ବସନ୍ତ କିଶୋର ସାହୁ

ବସନ୍ତ କିଶୋର ସାହୁ
ଜନ୍ମ	(1955-03-15)୧୫ ମାର୍ଚ୍ଚ ୧୯୫୫ କୁସୁପୁର, କଟକ, ଓଡ଼ିଶା
ଜାତୀୟତା	ଭାରତୀୟ
ବୃତ୍ତି	ଅଧ୍ୟାପକ
ଉଲ୍ଲେଖନୀୟ କୃତି	ଓସ୍ତ ପତର ପାନିଆ
ପିତାମାତା	ବୀରକିଶୋର ସାହୁ, ମଲ୍ଲୀ ଦେବୀ
ପୁରସ୍କାର	ଓଡ଼ିଶା ସାହିତ୍ୟ ଏକାଡ଼େମୀ ପୁରସ୍କାର ୨୦୧୪

ବସନ୍ତ କିଶୋର ସାହୁ (ଜନ୍ମ: ୧୫ ମାର୍ଚ୍ଚ ୧୯୫୫) ଜଣେ ଭାରତୀୟ ଓଡ଼ିଆ-ଭାଷୀ ଶିଶୁ ସାହିତ୍ୟିକ ଓ ଗବେଷକ । ସେ ୨୦୧୪ ମସିହାରେ ତାଙ୍କ ଶିଶୁ ସାହିତ୍ୟ ରଚନା ଓସ୍ତ ପତର ପାନିଆ ପାଇଁ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ପାଇଥିଲେ ।

ସଂକ୍ଷିପ୍ତ ଜୀବନୀ

ବସନ୍ତ କିଶୋର ଜଣେ ଗବେଷକ, ସଂଗ୍ରାହକ ଓ ଶିଶୁ ସାହିତ୍ୟିକ । ଓଡ଼ିଆରେ ସ୍ନାତକୋତ୍ତର ଶିକ୍ଷା ପ୍ରାପ୍ତ ବସନ୍ତ ସୁନାବେଡ଼ାର ଏରୋନାଟିକ୍ସ କଲେଜରୁ ଅଧ୍ୟାପକ ଭାବେ ସେବାନିବୃତ୍ତ । ୧୯୮୭ରୁ ସେ କୁସୁପୁରରୁ ପ୍ରକାଶିତ ବଗୁଲା ବଗୁଲୀ ପତ୍ରିକାର ସଂପାଦନା କରିଆସୁଛନ୍ତି । ତାଙ୍କ ଲେଖାସବୁ ମନପବନ, ଶିଶୁଲେଖା, ମୀନାବଜାର ଆଦିରେ ପ୍ରକାଶିତ । ସେ ବନଫୁଲ ସାହିତ୍ୟ ପରିଷଦ ସମ୍ପାଦକ, ଓଡ଼ିଆ ଶିଶୁ ସାହିତ୍ୟ ଗବେଷଣା ପରିଷଦ]] ଭଦ୍ରକ, ଓଡ଼ିଆ ଲେଖକ ଓ ପାଠକ ସମ୍ମେଳନ, ସେମିଳିଗୁଡ଼ା, ଓଡ଼ିଆ ଗବେଷକ ପରିଷଦ ଭଳି ଅନେକ ଅନୁଷ୍ଠାନ ସହିତ ଜଡ଼ିତ । ସେ 'ଓଡ଼ିଆ ମୌଖିକ ଶିଶୁ ସାହିତ୍ୟ' ଶୀର୍ଷକ ସନ୍ଦର୍ଭ ଉପସ୍ଥାପନ କରି ପିଏଚ୍ ଡି ପାଇଥିଲେ ।

ରଚନାବଳୀ

ଶିଶୁ ସାହିତ୍ୟ

• ଫୁଲ ଆମେ ଫୁଲ (୧୯୯୨)
• ଓସ୍ତ ପତର ପାନିଆ
• କାଳିଆ ବଳଦ ଗଲାରେ ଗଲା
• ଉଦୁଉଦୁମା
• ଏଇ ମାଟିର ମଣିଷ
• ଗଛ ଆମ ଜୀବନ
• ଅଗଡ଼ ବଗଡ଼ ଝାଇଁକି ଝୁମ୍ପା
• ଇଞ୍ଚିଡ଼ି ମିଞ୍ଚିଡ଼ି
• ଗାଇ ଦିଅ ପଦେ ଗୀତ
• ଖରା ବରଷା ଗୀତ
• ହାତ ଦେବା ଭଲ କାମେ
• ବସନ୍ତ କିଶୋର ରଚନାବଳୀ
• ବିଲୁଆ ନନାର ବଣଭୋଜି
• ଯେସାକୁ ତେସା

ଆଲୋଚନା

• କୋରାପୁଟ ପରିକ୍ରମା (୧୯୯୩)
• ଓଡ଼ିଆ ଶିଶୁ ସାହିତ୍ୟ ଆଲୋଚନା (୧୯୯୪)
• ଓଡ଼ିଆ ମୌଖିକ ଶିଶୁ ସାହିତ୍ୟ (୧୯୯୬)
• ସାଂପ୍ରତିକ ଶିଶୁ-ସାହିତ୍ୟ ଓ ସାହିତ୍ୟିକ
• ଓଡ଼ିଆ ଶିଶୁ-ସାହିତ୍ୟର ସହାୟକ ପାଠ୍ୟସୂଚୀ

ଇଂରାଜୀ

• Who's who in Oriya children's literature (୧୯୯୫)

ସମ୍ମାନ ଓ ପୁରସ୍କାର

• ମାତୃଭୂମି ତରଫରୁ କିଶୋରଶ୍ରୀ ୧୯୭୩
• ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଓସ୍ତ ପତର ପାନିଆ ପାଇଁ ୨୦୧୪