ଛୁରିଅନା

Ochrocarpus longifolius

Ochrocarpus longifolius

ଛୁରିଅନା
ବିଜ୍ଞାନଭିତ୍ତିକ ଶ୍ରେଣୀବିଭାଗ
ଜଗତ:	Plantae
ଅଶ୍ରେଣୀକୃତ:	Angiosperms
ଅଶ୍ରେଣୀକୃତ:	Eudicots
ଅଶ୍ରେଣୀକୃତ:	Rosids
ଗଣ:	Malpighiales
କୁଳ:	Calophyllaceae
ପ୍ରଜାତି:	Ochrocarpos
ଜାତି:	longifolius
ବାଇନୋମିଆଲ ନାମ
Ochrocarpus_longifolius Benth. & Hook.fil. ex T.Anders.
Synonyms
Mammea suriga

ଛୁରିଅନା ଏକ ଦ୍ରୁମ ଜାତୀୟ ଉଦ୍ଭିଦ । ଏ ଗଛର ପତ୍ର ମୋଟା ଓ ଶାଖାର ପ୍ରତି ଗଣ୍ଠିରେ ତିନୋଟି ପତ୍ର ଥାଏ । ଏହା ପୁଲାଙ୍ଗ ପରି ବଡ଼ ଡ଼େମ୍ଫ ଥିବା ଧଳା ଫୁଲ ଧାରଣ କରେ ।ଏହାର ଫୁଲ ଡ଼େରିରେ ଫୁଟେ ଏବଂ ପ୍ରଥମେ ଦୁଇଖଣ୍ଡରେ ବିଭକ୍ତ ହୋଇଥାଏ ।ଏ ଗଛ ସାଧାରଣତଃ ଭାରତର ପଶ୍ଚିମ ଉପକୂଳ, ମାନ୍ଦ୍ରାଜ ପ୍ରଦେଶ, ଓଡ଼ିଶା ଓ ଚଟ୍ଟଗ୍ରାମରେ ଦେଖାଯାଏ । ଏ ଗଛ ସତ୍ୟବାଦୀ ଗୋପୀନାଥଙ୍କ ମନ୍ଦିର ନିକଟସ୍ଥ ବକୁଳବନରେ ପ୍ରଚୁର ପରିମାଣରେ ଅଛି । ଏହାର ମଞ୍ଜକାଠ ରକ୍ତାଭ ଓ ଖୁବ ଟାଣୁଆ । ଏହାର ଫଳ କୋଣାକାର ଓ ୨-୩ ସେମି ଲମ୍ବ । ଏହାର ମଞ୍ଜିଗୁଡିକ ଧୂସର ରଙ୍ଗର ଅଟେ । ଏହ ଫେବୃଆରୀ-ଏପ୍ରିଲରେ ଫୁଲ ଫୁଟେ ଓ ସେପ୍ଟେମ୍ବରରେ ଫଳ ଧରେ ।

ବିବିଧ ଭାରତୀୟ ପ୍ରାଦେଶିକ ନାମ

ଛୁରିଅନା ଡାଳ

ପ୍ରାଦେଶିକ ଭାଷା	ନାମ
ଓଡ଼ିଆ	ଛୁରିଅନା
ସଂସ୍କୃତ	ନାଗ କେସରମ୍
ହିନ୍ଦୀ	सुरंगी
ତାମିଲ	வழை மரம்
ତେଲୁଗୁ	సురపొన్న
ବଙ୍ଗଳା	নাগকেশর

ବ୍ୟବହାର

ଏହାର ମଞ୍ଜକାଠ ରକ୍ତାଭ ଓ ଖୁବ ଟାଣୁଆ । ଏହା ଆସବାବପତ୍ର ତିଆରି , ଗୃହ ନିର୍ମାଣ , ଡଙ୍ଗା ତିଆରିରେ ବ୍ୟବହୃତ ହୁଏ। ଛୁରିଅନା ଫୁଲରୁ ଅତର ତିଆରି ହୁଏ। ଫଳ ଖାଇବାଯୋଗ୍ୟ ଏବଂ ସ୍ୱାଦିଷ୍ଟ |

ଅଧିକ ତଥ୍ୟ

• ବନୌଷଧି ବିଜ୍ଞାନ. କୃଷ୍ଣବ୍ରହ୍ମା ଶତପଥି. ଧର୍ମଗ୍ରନ୍ଥ ଷ୍ଟୋର, ଅଲିଶା ବଜାର, କଟକ