ରାମ ପ୍ରସାଦ ମହାନ୍ତି

ଉଇକିପିଡ଼ିଆ ରୁ
Jump to navigation Jump to search
ରାମ ପ୍ରସାଦ ମହାନ୍ତି
ଜନ୍ମ ଓ ଜନ୍ମସ୍ଥାନ
ଦୁର୍ଗାଚରଣ ମହାନ୍ତି

୧୯୨୪
କଣ୍ଟିଲୋ, ନିମାପଡ଼ା ପୁରୀ, ଓଡ଼ିଶା
ଜାତୀୟତାଭାରତୀୟ
ଅଲଗା ନାଆଁଜହୁରୀ ଭାଇ
ନାଗରିକତାଭାରତୀୟ
ଜୀବିକାଲେଖକ
ଅନୁବାଦକ
ଶିଶୁ ସାହିତ୍ୟିକ
ବାପା ବୋଉସାଧୁଚରଣ ମହାନ୍ତି (ବାପା)
ରେଖା ମହାନ୍ତି (ମାଆ)
ପୁରସ୍କାରଓଡ଼ିଶା ସାହିତ୍ୟ ଏକାଡେମୀ ପୁରସ୍କାର- ୧୯୯୧
କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର- ୨୦୧୨

ରାମ ପ୍ରସାଦ ମହାନ୍ତି (ଜନ୍ମ: ୧୯୨୪; ଜନ୍ମସ୍ଥାନ: କଣ୍ଟିଲୋ; ଜନ୍ମନାମ: ଦୁର୍ଗାଚରଣ ମହାନ୍ତି) ଜଣେ ଓଡ଼ିଆ ଲେଖକ, ଅନୁବାଦ ଓ ଶିଶୁ ସାହିତ୍ୟିକ ।[୧][୨] ସେ ଓଡ଼ିଶା ଶିଶୁ ସାହିତ୍ୟ ଜଗତରେ ଜହୁରୀ ଭାଇ ଭାବରେ ପରିଚିତ ।[୩] ସେ ୧୯୯୧ ମସିହାରେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ପାଇଥିଲେ[୪] ଏବଂ ୨୦୧୨ ମସିହାରେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପାଇଥିଲେ ।

ଜନ୍ମ ଓ ଶିକ୍ଷା[ସମ୍ପାଦନା]

ରାମ ପ୍ରସାଦ ମହାନ୍ତି ୧୯୨୪ ମସିହାରେ ଓଡ଼ିଶାର ପୁରୀ ଜିଲ୍ଲାନିମାପଡ଼ା ଅଧିନସ୍ଥ କଣ୍ଟିଲୋଠାରେ ଜନ୍ମଗ୍ରହଣ କରିଥିଲେ । ତାଙ୍କ ବାପା ହେଉଛନ୍ତି ସାଧୁଚରଣ ମହାନ୍ତି ଏବଂ ମାଆ ରେଖା ମହାନ୍ତି । ସେ ୧୯୩୮ ମସିହାରେ ମଧ୍ୟ ଇଂରାଜୀ ସ୍କୁଲରୁ ପାଠ ପଢ଼ା ଶେଷ କରିଥିଲେ ଏବଂ ଏହାପରେ ସେ ସ୍ୱାଧୀନତା ସଂଗ୍ରାମ ଆନ୍ଦୋଳନରେ ଯୋଗ ଦେଇଥିଲେ ।[୩] ସେ ମେଟ୍ରିକ୍ ପାଶ୍ କରି ନାହାନ୍ତି ।[୩]

ସ୍ୱାଧୀନତା ସଂଗ୍ରାମରେ ଯୋଗଦାନ[ସମ୍ପାଦନା]

ରାମ ପ୍ରସାଦ ମହାତ୍ମା ଗାନ୍ଧୀଙ୍କର "କର ବା ମର" ଆହ୍ୱାନରେ ଅନୁପ୍ରାଣୀତ ହୋଇ ସ୍ୱାଧିନତା ସଂଗ୍ରାମ ଆନ୍ଦୋଳନରେ ଯୋଗ ଦେଇଥିଲେ ।[୩] ୧୯୪୨ ମସିହାର ଭାରତ ଛାଡ଼ ଆନ୍ଦୋଳନ ସମୟରେ ସେ ତାଙ୍କର ନାମ ଦୁର୍ଗାଚରଣରୁ ରାମ ପ୍ରସାଦକୁ ବଦଳାଇଥିଲେ ।[୩] ମାତ୍ର ସେ ପୋଲିସ ନଜରରୁ ବଞ୍ଚିପାରିନଥିଲେ, ଏକ ଜନ-ସମାଗମରେ ଭାଷଣ ଦେବାବେଳେ ତାଙ୍କୁ ପୋଲିସ ଗିରିଫ କରିଥିଲା ଏବଂ ପ୍ରଥମେ ପୁରୀ ଜେଲରେ ୬ ମାସ ଓ ପରେ ବ୍ରହ୍ମପୁର ଜେଲରେ ଦୁଇବର୍ଷ ବନ୍ଦୀ କରି ରଖାଯାଇଥିଲା ।[୩] ସେ ଜେଲରେ ଥିବାବେଳେ ଜାତୀୟ କବି ବୀରକିଶୋର ଦାସଙ୍କ ତତ୍ୱାବଧାନରେ ବିଭିନ୍ନ ବିଷୟରେ ପାଠ ପଢ଼ିଥିଲେ ।[୩]

ରଚନାବଳୀ[ସମ୍ପାଦନା]

  • ୧୯୯୧ - ବଜାରେ ବାଜା
  • ୧୯୯୭ - କିଣିବ କିଏ ଭିଣିବ କିଏ (ଦାଶ ବୁକ୍ ଷ୍ଟୋର)
  • ୧୯୯୯ - କଥାଟିଏ କଥା କହୁ କଥାଟିଏଁ (ଶତଦ୍ରୁ ପ୍ରକାଶନୀ)
  • ୨୦୦୦ - ମନ ପବନ (ଜନଶକ୍ତି ପୁସ୍ତକାଳୟ)

ପୁରସ୍କାର[ସମ୍ପାଦନା]

ରାମ ପ୍ରସାଦ ଜଣେ ଶିଶୁ ସାହିତ୍ୟିକ ଭାବରେ ୧୯୯୧ ମସିହାରେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ପାଇଥିଲେ । ସେ ତାଙ୍କ ରଚିତ ଶିଶୁ ସାହିତ୍ୟ ବଜାରେ ବାଜା ପାଇଁ ଏହି ପୁରସ୍କାର ପାଇଥିଲେ ।[୪] ଏହାପରେ ୨୦୧୨ ମସିହାରେ ତାକୁ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାରରେ ସମ୍ମାନୀତ କରାଯାଇଥିଲା ।[୫]

ଆଧାର[ସମ୍ପାଦନା]

  1. Orissa Review (in ଇଂରାଜୀ). Home Department, Government of Orissa. 1984.
  2. Malhotra, D. N. (2006). Sixty Years of Book Publishing in India, 1947-2007 (in ଇଂରାଜୀ). Federation of Indian Publishers. ISBN 9788186519066.
  3. ୩.୦ ୩.୧ ୩.୨ ୩.୩ ୩.୪ ୩.୫ ୩.୬ Mohanty, Jagannath (2009). Encyclopaedia of Education, Culture and Children's Literature: v. 4. Children's literature and education (in ଇଂରାଜୀ). Deep & Deep Publications. ISBN 9788184501513.
  4. ୪.୦ ୪.୧ "Odisha Sahitya Akademi". odishasahityaakademi.org. Retrieved 2019-02-26.
  5. "Kendra Sahitya Academy Awarded Odia". sahitya-akademi.gov.in. Retrieved 2019-02-26.