କୃତିବାସ ନାୟକ
କୃତିବାସ ନାୟକ | |
|---|---|
 | |
| ଜନ୍ମ ଓ ଜନ୍ମସ୍ଥାନ | ୨ ମାର୍ଚ୍ଚ ୧୯୫୫ ଏକତାଲା,ରାଜକନିକା, କେନ୍ଦ୍ରାପଡ଼ା |
| ଜାତୀୟତା | ଭାରତୀୟ |
| ନାଗରିକତା |  ଭାରତୀୟ |
| ଶିକ୍ଷାନୁଷ୍ଠାନ | ରାଜେନ୍ଦ୍ର ନାରାୟଣ ହାଇସ୍କୁଲ |
| ପିତାମାତା | ବାସୁଦେବ ନାୟକ, ସୁବର୍ଣ୍ଣ ଦେବୀ |
ଡକ୍ଟର କୃତିବାସ ନାୟକ (ଜନ୍ମ: ୨ ମାର୍ଚ୍ଚ ୧୯୫୫) ଜଣେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଲେଖକ । ସେ ଓଡ଼ିଆରେ ପ୍ରବନ୍ଧ, କବିତା, କାହାଣୀ ଓ ଉପନ୍ୟାସ ଲେଖନ୍ତି । ଡକ୍ଟର ନାୟକ ଶିଶୁ ସାହିତ୍ୟ କ୍ଷେତ୍ରରେ ନିଜକୁ ପ୍ରତିଷ୍ଠିତ କରିଛନ୍ତି ।[୧] ସେ ଜାତୀୟ ସ୍ତରରେ ସ୍ୱୀକୃତିପ୍ରାପ୍ତ ଏବଂ ଅନେକ ଜାତୀୟ ତଥା ରାଜ୍ୟ ସ୍ତରୀୟ ମାନ୍ୟତା ପାଇଛନ୍ତି ।
ସଂକ୍ଷିପ୍ତ ଜୀବନୀ
[ସମ୍ପାଦନା]ଡକ୍ଟର କୃତିବାସ ନାୟକ ୧୯୫୫ ମସିହାରେ ଓଡ଼ିଶାର ରାଜକନିକା ବ୍ଲକର ଏକତାଲା ନାମକ ଏକ ପୂର୍ବ ଉପକୂଳବର୍ତ୍ତୀ ଗ୍ରାମରେ ଜନ୍ମଗ୍ରହଣ କରିଥିଲେ । ସେ ତାଙ୍କର ପ୍ରାରମ୍ଭିକ ଜୀବନ ଓଡ଼ିଶାର ଦକ୍ଷିଣ ଭାଗରେ ଅତିବାହିତ କରିଥିଲେ ଏବଂ ସେଠାରେ ସେ ବ୍ରହ୍ମପୁର ବିଶ୍ୱବିଦ୍ୟାଳୟରୁ ସାହିତ୍ୟରେ ସ୍ନାତକ ଡିଗ୍ରୀ ହାସଲ କରିଥିଲେ । ଡକ୍ଟର ନାୟକ ୧୯୯୨ ମସିହାରେ ଶିଶୁ ସାହିତ୍ୟ କ୍ଷେତ୍ରରେ "ଓଡ଼ିଆ ଶିଶୁ ଗଳ୍ପର ସ୍ୱରୂପ ଏବଂ ବିକାଶ" ନାମକ ବିଷୟ ସହିତ ଡକ୍ଟରେଟ୍ ଡିଗ୍ରୀ ହାସଲ କରିଥିଲେ । ୮୦ ଦଶକରେ ସେ ଶିଶୁ ନୟନ, ଆମେ ଶିଶୁ ଏବଂ ଶିଶୁ ରାଇଜ ନାମରେ ଓଡ଼ିଆରେ ଶିଶୁ ପତ୍ରିକା ସମ୍ପାଦନା କରିଥିଲେ । ୧୯୭୬ରୁ ୧୯୯୦ ମଧ୍ୟରେ ଶିଶୁ ରାଇଜ ଓଡ଼ିଶାର ଜୟପୁରରୁ ପ୍ରକାଶିତ ହୋଇଥିଲା ।
ଡକ୍ଟର କୃତିବାସ ନାୟକ ୧୩ ଡିସେମ୍ବର ୨୦୧୨ରେ ଓଡ଼ିଶାର ଜୟପୁରରେ ଅଲ୍ ଇଣ୍ଡିଆ ରେଡ଼ିଓରେ ଯୋଗ ଦେଇଥିଲେ । ୨୮ ଫେବୃଆରୀ ୨୦୧୪ରେ ନିର୍ଦ୍ଦେଶକ ଭାବେ ପଦୋନ୍ନତି ପାଇଥିଲେ ଏବଂ ୩୧ ମାର୍ଚ୍ଚ ୨୦୧୫ରେ ଅବସର ନେଇଥିଲେ ।
ସମ୍ମାନ ଓ ପୁରସ୍କାର
[ସମ୍ପାଦନା]- ରାଜଧାନୀ ପୁସ୍ତକମେଳା ପୁରସ୍କାର, ୨୦୨୪[୨]
- ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର[୩]
- ସପ୍ତଦଶ ବାଷିକ ଅଭିନନ୍ଦନିକା ପୁରସ୍କାର[୪]
- ଅଣହିନ୍ଦୀ ଭାଷାଭାଷି ଅଞ୍ଚଳର ଲେଖକଙ୍କ ପାଇଁ ଜାତୀୟ ହିନ୍ଦୀ ଲେଖକ ପୁରସ୍କାର- ଉପନ୍ୟାସ "ଶୁଭଲକ୍ଷ୍ମୀ" ପାଇଁ (୨୦୦୨)
- ଜାତୀୟ ଶିଶୁସାହିତ୍ୟ ପୁରସ୍କାର- ଶିଶୁ ସାହିତ୍ୟ "ଫୁଲ ସବୁ ଫୁଟିଲେ" ପାଇଁ (୧୯୯୯)
- ଜାତୀୟ ଶିଶୁସାହିତ୍ୟ ପୁରସ୍କାର- ଶିଶୁ ଉପନ୍ୟାସ "ବଣଭୋଜି" ପାଇଁ (୧୯୯୨)
- ବିଷୁବ ସମ୍ମାନ-୧୯୮୬
- ରାଜ୍ୟ ସ୍ତରୀୟ ସଂସାର ସମ୍ମାନ- ଜୀବନବ୍ୟାପୀ ଲେଖିଥିବା ଶିଶୁସାହିତ୍ୟ ପାଇଁ
- ରାଜ୍ୟ ସ୍ତରୀୟ ମାଣିକ ବିଶ୍ୱନାଥ ସମ୍ମାନ- ଜୀବନବ୍ୟାପୀ ଲେଖିଥିବା ଶିଶୁସାହିତ୍ୟ ପାଇଁ
- ରାଜ୍ୟ ସ୍ତରୀୟ କସ୍ତୁରୀ ସମ୍ମାନ- କବିତା ବିଭାଗରେ
- ଶ୍ରୀକ୍ଷେତ୍ର ସମ୍ମାନ- କବିତା କୃତ୍ତି ପାଇଁ
- ଉତ୍କଳ ସାହିତ୍ୟ ସମାନ- ଓଡ଼ିଆ ଭାଷାକୁ ତାଙ୍କ ଅବଦାନ ନିମନ୍ତେ (୨୦୧୧)
- ଆକାଶବାଣୀ ବାର୍ଷିକ ପୁରସ୍କାର-ମହିଳାଙ୍କ ଉପରେ ଶ୍ରେଷ୍ଠ କାର୍ଯ୍ୟକ୍ରମ ପ୍ରସ୍ତୁତି ନିମନ୍ତେ (୨୦୧୧)
ସାହିତ୍ୟିକ କୃତ୍ତି
[ସମ୍ପାଦନା]ଡକ୍ଟର କୃତିବାସ ନାୟକ ଏ ପର୍ଯ୍ୟନ୍ତ ୧୦୦ରୁ ଅଧିକ ବହି ରଚନା କରିଛନ୍ତି । ତନ୍ମଧ୍ୟରୁ କିଛି ବିଶେଷ କୃତ୍ତିର ତାଲିକା ଏହିଭଳି:
ଉପନ୍ୟାସ
[ସମ୍ପାଦନା]- ଶୁଭଲକ୍ଷ୍ମୀ
- କୂଳବୋହୁ
- ହସକୁରୀ ଜହ୍ନ
ଗଳ୍ପ ସଂଗ୍ରହ
[ସମ୍ପାଦନା]- ସଦାନନ୍ଦ ବୋଉଙ୍କ ସଂସାର
- ଶୁଣିମା ହେଉ
- ଟିମା ଫକୀର
- ପ୍ରେମ ପୂର୍ଣ୍ଣିମା
କାବ୍ୟ, କବିତା
[ସମ୍ପାଦନା]- ଉଡ଼ିଗଲା ଗେଣ୍ଡାଳିଆ
- ପ୍ରିତୀ ଶତକ
- ଗୀତି ଶତକ
- ଭକ୍ତି ସତକ
- ଜୀବନ ଭାଗବତ
- ପ୍ରେମ, ପ୍ରୀତି, ପ୍ରଣୟ
- ଦିବ୍ୟ ବାଣୀ
- ଅମୃତ ବଚନ
- ଉନ୍ନତ ଜୀବନ
- ପ୍ରଣୟ ଝଙ୍କାର
- ପ୍ରୀତି ବୀଣା
- ସଂଗୀତ ସୁରଭି
- ଗୀତି ବିଚିତ୍ରା
- ଓଡ଼ିଆ ଜାତିର ଲଢୁଆ ବୀର
ଶିଶୁ ସାହିତ୍ୟ
[ସମ୍ପାଦନା]- ବଣ ଭୋଜି
- ଫୁଲ ସବୁ ଫୁଟିଲେ
- ମଜା ଗପ
- ଆସ ଆମେ ଗପ ପଢ଼ିବା
- କିଛି ମଜା କିଛି ତାଜା କାହାଣୀ
ନାଟକ
[ସମ୍ପାଦନା]- ବେତାର ନାଟକ
ବ୍ୟଙ୍ଗ କବିତା
[ସମ୍ପାଦନା]- ବୃତିବାସଙ୍କ ବିହୀନ ଅବତାର
ଆଧାର
[ସମ୍ପାଦନା]- ↑ "How old is Krutibas Nayak". HowOld.co (in ଇଂରାଜୀ). Archived from the original on 26 October 2020. Retrieved 22 October 2020.
- ↑ "ରାଜଧାନୀ ପୁସ୍ତକମେଳା ପୁରସ୍କାର ଘୋଷଣା". ସମାଜ (in od-IN). ଭୁବନେଶ୍ୱର. 15 December 2024. Retrieved 12 April 2025.
{{cite news}}: CS1 maint: unrecognized language (link) - ↑ "ବ୍ୟକ୍ତିତ୍ୱ". ଧରିତ୍ରୀ ଛୁଟିଦିନ ନଭେମ୍ବର ୭-୧୩ ପୃଷ୍ଠା ୬. ଧରିତ୍ରୀ. Archived from the original on 8 November 2021. Retrieved 8 November 2021.
- ↑ "The Hindu Saturday, 23 January 2010". Archived from the original on 28 January 2010. Retrieved 22 October 2020.
| International | |
|---|---|
| National | |
