ । ନିଜ କୃତି ଓ କୃତିତ୍ୱ ପାଇଁ ସେ ୩୦ରୁ ଉର୍ଦ୍ଧ୍ୱ ଅନୁଷ୍ଠାନରୁ ସମ୍ମାନୀତ ।[୨] ସେ ବିଜ୍ଞାନ ପ୍ରଚାର ସମିତିର ଆଜୀବନ ସଭ୍ୟ ରହିବା ସ ହିତ ସମ୍ପାଦକ ଦାୟିତ୍ୱ ତୁଲାଇଥିଲେ । ବିଜ୍ଞାନ ପ୍ରଭା ସମ୍ପାଦନା କରିବା ସହ ବିଜ୍ଞାନାଲୋକ ସମ୍ପାଦନା ମଣ୍ଡଳୀରେ ସଭ୍ୟ ରହିଆସିଛନ୍ତି ।[୩][୪]
ରଚନାବଳୀ
[ସମ୍ପାଦନା]- ବିଶ୍ୱ ବିସ୍ମୟ
- ବିଂଶ ଶତାବ୍ଦୀର ପୃଥିବୀ
- ଉଦ୍ଭିଦର କିଏ କ'ଣ
- ଓଡ଼ିଶାର ଔଷଧ ବୃକ୍ଷ
- ଆଜିର ଆମେରିକା
- କୋମୋଡ଼ ଦ୍ୱୀପର ଡ୍ରାଗନ
- ଶତାବ୍ଦୀର ଶ୍ରେଷ୍ଠ ବିଜ୍ଞାନ କଥା
- ଘର ଭିତରେ କଙ୍କାଳ
- ବିଜ୍ଞାନ ଯୁଗର ମାଳିକା
- ବିଭୀଷିକାମୟ ମଙ୍ଗଳ ଯାତ୍ରା
- ଆଜିର ବିଜ୍ଞାନ
- ଏକ ବିଂଶ ଶତାବ୍ଦୀର ବଜ୍ଞାନ
- ଶତାବ୍ଦୀ ସାଧକ
- ଗଛ ବଞ୍ଚିଲେ ଆମେ ବଞ୍ଚିବା
- ଭାଗବତ ଟୁଙ୍ଗୀରେ ସନ୍ଧ୍ୟା
- ମହାକାଶକୁ ଯାତ୍ରା ୧ମ ଓ ୨ୟ
- ଆମ ପୃଥିବୀ
- ଜଳ ହିଁ ଜୀବନ
- ଅଜଣା ଗ୍ରହରେ ଜନ୍ ଓ ମେରୀ
- ନୀଳ ସାଗରର ଆତ୍ମଲିପି
- ବିସ୍ଫୋରିତ ପୃଥିବୀ
- ଏକୋଇଶି ଶହ ମସିହାର ପୃଥିବୀ
- ରାକ୍ଷସ ଜୀବଙ୍କ କଥା
- ବିଜ୍ଞାନ ମୁଣି ୧ମ (ଆମ ବାସସ୍ଥଳୀ ପୃଥିବୀ)
- ବିଜ୍ଞାନ ମୁଣି ୨ୟ (ପରମାଣୁ)
- ବିଜ୍ଞାନ ମୁଣି ୩ୟ (ପରିବେଶ ପ୍ରଦୂଷଣ)
- ବିଜ୍ଞାନ ମୁଣି ୪ର୍ଥ (ପ୍ରାଣୀ ଜଗତ)
- ବିଜ୍ଞାନ ମୁଣି ୫ମ (ଉଦ୍ଭିଦ ଜଗତ)
- ବିଜ୍ଞାନ ମୁଣି ୬ଷ୍ଠ (ନୀଳ ସାଗର)
- ବିଂଶ ଶତାବ୍ଦୀର ପୃଥିବୀ
- ବିବର୍ତ୍ତିତ ପୃଥିବୀ
ପୁରସ୍କାର ଓ ସମ୍ମାନ
[ସମ୍ପାଦନା]- ଶ୍ରେଷ୍ଠ ବିଜ୍ଞାନ ଲେଖା ପାଇଁ ଉତ୍କଳ ବିଶ୍ୱବିଦ୍ୟାଳୟ ପକ୍ଷରୁ ଡଃ * ରାଧାନାଥ ରଥ ସ୍ୱର୍ଣ୍ଣ ପଦକ ଲାଭ ୧୯୯୧
- ପଠାଣି ସାମନ୍ତ ପ୍ରତିଭା ପୁରସ୍କାର ୧୯୯୧
- କଣ୍ଢେଇ ପୁରସ୍କାର
- ନିତ୍ୟ ନୂତନ ପୁରସ୍କାର ୧୯୯୩
- ଝୁମୁକା ପୁରସ୍କାର ୧୯୯୩
- ମଣି ମାଣିକ ତରଫରୁ ବିଜ୍ଞାନ ଗୌରବ ଉପାଧି ୧୯୯୪
- ବିଜ୍ଞାନ ଭାରତୀ ତରଫରୁ ରୌପ୍ୟ ପଦକ ଲାଭ
- ଡଃ ରାଧାନାଥ ରଥ ଜନ୍ମ ଶତବାର୍ଷିକୀ ସମିତି ପକ୍ଷରୁ ପୁରସ୍କାର
- ବିଜ୍ଞାନାଲୋକ ଶ୍ରେଷ୍ଠ ଲେଖକ ପୁରସ୍କାର ୧୯୯୬
- ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ୧୯୯୬ ଶତାବ୍ଦୀ ସାଧକ ପାଇଁ
- ଓଡ଼ିଶା ବିଜ୍ଞାନ ଏକାଡ଼େମୀ ପୁରସ୍କାର ୧୯୯୫, ଆଜିର ବିଜ୍ଞାନ ପାଇଁ[୫]
- କଳିଙ୍ଗ ସମ୍ମାନ ୨୦୧୦[୬]
ଆଧାର
[ସମ୍ପାଦନା]- ↑ http://odishasahityaakademi.org/English/sahitya-award7.php
- ↑ https://www.scribd.com/document/383313004/Biodata-Pramod-Mohapatra
- ↑ ମହାପାତ୍ର, ଗୋକୁଳାନନ୍ଦ (୧୯୯୭). ଓଡ଼ିଶାର ବିଜ୍ଞାନ ଲେଖକ. କଟକ: ବିଜ୍ଞାନ ପ୍ରଚାର ସମିତି. pp. ୧୫୪-୫୫.
- ↑ ମହାନ୍ତି, ନଗେନ୍ଦ୍ର ନାଥ (୨୦୧୨). ଓଡ଼ିଆ ଚରିତ କୋଷ, ୨ୟ ଭାଗ. ନୂଆଦିଲ୍ଲୀ: ପ୍ରତିମା ନାଥ ଟ୍ରଷ୍ଟ. pp. ୮୫୬. ISBN 81-903352-2-7.
- ↑ "ଆର୍କାଇଭ୍ କପି". Archived from the original on 2024-12-25. Retrieved 2024-12-19.
{{cite web}}: Cite has empty unknown parameter:|1=(help) - ↑ "ଆର୍କାଇଭ୍ କପି". Archived from the original on 2024-12-19. Retrieved 2024-12-19.
{{cite web}}: Cite has empty unknown parameter:|1=(help)
| International | |
|---|---|
| National | |
