ଅପରାଜିତା ଷଡ଼ଙ୍ଗୀ
ଅପରାଜିତା ଷଡ଼ଙ୍ଗୀ | |
|---|---|
| ଲୋକ ସଭା ସଦସ୍ୟ | |
| ନିର୍ବାଚନ ମଣ୍ଡଳୀ | ଭୁବନେଶ୍ୱର ଲୋକ ସଭା ନିର୍ବାଚନ ମଣ୍ଡଳୀ |
| Assumed office ୨୦୧୯ | |
| ପୂର୍ବ ଅଧିକାରୀ | ପ୍ରସନ୍ନ କୁମାର ପାଟ୍ଟଶାଣୀ |
| ବ୍ୟକ୍ତିଗତ ସବିଶେଷ | |
| ଜନ୍ମ | ଅକ୍ଟୋବର ୮, ୧୯୬୯ ମୁଜାଫରପୁର, ବିହାର, ଭାରତ |
| ଜାତୀୟତା | ଭାରତୀୟ |
| ରାଜନୀତିକ ଦଳ | Bharatiya Janata Party |
| ଜୀବନ ସାଥୀ | ସନ୍ତୋଷ କୁମାର ଷଡ଼ଙ୍ଗୀ[୧] |
| ସନ୍ତାନ | ୨ |
| ବୃତ୍ତି | ରାଜନେତ୍ରୀ, ପୂର୍ବ ପ୍ରଶାସନ କର୍ମଚାରୀ |
ଅପରାଜିତା ଷଡ଼ଙ୍ଗୀ (ଜନ୍ମ ୮ ଅକ୍ଟୋବର, ୧୯୬୯) ଜଣେ ଭାରତୀୟ ରାଜନେତ୍ରୀ ଅଟନ୍ତି । ସେ ୨୦୧୯ ଲୋକ ସଭା ନିର୍ବାଚନରେ ଭାରତୀୟ ଜନତା ପାର୍ଟି ତରଫରୁ ଭୁବନେଶ୍ୱର ଆସନ ପାଇଁ ଛିଡ଼ା ହୋଇ ଜୟଯୁକ୍ତ ହୋଇଥିଲେ ।[୩][୪] ୧୯୯୪ ମସିହା ଆଇଏଏସ ବା ସର୍ବଭାରତୀୟ ପ୍ରଶାସନିକ ସେବା ବ୍ୟାଚର ସେ ସଦସ୍ୟା ଥିଲେ । ସେ ନିଜର ପ୍ରଶାସନିକ ସେବାରୁ ଅବସର ନେଇ ୨୦୧୮ ମସିହା ନଭେମ୍ବର ମାସ ୨୭ ତାରିଖରେ ବିଜେପିରେ ଯୋଗଦାନ କରିଥିଲେ ।[୫][୬] ନିର୍ବାଚନରେ ବିଜୁ ଜନତା ଦଳର ଅରୂପ ପଟ୍ଟନାୟକ ତାଙ୍କର ନିକଟତମ ପ୍ରତିଦ୍ୱନ୍ଦୀ ଥିଲେ ।[୭]
ବ୍ୟକ୍ତିଗତ ଜୀବନ
[ସମ୍ପାଦନା]ବିହାର ରାଜ୍ୟର ଭାଗଲପୁର ଜିଲ୍ଲାରେ ଅପରାଜିତାଙ୍କ ଜନ୍ମଗ୍ରହଣ କରିଥିଲେ । ତାଙ୍କର ଉଭୟ ମାତାପିତା ଶିକ୍ଷକ ଥିଲେ । ଅପରାଜିତା ନିଜ ପୁରା ଛାତ୍ରୀ ଜୀବନରେ ବହୁମୁଖୀ ପ୍ରତିଭାର ଅଧିକାରୀଣି ଥିଲେ, ସ୍କୁଲ, କଲେଜରେ ଟପର୍ ମଧ୍ୟ ଥିଲେ । ନିଜ ମହାବିଦ୍ୟାଳୟରେ ଲାଗାତାର ତିନି ବର୍ଷ ଶ୍ରେଷ୍ଠ ନଟ୍ୟକାର ପୁରସ୍କାର ବିଜେତା, ସେହିପରି ନୂଆଦିଲ୍ଲୀରେ ଇଣ୍ଡିଆନ୍ କାଉନସିଲ ଅଫ ୱାର୍ଲଡ ଆଫାୟାର୍ସଦ୍ୱାରା ଆୟୋଜିତ ସର୍ବଭାରତୀୟ ବତ୍କୃତା ପ୍ରତିଯ଼ୋଗିତାରେ ଶ୍ରେଷ୍ଠ ବକ୍ତା ଭାବେ ସମ୍ମାନିତ ହୋଇଥିଲେ ।[୮]
ନିଜର ପ୍ରଥମ ପ୍ରଚେଷ୍ଟାରେ ହିଁ ସେ ସର୍ବଭାରତୀୟ ପ୍ରଶାସନିକ ସେବା ପରୀକ୍ଷା ୧୯୯୪ ମସିହାରେ କୃତକାର୍ଯ୍ୟ ହୋଇଥିଲେ । ଉତ୍ତରାଖଣ୍ଡର ମସୁରିଠାରେ ତାଲିମ ନେବା ସମୟରେ ସେ ସନ୍ତୋଷ ଷଡ଼ଙ୍ଗୀଙ୍କୁ ଭେଟିଥିଲେ ଏବଂ ପରେ ବିବାହ କରିଥିଲେ ।[୯] ତାଙ୍କର ଦୁଇଟି ସନ୍ତାନ ଅଛନ୍ତି । ସେ ଭୁବନେଶ୍ୱରର ଆଇଆରସି ଭିଲେଜରେ ବାସ କରନ୍ତି ।[୩]
କାର୍ଯ୍ୟ ଜୀବନ
[ସମ୍ପାଦନା]୧୯୯୪ ମସିହାରେ ସେ ଢେଙ୍କାନାଳ ଜିଲ୍ଲାର ହିନ୍ଦୋଳରେ ଉପ-ଜିଲ୍ଲାପାଳ ରୂପେ ନିଯୁକ୍ତି ପାଇଥିଲେ । ସେ ଖୋର୍ଦ୍ଧା, କୋରାପୁଟ, ନୟାଗଡ଼ ଏବଂ ବରଗଡ଼ ଜିଲ୍ଲାର ଜିଲ୍ଲାପାଳ ରୂପେ ମଧ୍ୟ ଦାୟିତ୍ୱ ତୁଲାଇଥିଲେ ।[୮]
୨୦୦୬ରୁ ୨୦୦୯ ମସିହା ପର୍ଯ୍ୟନ୍ତ ସେ ଭୁବନେଶ୍ୱର ମ୍ୟୁନସିପାଲ କମିଶନର ଭାବରେ ମଧ୍ୟ କାମ କରିଥିଲେ । ଏହି ଅବଧିରେ ରାଜଧାନୀର ସୌନ୍ଦର୍ଯ୍ୟକରଣ ଏବଂ ଉଠାଦୋକାନୀମାନଙ୍କ ପାଇଁ ଭେଣ୍ଡିଂଜୋନ ବ୍ୟବସ୍ଥା କାର୍ଯ୍ୟକାରୀ କରିଥିଲେ ।
୨୦୧୦ ମସିହାରେ ଗଣଶିକ୍ଷା ବିଭାଗରେ ସେ ରାଜ୍ୟ ସଚିବ ଭାବରେ ମଧ୍ୟ କାର୍ଯ୍ୟ କରିଥିଲେ । ଏହି ସମୟରେ ସେ ବିଦ୍ୟାଳୟରେ ଶିକ୍ଷକ ଶିକ୍ଷୟତ୍ରୀ ମାନଙ୍କ ପାଇଁ ଗଣବେଶ ଲାଗୁ, ସମୟାନୁବର୍ତ୍ତିତାକୁ କଡ଼ାକଡ଼ି କରିବା ସହିତ ଅଚାନକ କୌଣସି ବିଦ୍ୟାଳୟ ପରିଦର୍ଶନରେ ଯାଇ ଯାଞ୍ଚପରଖ କରୁଥିଲେ ।
୨୦୧୪ ମସିହାରୁ ୨୦୧୮ ମସିହା ଅଗଷ୍ଟ ମାସ ପର୍ଯ୍ୟନ୍ତ ଜାତୀୟ ସ୍ତରରେ ଗ୍ରାମୀଣ ବିକାଶ ମନ୍ତ୍ରାଳୟର ସେ ଯୁକ୍ତ ସଚିବ ଭାବରେ ପାଞ୍ଚ ବର୍ଷ ଧରି କାମ କରିଥିଲେ ।[୧୦][୩][୧୧]
ରାଜନୈତିକ ଜୀବନ
[ସମ୍ପାଦନା]ସେ ନିଜର ଚାକିରିରୁ ସ୍ୱେଚ୍ଛାକୃତ ଅବସର ଗ୍ରହଣ କରି ୨୭ ନଭେମ୍ବର ୨୦୧୮ରେ ବିଜେପିରେ ଯୋଗଦାନ କରି ନିଜର ରାଜନୈତିକ ଜୀବନ ପ୍ରାରମ୍ଭ କରିଥିଲେ ।[୫] ସେ ୨୦୧୯ ଲୋକ ସଭା ନିର୍ବାଚନରେ ଭାରତୀୟ ଜନତା ପାର୍ଟି ତରଫରୁ ଭୁବନେଶ୍ୱର ଆସନ ପାଇଁ ଛିଡ଼ା ହୋଇ ଜୟଯୁକ୍ତ ହୋଇଥିଲେ ।[୩][୪] ପରେ ତାଙ୍କୁ ସଂସଦୀୟ କମିଟିର ସଦସ୍ୟ ଭାବରେ ନିଯୁକ୍ତ କରାଯାଇଥିଲା।[୧୨] ତାଙ୍କୁ ଭାରତୀୟ ଜନତା ପାର୍ଟିର ମୁଖପାତ୍ର ଭାବେ ମଧ୍ୟ ନିଯୁକ୍ତ କରାଯାଇଥିଲା।[୧୩]
୨୦୨୪ ଭାରତୀୟ ସାଧାରଣ ନିର୍ବାଚନରେ, ସେ ପୁଣିଥରେ ଭୁବନେଶ୍ୱର ଲୋକ ସଭା ନିର୍ବାଚନ ମଣ୍ଡଳୀରୁ ବିଜେପିର ପ୍ରାର୍ଥୀ ଭାବରେ ନିର୍ବାଚନ ଲଢ଼ିଥିଲେ ।[୧୪] ଏହି ନିର୍ବାଚନରେ, ସେ ସମୁଦାୟ ୫,୧୨,୧୫୨ ଖଣ୍ଡ ଭୋଟ ପାଇଥିଲେ ଏବଂ ବିଜେଡି ପ୍ରାର୍ଥୀ ମନ୍ମଥ କୁମାର ରାଉତରାୟ ୩୫,୧୫୨ ଖଣ୍ଡ ଭୋଟରେ ପରାସ୍ତ କରିଥିଲେ ।[୧୫]
ପୁରସ୍କାର ଏବଂ ସମ୍ମାନ
[ସମ୍ପାଦନା]- ଅପରାଜିତାଙ୍କୁ ୨୦୧୨ ମସିହାରେ ଶକ୍ତି ସମ୍ମାନରେ ଆଭୂଷିତ କରାଯାଇଥିଲା ।
- ଏସିଆ ପୋଷ୍ଟ ଏବଂ ଫେମ ଇଣ୍ଡିଆ ତରଫରୁ ୨୦୨୦ରେ ଶ୍ରେଷ୍ଠ ସାଂସଦ |
ବାହାର ଆଧାର
[ସମ୍ପାଦନା]ଆଧାର
[ସମ୍ପାଦନା]- ↑ "Aparajita Sarangi(Bharatiya Janata Party(BJP)):Constituency- BHUBANESWAR(ODISHA) - Affidavit Information of Candidate:". myneta.info. Retrieved 2019-05-24.
- ↑ Sarangi, Aparajita (2019-08-25). "aparajitasarangi@gmail.comhttps://twitter.com/sujatpat/status/1165530190010650624 …". @AprajitaSarangi (in in). Retrieved 2019-08-25.
{{cite web}}: no-break space character in|title=at position 82 (help)CS1 maint: unrecognized language (link) - ↑ ୩.୦ ୩.୧ ୩.୨ ୩.୩ Mohanty, Meera (23 March 2019). "Former IAS officer Aparajita Sarangi puts in long hours as politician too". The Economic Times. Retrieved 23 May 2019.
- ↑ ୪.୦ ୪.୧ "Bhubaneswar Election Results 2019 Live Updates: Counting of Votes On". 23 May 2019. Retrieved 23 May 2019.
- ↑ ୫.୦ ୫.୧ "ବିଜେପିରେ ସାମିଲ ହେଲେ ପୂର୍ବତନ IAS ଅଧିକାରୀ ଅପରାଜିତା ଷଡ଼ଙ୍ଗୀ". OTV Khabar (in ଆମେରିକୀୟ ଇଂରାଜୀ). 2018-11-27. Archived from the original on 2019-05-24. Retrieved 2019-05-24.
- ↑ Chaki, Bijay (22 April 2019). "Arup Patnaik vs Aparajita Sarangi battle to go down to wire". The New India Express. Retrieved 23 May 2019.
- ↑ Nanda, Prashant (28 March 2019). "Odisha polls: It's IAS vs IPS in Bhubaneswar Lok Sabha seat". Mint. Retrieved 23 May 2019.
- ↑ ୮.୦ ୮.୧ localwire.me https://localwire.me/%E0%AC%85%E0%AC%AC%E0%AC%B8%E0%AC%B0-%E0%AC%A8%E0%AD%87%E0%AC%89%E0%AC%A5%E0%AC%BF%E0%AC%AC%E0%AC%BE-%E0%AC%86%E0%AC%87%E0%AC%8F%E0%AC%8F%E0%AC%B8%E0%AD%8D-%E0%AC%85%E0%AC%AB%E0%AC%BF%E0%AC%B8/. Retrieved 2019-05-24.
{{cite web}}: Missing or empty|title=(help) - ↑ Das, Prafulla (20 April 2019). "Fierce contest among 2 political novices, 1 seasoned leader". The Hindu. Retrieved 23 May 2019.
- ↑ Sen, Amiti (16 April 2019). "The development-oriented focus of the BJP inspired me: Aparajita Sarangi". The Hindu Business Line. Retrieved 23 May 2019.
- ↑ "Must Read More Read". indianmandarins.com. Retrieved 2019-05-24.
- ↑ "Two Odisha MPs to head Parliamentary Standing Committees". The New Indian Express. Retrieved 2022-10-18.
- ↑ PTI. "BJP's New List Of National Office-Bearers". BQ Prime (in ଇଂରାଜୀ). Retrieved 2022-10-18.
- ↑ "ଓଡ଼ିଶାର ୨୧ ଲୋକସଭା ଆସନ ପାଇଁ ବିଜେପିର ସରିଲା ପ୍ରାର୍ଥୀ ତାଲିକା ଘୋଷଣା । ଜାଣନ୍ତୁ କାହାକୁ କେଉଁ ଆସନ ପାଇଁ ମିଳିଲା ଟିକେଟ୍". Kanak News. 30 March 2024. Archived from the original on 13 June 2024. Retrieved 13 June 2024.
- ↑ "2024 Indian General Election Results: Bhubaneswar (Odisha)". Election Commission of India. Retrieved 6 June 2024.
ଓଡ଼ିଶାର ୧୭ଶ ଲୋକ ସଭା ସଭ୍ୟ | |
|---|---|
| ବିଜେଡି (୧୨) | |
| ବିଜେପି (୮) | |
| କଂଗ୍ରେସ (୧) | |