ସୂର୍ଯ୍ୟମଣି ବେହେରା
ସୂର୍ଯ୍ୟମଣି ବେହେରା | |
|---|---|
| ଜନ୍ମ | ସୂର୍ଯ୍ୟମଣି ବେହେରା |
| ଜାତୀୟତା | ଭାରତୀୟ |
| ବୃତ୍ତି | ଅବସରପ୍ରାପ୍ତ ପ୍ରଫେସର ଓ ଲୋକପ୍ରିୟ ବିଜ୍ଞାନ ଲେଖକ |
| Academic work | |
| Notable works | 'ବିଜ୍ଞାନରୁ ଜ୍ଞାନ, ଯନ୍ତ୍ର କରୁଛି ମନ୍ତ୍ର, ବିଜ୍ଞାନ ସାହିତ୍ୟ ଦର୍ପଣ, ବିଜ୍ଞାନ ମେଳା |
ସୂର୍ଯ୍ୟମଣି ବେହେରା ଜଣେ ଭାରତୀୟ ଅବସରପ୍ରାପ୍ତ ପ୍ରଫେସର ତଥା ଲୋକପ୍ରିୟ ବିଜ୍ଞାନ ଲେଖକ । ସେ ଓଡ଼ିଶାରେ ଜନ୍ମିତ ଓ ଉଭୟ ଓଡ଼ିଆ ଏବଂ ଇଂରାଜୀ ଭାଷାରେ ୪୨ଖଣ୍ଡ ପୁସ୍ତକ ରଚନା କରିଛନ୍ତି । ତାଙ୍କର କିଛି ଜଣାଶୁଣା ପୁସ୍ତକ ହେଲା ବିଜ୍ଞାନରୁ ଜ୍ଞାନ, ଯନ୍ତ୍ର କରୁଛି ମନ୍ତ୍ର, ବିଜ୍ଞାନ ସାହିତ୍ୟ ଦର୍ପଣ ଓ ବିଜ୍ଞାନ ମେଳା । ସେ ଔଷଧୀୟ ଉଦ୍ଭିଦ ଚାଷ ଉପରେ ମଧ୍ୟ ପୁସ୍ତକ ରଚନା କରିଛନ୍ତି । ଖାଦ୍ୟ ପ୍ରକ୍ରିୟାକରଣ ଏବଂ ସଂରକ୍ଷଣ ଉପରେ ତାଙ୍କର ପ୍ରବନ୍ଧଗୁଡ଼ିକ କୁଟୀର ଶିଳ୍ପ ପାଇଁ ବ୍ୟବହାର ହେଉଛି । ସେ "ଲୋକପ୍ରିୟ ବିଜ୍ଞାନ ମଞ୍ଚ" ନାମକ ଏକ ସଂଗଠନ ପ୍ରତିଷ୍ଠା କରି ତାହା ମାଧ୍ୟମରେ ୨୦୦୨ରୁ ବିଦ୍ୟାଳୟ, ମହାବିଦ୍ୟାଳୟ, ସେଚ୍ଛାସେବୀ ଅନୁଷ୍ଠାନ, ଲେଖକ ଏବଂ ସାମ୍ବାଦିକମାନଙ୍କୁ ପ୍ରଶିକ୍ଷଣ ଦେଉଛନ୍ତି ।[୧] ଛପା ମିଡ଼ିଆ ମାଧ୍ୟମରେ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟାକୁ ଲୋକପ୍ରିୟ କରିବାରେ ତାଙ୍କର ଉଲ୍ଲେଖନୀୟ ଅବଦାନ ପାଇଁ ସେ ୨୦୧୯ ଜାତୀୟ ପୁରସ୍କାର ପାଇଥିଲେ । ଏହା ତାଙ୍କୁ ୨୦୨୦ ମସିହାରେ ଭାରତର ତତ୍କାଳୀନ ରାଷ୍ଟ୍ରପତି ରାମନାଥ କୋବିନ୍ଦଙ୍କଦ୍ୱାରା ପ୍ରଦାନ କରାଯାଇଥିଲା ।[୨][୩] ବିଜ୍ଞାନାଗାରକୁ ଜ୍ଞାନ ବିତରଣ ପାଇଁ ବ୍ୟବହାର କରିବା ଓ ବିଜ୍ଞାନ ପ୍ରଭାବରେ ଜନସାଧାରଣଙ୍କୁ ଅଧିକ ଉପାର୍ଜନକ୍ଷମ କରାଇବା ତାଙ୍କ ଗବେଷଣାର ମୂଳ ଲକ୍ଷ୍ୟ । ବିଜ୍ଞାନ ସାହିତ୍ୟ ରଚନା ନିମନ୍ତେ ତାଙ୍କୁ ଓଡ଼ିଶା ବିଜ୍ଞାନ ଏକାଡେମୀ ପୁରସ୍କାର, ପୁସ୍ତକ ମେଳା ପୁରସ୍କାର, ଉତ୍କଳ ସାହିତ୍ୟ ସମାଜ, କଟକଦ୍ୱାରା ପ୍ରାଣକୃଷ୍ଣ ପରିଜା ବିଜ୍ଞାନ ସାହିତ୍ୟ ସମ୍ମାନ ମିଳିଛି ।[୪][୫]
ସମ୍ମାନ ଓ ପୁରସ୍କାର
[ସମ୍ପାଦନା]- ୨୦୧୯ ଜାତୀୟ ଜନପ୍ରିୟ ବିଜ୍ଞାନ ସାହିତ୍ୟ ରଚନା ପୁରସ୍କାର (ଛପା ମିଡ଼ିଆ ମାଧ୍ୟମରେ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟାକୁ ଲୋକପ୍ରିୟ, ୨୦୨୦ ମସିହାରେ ପ୍ରଦତ୍ତ)[୨]
- ଅନନ୍ତ ପଟ୍ଟନାୟକ ଶିଶୁ ସାହିତ୍ୟ ସମ୍ମାନ - ୨୦୨୦[୬]
ଆଧାର
[ସମ୍ପାଦନା]- ↑ Pioneer, The. "Science writer Behera wins national award". The Pioneer (in ଇଂରାଜୀ). Retrieved 29 February 2020.
- ↑ ୨.୦ ୨.୧ "Suryamani Behera feted for popularising Science and Technology - OrissaPOST". Odisha News, Odisha Latest news, Odisha Daily - OrissaPOST. 28 February 2020. Retrieved 29 February 2020.
- ↑ "ଡକ୍ଟର ସୂର୍ଯ୍ୟମଣି ବେହେରାଙ୍କୁ ରାଷ୍ଟ୍ରପତିଙ୍କ ସମ୍ବର୍ଦ୍ଧନା – ପାଇଲେ ୨୦୨୦ ମସିହା ପାଇଁ ଜନପ୍ରିୟ ବିଜ୍ଞାନ ସାହିତ୍ୟ ରଚନା ପୁରସ୍କାର | Samaja Live". ସମାଜ. 28 February 2020. Retrieved 29 February 2020.
- ↑ "ସୂର୍ଯ୍ୟମଣି ବେହେରାଙ୍କୁ ରାଷ୍ଟ୍ରୀୟ ଜନପ୍ରିବିଜ୍ଞାନ ସାହିତ୍ୟ ରଚନା ପୁରସ୍କାର". ସମାଜ. Archived from the original on 29 February 2020. Retrieved 29 February 2020.
- ↑ ବ୍ୟୁରୋ, ଓଡ଼ିଶା ସମ୍ବାଦ (24 February 2020). "ରାଷ୍ଟ୍ରୀୟ ସମ୍ମାନ ପାଇଁ ଡା. ସୂର୍ଯ୍ୟମଣି ବେହେରା ମନୋନୀତ". Odisha Sambad. Retrieved 1 March 2020.
- ↑ "ପ୍ରଫେସର ସୂର୍ଯ୍ୟମଣି ବେହେରା ପାଇବେ ଅନନ୍ତ ପଟ୍ଟନାୟକ ଶିଶୁ ସାହିତ୍ୟ ସମ୍ମାନ". No. ଧରିତ୍ରୀ ୦୩/୦୩/୨୦୨୦ ଭୁବନେଶ୍ୱର ସଂସ୍କରଣ ପୃଷ୍ଠା ୧୨. ଧରିତ୍ରୀ. Retrieved 3 March 2020.
