ଯୁଗଳ କିଶୋର ଦତ୍ତ
ଯୁଗଳ କିଶୋର ଦତ୍ତ | |
|---|---|
| ଜନ୍ମ | ୨୪ ଡିସେମ୍ବର ୧୯୨୮ ମହେଶ୍ୱରପୁର, ଯାଜପୁର |
| ମୃତ୍ୟୁ | ୨୧ ଫେବୃଆରୀ ୨୦୨୦ (ବୟସ ୯୧) |
| ଜାତୀୟତା | ଭାରତୀୟ |
| ଜାତୀୟତା | ଭାରତୀୟ |
| ଶିକ୍ଷା | ସ୍ନାତକ |
| ବୃତ୍ତି | ଅନୁବାଦକ |
| ପିତାମାତା | ନଦୀଆ ଚାନ୍ଦ, କିରଣବାଳା |
| ପୁରସ୍କାର | କେନ୍ଦ୍ର ସାହିତ୍ୟ ଏକାଡେମୀ ଅନୁବାଦ ପୁରସ୍କାର, ୧୯୯୭ |
ଯୁଗଳ କିଶୋର ଦତ୍ତ(୨୪ ଡିସେମ୍ବର ୧୯୨୮ - ୨୧ ଫେବୃଆରୀ ୨୦୨୦) ଜଣେ କେଦ୍ର ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଅନୁବାଦକ ଥିଲେ ।[୧] ସେ ପ୍ରାୟ ୧୫୦ଟି ବଙ୍ଗଳା ଉପନ୍ୟାସକୁ ଓଡ଼ିଆରେ ଅନୁବାଦ କରିଥିଲେ । ଅନୁବାଦ ବ୍ୟତିତ ସେ ମୌଳିକ ସାହିତ୍ୟ ରଚନା ମଧ୍ୟ କରିଥିଲେ । ଗୋଟିଏ ବର୍ଷରେ ଉଭୟ କେନ୍ଦ୍ର ଓ ରାଜ୍ୟ ସାହିତ୍ୟ ଏକାଡେମୀ ଅନୁବାଦ ପୁରସ୍କାର ପାଇବାରେ ସେ ଏକମାତ୍ର ବ୍ୟକ୍ତି ।[୨] ଭୁବନେଶ୍ୱରରେ ପୁସ୍ତକମେଳା ଆୟୋଜନରେ ସେ ମୁଖ୍ୟ ଭୂମିକା ନିର୍ବାହ କରୁଥିଲେ ।[୩]
ଯୁଗଲ କିଶୋର ୧୯୨୮ ମସିହା ଡିସେମ୍ବର ୨୪ତାରିଖ ଦିନ ଯାଜପୁର ଜିଲ୍ଲାର ମହେଶ୍ୱରପୁରଠାରେ ଜନ୍ମଗ୍ରହଣ କରିଥିଲେ ।[୪] ତାଙ୍କ ପିତାଙ୍କ ନାମ ନଦୀଆ ଚାନ୍ଦ ଓ ମାତାଙ୍କ ନାମ କିରଣବାଳା ଥିଲା । ସେ ୧୯୪୮ମସିହାରୁ ଲେଖାଲେଖି ଆରମ୍ଭ କରିଥିଲେ । କଲେଜରେ ପଢ଼ିବା ସମୟରେ ସେ "ଦିଗନ୍ତ" ପତ୍ରିକା ସମ୍ପାଦକ ମଣ୍ଡଳୀରେ ରହିଥିଲେ ।[୫] ୧୯୫୦ ମସିହାରେ ତାଙ୍କର ପ୍ରଥମ ପୁସ୍ତକ "ଶତାବ୍ଦୀର ପ୍ରେମ" ପ୍ରକାଶ ପାଇଥିଲା । ୧୯୫୧ରେ ପ୍ରକାଶ ପାଇଥିଲା ମାନସୀ । "ଡଗର" ଆଦି ପତ୍ରିକାରେ ତାଙ୍କର ଲେଖା ନିୟମିତ ପ୍ରକାଶ ପାଉଥିଲା । ଭଦ୍ରକରେ ରହିବା ସମୟରେ ସେ "ସାହିତ୍ୟ ଆସର" ନାମରେ ଏକ ସାହିତ୍ୟ ଚର୍ଚ୍ଚା ଗୋଷ୍ଠୀ ଆରମ୍ଭ କରିଥିଲେ । ବଙ୍ଗଳା ଡିଟେକ୍ଟିଭ ଉପନ୍ୟାସ ପଢ଼ିବାରେ ତାଙ୍କର ସଉକ ଥିଲା । ଅନୁବାଦକ ଲକ୍ଷ୍ମୀକାନ୍ତ ମହାନ୍ତିଙ୍କଠାରୁ ପ୍ରୋତ୍ସାହନ ପାଇ, ସେ ବଙ୍ଗଳା ଉପନ୍ୟାସର ଓଡ଼ିଆ ଅନୁବାଦ କରିବା ଆରମ୍ଭ କରିଥିଲେ । ବିମଲ ମିତ୍ରଙ୍କର "ଆମେରିକା" ଥିଲା ତାଙ୍କଦ୍ୱାରା ଅନୁବାଦିତ ପ୍ରଥମ ପୁସ୍ତକ । ବିମଲ ମିତ୍ରଙ୍କର ପ୍ରାୟ ସବୁ ପୁସ୍ତକ ସେ ଓଡ଼ିଆରେ ଅନୁବାଦ କରିଛନ୍ତି । ବିମଳଙ୍କ ବ୍ୟତିତ ରବୀନ୍ଦ୍ରନାଥ ଠାକୁର, ଶରତ ଚନ୍ଦ୍ର ଚଟ୍ଟୋପାଧ୍ୟାୟ,ସମରେଶ ମଜୁମଦାର, ଶଙ୍କର, ସୁନୀଲ ଗଙ୍ଗୋପାଧ୍ୟାୟ ଓ ତସଲିମା ନସରିନ ଆଦିଙ୍କ ବଙ୍ଗଳା ପୁସ୍ତକକୁ ସେ ଓଡ଼ିଆରେ ଅନୁବାଦ କରିଛନ୍ତି । [୬] ସେ ସରକାରୀ ଚାକିରି କରିଥିଲେ ଓ ଅବସରପରେ ପୂର୍ଣ୍ଣ ଭାବରେ ସାହିତ୍ୟ ସର୍ଜନାରେ ନିମଗ୍ନ ଥିଲେ ।[୭]
ସାହିତ୍ୟ କୃତି
[ସମ୍ପାଦନା]- ଗଳ୍ପ ସଂକଳନ[୮]
- ଜନ ଗଣ ମନ
- ସେଇ ସମୟ - ୧[୯]
- ଶତାବ୍ଦୀର ପ୍ରେମ
- ମାନସୀ
- ଗାଁ ହସେ
- ନିଶି ବିହଙ୍ଗୀ
- ଏକାନ୍ତ ସତ୍ୟ
- ଏଗାରଟି ଅନୁବାଦ ଗଳ୍ପ
ପୁରସ୍କାର ଓ ସମ୍ମାନ
[ସମ୍ପାଦନା]- କେନ୍ଦ୍ର ସାହିତ୍ୟ ଏକାଡେମୀ ଅନୁବାଦ ପୁରସ୍କାର - ୧୯୯୭(ଆସାମୀ ହାଜିର)[୧୦]
- ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର - ୧୯୯୭(ଜନ ଗଣ ମନ)
- ଓଡ଼ିଶା ସାହିତ୍ୟ ଏକାଡେମୀ ସମ୍ବର୍ଦ୍ଧନା, ୧୯୯୫
- ଜୀବନ ରଙ୍ଗ ସାହିତ୍ୟ ସମ୍ମାନ, ୧୯୭୫[୧୧]
- ଯଦୁମଣି ସାହିତ୍ୟ ସଂସଦ ପୁରସ୍କାର, ୧୯୮୯
- ସୁଧନ୍ୟା ସାହିତ୍ୟ ପୁରସ୍କାର, ୧୯୯୨
ଆଧାର
[ସମ୍ପାଦନା]- ↑ Sahitya Akademi (1998). Annual Report. Sahitya Akademi.
- ↑ "ପରଲୋକରେ ବିଶିଷ୍ଟ ଲେଖକ ତଥା ପ୍ରସିଦ୍ଧ ଅନୁବାଦକ ଯୁଗଳ କିଶୋର ଦତ୍ତ". khabar.odishatv.in/. ଓଡ଼ିଶା ଟିଭି. Retrieved 26 February 2020.
- ↑ "ସାହିତ୍ୟ ଏକାଡେମି ପୁରସ୍କାର ବିଜେତା ବିଶିଷ୍ଟ ଅନୁବାଦକ ଯୁଗଳ କିଶୋର ଦତ୍ତଙ୍କ ପରଲୋକ". sambad.in/. ସମ୍ବାଦ. Retrieved 26 February 2020.
- ↑ "ପରଲୋକରେ ଅନୁବାଦକ ଯୁଗଳ କିଶୋର". dharitriepaper.in. ୨୨ ଫେବୃଆରୀ ୨୦୨୦. Retrieved 27 February 2021.
{{cite web}}: Check date values in:|date=(help) - ↑ "Senior Writer And Translator Jugal Kishore Dutta Passes Away". kalingatv.com. କଳିଙ୍ଗ ଟିଭି. Retrieved 26 February 2020.
- ↑ "Reading habit among Oriyas must increase' - Award-winning translator shares experience of his literary career". www.telegraphindia.com. The Telegraph. Retrieved 26 December 2019.
- ↑ "ଯୁଗଳ କିଶୋର ଦତ୍ତଙ୍କ ପରଲୋକ". sancharlive.in. ସଞ୍ଚାର. Retrieved 26 February 2020.
- ↑ "Big success for low-price tag ploy". www.telegraphindia.com. The Telegraph. Retrieved 26 December 2019.
- ↑ sahitya-akademi.gov.in/ (PDF). sahitya akademi http://sahitya-akademi.gov.in/publications/odia.pdf. Retrieved 26 December 2019.
{{cite web}}: Missing or empty|title=(help) - ↑ "ODISHA SAHITYA ACADEMY AWARDED BOOKS AND WRITERS" (PDF). Odisha Reference (Annual 2011): 97. Archived from the original (PDF) on 8 July 2019. Retrieved 26 December 2019.
- ↑ Kartik Chandra Dutt (1999). Who's who of Indian Writers, 1999: A-M. Sahitya Akademi. pp. 350–. ISBN 978-81-260-0873-5.
| International | |
|---|---|
| National | |
