ବୀରେନ୍ଦ୍ର ସାମନ୍ତରାୟ

ଉଇକିପିଡ଼ିଆ ରୁ
Jump to navigation Jump to search
ବୀରେନ୍ଦ୍ର ସାମନ୍ତରାୟ
ଜନ୍ମ ଓ ଜନ୍ମସ୍ଥାନ
ବୀରେନ୍ଦ୍ର କୁମାର ସାମନ୍ତରାୟ

(1946-07-11) 11 July 1946 (age 73)
ପାଳସାହି, ବାଲିପାଟଣା, ଖୋର୍ଦ୍ଧା
ଜାତୀୟତାଭାରତୀୟ
ବାପା ବୋଉନିଧି ଖଟେଇ
ହେମ ଦେବୀ
ପୁରସ୍କାରକେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର
ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର

ବୀରେନ୍ଦ୍ର ସାମନ୍ତରାୟ(ଜନ୍ମ : ୧୯୪୬ ଜୁଲାଇ ୧୧), ଜଣେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଶିଶୁ ସାହିତ୍ୟିକ । ସେ ଶ୍ରୀ ବନଫୁଲ ନାମରେ ମଧ୍ୟ ସାହିତ୍ୟ ରଚନା କରନ୍ତି ।[୧] ୨୦୧୯ ମସିହାରେ ସେ କେନ୍ଦ୍ର ସାହିତ୍ୟ ଏକାଡେମୀ ବାଲ୍‌ ସାହିତ୍ୟ ପୁରସ୍କାର ଓ ୧୯୯୦ ମସିହାରେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (ଶିଶୁ ସାହିତ୍ୟ) ଲାଭ କରିଥିଲେ । ଏଯାବତ ତାଙ୍କର ୫୦ଟିରୁ ଅଧିକ ପୁସ୍ତକ ପ୍ରକାଶିତ ହୋଇ ସାରିଛି । ଟୁଉକୁ ମୂଷି ନାମରେ ଏକ ଶିଶୁପତ୍ରିକା ସେ କ୍ରମାଗତ ୨୫ବର୍ଷ ଧରି ପ୍ରକାଶ କରିଥିଲେ ।[୨] ନିଜ ପୈତୃକ ଘରେ ସେ ଏକ ଶିଶୁ ସାହିତ୍ୟ ସଂଗ୍ରହାଳୟ ପ୍ରତିଷ୍ଠା କରିଛନ୍ତି । ବୃତ୍ତିରେ ସେ ଜଣେ ଶିକ୍ଷକ ଥିଲେ ଓ ୨୦୦୪ ମସିହାରେ ଅବସର ଗ୍ରହଣ କରି ସାରିଛନ୍ତି ।

ଜୀବନୀ[ସମ୍ପାଦନା]

ବୀରେନ୍ଦ୍ର ସାମନ୍ତରାୟ ୧୯୪୬ ମସିହାରେ ଖୋର୍ଦ୍ଧା ଜିଲ୍ଲାର ବାଲିପାଟଣା ବ୍ଲକ ଅନ୍ତର୍ଗତ ପାଳସାହି ଗ୍ରାମରେ ଜନ୍ମଗ୍ରହଣ କରିଥିଲେ । ପିତାଙ୍କ ନାମ ଥିଲା ନିଧି ଖଟେଇ ଓ ମାତାଙ୍କ ନାମ ହେମ ଦେବୀ । ୨ ଭାଇ ଓ ଗୋଟିଏ ଭଉଣୀଙ୍କ ମଧ୍ୟରୁ ବୀରେନ୍ଦ୍ର ସବୁଠୁ ବଡ଼ । ପିଲାଦିନୁ ସେ ସାହିତ୍ୟାନୁରାଗୀ ଥିଲେ । ୧୯୫୯ ମସିହାରେ ଅଷ୍ଟମ ଶ୍ରେଣୀରେ ପଢିଲା ବେଳେ ତାଙ୍କର ପ୍ରଥମ କବିତା ଆମରି ନଟିଆ ମୀନାବଜାର ପତ୍ରିକାରେ ପ୍ରକାଶ ପାଇଥିଲା । ୧୯୬୩ରେ ସେ ବଳଙ୍ଗା ହାଇସ୍କୁଲରୁ ମାଟ୍ରିକ ପାସ କରିଥିଲେ । ସେତେବେଳକୁ ସେ ୧୦୦ଟି କବିତା ଲେଖିସାରିଥିଲେ । ସେ ଏଥିମଧ୍ୟରେ ଶିଶୁ ରାଇଜ ସଂଗଠନ କରି ପିଲାଙ୍କୁ ବିଭିନ୍ନ ବିଷୟରେ ଶିକ୍ଷା ମଧ୍ୟ ଦେଉଥିଲେ । ୧୯୬୩ ମସିହାରେ ସେ ମାଟ୍ରିକ ପାସ କରିବା ପରେ ଖଦି ବୋର୍ଡ଼ରେ ତାଙ୍କୁ ଚାକିରୀ ମିଳିଥିଲେ ମଧ୍ୟ ସେ ତାକୁ ଗ୍ରହଣ କରିଥିଲେ ମଧ୍ୟ ନିଜ ଗାଁରେ ରହି କିଛି କରିବାର ଇଚ୍ଚାରୁ ସେ ଚାକିରୀ ଛାଡିଥିଲେ । ୧୯୬୬ ମସିହାରେ ସେ ନିଜ ଗ୍ରାମରେ ଏକ ଏମ ଇ ସ୍କୁଲ ଆରମ୍ଭ କରି ସେଠାରେ ଶିକ୍ଷକତା ଆରମ୍ଭ କରିଥିଲେ । ଏହି ସ୍କୁଲରେ ସେ ୩୯ବର୍ଷ କାଳ ଶିକ୍ଷକତା କରିଥିଲେ ।[୩] ୧୯୭୧ ମସିହାରେ ସେ 'ଟୁଉକୁ ମୂଷି' ପତ୍ରିକା ପ୍ରକାଶନା ଆରମ୍ଭ କରିଥିଲେ ଓ ୧୯୯୬ ମସିହା ପର୍ଯ୍ୟନ୍ତ ନିଜ ପ୍ରକାଶନ ସଂସ୍ଥା ପଲ୍ଲୀପ୍ରଭା ମାଧ୍ୟମରେ ଏହି ପତ୍ରିକା ପ୍ରକାଶନ ଜାରି ରଖିଥିଲେ । ୧୯୯୦ ମସିହାରେ ପୁସ୍ତକ ରାଜାର ସ୍ୱପ୍ନ ପାଇଁ ସେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଲାଭ କରିଥିଲେ ।[୪] ୨୦୦୦ ମସିହାରେ ସେ ନିଜ ଘରେ ଶିଶୁ ସାହିତ୍ୟ ସଂଗ୍ରହାଳୟ ପ୍ରତିଷ୍ଠା କରିଥିଲେ । ୨୬୦୦୦ ଓଡ଼ିଆ ଲୋକଙ୍କ ତଥ୍ୟ ସମ୍ବଳିତ ୫ଟି ବ୍ୟକ୍ତିତ୍ୱ ନଥି ସଂସ୍କରଣ ସେ ପ୍ରକାଶ କରିଛନ୍ତି ।[୫]

ରଚନାବଳୀ[ସମ୍ପାଦନା]

  • ଜୀବ ଜଗତର କାହାଣୀ
  • ଗାଁଆର କାହାଣୀ ଗାଁଆର କଥା
  • ଆଇସ୍କ୍ରିମବାଲାର କାହାଣୀ
  • ଭାରତ ଜ୍ୟୋତି ବୁଦ୍ଧଦେବ
  • ଭାରତଜ୍ୟୋତି ନାନକଦେବ
  • ବିଶ୍ୱର ବିଚିତ୍ର କାହାଣୀ
  • ଆଇସ୍କ୍ରିମବାଲାର କାହାଣୀ
  • ରାଜା ଗଲେ ଯୋଗୀ ହୋଇ
  • କୂଅ ବେଙ୍ଗର ତାପ୍ତୀବ ଯାତ୍ରା[୬]

ସମ୍ମାନ ଓ ପୁରସ୍କାର[ସମ୍ପାଦନା]

  • କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର (ବାଲ୍‌ ସାହିତ୍ୟ ପୁରସ୍କାର) - ୨୦୧୯(ସାମଗ୍ରିକ କୃତି)[୭]
  • ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (ଶିଶୁ ସାହିତ୍ୟ) - ୧୯୯୦(ରାଜାର ସ୍ୱପ୍ନ ପୁସ୍ତକ ପାଇଁ)[୮]

ଆଧାର[ସମ୍ପାଦନା]

  1. "Who's Who of Indian Writers". http://sahitya-akademi.gov.in. Sahitya Akademy. Retrieved 18 June 2019. External link in |website= (help)
  2. India. Office of the Registrar of Newspapers (1978). Press in India: Annual Report of the Registrar of Newspapers for India. Ministry of Information and Broadcasting, Government of India. pp. 543–.
  3. "ପ୍ରଥମ ରୋଜଗାର" (ଧରିତ୍ରୀ ଛୁଟିଦିନ ଜୁନ ୨୩-୨୯, ୨୦୧୯ ପୃଷ୍ଠା ୧୦). ଧରିତ୍ରୀ. Retrieved 24 June 2019.
  4. Syed Amanur Rahman; Balraj Verma (6 December 2005). The Beautiful India - Orissa. Reference Press. ISBN 978-81-8405-005-9.
  5. "ପୁରସ୍କାରରେ ବିଳମ୍ବ ନୁହେଁ, ମିଳିଲା ଖୁସି: ସାହିତ୍ୟିକ ବୀରେନ୍ଦ୍ର କୁମାର". localwire.me. Retrieved 18 June 2019.
  6. "National Library of India Online Catalog". opac.nationallibrary.gov.in. National Library of India. Retrieved 18 June 2019.
  7. "BAL SAHITYA PURASKAR 2019" (PDF). http://sahitya-akademi.gov.in. Kendra Sahitya Akademi. Retrieved 18 June 2019. External link in |website= (help)
  8. "ଓଡ଼ିଶା ସାହିତ୍ୟ ଏକାଡେମୀ ପୁରସ୍କୃତ ପୁସ୍ତକ ଓ ଲେଖକ". http://odishasahityaakademi.org. ଓଡ଼ିଶା ସାହିତ୍ୟ ଏକାଡେମୀ. Retrieved 18 June 2019. External link in |website= (help)