ବିନୋଦିନୀ ଦେବୀ
ବିନୋଦିନୀ ଦେବୀ | |
|---|---|
| ଜନ୍ମ | ୧୯୩୭ ତିଗିରିଆ, କଟକ ଜିଲ୍ଲା |
| ମୃତ୍ୟୁ | ୨୩ ଅକ୍ଟୋବର ୨୦୨୩ |
| ଜାତୀୟତା | ଭାରତୀୟ |
| ପୁରସ୍କାର | ଗୁରୁ କେଳୁଚରଣ ମହାପାତ୍ର ସମ୍ମାନ |
ବିନୋଦିନୀ ଦେବୀ (୧୯୩୭ - ୧୬ ଅକ୍ଟୋବର ୨୦୨୩) ଜଣେ କବି ଓ ଗୀତିକାର ଥିଲେ । ସେ ଓଡ଼ିଆ ଚଳଚ୍ଚିତ୍ର ଜଗତର ପ୍ରଥମ ମହିଳା ଗୀତିକାର ।[୧] ଓଡ଼ିଆ ସିନେମାର ପ୍ରଥମ ନାରୀ ଗୀତିକାର ଭାବରେ ୧୯୬୫ ମସିହାର ମଲାଜହ୍ନ ଚଳଚ୍ଚିତ୍ର ପାଇଁ ସେ ଗୀତ ଲେଖିଥିଲେ[୨] । ସେ ମଧ୍ୟ ଜଣେ ଓଡ଼ିଆ ଶିଶୁ ଗୀତ ଓ ଆଧୁନିକ ଗୀତ ଗୀତିକାର ।
ସଂକ୍ଷିପ୍ତ ଜୀବନୀ[ସମ୍ପାଦନା]
ସେ ୧୯୩୭ ମସିହାରେ କଟକ ଜିଲ୍ଲାର ତିଗିରିଆରେ ଜନ୍ମ ଗ୍ରହଣ କରିଥିଲେ । ତାଙ୍କ ପିତା ଥିଲେ ସ୍ୱାଧିନତା ସଂଗ୍ରାମୀ ମଧୁସୂଦନ ପଟ୍ଟନାୟକ । ସେ ପୁରୀ ଜିଲ୍ଲା ଅନ୍ତର୍ଗତ ଡେଲାଙ୍ଗ ସୁଜନପୁର ଗ୍ରାମର ବାଳକୃଷ୍ଣ ମଙ୍ଗରାଜଙ୍କୁ ବିବାହ କରିଥିଲେ । ବାଳକୃଷ୍ଣ ମଙ୍ଗରାଜ ଜଣେ ପ୍ରଶାସନିକ ଅଧିକାରୀ ଥିଲେ । ବିବାହବେଳକୁ ସେ ମାଟ୍ରିକ ପାସ କରିନଥିଲେ । କିନ୍ତୁ ପାଠପଢ଼ାପ୍ରତି ବିନୋଦିନୀଙ୍କର ଅନେକ ଆଗ୍ରହ ଥିଲା । ତାଙ୍କ ବଡ଼ପୁଅ ମାଟ୍ରିକ ପାସ କରିବା ପରେ, ବିନୋଦିନୀ ୩୯ବର୍ଷ ବୟସରେ ମାଟ୍ରିକ ପରୀକ୍ଷାଦେଇ ପାସ କରିଥିଲେ ।[୩]
ଚଳଚ୍ଚିତ୍ର ଗୀତ[ସମ୍ପାଦନା]
ବିନୋଦିନୀ ଦେବୀଙ୍କ ଲିଖିତ କିଛି ଚଳଚ୍ଚିତ୍ର ଗୀତ:-
| ଗୀତ | ଚଳଚ୍ଚିତ୍ର | କଣ୍ଠ |
|---|---|---|
| ତୁଚ୍ଛାକୁ ମହୁ | ମଲା ଜହ୍ନ | କଲ୍ୟାଣୀ ଭଟ୍ଟାଚାର୍ଯ୍ୟ |
| ମୋ ନାଁଟି ମୋ ନାଁଟି | ମଲା ଜହ୍ନ | ନନ୍ଦିତା ଘୋଷ |
| ରକତ ଟଳମଳ ଖଇର ପାଞ୍ଚପଳ | ମଲା ଜହ୍ନ | ଅକ୍ଷୟ ମହାନ୍ତି |
| ଭିଣେଇ ବାବୁ ଭିଣେଇ ବାବୁ | ତଅପୋଇ | ଅକ୍ଷୟ ମହାନ୍ତି ଓ ଗୀତା ପଟ୍ଟନାୟକ |
| ସାଥୀରେ ସାଥୀରେ ଜୀବନ ସାଗରେ | ଅସ୍ତରାଗ | ପ୍ରଣବ ପଟ୍ଟନାୟକ[୪] |
ଅନ୍ୟ କିଛି ଚଳଚ୍ଚିତ୍ର ଯେଉଁଥି ପାଇଁ ବିନୋଦିନୀ ଦେବୀ ଗୀତ ଲେଖିଛଂତି :- "ମୁଁ ତୁମେ ଓ ସେ" (୧୯୮୨), ଶ୍ରୀ ଜଗନ୍ନାଥ (୧୯୭୯), "ଜୟ ଜଗନ୍ନାଥ" (୨୦୦୭)
ଗୀତି ଗ୍ରନ୍ଥ[ସମ୍ପାଦନା]
ବିନୋଦିନୀ ଦେବୀଙ୍କ ପ୍ରକାଶିତ କିଛି ଗୀତି କବିତା ପୁସ୍ତକ :-
| ଶିରୋନାମା | ବିଷୟବସ୍ତୁ | ବର୍ଷ |
|---|---|---|
| ଖୋକାଟିଏ ଖୋକିଟିଏ | ଶିଶୁଗୀତି ସଂକଳନ | ୧୯୮୬ |
| ଅମୃତା | ଭକ୍ତିଗୀତ ସଂକଳନ | ୧୯୯୬ |
| ଟିକି ଟିକି ନାଲି କାଇଁଚ | ଶିଶୁଗୀତି ସଂକଳନ | ୧୯୯୯ |
| ଏଇ କଳା ମୋର କଳଙ୍କ | ଆଧୁନିକ ଗୀତ ସଂକଳନ | ୨୦୦୦ |
ମୃତ୍ୟୁ[ସମ୍ପାଦନା]
୨୦୨୩ ମସିହା ଅକ୍ଟୋବର ୧୬ ତାରିଖରେ ଅନୁଗୋଳଠାରେ ୮୬ ବର୍ଷ ବୟସରେ ବିନୋଦିନୀ ଦେବୀଙ୍କର ପରଲୋକ ଘଟିଥିଲା ।[୫]
ଆଧାର[ସମ୍ପାଦନା]
- ↑ ଦେଓ, ସୂର୍ଯ୍ୟ (2015). ଓଡ଼ିଆ ସିନେମା ଗୀତ ୧୯୩୬ରୁ ୧୯୬୯. ଚଂଦ୍ରଶେଖରପୁର ଭୁବନେଶ୍ୱର: ସୃଜନ. p. ୨୧୯. ISBN 978-81-92546-53-7.
- ↑ ଚକ୍ର, ଶ୍ୟାମହରି (06-May-2011). "Malajanha comes alive again". The New Indian Express. Retrieved 23 July 2016.
{{cite news}}: Check date values in:|date=(help)[permanent dead link] - ↑ "ନିରବିଗଲେ 'ନିରିମାଖି କୁଆଁରୀ'". https://sambadepaper.com/. 12 November 2018. Retrieved 17 October 2023.
{{cite web}}: External link in|website= - ↑ "Lyricist Bnodini Debi". Odiamusic.com. Archived from the original on 12 August 2014. Retrieved 24 July 2016.
- ↑ Digital, Sambad (16 October 2023). "'ନିରିମାଖୀ କୁଆଁରୀ ମୁଁ…' ଗୀତର ପ୍ରଖ୍ୟାତ ଗୀତିକାର ବିନୋଦିନୀ ଦେବୀ ଆଉ ନାହାନ୍ତି". Sambad. Retrieved 16 October 2023.
ଅଧିକ ତଥ୍ୟ[ସମ୍ପାଦନା]
- ଇଣ୍ଟରନେଟ ମୁଭି ଡାଟାବେସରେ ବିନୋଦିନୀ ଦେବୀ
- ତୁଚ୍ଛାକୁ ମହୁ ଗୀତ