ସ୍ଵାମୀ ବିବେକାନନ୍ଦ

ଉଇକିପିଡ଼ିଆ ରୁ
ସିଧାସଳଖ ଯିବେ ଦିଗବାରେଣିକୁ, ଖୋଜିବେ
ସ୍ଵାମୀ ବିବେକାନନ୍ଦ
ଚିକାଗୋ ସହରରେ ସ୍ଵାମୀ ବିବେକାନନ୍ଦ, ସେପ୍ଟେମ୍ବର ୧୮୯୩ । ଚିତ୍ରର ବାମପଟେ ବିବେକାନନ୍ଦ ନିଜ ହସ୍ତାକ୍ଷରରେ ଲେଖିଛନ୍ତି: ଏକ ଅସୀମିତ, ପବିତ୍ର, ଶୁଦ୍ଧ ଭାବ ଓ ଗୁଣରେ ପରିପୂର୍ଣ୍ଣ ସେହି ପରମାତ୍ମାଙ୍କ ନିକଟରେ ମୁଁ ନତ ମସ୍ତକ ।”
ଜନ୍ମ ତାରିଖ ୧୨ ଜାନୁଆରୀ ୧୮୬୩(1863-01-12)
ଜନ୍ମସ୍ଥାନ କଲିକତା
ଜନ୍ମ ନାମ ନରେନ୍ଦ୍ର ନାଥ ଦତ୍ତ
ତିରୋଧାନ ୪ ଜୁଲାଇ, ୧୯୦୨ (୩୯ ବର୍ଷ)
ତିରୋଧାନ ସ୍ଥାନ ବେଲୁଡ଼ ମଠ, କଲିକତା, ଭାରତ
ଦର୍ଶନ ବେଦାନ୍ତ
ଖ୍ୟାତ ହିନ୍ଦୁ ଧର୍ମଗୁରୁ, ବେଦାନ୍ତ ପ୍ରଚାର
ରଚନାବଳୀ ରାଜ ଯୋଗ, କର୍ମ ଯୋଗ, ଭକ୍ତି ଯୋଗ, ଓ ଜ୍ଞାନ ଯୋଗ
ବାଣୀ ବହୁରୁପେ ସମ୍ମୁଖେ ତୁମର, ଛାଡ଼ି କାହିଁ ଖୋଜୁଛ ଈଶ୍ଵର ? ଜୀବେ ପ୍ରେମ କରେ ଯେଉଁ ଜନ, ସେଇ ମାତ୍ର ସେବଇ ଈଶ୍ଵର[୧]

ସ୍ଵାମୀ ବିବେକାନନ୍ଦ (୧୨ ଜାନୁଆରୀ ୧୮୬୩ - ୪ ଜୁଲାଇ ୧୯୦୨) ବେଦାନ୍ତର ଜଣେ ବିଶ୍ଵ ପ୍ରସିଦ୍ଧ ଆଧ୍ୟାତ୍ମିକ ଧର୍ମ ଗୁରୁ । ସନାତନ (ହିନ୍ଦୁ) ଧର୍ମକୁ ବିଶ୍ଵଦରବାରରେ ପରିଚିତ କରିବାରେ ତାଙ୍କର ଅବଦାନ ଅତୁଳନୀୟ । ସେ ୧୮୯୩ ମସିହା ଆମେରିକାର ଚିକାଗୋ ବିଶ୍ଵଧର୍ମ ସମ୍ମିଳନୀରେ ହିନ୍ଦୁଧର୍ମର ପ୍ରତିନିଧିତ୍ୱ କରିଥିଲେ। ସେଠାରେ ସେ ହିନ୍ଦୁ ଧର୍ମ ଉପରେ ମର୍ମସ୍ପର୍ଶୀ ଭାଷଣଦେଇ ଇତିହାସ ରଚନା କରିଥିଲେ । ୧୮୬୩ ମସିହା ଜାନୁଆରୀ ୧୨ ତାରିଖର କଲିକତାର ସିମିଳାପଲ୍ଲୀରେ ବିଶ୍ଵନାଥ ଦତ୍ତ ଓ ଭୁବନେଶ୍ଵରୀ ଦେବୀଙ୍କର ପ୍ରଥମ ପୁତ୍ରରୁପେ ଜନ୍ମଗ୍ରହଣ କରିଥିଲେ । ଛୋଟବେଳୁ ତାଙ୍କ ମନରେ ଧର୍ମଭାବ ପରିଲକ୍ଷିତ ହୋଇଥିଲା । ତାଙ୍କର ଏକ ମାତ୍ର ଆକାଂକ୍ଷା ଥିଲା ଭଗବତ ଦର୍ଶନ । ସେ ପାଠପଢ଼ିବା ସମୟରେ ବ୍ରାହ୍ମସମାଜଭୁତ ହୋଇ ନିୟମିତ ଉପାସନାରେ ଯୋଗ ଦେଉଥିଲେ । ଭଗବାନଙ୍କୁ ଆନ୍ତରିକ ଦର୍ଶନ କରିବାକୁ ଚାହୁଁଥିବା ବଳିଷ୍ଠଦେହ ଓ ଦୃଢ଼ମନର ଅଧିକାରୀ ସ୍ଵାମୀ ବିବେକାନନ୍ଦ ରାମକୃଷ୍ଣ ପରମହଂସ ଙ୍କୁ ଗୁରୁରୁପେ ବରଣ କରିଥିଲେ । ରାମକୃଷ୍ଣ ନିଜର ମହାନ ଭାବାଦର୍ଶ ପ୍ରସାର କାର୍ଯ୍ୟ ବିବେକାନନ୍ଦଙ୍କ ଦ୍ୱାରା ସମ୍ପାଦିତ କରାଇଥିଲେ । ଗୌରବମୟ ଭାରତୀୟ ସଂସ୍କୁତି ବିବେକାନନ୍ଦଙ୍କୁ ବହୁତ ଆନନ୍ଦ ଦେଇଥିଲା କିନ୍ତୁ ଭାରତର ଜନସାଧାରଣଙ୍କର ଦ୍ରାରିଦ୍ୟ ଓ ଅଶିକ୍ଷା ତାଙ୍କୁ ବ୍ୟଥିତ କରିଥିଲା । ମାତ୍ର ୨୬ ବର୍ଷ ବୟସରେ ସେ ଗେରୁଆ ପୋଷାକ ଧାରଣ କରିଥିଲେ ଓ ତା ପରେ ପାଶ୍ଚାତ୍ୟ ଭ୍ରମଣ କରି ସଂପୂର୍ଣ୍ଣ ବିଶ୍ଵରେ ହିନ୍ଦୁ ଧର୍ମବେଦାନ୍ତର ପ୍ରଚାର ଓ ପ୍ରସାର କରିଥିଲେ ।[୨][୩]

ଜୀବନୀ[ସମ୍ପାଦନା]

A Bengali woman , sitting
Vivekananda as a wandering monk
(left) Bhubaneswari Devi (1841–1911); "I am indebted to my mother for the efflorescence of my knowledge."[୪] – Vivekananda
(right) 3, Gourmohan Mukherjee Street, birthplace of Vivekananda, now converted into a museum and cultural centre

୧୮୮୬ ଅଗଷ୍ଟ ୧୬ ଦିନ ଶ୍ରୀରାମକୃଷ୍ଣଙ୍କର ଦେହ ତ୍ୟାଗ ହେଲା।ଏହାର କିଛି ଦିନ ପରେ ନନ୍ଦରନାଥ କେତେଜଣ ଗୁରୁଭାଇଙ୍କୁ ନେଇ ବରାହ ନଗରସ୍ଥିତ ଗୋଟିଏ ପୁରୁଣା ଭଙ୍ଗାଘରେ ପ୍ରଥମ ଶ୍ରୀରାମକୃଷ୍ଣ ମଠ ପ୍ରତିଷ୍ଠା କଲେ।ଚରମ ଦାରିଦ୍ର୍ୟ, ଅନଶନ-ଅର୍ଧାଶନ ନିତ୍ୟସଙ୍ଗୀ;ତା ଭିତରେ ମଧ୍ୟ ତିବ୍ର ତପସ୍ୟା, ଭଜନ-କୀର୍ତ୍ତନ ଓ ଶାସ୍ତ୍ର-ଆଲୋଚନାରେ ସେମାନଙ୍କର ଦିନ କଟୁଥିଲା।ଏହିଠାରେ ହିଁ ୧୮୮୭ ରେ ଜାନୁଆରୀ ରେ ନନ୍ଦରନାଥ ଓ ତାଙ୍କର ଦଶଜଣ ଗୁରୁଭାଇ ସନ୍ୟାସ ନେଲେ।ନନ୍ଦରନାଥଙ୍କର ନାମ ଦିଆଗଲା ବିବିଷାନନ୍ଦ।ସନ୍ୟାସ ପରେ ସ୍ବାମୀଜୀ ଓ ତାଙ୍କର ସନ୍ୟାସୀ ଗୁରୁଭାଇ ମଝିରେ ମଝିରେ ପରିବ୍ରାଜକ ଭାବରେ ବାହାରି ପଡୁଥିଲେ,କେତେବେଳେ ଏକୁଟିଆତ ଏବଂ କେତେବେଳେ କେତେଜଣ ଏକାଠି ମିଶି।ଏହିଭାବରେ ପଦରେ ଚାଲି ଚାଲି ସ୍ବାମୀଜୀ ପ୍ରାୟ ସାରା ଭାରତ ପରିକ୍ରମା କରିଥିଲେ।ଶିକ୍ଷିତ,ଅଶିକ୍ଷିତ,ଧନୀ-ନିର୍ଧନ, ରାଜା-ମହାରାଜା,ବ୍ରାହ୍ମଣ-ଚଣ୍ଡାଳ ପ୍ରଭୃତି ସମାଜର ସମସ୍ତ ସ୍ତରର ମଣିଷଙ୍କ ସହିତ ତାଙ୍କର ପରିଚୟ ହୋଇଗଲା।ତାଙ୍କର ପ୍ରତିଭା,ତେଜେଦୀପ୍ତ ଆକସରଣୀୟ କାନ୍ତି ଏବଂ ଅଧ୍ୟାତ୍ମିକ ପ୍ରଭାବରେ ସମସ୍ତେ ମୁଗ୍ଧ ହେଉଥିଲେ।ସେ ମଧ୍ୟ ଭାରତବର୍ଷର ପ୍ରକୃତ ରୂପଟିକୁ ମର୍ମେମର୍ମେ ଉପଲବ୍ଧି କରିଥିଲେ।

୧୮୯୦ ଅଗଷ୍ଟ ୩ ତାରିଖରେ ସେ ଯେଉଁ ଭ୍ରମଣ ରେ ବାହାରିଲେ,ତାହା ହିଁ ଥିଲା ସବୁଠାରୁ ଦୀର୍ଘକାଳର ପରିଭ୍ରମଣ।ଏହି ଭ୍ରମଣକାଳରେ ତାଙ୍କ ପ୍ରତିଭାରେ ମୁଗ୍ ଧ ହୋଇ ଅନେକ ତାଙ୍କୁ ଆମେରିକାର ବିଶ୍ଵଧର୍ମ ମହାସଭାରେ ଯୋଗ ଦେବାକୁ ଅନୁରୋଧ କଲେ।ସ୍ବାମୀଜୀ ପ୍ରଥେମେ ଏହି ପ୍ରସ୍ତାବ ଉପରେ ମୁଣ୍ଡ ଖେଳାଉ ନଥିଲେ।ପରେ ମଦ୍ରାଜର ଲୋକମାନେ ତାଙ୍କୁ ବାରମ୍ବାର ଅନୁରୋଧ କଲେ।ଫଳରେ ସ୍ବାମୀଜୀ ଆମେରିକାର ଧର୍ମମହାସଭାରେ ଯୋଗ ଦେବାକୁ ସ୍ତିରକଲେ।

୧୮୯୩ ମେ ମାସ ୩୧ ରେ ସ୍ବାମୀଜୀ ବମ୍ବେରୁ ଜାହାଜରେ ଚଢି ଆମେରିକା ଯାତ୍ରା କଲେ।୨୫ ଜୁଲାଇ ଭାଙ୍କୁଭରଠାରେ ପହଞ୍ଚି ସେଠାରୁ ଟ୍ରେନରେ ବସି ଚିକାଗୋ ଗଲେ।ଚିକାଗୋରେ ପହଞ୍ଚିଲେ୩୦ ଜୁଲାଇ।ଧର୍ମମହାସଭା ଡେରି ଅଛି ବୋଲି ଜାଣିବା ପରେ ଖର୍ଚ କମାଇବା ଲାଗି ସ୍ବାମୀଜୀ ବୋସ୍ତେନ ଚାଲିଗଲେ।ବୋସ୍ତେନରେ ସେ ବିଭିନ୍ନ ପଣ୍ଡିତ ଓ ଅଧ୍ୟାପକ ସମ୍ପର୍କରେ ଆସିଲେ।ଏମାନଙ୍କ ମଧ୍ୟରେ ସବୁଠାରୁ ଉଲ୍ଲେଖଯୋଗ୍ୟ ହାଭାଡ ବିଶ୍ୱବିଦ୍ୟାଳୟ ଅଧ୍ୟାପକ ରାଇଟ୍।ସ୍ଵାମୀଜୀଙ୍କ ପାଖରେ କିଛି ପରିଚୟପତ୍ର ନ ଥିଲା।ତହଜାଣିବା ପରେ ଅଧ୍ୟାପକ ରାଇଟ୍ ଧର୍ମମହାସଭାର କମିଟିର ଚେୟାରମ୍ୟାନ୍ ଡା: ବ୍ୟାରୋଜ୍ ଙ୍କ ନିକଟକୁ ଖଣ୍ଡିଏ ପତ୍ରରେ ଲେଖିଲେ:'ଆମର ସମସ୍ତ ଅଧ୍ୟାପକଙ୍କର ସମ୍ମିଳତ ପ୍ରଜ୍ଞାଠାରୁ ଏହି ସନ୍ନ୍ୟାସୀ ଅଧିକ ପ୍ରଜ୍ଞାବାନ୍ନ।

ସେପ୍ଟେମ୍ବର୧୧ରେ ଧର୍ମମହାସଭା ଆରମ୍ଭ ହେଲା।ଅପରାହ୍ନରେ ସ୍ବାମୀଜୀ ବାକ୍ତୁତା ଦେଲେ।'ଆମେରିକାର ଭାଇ ଓ ଭଉଣୀମାନେ' ଏହି ସମ୍ବୋଧନ କରିବା ସଙ୍ଗେ ସଙ୍ଗେ ସଭାର ସାତ ହଜାର ଶ୍ରୋତା ତାଙ୍କୁ ବିପୁଳ ଅଭିନନ୍ଦନ ଜଣାଇଲେ।ଏହାପରେ ସ୍ବାମୀଜୀ ଆମେରିକାର ବଡ ବଡ ସହରରେ ଧର୍ମ ପ୍ରଚାର କାରିବାକୁ ଲାଗିଲେ।ଆମେରିକାର ଜନସାଧାରଣ,ବିଶେଷତଃ ଶିକ୍ଷିତ ସଂପ୍ରଦାୟ,କ୍ରମେ କ୍ରମେ ତାଙ୍କର ଅଧିକତର ଅନୁରାଗୀ ହୋଇଉଠିଲେ।କେବଳ ସଂକୀର୍ଣ୍ଣମନା କେତେଜଣ ଭାରତୀୟ ଓ ଖ୍ରୀଷ୍ଟିଆନ୍ ସମ୍ପ୍ରଦାୟ କିଛି ଲୋକ ଈର୍ଷାନୁଇତ ହୋଇତାଙ୍କ ବରୋଧରେ ମିଥ୍ୟା ବିଷ ଉଦ୍ଗାର କରିବାକୁ ଲାଗିଲେ।ସାମୟିକ ଭାବରେ ବିପନ୍ନ ହେଲେ ମଧ୍ୟ ସ୍ବାମୀଜୀ ନିଜର ଚରିତ୍ର-ମାହାତ୍ମ୍ୟରେ ସମସ୍ତ ଝଡଝଞାକୁ ଅତିକ୍ରମ କରିଗଲେ।


ଜନ୍ମ ଓ ବାଲ୍ୟ ଜୀବନ[ସମ୍ପାଦନା]

୧୮୬୩ ଖ୍ରୀ. ଜାନୁଆରୀ ୧୨ ତାରିଖ ମକର ସଂକ୍ରାନ୍ତି ଦିନ ପ୍ରତ୍ୟୁଷରେ କଲିକତାର ସିମଳାପଲ୍ଲୀରେ ବିଶ୍ଵନାଥ ଦତ୍ତ ଓ ଭୁବନେଶ୍ଵରୀ ଦେବୀଙ୍କ ପ୍ରଥମ ପୁତ୍ର ରୁପେ ନରେନ୍ଦ୍ରନାଥ ଦତ୍ତ ଜନ୍ମ ଗ୍ରହଣ କରିଥିଲେ । କାଶୀର ବିଲେଶ୍ଵର ମହାଦେବଙ୍କ ପ୍ରସନ୍ନତାରୁ ଜନ୍ମହେଇଥିବାରୁ ତାଙ୍କ ଡାକ ନାମ ବିଲେ ଓ ପୁରା ନାମ ଥିଲା ନରେନ୍ଦ୍ରନାଥ ।

Left: Vivekananda in Greenacre, Maine (August 1894).[୫] Right: Vivekananda at Mead sisters house, South Pasadena in 1900.

କଲେଜ ଜୀବନ[ସମ୍ପାଦନା]

୧୭ ବର୍ଷ ବୟସରେ ପ୍ରଥମଶ୍ରେଣୀରେ ଏଣ୍ଟ୍ରାସ ପାସ କରିବା ପରେ ସେ ଏକ ବର୍ଷ ପ୍ରେସିଡେଣ୍ଟ କଲେଜରେ ପଢ଼ି, ବାକି ତିନିବର୍ଷ ଜେନେରାଲ୍ ଆସେମ୍ଲି ଇନଷ୍ଟିଚ୍ୟୁଟରେ ସ୍ନାତକୋତ୍ତର ପଢ଼ିଥିଲେ ।[୬]

ରାମକୃଷ୍ଣଙ୍କ ସାନ୍ନିଧ୍ୟରେ[ସମ୍ପାଦନା]

୧୮୮୧ ମସିହାର ନଭେମ୍ବର ମାସରେଶ୍ରୀ ରାମକୃଷ୍ଣ ସହିତ ସାକ୍ଷାତ ନରେନ୍ଦ୍ରଙ୍କର ଜୀବନ ଧାରାଟିକୁ ପରିବର୍ତ୍ତିତ କରିଦେଇଥିଲା ।

ବରାହନଗର ମଠରେ[ସମ୍ପାଦନା]

ବରାହନଗର ମଠରେ ସ୍ଵାମୀ ବିବେକାନନ୍ଦ, ୧୮୮୭

ଦେହତ୍ୟାଗର କିଛିଦିନ ପୂର୍ବରୁ ରାମକୃଷ୍ଣ ନରେନ୍ଦ୍ର ଆଦି କେତେଜଣ ଯୁବକ ଭକ୍ତଙ୍କୁ ତ୍ୟାଗ ମନ୍ତ୍ରରେ ଦୀକ୍ଷୀତ କରିଥିଲେ । ତାଙ୍କର ତିରୋଧନ ପରେ ନରେନ୍ଦ୍ର ଯୁବକ ଗୁରୁଭାଇମାନଙ୍କୁ ଏକତ୍ର କରି ବରାହନଗରରେ ଗୋଟିଏ ପରିତ୍ୟକ୍ତ ଭଙ୍ଗା ଘର ନେଇ ମଠ ସ୍ଥାପନା କରିଥିଲେ । ଗୁରୁଦେବଙ୍କ ସାଧନାକୁ ନିଜ ଜୀବନରେ ଫୁଟାଏ ତୋଳିବା ପାଇଁ ସେମାନେ ତୀବ୍ର ତପସ୍ୟା, ଶାସ୍ତ୍ର ଅନୁଶୀଳନ, ଭଜନ, କୀର୍ତନ ଓ ବିଦ୍ୟାଚର୍ଚ୍ଚାରେ ବ୍ରତୀ ହେଲେ । ଶ୍ରୀ ରାମକୃଷ୍ଣ - ତ୍ୟାଗୀ ସଙ୍ଘର ମୂଳ ପତ୍ତନ ହେଲା ବରାହନଗର ମଠରେ । ୧୮୮୭ ଖ୍ରୀ. ର ପ୍ରଥମ ଭାଗରେ ନରେନ୍ଦ୍ର ଗୁରୁଭାଇମାନଙ୍କ ସହିତ ବିରଜା ହୋମ କରି ସନ୍ୟାସ ନେଲେ ଓ ନୂତନ ନାମ ଓ ବେଶରେ ଭୁଷିତ ହେଲେ । ତାଙ୍କ ଜୀବନର ନୂତନ ବ୍ରତ ହେଲା ଆତ୍ମନୋ ମୋକ୍ଷାର୍ଥ ଜଗଦ୍ଦିତାୟ ଚ ।[୭]

ପରିବ୍ରାଜକ ବିବେକାନନ୍ଦ[ସମ୍ପାଦନା]

ଆଉରି ଦେଖନ୍ତୁ: Swami Vivekananda in California
Vivekananda sitting, wearing white shawl
Image of Vivekananda relaxing in a chair.
(left) Vivekananda at Belur Math on 19 June 1899
(right) Vivekananda (photo taken in Bushnell Studio, San Francisco, 1900)

୧୮୮୮ ସାଲରେ ପରିବ୍ରାଜକ ବେଶରେ ମଠ ତ୍ୟାଗ କରନ୍ତି ବିବେକାନନ୍ଦ । ପରିବ୍ରାଜକ ଜୀବନରେ ତାଙ୍କ ସହିତ ଥିଲା ଦଣ୍ଡ, କମଣ୍ଡଳୁ ଓ ତାଙ୍କର ଦୁଇଟି ପ୍ରିୟ ଗ୍ରନ୍ଥ‌‌ -ଗୀତା ଓ ଈଶାନୁସରଣ । ସେ ପାଞ୍ଚ ବର୍ଷ ଧରି ଭାରତରେ ସର୍ବତ୍ର ଭ୍ରମଣ କରି ଧର୍ମ ସଂପ୍ରଦାୟ ଓ ସମାଜ ବ୍ୟାବସ୍ଥା ସହିତ ପରିଚିତ ହୋଇଥିଲେ।[୮][୯]

ପ୍ରଥମ ପାଶ୍ଚାତ୍ୟ ଭ୍ରମଣ[ସମ୍ପାଦନା]

ଚୀନ, ଜାପାନ ଓ କାନାଡା ହୋଇ ସେ ଆମେରିକାର ଚିକାଗୋ ସହରରେ ପହଞ୍ଚିଥିଲେ ୧୮୯୩ ର ଜୁଲାଇ ମାସରେ ।[୧୦]

ଭାରତ ପ୍ରତ୍ୟାବର୍ତ୍ତନ[ସମ୍ପାଦନା]

ରାମକୃଷ୍ଣ ମଠ ଓ ରାମକୃଷ୍ଣ ମିଶନ ପ୍ରତିଷ୍ଠା[ସମ୍ପାଦନା]

ଆଧ୍ୟାତ୍ମିକ ଦିଗଦର୍ଶନ ପାଇଁ ଓ ଶିବଜ୍ଞାନରେ ଜୀବସେବା ପାଇଁ ୧୮୯୭ ମସିହାରେ ରାମକୃଷ୍ଣ ମଠରାମକୃଷ୍ଣ ମିଶନ ପ୍ରତିଷ୍ଠା କରିଥିଲେ ।

ଦ୍ୱିତୀୟ ପାଶ୍ଚାତ୍ୟ ଭ୍ରମଣ[ସମ୍ପାଦନା]

ଖରାପ ସ୍ଵାସ୍ଥ ସତ୍ତେ ବିବେକାନନ୍ଦ ପୂନର୍ବାର ୧୮୯୯ ମସିହାର ଜୁନ ୨୦ ମାସରେ ପାଶ୍ଚାତ୍ୟ ଉଦ୍ଦେଶ୍ୟରେ ଯାତ୍ରା କଲେ ଏବଂ ଇଂଲଣ୍ଡ ରେ ଦୁଇ ସପ୍ତାହ କାଳ ରହି ଅଗଷ୍ଟ ମାସରେ ଆମେରିକା ରେ ପହଞ୍ଚିଲେ ।ଆମେରିକା ରେ ଏଥରକ ପ୍ରାୟ ବର୍ଷେ ରହିଥିଲେ ଏବଂ ନବେରୁ ଅଧିକ ବକୃତା ଦେଇଥିଲେ।ତେବେ ଏଥରକ ପାଶ୍ଚାତ୍ୟ ଭ୍ରମଣ ମୂଳ ଉଦେଶ୍ୟ ଥିଲା ସେହିସବୁ ଦେଶରେ ତାଙ୍କ ଦ୍ୱାରା ପ୍ରତିଷ୍ଠିତ କାର୍ଯ୍ୟ କିପରି ଚାଲିଛି ତାହା ଦେଖିବା ଏବଂ ତାହାର ଭିତ୍ତିକୁ ସୁଦୃଢ଼ କରିବା।ପ୍ୟାରିସ୍,ଭିୟେନା,ଏଥେନସ ଓ ମିଶର ହୋଇ ସ୍ବାମୀଜୀ ୧୮୯୦ ମସିହା ଡିସେମ୍ବର୯ ତାରିଖ ଦିନ ବେଲୁଡ ମଠରେ ପହଞ୍ଚିଲେ।

ଶେଷଜୀବନ[ସମ୍ପାଦନା]

ବିବେକାନନ୍ଦ ନିଜର ଶେଷ ଜୀବନ ବେଲୁଡ଼ ମଠରେ ଅତିବାହିତ କରିଥିଲେ।ସନ୍ଧ୍ୟାରେ ବେଲୁଡ ମଠର ନିଜ ଘରେ ଧ୍ୟାନ କରୁଥିଲେ ।ଜୁଲାଇ ୪ ତାରିଖ ୧୯୦୨ ରାତି ୯ ଘଣ୍ଟା ୧୦ ମିନିଟ୍ ରେ ସେହି ଧ୍ୟାନ ମହାସମାଧିରେ ପରିଣତ ହୋଇଗଲେ ଓ ମରଦେହ ତ୍ୟାଗ କରିଥିଲେ।ସେତେବେଳେ ତାଙ୍କର ବୟସ ୩୯ ବର୍ଷ ୫ ମାସ ୨୪ ଦିନ।କିନ୍ତୁ ସ୍ଥୂଳ ଦେହର ବିନାଶ ହେଲେ ସୁଦ୍ଧା ଯେଉଁ ଶକ୍ତି ବିବେକାନନ୍ଦ ରୂପରେ ଆତ୍ମପ୍ରକାଶ କରିଥିଲେ,ତାହା ଏବେ ମଧ୍ୟ କାର୍ଯ୍ୟ କରିଚାଲିଛନ୍ତି।ସ୍ବାମୀଜୀ ନିଜେ ହିଁ ପୃଥିବୀର ମଣିଷ ମାନଙ୍କୁ ସେହି ପ୍ରତିଶ୍ରୁତି ଦେଇଯାଇଛନ୍ତି :'ଏପରି ବେଳ ହୁଏତ ଆସିପାରେ ଯେତେବେଳେ ମୁଁ ଏହି ଦେହକୁ ପୁରୁଣା ଲୁଗା ପରି ଫିଙ୍ଗି ଦେଇ ଏହାର ବାହାରକୁ ଚାଲିଯିବା ଶ୍ରେୟସ୍ଖର ବୋଲି ମନେକରିବି।କିନ୍ତୁ ମୁଁ କେବେହେଲେ କାର୍ଯ୍ୟରୁ ବିରତ ହେବି ନାହିଁ।ମୁ ସର୍ବତ୍ର ମଣିଷକୁ ଅନୁପ୍ରେରଣା ଦେଇଯିବି,ଯେପର୍ଯ୍ୟନ୍ତ ପ୍ରତ୍ୟକ ମଣିଷ ନ ବୁଝିଛି ଯେ ସେ ଭଗବାନ'।

ଶିକ୍ଷା ଓ ଦର୍ଶନ[ସମ୍ପାଦନା]

  1. ଆମର ପବିତ୍ର ମାତ୍ରୁଭୁମି ଧର୍ମ ଓ ଦର୍ଶନର ଦେଶ - ଧର୍ମବୀର ଗଣଙ୍କ ଜନ୍ମସ୍ଥାନ । କେବଳ ଏହି ଦେଶରେ ହି ସୂଦୂର ଅତୀତରୁ ବର୍ତମାନ କାଳ ପର୍ୟନ୍ତ ମାନବ ଜୀବନର ମହତ୍ତର ଆଦର୍ଶ ଗୁଡ଼ିକ ବିଦ୍ୟମାନ ଅଛି ।

ପ୍ରଭାବ[ସମ୍ପାଦନା]

ରଚନା[ସମ୍ପାଦନା]

  1. ରାଜଯୋଗ
  2. କର୍ମଯୋଗ
  3. ଭକ୍ତି ଯୋଗ
  4. ଜ୍ଞାନ ଯୋଗ

ଆଧାର[ସମ୍ପାଦନା]

  1. ସ୍ୱାମୀ ବିବେକାନନ୍ଦଙ୍କ ବାଣୀ ଓ ରଚନା, ଷଷ୍ଠ ଖଣ୍ଡ, ପୃଷ୍ଠା ୨୧୦, ରାମକୃଷ୍ଣ ମଠ ଭୂବନେଶ୍ଵର,୧୯୯୧
  2. Jestice, Phyllis G. (2004). Holy People of the World. ପ୍ରକାଶକ: ABC-CLIO. pp. 899.
  3. Von Dehsen, Christian D. (1999). Philosophers and Religious Leaders. ପ୍ରକାଶକ: Greenwood Publishing Group. p. 191.
  4. Virajananda 2006, p. 21.
  5. "Swami Vivekananda Know Photos America 1893–1895". vivekananda.net. Retrieved 6 April 2012. 
  6. ସ୍ୱାମୀ ବିବେକାନନ୍ଦ
  7. ଯୁଗନାୟକ ବିବେକାନନ୍ଦ(ବଙ୍ଗଳା), ସ୍ଵାମୀ ଗମ୍ଭୀରାନନ୍ଦ, କଲିକତା, ୨୦୦୮
  8. Richards, Glyn (1996). Vivekananda. A Source-Book of Modern Hinduism. ପ୍ରକାଶକ: Routledge. pp. 77-78.
  9. P. R. Bhuyan. Swami Vivekananda. p. 12.
  10. P. R. Bhuyan, Swami Vivekananda, p. 15

ଅଧିକ ତଥ୍ୟ[ସମ୍ପାଦନା]