ଶ୍ରୀଚରଣ ମହାନ୍ତି

ଶ୍ରୀଚରଣ ମହାନ୍ତି
ଜନ୍ମ ଓ ଜନ୍ମସ୍ଥାନ	(1953-12-06) ୬ ଡିସେମ୍ବର ୧୯୫୩ ଗଜପୀଠ, ପାଟକୁରା, କେନ୍ଦ୍ରାପଡ଼ା
ବୃତ୍ତି	ଲେଖକ, ଅଧ୍ୟାପକ
ଭାଷା	ଓଡ଼ିଆ
ଜାତୀୟତା	ଭାରତୀୟ
ସାହିତ୍ୟ କୃତି	ଆମେ ସବୁ ସରଗର ଫୁଲରେ, କଥାଟିଏ କହୁଁ କଥାଟିଏ
ପୁରସ୍କାର	ଜାତୀୟ ପୁରସ୍କାର ୩ଥର
ପିତାମାତା	ପରିକ୍ଷିତ ମହାନ୍ତି (ପିତା), ଗଜି ଦେବୀ (ମାତା)

ଶ୍ରୀଚରଣ ମହାନ୍ତି (ଜନ୍ମ: ୬ ଡିସେମ୍ବର ୧୯୫୩) ଜଣେ ଓଡ଼ିଆ ପ୍ରାବନ୍ଧିକ, ଗୀତିକାର, ଶିଶୁ ସାହିତ୍ୟିକ ଓ ସମାଲୋଚକ । ସେ ନିଜର ଶିଶୁ ସାହିତ୍ୟ କୃତି କଥାଟିଏ କହୁଁ କଥାଟିଏ ପାଇଁ ୩ଥର ଜାତୀୟ ପୁରସ୍କାର ପାଇଥିଲେ ।

ସଂକ୍ଷିପ୍ତ ଜୀବନୀ

ଶ୍ରୀଚରଣ କେନ୍ଦ୍ରାପଡ଼ା ଜିଲ୍ଲାର ପାଟକୁରା ଅନ୍ତର୍ଗତ ଗଜପୀଠ ଗ୍ରାମରେ ଜନ୍ମଗ୍ରହଣ କରିଥିଲେ । ସେ ବିଶ୍ୱଭାରତୀ, ଶାନ୍ତିନିକେତନରୁ ଓଡ଼ିଆରେ ସ୍ନାତକୋତ୍ତର, ଉତ୍କଳ ବିଶ୍ୱବିଦ୍ୟାଳୟରୁ ଏମ୍ ଫିଲ୍ ଓ ଡି ଲିଟ୍ ଡିଗ୍ରୀ ଲାଭ କରିଥିଲେ । ଅଧ୍ୟାପନା ବୃତ୍ତିକୁ ଆପଣେଇ ନେଇଥିବା ଶ୍ରୀଚରଣ ଜଣେ କବି, ପ୍ରାବନ୍ଧିକ, ନାଟ୍ୟକାର, ଶିଶୁ ସାହିତ୍ୟିକ, ଗୀତିକବି ଓ ସମାଲୋଚକ ଭାବେ ଜଣାଶୁଣା । ସେ ମାୟାଧର ମାନସିଂହଙ୍କ ସମଗ୍ର ରଚନାବଳୀକୁ ୮ଖଣ୍ଡ ଗ୍ରନ୍ଥାବଳୀରେ ସମ୍ପାଦନା କରିଛନ୍ତି । ସେ ସାପ୍ତାହିକ ପତ୍ରିକା ''ଚରମ ପତ୍ର'', ବାଲେଶ୍ୱରର ସମ୍ପାଦନା କରୁଥିଲେ ।

ରଚନାବଳୀ

କବିତା ଓ ଗୀତିକବିତା

• ଅପ୍ରିୟ ଶତକ
• ମୂର୍ଚ୍ଛନା

ଶିଶୁ ସାହିତ୍ୟ

• ଆମେ ସବୁ ସରଗର ଫୁଲରେ
• କଥାଟିଏ କହୁଁ କଥାଟିଏ
• ଯେଣେ ଇଚ୍ଛା ତେଣେ ଯା
• ଏବେ ବାଟ ମିଳିଗଲା

ସମାଲୋଚନା

• ଭିକାରୀ ଚରଣ ପଟ୍ଟନାୟକ
• ଚିନ୍ତାନାୟକ ମାନସିଂହ
• ମାନସିଂହ ମାନସ ଭାଗ ୧ମ
• ମାନସିଂହଙ୍କ ବିଚାରଧାରା
• କବିବର ରାଧାନାଥ
• ବିପ୍ଳବୀ ଦ୍ୱିବେଦୀ

ପୁରସ୍କାର ଓ ସମ୍ମାନ

• ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ୨୦୧୩ (ଓଡ଼ିଆ କଥା କଳ୍ପନାର ଦିଗ ଓ ଦିଗନ୍ତ)
• କଥାଟିଏ କହୁଁ କଥାଟିଏ ପାଇଁ ୩ଥର ଜାତୀୟ ପୁରସ୍କାର, ୧୯୮୬, ୧୯୯୨
• ମାୟାଧର ମାନସିଂହ ସ୍ମୃତି ପୁରସ୍କାର ୧୯୭୫, ୧୯୭୮