ଶୁଭେନ୍ଦ୍ର ମୋହନ ଶ୍ରୀଚନ୍ଦନସିଂହ
ଶୁଭେନ୍ଦ୍ର ମୋହନ ଶ୍ରୀଚନ୍ଦନସିଂହ | |
|---|---|
| ଜନ୍ମ ଓ ଜନ୍ମସ୍ଥାନ | ୬ ଅଗଷ୍ଟ ୧୯୩୩ ପାପସାର, ଆଠମଲ୍ଲିକ |
| ମୃତ୍ୟୁ | ୧୫ ନଭେମ୍ବର ୨୦୨୩ (ବୟସ ୯୦) ନାଗପୁର |
| ବୃତ୍ତି | ଶିଶୁସାହିତ୍ୟିକ |
| ଭାଷା | ଓଡ଼ିଆ |
| ଜାତୀୟତା | ଭାରତୀୟ |
| ଶିକ୍ଷା | ଏମଏ, ବିଏଡ଼, ପିଏଚଡ଼ି |
| ପୁରସ୍କାର | କେନ୍ଦ୍ର ସାହିତ୍ୟ ଏକାଡ଼େମୀ ପୁରସ୍କାର ( ବାଳ ସାହିତ୍ୟ ପୁରସ୍କାର ) - ୨୦୧୭ |
| ଜୀବନସାଥୀ | ଶକୁନ୍ତଳା ଦେବୀ |
| ସନ୍ତାନ | ଶିଳାଦିତ୍ୟ ଓ ବାଳାଦିତ୍ୟ |
ଶୁଭେନ୍ଦ୍ର ମୋହନ ଶ୍ରୀଚନ୍ଦନସିଂହ (୬ ଅଗଷ୍ଟ ୧୯୩୩ - ୧୫ ନଭେମ୍ବର ୨୦୨୩) ଜଣେ ଓଡ଼ିଆ ସାହିତ୍ୟିକ ଥିଲେ ।[୧] ସେ ମୁଖ୍ୟତଃ ଶିଶୁସାହିତ୍ୟ ଲେଖିଥିଲେ । ସେ ଅନେକ ଅଣ-ଓଡ଼ିଆ ପୁସ୍ତକକୁ ଓଡ଼ିଆରେ ଅନୁବାଦ ମଧ୍ୟ କରିଥିଲେ । ଶିଶୁ ସାହିତ୍ୟିକୁ ସାମଗ୍ରିକ ଅବଦାନ ପାଇଁ ତାଙ୍କୁ ୨୦୧୭ ମସିହାରେ କେନ୍ଦ୍ର ସାହିତ୍ୟ ଏକାଡ଼େମୀ ପୁରସ୍କାର ପ୍ରଦାନ କରାଯାଇଥିଲା ।[୨] ଟିକିପରୀ ପୁସ୍ତକପାଇଁ ସେ ୨୦୧୦ ମସିହାରେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ପାଇଥିଲେ ।
ସଂକ୍ଷିପ୍ତ ଜୀବନୀ
[ସମ୍ପାଦନା]ଶୁଭେନ୍ଦ୍ର ମୋହନ ୧୯୩୩ ମସିହା ଅଗଷ୍ଟ ୬ ତାରିଖରେ ଆଠମଲ୍ଲିକ ଅନ୍ତର୍ଗତ ପାପସାର ଗ୍ରାମରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ଜୟକୃଷ୍ଣ ଓ ମାତାଙ୍କ ନାମ ମନୋରମା ଥିଲା । ବୃତ୍ତିରେ ସେ ଜଣେ ଶିକ୍ଷକ ଥିଲେ । ୧୯୬୩ ମସିହା ଜାନୁଆରୀ ୭ ତାରିଖରେ ସେ ନିଜର ମୂଳ ନାମ ମୋହନ ମୁରାରୀ ବାରିକକୁ ପରିବର୍ତ୍ତନ କରି ଶୁଭେନ୍ଦ୍ର ମୋହନ ଶ୍ରୀଚନ୍ଦନସିଂହ ରଖିଥିଲେ ।[୩] ସେ ଶକୁନ୍ତଳା ଦେବୀଙ୍କୁ ବିବାହ କରିଥିଲେ । ତାଙ୍କର ଶିଳାଦିତ୍ୟ ଓ ବାଳାଦିତ୍ୟ ନାମରେ ଦୁଇ ପୁଅ ଅଛନ୍ତି ।
୨୦୨୩ ମସିହା ନଭେମ୍ବର ମାସ ୧୫ ତାରିଖରେ ମହାରାଷ୍ଟ୍ରର ନାଗପୁରଠାର ପରଲୋକ ଘଟିଥିଲା । ତାଙ୍କ ଶେଷଇଚ୍ଛା ଅନୁଯାୟୀ ପାର୍ଥିବ ଶରୀର ନାଗପୁର ହସପିଟାଲକୁ ଗବେଷଣା ପାଇଁ ଦାନ କରାଯାଇଥିଲା।[୪]
ରଚନାବଳୀ
[ସମ୍ପାଦନା]ମୌଳିକ ରଚନା
[ସମ୍ପାଦନା]- ଶତାବ୍ଦୀ ପୁରୁଷ - ୧୯୯୧ (ଗୌରୀ ଶଙ୍କର ସ୍ମୃତି ସଂସଦ)
- ରୁସ୍ତମ କାହାଣୀ - ୧୯୮୦ (ଗ୍ରନ୍ଥମନ୍ଦିର, କଟକ)
- ସ୍ୱାଧିନତାର କାହାଣୀ - ୨୦୦୬ (ମନୋଜ ପ୍ରକାଶନ)
- ଦେଶବିଦେଶର ପିଲାଂକ କାହାଣୀ - ୧୯୯୬ (କୈଶରିକ, କଟକ)
- ଟିକିପରୀ
ଅନୁବାଦ
[ସମ୍ପାଦନା]- ଗାନ୍ଧୀ ଅନ୍ନଦା ଶଂକର ରାୟ - ୨୦୦୨ (ଗ୍ରନ୍ଥମନ୍ଦିର, କଟକ)
- କେନିଲୱର୍ଥ - ୧୯୭୪ (ଗ୍ରନ୍ଥମନ୍ଦିର, କଟକ)
- କ୍ରାଇମ ଏଣ୍ଡ ପନିଶମେଣ୍ଟ - ୧୯୯୬ (ବିଦ୍ୟାପୁରୀ, କଟକ)
- ଦ ହାଉଣ୍ଡ୍ ଅଫ୍ ଦ ବାସ୍କରଭିଲସ - ୨୦୦୪ (ବିଦ୍ୟାପୁରୀ, କଟକ)
ସମ୍ମାନ ଓ ପୁରସ୍କାର
[ସମ୍ପାଦନା]- କେନ୍ଦ୍ର ସାହିତ୍ୟ ଏକାଡ଼େମୀ ପୁରସ୍କାର (ବାଳ ସାହିତ୍ୟ ପୁରସ୍କାର) - ୨୦୧୭[୫]
- ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (ଶିଶୁ ସାହିତ୍ୟ) - ୨୦୧୦[୬]
ଆଧାର
[ସମ୍ପାଦନା]- ↑ "ଓଡ଼ିଶା ସାହିତ୍ୟ ଏକାଡେମୀ ପକ୍ଷରୁ ଅତିବଡ଼ି ଓ ଏକାଡ଼େମୀ ପୁରସ୍କାର ପ୍ରଦାନ ଉତ୍ସବ". www.odiasahitya.com. odiasahitya.com. Archived from the original on 2 July 2022. Retrieved 2 July 2022.
- ↑ "ଶୁଭେନ୍ଦୁ ଓ ସୂର୍ଯ୍ୟସ୍ନାତ ପାଇବେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର". www.pratinidhiodia.in. pratinidhi. Archived from the original on 20 September 2022. Retrieved 22 February 2019.
- ↑ The Orissa Gazette (1963 ed.). ଓଡ଼ିଶା ସରକାର. Retrieved 2 July 2022.
- ↑ Bureau, Sambad (15 November 2023). "ବିଶିଷ୍ଟ ଶିଶୁ ସାହିତ୍ୟିକ ଡ. ଶୁଭେନ୍ଦ୍ର ମୋହନ ଶ୍ରୀଚନ୍ଦନ ସିଂହଙ୍କ ପରଲୋକ". Sambad. Retrieved 15 November 2023.
- ↑ "BAL SAHITYA PURASKAR (2010-2021)". www.sahitya-akademi.gov.in. କେନ୍ଦ୍ର ସାହିତ୍ୟ ଏକାଡ଼େମୀ. Retrieved 2 July 2022.
- ↑ "ଓଡ଼ିଆ ସାହିତ୍ୟ ଏକାଡ଼େମୀ ପୁରସ୍କାରପ୍ରାପ୍ତ ପୁସ୍ତକ ଓ ଲେଖକ". www.odishasahityaakademi.org/. ଓଡ଼ିଶା ସାହିତ୍ୟ ଏକାଡ଼େମୀ. Retrieved 2 July 2022.
| International | |
|---|---|
| National | |
