ଗୁଲୁଗୁଲା

ଇଂରାଜୀ ଲିଙ୍କ

https://or.wikipedia.org/wiki/Gulugula

ଏହି ଲେଖାଟି ଗୁଲୁଗୁଲା ବାବଦରେ । ବାକିସବୁ ପାଇଁ, ପିଠା ପ୍ରସଙ୍ଗଟି ଦେଖନ୍ତୁ ।

ଗୁଲୁଗୁଲା

ଗୁଲୁଗୁଲା
ଆରମ୍ଭ
ମୂଳ ଜାଗା	ଭାରତ
ଅଞ୍ଚଳ	ଓଡ଼ିଶା
ଖାଇବାର ସବିଶେଷ
ଖାଇବାର ମେଳଣ	ଘୁଗୁନି
ବାଢ଼ିବାର ତାତି	ଗରମ
ମୂଳ ଉପାଦାନ	ମଇଦା, ଚିନି ଓ ସୁଜି

ଗୁଲୁଗୁଲା ଓଡ଼ିଶା ଓ ଭାରତର ବାକି ଜାଗାରେ ତିଆରି କରାଯାଉଥିବା ଏକ ପ୍ରକାରର ମିଠା ଯାହା ମଇଦା ଓ ସୁଜିରୁ ତିଆରି କରାଯାଏ । କିନ୍ତୁ ଏହା ଏବେ ସେହି ପରିମାଣର ପ୍ରସିଦ୍ଧ ହପି ରହିନାହିଁ। ଏହା ପାରମ୍ପରିକ ଭାବରେ ବିଭିନ୍ନ ସ୍ଥାନରେ ପର୍ବ ପର୍ବାଣିରେ ପ୍ରସ୍ତୁତ କରାଯାଏ ।. ଉତ୍ତର ପ୍ରଦେଶରେ ଏହା ବ‌ହୁତ ସାଧାରଣ ଭାବରେ ମିଳିଥାଏ । ଏହାର ପ୍ରସ୍ତୁତି ପ୍ରଣାଳୀକୁ ଭାରତ ବାହାରେ ମଧ୍ୟ ବ୍ୟବ‌ହାର କରାଯାଇଛି ।

ଉପାଦାନ

• ୧ କପ ସୁଜି
• ୧.୫ କପ ଚିନି/ ଗୁଡ଼ ରାସେଣି/ସିରା
• ୩ ଚାମଚ ମ‌ଇଦା
• ୧ ଚାମଚ ପାନମହୁରି
• ତେଲ
• ଅଧ ଚାମଚ ବେକିଙ୍ଗ ସୋଡ଼ା
• ୨ଟି ଗୁଜୁରାତି ଅଳେଇଚ
• ଅଧ ଚାମଚ ଲୁଣ
• ପାଣି (ଦରକାର ଅନୁସାରେ)

ତିଆରି ପ୍ରଣାଳୀ

ଏକ ବଡ଼ ଗହୀର ପାତ୍ରରେ ସୁଜି, ମଇଦା, ଚିନି/ଗୁଡ଼ ରାସେଣି, ଗୁଜୁରାତି ଅଳେଇଚ, ବେକିଙ୍ଗ ସୋଡ଼ା, ଲୁଣ ଓ ପାଣିଦେଇ ଗୋଳାଇବା ପରେ ଏହାକୁ ଭଲ ଭାବରେ ଫେଣ୍ଟିଦିଆଯାଇଥାଏ । ଏହି ମିଶ୍ରଣକୁ ଦୁଇଘଣ୍ଟାରୁ ଅଧିକ ରଖିଦିଆଯାଇଥାଏ ଯାହା ଫଳରେ ଏଥିରେ ଗୋଳାଯାଇଥିବା ବେକିଙ୍ଗ ସୋଡ଼ା ଏହାକୁ ଫୁଲିବାରେ ସାହାଯ୍ୟ କରିଥାଏ । କଡ଼େଇରେ ତେଲକୁ ଭଲଭାବରେ ଗରମ କରି ସାନ ସାନ ଗୁଳାମାନ ତିଆରି କରି ସେଥିରେ ଛଣାଯାଇଥାଏ । ଏହା ଛାଣି ବାଦାମି-ଲାଲ ରଙ୍ଗର ହୋଇଗଲେ ଏହାକୁ ତେଲରୁ ବାହାର କରିନିଆଯାଏ ।

ଆହୁରି ଦେଖନ୍ତୁ

• ଓଡ଼ିଆ ଖାଦ୍ୟ

ବାହାର ଲିଙ୍କ

• "Gulugula". odiakitchen.com. Retrieved 2 September 2007.
• "Gulugula". odiatube.com. Retrieved 3 August 2011.
• Pranati Nath. "ଗୁଲୁଗୁଲା Gulugula". eOdissa.com. Retrieved 3 August 2011.
• "Gulugula". urfindia.com.
• "Gulgula Recipe". Indobase.com.