ହରେକୃଷ୍ଣ ବେହେରା
ହରେକୃଷ୍ଣ ବେହେରା | |
|---|---|
 | |
| ଜନ୍ମ | ୨୩ ମାର୍ଚ୍ଚ ୧୯୩୧ ବୁଆଁଳ, ବାଲେଶ୍ୱର ଜିଲ୍ଲା |
| ମୃତ୍ୟୁ | ୨୪ ଜୁନ ୨୦୧୨ (ବୟସ ୮୧) |
| ଜାତୀୟତା | ଭାରତୀୟ |
| ଜାତୀୟତା | ଭାରତୀୟ |
| ବୈବାହିକ-ସାଥୀ | ପଦ୍ମାବତୀ |
| ସନ୍ତାନ | କବିତା ଦ୍ୱିବେଦୀ, କାବେରୀ, କଲ୍ୟାଣୀ ବେହେରା |
| ପୁରସ୍କାର | କେନ୍ଦ୍ର ସଙ୍ଗୀତ ନାଟକ ଏକାଡେମୀ ଓଡ଼ିଶା ସଙ୍ଗୀତ ନାଟକ ଏକାଡେମୀ |
ହରେକୃଷ୍ଣ ବେହେରା (୨୩ ମାର୍ଚ୍ଚ ୧୯୩୧[୧] - ୨୪ ଜୁନ ୨୦୧୨) ଜଣେ ଓଡ଼ିଶୀ ନୃତ୍ୟ ଗୁରୁ ଥିଲେ । ହରେକୃଷ୍ଣ ବାଲେଶ୍ୱର ଜିଲ୍ଲାର ବୁଆଁଳଗ୍ରାମରେ ସେ ଜନ୍ମ ଗ୍ରହଣକରିଥିଲେ ।[୨] ସେ ଗୁରୁ ରାମଚନ୍ଦ୍ରଦେବଙ୍କଠାରୁ ଓଡ଼ିଶୀ ନୃତ୍ୟ ଓ ଗୁରୁ ରାମହରି ମହାପାତ୍ରଙ୍କଠାରୁ ଓଡ଼ିଶୀ ସଙ୍ଗୀତ ଶିକ୍ଷାଲାଭ କରିଥିଲେ । ପୂର୍ବତନ ମୂଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ସହାୟତାରେ ସରକାରୀ ବୃତ୍ତି ଲାଭ କରିବା ସହିତ ସେ ଦିଲ୍ଲୀସ୍ଥିତ ନାଟ୍ୟ ବେଲେଟ କେନ୍ଦ୍ରରେ ଉଚ୍ଚ ଶିକ୍ଷାର ସୁଯୋଗ ପାଇଥିଲେ ।
ସେ ଓଡ଼ିଶୀ ନୃତ୍ୟକୁ ଗୌରବମଣ୍ଡିତ କରିବାରେ ଦୀର୍ଘ ୫୦ ବର୍ଷ ଧରି ଉଦ୍ୟମ କରିଥିଲେ । ସେ କେନ୍ଦ୍ରୀୟ ସଙ୍ଗୀତ ନାଟକ ଏକାଡେମୀ ଏବଂ ଓଡ଼ିଶା ସଙ୍ଗୀତ ନାଟକ ଏକାଡେମୀ ମଧ୍ୟ ପାଇଛନ୍ତି ।[୩] ସେ ଦିଲ୍ଲୀରେ ଓଡ଼ିଶୀ ନୃତ୍ୟକୁ ଲୋକପ୍ରିୟ କରିବାପାଇଁ ଏକ ଓଡ଼ିଶୀ କେନ୍ଦ୍ର ସ୍ଥାପନା କରିଥିଲେ ।[୪] ତାଙ୍କ ଜନ୍ମସ୍ଥାନ ବାଲେଶ୍ୱର ଜିଲ୍ଲାର ଭାସ୍କରଗଞ୍ଜଠାରେ "ଗୁରୁ ହରେକୃଷ୍ଣ ବେହେରା କଳା ଓ ସଂସ୍କୃତି" ନାମକ ଏକ ମହାବିଦ୍ୟାଳୟ ସ୍ଥାପନା କରାଯାଇଛି । ଓଡ଼ିଶୀ ନୃତ୍ୟଶିଳ୍ପୀ ଭାବେ ସେ ଆମେରିକା, ଜାପାନ, ଜର୍ମାନୀ, ଋଷିଆ, ଶ୍ରୀଲଙ୍କା, ଇଂଲଣ୍ଡ, ଫ୍ରାନ୍ସ, ସାଉଦି ଆରବ, ମଙ୍ଗୋଲିଆ, ଡେନମାର୍କ, ନେଦରଲାଣ୍ଡ ଆଦି ଦେଶରେ ନୃତ୍ୟ ପରିବେଷଣ କରି ଜାତୀୟ ଓ ଆନ୍ତର୍ଜାତୀୟ ସ୍ତରରେ ଖ୍ୟାତି ଅର୍ଜନ କରିଥିଲେ । ଓଡ଼ିଶୀ ନୃତ୍ୟକୁ ଶାସ୍ତ୍ରୀୟ ମାନ୍ୟତା ପ୍ରଦାନ କରିବା ତଥା ଆନ୍ତର୍ଜାତୀକ ସ୍ତରରେ ଏହାର ପ୍ରଚାର ପ୍ରସାର ପାଇଁ ତାଙ୍କ ଅବଦାନ ଥିଲା ।
ଦିଲ୍ଲୀଠାରେ ହୃଦଘାତରେ ତାଙ୍କର ମୃତ୍ୟୁ ହୋଇଥିଲା ।[୫] ବର୍ତ୍ତମାନ ହରେକୃଷ୍ଣ ବେହେରାଙ୍କ ଦିଲ୍ଲୀରେ ଥିବା ସଂଗଠନ ଓଡ଼ିଶୀ କେନ୍ଦ୍ରରେ ତାଙ୍କ ସାନ ଝିଅ କଲ୍ୟାଣୀ ବେହେରାଙ୍କ ନେତୃତ୍ୱରେ ଓଡ଼ିଶୀ ନୃତ୍ୟ ଶିଖାଯାଉଛି ।
ପୁରସ୍କାର ଓ ସମ୍ମାନ
[ସମ୍ପାଦନା]- ଗୁରୁ କେଳୁଚରଣ ମହାପାତ୍ର ସମ୍ମାନ, ୨୦୦୭
- କେନ୍ଦ୍ର ସଙ୍ଗୀତ ନାଟକ ଏକାଡେମୀ ପୁରସ୍କାର, ୨୦୦୩
- ଓଡ଼ିଶା ସଙ୍ଗୀତ ନାଟକ ଏକଡେମୀ ପୁରସ୍କାର, ୧୯୮୩
- ଅଲ ଇଣ୍ଡିଆ କ୍ରିଟିକ୍ସ ଆୱାର୍ଡ଼, ୧୯୮୧ [୬]
ଆଧାର
[ସମ୍ପାଦନା]- ↑ "The man and his mission". thehindu.com. Retrieved 22 January 2021.
- ↑ "Odissi Exponent Hare Krushna Behera Dead | news.outlookindia.com". news.outlookindia.com. 2012. Retrieved 25 June 2012.
Behera who hailed from Buanl village of Balasore district
- ↑ "Odissi exponent Hare Krushna Behera dies - Rediff.com India News". rediff.com. 2012. Retrieved 25 June 2012.
Orissa Sangeet Natak Akademi Award in 1983. In 2003, Behera received the Sangeet Natak Akademi Award.
- ↑ "Odissi guru Hare Krushna Behera passes away - The Times of India". indiatimes.com. 2012. Retrieved 25 June 2012.
Guruji had established a dance institute, Odissi Kendra, in New Delhi in 197
- ↑ "fullstory". ptinews.com. 2012. Archived from the original on 24 June 2012. Retrieved 25 June 2012.
Odissi dance exponent Guru Hare Krushna Behera died in Delhi on Sunday after suffering a heart attack
- ↑ "Guru Harekrishna Behera no more". The New Indian Express. Archived from the original on 5 March 2016. Retrieved 24 December 2015.
ବାହାର ଆଧାର
[ସମ୍ପାଦନା]- http://www.guruhkbehera.com/index.htm Archived 2016-08-12 at the Wayback Machine.