ପୋଟଳ ରସା
 ପୋଟଳ ସହ ଆଳୁ ମିଶାଇ ସମାନ ପ୍ରଣାଳୀରେ ରନ୍ଧାଯାଇଥିବା "ପୋଟଳ ଆଳୁ ରସା" । | |
| ଆରମ୍ଭ | |
|---|---|
| ମୂଳ ଜାଗା | ଭାରତ |
| ଅଞ୍ଚଳ | ଓଡ଼ିଶା |
| ଖାଇବାର ସବିଶେଷ | |
| ମୂଳ ଉପାଦାନ | ପୋଟଳ, ନଡ଼ିଆ କ୍ଷୀର |
ପୋଟଳ ରସା ଏକ ପାରମ୍ପରିକ ଓଡ଼ିଆ ଖାଦ୍ୟ ।[୧][୨][୩][୪] ଏହା ସାଧାରଣତଃ ପୋଟଳକୁ ନଡ଼ିଆ କ୍ଷୀରରେ ରାନ୍ଧି ତିଆରି କରାଯାଇଥାଏ ।[୫] ଏହାର ଅନ୍ୟ ଏକ ପରିବର୍ତ୍ତନ ହେଲା ଆଳୁ-ପୋଟଳ ରସା ।[୬]
ପ୍ରକାରଭେଦ
[ସମ୍ପାଦନା]
ଦେଉଳିଆ ପୋଟଳ ରସା
ପୋଟଳ ରସା
ପୋଟଳ ଆଳୁ ରସା
.jpg)
ଦେଉଳିଆ ପୋଟଳ ରସା ପିଆଜ, ରସୁଣ ଆଦି ନ ପଡ଼ି ସାଧାରଣତଃ ଜଗନ୍ନାଥ ମନ୍ଦିର[୭] ଓ ଅନ୍ୟାନ୍ୟ ମନ୍ଦିର ଭୋଗରେ ନଡ଼ିଆ, ଜିରା, ଅଦା ଆଦି ସହ ରନ୍ଧା ହେଉଥିଲା ବେଳେ ଅନ୍ୟାନ୍ୟ ରନ୍ଧାରେ ଏଥିରେ ଆଳୁ ସହ ମସଲାରେ ପିଆଜ ଓ ରସୁଣ ବଟା, ଗରମ ମସଲା, ଚିନି, ଦହି, ଓ ଚାରମଗଚ ଆଦି ପଡ଼ି ରନ୍ଧା ଯାଇଥାଏ ।
ସାମଗ୍ରୀ
[ସମ୍ପାଦନା]ଦେଉଳିଆ ପୋଟଳ ରସା ତିଆରି ପାଇଁ ପୋଟଳ, ଜିରା, ବଟା ନଡ଼ିଆ ରସ, ନାଲିଲଙ୍କାଗୁଣ୍ଡ, ହଳଦୀଗୁଣ୍ଡ, ସୋରିଷ ତେଲ ଓ ଲୁଣ ଆଦି ବ୍ୟବହୃତ ହେଉଥିବା ବେଳେ ଘରୋଇ ରନ୍ଧାରେ ପିଆଜବଟା, ଅଦାବଟା, ରସୁଣବଟା, ଗରମ ମସଲା, ଚିନି, ଦହି, ଓ ଚାରମଗଚ ଆଦି ମଧ୍ୟ ବ୍ୟବହୃତ ହୋଇଥାଏ । ପୋଟଳ ଆଳୁ ରସା ପାଇଁ ଆଳୁ ପଡ଼ିଥାଏ ।
ପ୍ରଣାଳୀ
[ସମ୍ପାଦନା]ପୋଟଳ ରସା ଉଭୟ ପିଆଜ ଓ ରସୁଣ ପଡ଼ି ବା ଏ ଦୁଇ ମସଲାକୁ ବାଦ ତଥା ନଡ଼ିଆ କ୍ଷୀର ସହ/ବାଦ ଦେଇ ଦେଇ ରନ୍ଧାଯାଇପାରେ । ପିଆଜ ଓ ରସୁଣ ନ ପଡୁଥିଲେ ପୋଟଳକୁ ଚାରିଫାଳ କରି ମୁଣ୍ଡି ଲାଗି ଥାଇ ତେଲରେ ଛଣାଯାଏ । ଅଦା, ଜିରା ଓ ଲଙ୍କାକୁ ବାଟି ନଡ଼ିଆ କ୍ଷୀରରେ ମିଶାଇ ଅଳ୍ପ ତେଲରେ ଜିରା, ଅଦା, ଲଙ୍କା ଆଦି ଫୁଟାଇ ସେଥିରେ ସେହି କ୍ଷୀର ଓ ଲୁଣ ଏବଂ ହଳଦୀଗୁଣ୍ଡ ମିଶାଇ ଫୁଟାଯାଏ । ଏହି କ୍ଷୀର ଫୁଟି ଆସିଲେ ସେଥିରେ ଛଣା ପୋଟଳକୁ ମିଶାଇ ଝୋଳ ମରିଆସିବା ଯାଏ ଫୁଟାଯାଏ । ପିଆଜ ଓ ରସୁଣ ପଡୁଥିଲେ ପିଆଜ, ରସୁଣବଟାକୁ ଅଳ୍ପ ତେଲରେ କସି ଚାରମଗଚ ବଟା ଦେଇ ନାଲିଲଙ୍କା, ହଳଦୀ, ଗରମ ମସଲା ଦେଇ ପୁଣି କସାଯାଏ । ଏହି ମସଲା ଭଲକରି ଭାଜିହେଲେ ପୋଟଳ ମିଶାଯାଇ ଲୁଣ, ଚିନି ଓ ଦହି ମିଶାଇ ଭଜାଯାଏ । ଅଳ୍ପ ଝୋଳ ଥିବା ବେଳେ ଧନିଆପତ୍ର ଦେଇ ପରଷାଯାଇଥାଏ ।[୫]
ଆଧାର
[ସମ୍ପାଦନା]- ↑ Orissa Review. Published and issued by Home (Public Relations) Department, Government of Orissa. 1975.
- ↑ Indian Literature. Sahitya Akademi. 2003.
- ↑ KRISHNA GOPAL DUBEY (27 September 2010). THE INDIAN CUISINE. PHI Learning Pvt. Ltd. pp. 284–. ISBN 978-81-203-4170-8.
- ↑ Orissa reference: glimpses of Orissa. TechnoCAD Systems. 2001.
- 1 2 Laxmi Parida (1 April 2003). Purba: Feasts From The East: Oriya Cuisine from Eastern India. iUniverse. ISBN 978-0-595-26749-1.
- ↑ Rocky Singh; Mayur Sharma (25 July 2014). Highway on my Plate - II: the indian guide to roadside eating. Random House India. pp. 391–. ISBN 978-81-8400-642-1.
- ↑ Narayan Miśra (2007). Annals and Antiquities of the Temple of Jagannātha. Sarup & Sons. pp. 134–. ISBN 978-81-7625-747-3.
| ଚାଉଳ ତିଆରି |  | |
|---|---|---|
| ଡାଲି ତିଆରି | ||
| ନିରାମିଷ | ||
| ଆମିଷ | ||
| ପିଠା | ||
| ମିଠା | ||
| ପାନୀୟ | ||
| ଅନ୍ୟାନ୍ୟ | ||
 | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |