ଭାରତ ରତ୍ନ

ଇଂରାଜୀ ଲିଙ୍କ

https://or.wikipedia.org/wiki/Bharat_Ratna

ଭାରତ ରତ୍ନ
ପୁରସ୍କାର ତଥ୍ୟ
ପ୍ରକାର	ବେସାମରିକ
ଶ୍ରେଣୀ	ଜାତୀୟ
ସ୍ଥାପିତ	୧୯୫୪
ଶେଷଥର ଦିଆଯାଇଛି	୨୦୦୮
ମୋଟ ପୁରସ୍କୃତ	୪୧
ଦାତା	ଭାରତ ସରକାର
ବର୍ଣ୍ଣନା	ଓସ୍ତ ପତ୍ରରେ ଅଙ୍କିତ ସୂର୍ଯ୍ୟଚିତ୍ର ଓ ତା’ତଳକୁ ଦେବନାଗରୀ ଲିପିରେ ଭାରତରତ୍ନ ଲେଖାଯାଇଥାଏ ।
ପ୍ରଥମ ପୁରସ୍କୃତ	ଚକ୍ରବର୍ତ୍ତୀ ରାଜଗୋପାଳାଚାରୀ, ସର୍ବପଲ୍ଲୀ ରାଧାକୃଷ୍ଣନ, ସି. ଭି. ରମଣ
ଶେଷଥର ପୁରସ୍କୃତ	ଭିମସେନ ଜୋଶୀ
ପୁରସ୍କାର କ୍ରମ
କିଛି ନାହିଁ ← ଭାରତ ରତ୍ନ → ପଦ୍ମ ବିଭୂଷଣ

ଭାରତରତ୍ନ - ଭାରତର ସର୍ବୋଚ୍ଚ ବେସାମରିକ ସମ୍ମାନ । ୧୯୫୪ରେ ପଦ୍ମଶ୍ରୀ, ପଦ୍ମଭୂଷଣ ଓ ପଦ୍ମ ବିଭୂଷଣ ଉପାଧି ସହ ଏହି ସର୍ବୋଚ୍ଚ ନାଗରିକ ସମ୍ମାନ ଭାରତରତ୍ନ ପ୍ରଦାନ ଆରମ୍ଭ ହୋଇଥିଲା । ଯେକୌଣସି ଜାତି, ବୃତ୍ତି (ଜୀବନ ସହ ଜଡ଼ିତ ସବୁ କ୍ଷେତ୍ରରେ ମହାନ ଅବଦାନ), ପାହ୍ୟା କିମ୍ବା ଲିଙ୍ଗର ବ୍ୟକ୍ତି ଏହି ସମ୍ମାନ ପାଇବାକୁ ଯୋଗ୍ୟ ବିବେଚିତ ହୋଇଥାଆନ୍ତି । ଭାରତରତ୍ନ ନିମନ୍ତେ ପ୍ରଧାନ ମନ୍ତ୍ରୀ ରାଷ୍ଟ୍ରପତିଙ୍କ ନିକଟରେ ଉଲ୍ଲେଖନୀୟ କାର୍ଯ୍ୟ କରିଥିବା ବିଶିଷ୍ଟ ବ୍ୟକ୍ତିଙ୍କ ନାମ ସୁପାରିଶ କରିଥାନ୍ତି । ପ୍ରତିବର୍ଷ ଅତିବେଶିରେ ୩ଜଣଙ୍କୁ ଭାରତରତ୍ନ ପ୍ରଦାନ କରାଯିବାର ବ୍ୟବସ୍ଥା ରହିଛି । ସମ୍ମାନ ସ୍ୱରୂପ ଏକ ପ୍ରଶଂସାପତ୍ର ଏବଂ ପଦକ ପ୍ରଦାନ କରାଯାଏ । ରାଷ୍ଟ୍ରପତି ନିଜେ ଏହି ସମ୍ମାନ ପ୍ରଦାନ କରନ୍ତି । ଅଦ୍ୟାବଧି ୪୧ଜଣ ପ୍ରମୁଖ ବ୍ୟକ୍ତିଙ୍କୁ ଭାରତରତ୍ନ ସମ୍ମାନରେ ସମ୍ମାନିତ କରାଯାଇସାରିଛି ।

୩୫ମିଲିମିଟର ବେଧ ବିଶିଷ୍ଟ ପତ୍ରଆକୃତି ସ୍ୱର୍ଣ୍ଣପଦକଟିର ଗୋଟିଏ ପାଖ ଓସ୍ତପତ୍ରରେ ଅଙ୍କିତ ସୂର୍ଯ୍ୟଚିତ୍ରଓ ତା’ତଳକୁ ଦେବନାଗରୀ ଲିପିରେ ଭାରତରତ୍ନ ଲେଖାଯାଇଥିଲା ବେଳେ ଅନ୍ୟ ପାଖଟିରେ ଭାରତର ଜାତୀୟ ପ୍ରତୀକ ଶୋଭା ପାଇଥାଏ । ୫୧ ମିଲିମିଟର ଓସାର ବିଶିଷ୍ଟ ଧଳାଫିତାରେ ଏହାକୁ ମନୋନୀତ ବ୍ୟକ୍ତିଙ୍କ ବେକରେ ଝୁଲାଇ ସମ୍ମାନିତ କରାଯିବାର ବିଧି ରହିଛି । ଆରମ୍ଭ ହେବା ସମୟରେ ମରଣୋତ୍ତର ଭାବେ ଏହାକୁ ଦିଆ ନ ଯିବାକୁ ସ୍ଥିର କରାଯାଇଥିଲେ ହେଁ ପରେ ଏଥିରେ ସଂଶୋଧନ କରାଯାଇ ମରଣୋତ୍ତର ବ୍ୟକ୍ତିବିଶେଷଙ୍କୁ ମଧ୍ୟ ଏହା ପ୍ରଦାନ କରାଯିବାକୁ ନିଷ୍ପତ୍ତି ନିଆଯାଇଥିଲା । ଭାରତର ଏହି ସର୍ବୋଚ୍ଚ ସମ୍ମାନ କେବଳ ଭାରତୀୟଙ୍କୁ ପ୍ରଦାନ କରାଯିବାକୁ ଲିଖିତ ନିୟମ ନ ଥିବାରୁ ଖାନ ଅବଦୁଲ ଗଫର ଖାଁ (୧୯୮୭), ମଦର ଟେରେସା (୧୯୮୦) ଏବଂ ନେଲସନ ମଣ୍ଡେଲା (୧୯୯୦)ଙ୍କୁ ଏହି ସମ୍ମାନରେ ସମ୍ମାନିତ କରାଯାଇଛି । ୧୯୯୨ରେ ସୁଭାସ ଚନ୍ଦ୍ର ବୋଷଙ୍କୁ ମରଣୋତ୍ତର ଭାବେ ଭାରତରତ୍ନ ପ୍ରଦାନ କରାଯିବାକୁ ଘୋଷଣା କରାଯାଇଥିଲା, ମାତ୍ର ତାଙ୍କ ମୃତ୍ୟୁ ସମ୍ପର୍କରେ କୌଣସି ପ୍ରାମାଣିକ ତଥ୍ୟ ନଥିବାରୁ ଏହି ଘୋଷଣାକୁ ପ୍ରତ୍ୟାହାର କରିନିଆଯାଇଥିଲା । ସେହି ପରି ବିଶିଷ୍ଟ ସ୍ୱାଧୀନତା ସଂଗ୍ରାମୀ ତଥା ଭାରତର ପ୍ରଥମ ଶିକ୍ଷାମନ୍ତ୍ରୀ ଆବୁଲ କାଲାମ ଆଜାଦଙ୍କୁ ଯେତେବେଳେ ଭାରତରତ୍ନ ପ୍ରଦାନ ପାଇଁ ମନୋନିତ କରାଗଲା, ସେତେବେଳେ ସେ ଭାରତରତ୍ନ ପାଇଁ ଉଦ୍ଦିଷ୍ଟ ଚୟନମଣ୍ଡଳୀରେ ସଦସ୍ୟ ଥିବା ଯୋଗୁଁ ଏହାକୁ ପ୍ରତ୍ୟାଖ୍ୟାନ କରିଥିଲେ । ପରେ ତାଙ୍କ ମୃତ୍ୟୁ ପରେ ୧୯୯୨ ମସିହାରେ ତାଙ୍କୁ ମରଣୋତ୍ତର ଭାବେ ଏହି ସମ୍ମାନ ପ୍ରଦାନ କରାଯାଇଥିଲା ।

ଭାରତ ରତ୍ନ ବିଜେତାଙ୍କ ତାଲିକା

ବିଜେତାଙ୍କ ନାମ	ଜୀବନ କାଳ	କେଉଁ ବର୍ଷ	ସୁଚନା
ସର୍ବପଲ୍ଲୀ ରାଧାକୃଷ୍ଣନ	୧୮୮୮-୧୯୭୫	(୧୯୫୪)	ଡଃ ସର୍ବପଲ୍ଲୀ ରାଧାକ୍ରିଷ୍ଣନ୍ ଭାରତର ପ୍ରଥମ ଉପ ରାଷ୍ଟ୍ରପତି ତଥା ଦ୍ୱିତୀୟ ରାଷ୍ଟ୍ରପତି
ଚକ୍ରବର୍ତ୍ତୀ ରାଜଗୋପାଳାଚାରୀ	୧୮୭୮-୧୯୭୨	(୧୯୫୪)	ସ୍ୱାଧୀନତା ସଂଗ୍ରାମୀ, ଭାରତର ପ୍ରଥମ ତଥା ଶେଷ ଭାରତୀୟ ଗଭର୍ଣ୍ଣର ଜେନେରାଲ, ପଶ୍ଚିମବଙ୍ଗର ପୂର୍ବତନ ରାଜ୍ୟପାଳ, ମାଡ୍ରାସର ମୁଖ୍ୟମନ୍ତ୍ରୀ
ସି. ଭି. ରମଣ	୧୮୮୮-୧୯୭୦	୧୯୫୪	ଡକ୍ଟର ଚନ୍ଦ୍ରଶେଖର ଭେଙ୍କଟ ରମଣ ନୋବେଲ ପୁରସ୍କାର ବିଜୟୀ ବିଶିଷ୍ଟ ପଦାର୍ଥବିଜ୍ଞାନୀ, ଇଣ୍ଡିଆନ ଇନଷ୍ଟିଚ୍ୟୁଟ ଅଫ ସାଇନ୍ସ, ବାଙ୍ଗାଲୋରର ପ୍ରତିଷ୍ଠାତା ।
ଜବାହରଲାଲ ନେହେରୁ	୧୮୮୯-୧୯୬୪	୧୯୫୫	ପଣ୍ଡିତ ଜହାହାରଲାଲ ନେହେରୁ ସ୍ୱାଧୀନତା ସଂଗ୍ରାମୀ, ଭାରତର ପ୍ରଥମ ପ୍ରଧାନମନ୍ତ୍ରୀ
ଭଗବାନ ଦାସ	୧୮୬୯-୧୯୫୮	୧୯୫୫	ଡଃ ଭଗବାନ ଦାସ ସ୍ୱାଧୀନତା ସଂଗ୍ରାମୀ, ବେଦାନ୍ତବିତ୍
ମୋକ୍ଷଗୁଣ୍ଡମ୍‌ ବିଶ୍ୱେଶ୍ୱରାୟା	୧୮୬୦-୧୯୬୨	୧୯୫୫	ଶିକ୍ଷାବିତ, ଯନ୍ତ୍ରୀ
ଗୋବିନ୍ଦ ବଲ୍ଲଭ ପନ୍ଥ	୧୮୮୭-୧୯୬୧	୧୯୫୮	ସ୍ୱାଧୀନତା ସଂଗ୍ରାମୀ, ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ, କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ
ଧଣ୍ଡୋ କେଶବ କାର୍ଭେ	୧୮୫୮-୧୯୬୨	୧୯୫୮	ବିଧବା ବିବାହ ଓ ନାରୀ ଶିକ୍ଷା କ୍ଷେତ୍ରରେ ଗଠନମୂଳକ ତଥା ସଂସ୍କାରଧର୍ମୀ କାର୍ଯ୍ୟକର୍ତ୍ତା
ବିଧାନ ଚନ୍ଦ୍ର ରାୟ	୧୮୮୨-୧୯୬୨	୧୯୬୧	ଡାକ୍ତର ବିଧାନ ଚନ୍ଦ୍ର ରାୟ ପଶ୍ଚିମବଙ୍ଗର ପୂର୍ବତନ ମୁଖ୍ୟମନ୍ତ୍ରୀ
ପୁରୁଷୋତ୍ତମଦାସ ଟଣ୍ଡନ	୧୮୮୨-୧୯୬୨	୧୯୬୧	ସ୍ୱାଧୀନତା ସଂଗ୍ରାମୀ
ରାଜେନ୍ଦ୍ର ପ୍ରସାଦ	୧୮୮୪-୧୯୬୩	୧୯୬୨	ଡକ୍ଟର ରାଜେନ୍ଦ୍ର ପ୍ରସାଦ ସ୍ୱାଧୀନତା ସଂଗ୍ରାମୀ, ଭାରତର ପ୍ରଥମ ରାଷ୍ଟ୍ରପତି, ନ୍ୟାସନାଲ କଲେଜ, ପାଟନାର ପ୍ରତିଷ୍ଠାତା
ଜାକିର ହୁସେନ	୧୮୯୭-୧୯୬୯	୧୯୬୩	ଡକ୍ଟର ଜାକିର ହୁସେନ ଭାରତର ଦ୍ୱିତୀୟ ଉପ ରାଷ୍ଟ୍ରପତି ତଥା ତୃତୀୟ ରାଷ୍ଟ୍ରପତି, ଶିକ୍ଷାବିତ
ପାଣ୍ଡୁରଙ୍ଗ ବାମନ କାଣେ	୧୮୮୦-୧୯୨୭	୧୯୬୩	ସମାଜ ସଂସ୍କାରକ, ସଂସ୍କୃତ ପଣ୍ଡିତ
ଲାଲ ବାହାଦୁର ଶାସ୍ତ୍ରୀ	୧୯୦୪-୧୯୬୬	୧୯୬୬-ମରଣୋତ୍ତର	ସ୍ୱାଧୀନତା ସଂଗ୍ରାମୀ, ଭାରତର ଦ୍ୱିତୀୟ ପ୍ରଧାନମନ୍ତ୍ରୀ
ଇନ୍ଦିରା ଗାନ୍ଧୀ	୧୯୧୭-୧୯୮୪	୧୯୭୧	ଭାରତର ଚତୁର୍ଥ ତଥା ପ୍ରଥମ ମହିଳା ପ୍ରଧାନମନ୍ତ୍ରୀ
ଭି. ଭି. ଗିରି	୧୮୯୪-୧୯୮୦	୧୯୭୫	ବରାହଗିରି ଭେଙ୍କଟ ଗିରି, ଭାରତର ତୃତୀୟ ଉପ ରାଷ୍ଟ୍ରପତି ତଥା ଚତୁର୍ଥ ରାଷ୍ଟ୍ରପତି, ଶ୍ରମିକ ନେତା
କେ କାମରାଜ	୧୯୦୩-୧୯୭୫	୧୯୭୬-ମରଣୋତ୍ତର	କୁମାରସ୍ୱାମୀ କାମରାଜ ସ୍ୱାଧୀନତା ସଂଗ୍ରାମୀ, ମାଡ୍ରାସର ପୂର୍ବତନ ମୁଖ୍ୟମନ୍ତ୍ରୀ
ମଦର ଟେରେସା	୧୯୧୦-୧୯୯୭	୧୯୮୦	ନୋବେଲ ଶାନ୍ତି ପୁରସ୍କାର ବିଜୟିନୀ
ବିନୋବା ଭାବେ	୧୮୯୫-୧୯୮୨	୧୯୮୩-ମରଣୋତ୍ତର	ସ୍ୱାଧୀନତା ସଂଗ୍ରାମୀ, ସମାଜ ସଂସ୍କାରକ, ଭୂଦାନ ଆନ୍ଦୋଳନର ପୁରଧା ତଥା ମାଗାସେସ୍‌ ପୁରସ୍କାର ବିଜୟୀ,
ଖାଁ ଅବଦୁଲ ଗଫର ଖାଁ	୧୮୯୦-୧୯୮୭	୧୯୮୭	ସୀମାନ୍ତ ଗାନ୍ଧୀ ତଥା ଫକର-ଏ-ଆଫଗାନ, ସ୍ୱାଧୀନତା ସଂଗ୍ରାମୀ
ଏମ. ଜି. ରାମଚନ୍ଦ୍ରନ	୧୯୧୭-୧୯୮୭	୧୯୮୮-ମରଣୋତ୍ତର	ମରାଥୁର ଗୋପାଳ ରାମଚନ୍ଦ୍ରନ, କଥାଚିତ୍ର ଅଭିନେତା ଓ ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ
ଭୀମରାଓ ରାମଜୀ ଆମ୍ବେଦକର	୧୮୯୧-୧୯୫୬	୧୯୯୦-ମରଣୋତ୍ତର	ବି. ଆର. ଆମ୍ବେଦକର ଭାରତୀୟ ସମ୍ବିଧାନର ପ୍ରଣେତା
ନେଲସନ ମଣ୍ଡେଲା	[୧୯୧୮-]	୧୯୯୦	ଡଃ ନେଲସନ ମଣ୍ଡେଲା ଆଫ୍ରିକାର ଗାନ୍ଧୀ ଭାବେ ପରିଚିତ ଦକ୍ଷିଣ ଆଫ୍ରିକାର ପ୍ରଥମ କୃଷ୍ଣକାୟ ରାଷ୍ଟ୍ରପତି
ରାଜୀବ ଗାନ୍ଧୀ	୧୯୪୪-୧୯୯୧	୧୯୯୧-ମରଣୋତ୍ତର	ଭାରତର ସପ୍ତମ ଓ ସର୍ବକନିଷ୍ଠ ପ୍ରଧାନମନ୍ତ୍ରୀ
ବଲ୍ଲଭଭାଇ ପଟେଲ	୧୮୭୫-୧୯୫୦	୧୯୯୧-ମରଣୋତ୍ତର	ସ୍ୱାଧୀନତା ସଂଗ୍ରାମୀ, ଭାରତର ପ୍ରଥମ ସ୍ୱରାଷ୍ଟ୍ର ମନ୍ତ୍ରୀ
ମୋରାରଜୀ ଦେଶାଇ	୧୮୯୬-୧୯୯୫	୧୯୯୧	ସ୍ୱାଧୀନତା ସଂଗ୍ରାମୀ, ଭାରତର ପଞ୍ଚମ ପ୍ରଧାନମନ୍ତ୍ରୀ
ଆବୁଲ କଲାମ ଆଜାଦ	୧୮୮୮-୧୯୫୮	୧୯୯୨-ମରଣୋତ୍ତର	ମୌଲାନା ଆବୁଲ କଲାମ ଆଜାଦ ସ୍ୱାଧୀନତା ସଂଗ୍ରାମୀ, ଭାରତର ପ୍ରଥମ ଶିକ୍ଷାମନ୍ତ୍ରୀ
ଜେ. ଆର. ଡି. ଟାଟା	୧୯୦୪-୧୯୯୩	୧୯୯୨	ଜାହାଙ୍ଗିର ରତନଜୀ ଦାଦାଭାଇ ଟାଟା ଶିଳ୍ପପତି, ସମାଜସେବୀ
ସତ୍ୟଜିତ ରାୟ	୧୯୨୨-୧୯୯୨	୧୯୯୨	ଓସ୍କାର ପୁରସ୍କାର ପ୍ରାପ୍ତ କଥାଚିତ୍ର ନିର୍ଦ୍ଦେଶକ
ସୁଭାଷ ଚନ୍ଦ୍ର ବୋଷ	୧୯୮୭-୧୯୪୫	୧୯୯୨	ପରେ ପ୍ରତ୍ୟାହୃତ ହୋଇଥିଲା
ଏ.ପି.ଜେ. ଅବଦୁଲ କଲାମ	[୧୯୩୧-]	୧୯୯୭	ଡଃ ଅବୁଲ ଫକୀର ଜୈନ୍ୟୁଲାବେଦ୍ଦିନ ଅବଦୁଲ କଲାମ, ପ୍ରତିରକ୍ଷା ବିଜ୍ଞାନୀ, ଭାରତର ଏକାଦଶ ରାଷ୍ଟ୍ରପତି
ଗୁଲଜାରୀଲାଲ ନନ୍ଦା	୧୮୯୮-୧୯୯୮	୧୯୯୭-ମରଣୋତ୍ତର	ସ୍ୱାଧୀନତା ସଂଗ୍ରାମୀ, ଭାରତର ପୂର୍ବତନ କାମଚଳା ପ୍ରଧାନମନ୍ତ୍ରୀ
ଅରୁଣା ଆସଫ ଅଲ୍ଲୀ	୧୯୦୮-୧୯୯୬	୧୯୯୭-ମରଣୋତ୍ତର	ସ୍ୱାଧୀନତା ସଂଗ୍ରାମୀ, ଭାରତଛାଡ଼ ଆନ୍ଦୋଳନ (୯ ଅଗଷ୍ଟ ୧୯୪୨)ର ଅଗ୍ରଣୀ ନାରୀନେତ୍ରୀ
ଏମ. ଏସ. ସୁବୁଲକ୍ଷ୍ମୀ	୧୯୧୬-୨୦୦୪	୧୯୯୮	ମଦୁରାଇ ସାନମୁଗବଦିବୁ ସୁବୁଲକ୍ଷ୍ମୀ ଶାସ୍ତ୍ରୀୟ କଣ୍ଠଶିଳ୍ପୀ
ଚିଦାମ୍ବରମ ସୁବ୍ରମଣ୍ୟମ	୧୯୧୦-୨୦୦୦	୧୯୯୮	ସ୍ୱାଧୀନତା ସଂଗ୍ରାମୀ, ପୂର୍ବତନ କେନ୍ଦ୍ର କୃଷିମନ୍ତ୍ରୀ, ସମାଜ ସେବୀ
ଜୟପ୍ରକାଶ ନାରାୟଣ	୧୯୦୨-୧୯୭୯	୧୯୯୯-ମରଣୋତ୍ତର	ସ୍ୱାଧୀନତା ସଂଗ୍ରାମୀ, ରାଜନୀତିଜ୍ଞ
ରବି ଶଙ୍କର	୧୯୨୦-୨୦୧୨	୧୯୯୯	ପଣ୍ଡିତ ରବି ଶଙ୍କର ସିତାର ବାଦକ
ଅମର୍ତ୍ତ୍ୟ ସେନ	[୧୯୩୩]	୧୯୯୯	ନୋବେଲ ଅର୍ଥନୀତି ପୁରସ୍କାର ବିଜୟୀ ବିଶିଷ୍ଟ ଅର୍ଥନୀତିଜ୍ଞ
ଗୋପୀନାଥ ବର୍ଦ୍ଦୋଳି	୧୮୯୦-୧୯୫୦	୧୯୯୯-ମରଣୋତ୍ତର	ଲୋକପ୍ରିୟ ଗୋପୀନାଥ ବର୍ଦ୍ଦୋଳି ଆସାମର ପୂର୍ବତନ ମୁଖ୍ୟମନ୍ତ୍ରୀ
ଲତା ମଙ୍ଗେସକର	[୧୯୨୯-]	୨୦୦୧	ପ୍ରଚ୍ଛଦପଟ କଣ୍ଠଶିଳ୍ପୀ
ବିସ୍‌ମିଲ୍ଲା ଖାଁ	୧୯୧୬-୨୦୦୬	୨୦୦୧	ଉସ୍ତାଦ ବିସ୍‌ମିଲ୍ଲା ଖାଁ ଭାରତୀୟ ଶାସ୍ତ୍ରୀୟ ସେହନାଇ ବାଦକ
ଭିମସେନ ଜୋଶୀ	୧୯୨୨-୨୦୧୧	୨୦୦୮	ହିନ୍ଦୁସ୍ତାନୀ ଶାସ୍ତ୍ରୀୟ ସଙ୍ଗୀତ ଗାୟକ
ସିଏନଆର ରାଓ	୧୯୩୪-	୨୦୧୪	ରସାୟନ ବିଜ୍ଞାନ
ସଚିନ ତେନ୍ଦୁଲକର	୧୯୭୩-	୨୦୧୪	କ୍ରିକେଟ ଖେଳାଳି
ମଦନ ମୋହନ ମାଲବ୍ୟ	୧୮୬୧-୧୯୪୬	୨୦୧୫	ସ୍ୱାଧୀନତା ସଂଗ୍ରାମୀ
ଅଟଳ ବିହାରୀ ବାଜପେୟୀ	୧୯୨୪-୨୦୧୮	୨୦୧୫	ରାଜନୀତିଜ୍ଞ
ପ୍ରଣବ ମୁଖାର୍ଜୀ	୧୯୩୫-	୨୦୧୯	ରାଜନୀତିଜ୍ଞ
ଭୂପେନ ହଜାରିକା	୧୯୨୬-୨୦୧୧	୨୦୧୯	ଗାୟକ, ସଙ୍ଗୀତଜ୍ଞ, ଚଳଚ୍ଚିତ୍ର ନିର୍ମାତା ଏବଂ କବି
ନାନାଜି ଦେଶମୁଖ	୧୯୧୬-୨୦୧୦	୨୦୧୯	ସମାଜସେବୀ ଏବଂ ରାଜନୀତିଜ୍ଞ

ବାହାର ଲିଙ୍କ

• ଭାରତ ରତ୍ନ ସମ୍ମାନ