ସମାଜ (ଖବରକାଗଜ)
 | |
| ମାଲିକ | ଲୋକ ସେବକ ମଣ୍ଡଳ |
|---|---|
| ପ୍ରତିଷ୍ଠାତା | ଉତ୍କଳମଣି ଗୋପବନ୍ଧୁ ଦାସ |
| ପ୍ରକାଶକ | ରାଜେନ୍ଦ୍ର ଜେନା |
| ସମ୍ପାଦକ | ବାମାପଦ ତ୍ରିପାଠୀ |
| ପ୍ରତିଷ୍ଠିତ | ୧୯୧୯ ଅକ୍ଟୋବର ୪ |
| ଭାଷା | ଓଡ଼ିଆ |
| ମୁଖ୍ୟାଳୟ | କଟକ |
| Circulation | ୩,୦୦,୦୦୦ |
| Sister newspapers | ସମାଜ ସାପ୍ତାହିକ |
| ୱେବସାଇଟ | Official website |
| ମାଗଣା ଅନଲାଇନ ଅଭିଲେଖ | samajaepaper.in |
ସମାଜ ଓଡ଼ିଶାର ଏକ ଦୈନିକ ଓଡ଼ିଆ ଖବରକାଗଜ । ଏହା ଗୋପବନ୍ଧୁ ଦାସଙ୍କଦ୍ୱାରା ୧୯୧୯ ମସିହା ଅକ୍ଟୋବର ୪ ତାରିଖ ସତ୍ୟବାଦୀ ବନବିଦ୍ୟାଳୟର ଛୁରିଅନା ବକୁଳବନରୁ ତାଙ୍କ ସମ୍ପାଦକତାରେ ପ୍ରଥମେ ପ୍ରକାଶ ପାଇଥିଲା ।[୧] ଏହାର ପାଠକ ସଂଖ୍ୟା ପ୍ରାୟ ୧୬ ଲକ୍ଷ ଏବଂ ଦୈନିକ ପ୍ରାୟ ୩ ଲକ୍ଷ ଛପା କପି ପ୍ରକାଶ କରାଯାଏ । ଅଧୁନା ଏହା ଏକ ସଙ୍ଗେ କଟକ, ବାଲେଶ୍ୱର, ରାଉରକେଲା, ବ୍ରହ୍ମପୁର, ଭୁବନେଶ୍ୱର, ବିଶାଖାପାଟଣା, କଲିକତା ଓ ସମ୍ବଲପୁରରୁ ପ୍ରକାଶିତ ହେଉଅଛି । ସମାଜ ଏବେ ଲୋକ ସେବକ ମଣ୍ଡଳଦ୍ୱାରା ପରିଚାଳିତ ହେଉଛି । ତପନ କୁମାର ମିଶ୍ର 'ସମାଜର ସମ୍ପାଦକ[୨] ଭାବରେ କାମ କରି ୨୦୨୬ ଅଗଷ୍ଟ ମାସରେ ଅବସର ନେଇଥିଲେ ଏବଂ ବାମାପଦ ତ୍ରିପାଠୀ ସମ୍ପାଦକ ଦାୟିତ୍ୱ ଗ୍ରହଣ କରିଥିଲେ ।[୩] ରାଜେନ୍ଦ୍ର ଜେନା ପ୍ରକାଶକ ଭାବେ କାର୍ଯ୍ୟ ନିର୍ବାହ କରୁଛନ୍ତି ।[୪]
ଇତିହାସ
[ସମ୍ପାଦନା]ସମାଜର ପ୍ରତିଷ୍ଠାତା ଗୋପବନ୍ଧୁ ଦାସ ଜଣେ ସ୍ୱାଧୀନତା ସଂଗ୍ରାମୀ ଏବଂ ସମାଜ ସଂସ୍କାରକ ଥିଲେ । [୫]ସମାଜ ସଂସ୍କାର କାର୍ଯ୍ୟ କରିବା ପାଇଁ ସେ ସାମ୍ବାଦିକତାକୁ ବୃତି ହିସାବରେ ଗ୍ରହଣ କରିଥିଲେ । ପ୍ରଥମେ ସେ ସତ୍ୟବାଦୀ ମାସିକ ପତ୍ରିକା ପ୍ରକାଶ କରୁଥିଲେ । ୧୯୧୯ ମସିହା ଅକ୍ଟୋବର ୧୦ ତାରିଖ ବିଜୟା ଦଶମୀ ଅବସରରେ ସେ ସମାଜ ଖବରକାଗଜର ପ୍ରକାଶନ ଆରମ୍ଭ କରିଥିଲେ । ସମାଜ ପ୍ରଥମେ ଏକେ ସାପ୍ତାହିକ ଖବରକାଗଜ ରୂପେ ପ୍ରକାଶ ପାଉଥିଲା ଏବଂ କାଳକ୍ରମେ ଏହା ଦୈନିକ ପ୍ରକାଶ ପାଇବାକୁ ଲାଗିଲା | [୬] ସେ ନିଜେ ଏହାର ପ୍ରଥମ ସମ୍ପାଦକ ଥିଲେ । ଆଚାର୍ଯ୍ୟ ହରିହର, ପଣ୍ଡିତ ନୀଳକଣ୍ଠ ଦାସ ଆଦିଙ୍କ ସହଯୋଗରେ ଗୋପବନ୍ଧୁ ଦାସ ତତ୍କାଳୀନ ଇଂରେଜ ଶାସକଙ୍କ ବିରୁଦ୍ଧରେ ସମାଜରେ ଲେଖୁଥିଲେ ଏବଂ ଏଥି ପାଇଁ ତାଙ୍କୁ କାରାବରଣ କରିବାକୁ ପଡ଼ିଥିଲା । ୧୯୨୮ ମସିହାରେ ଉତ୍କଳମଣି ଗୋପବନ୍ଧୁ ଦାସଙ୍କ ତିରୋଧାନ ପୁର୍ବରୁ ସମାଜକୁ ଲାଲା ଲାଜପତ ରାୟଙ୍କଦ୍ୱାରା ପ୍ରତିଷ୍ଟିତ ଲୋକ ସେବକ ମଣ୍ଡଳକୁ ହସ୍ତାନ୍ତର କରାଯାଇଥିଲା । ସେବେଠାରୁ ଲୋକ ସେବକ ମଣ୍ଡଳ ସମାଜର ପରିଚାଳନା କରିଆସୁଛି ।[୭] ୧୯୨୮ ମସିହାରେ ଲିଙ୍ଗରାଜ ମିଶ୍ର, ସମାଜର ସମ୍ପାଦକ ନିଯୁକ୍ତ ହୋଇଥିଲେ । ୧୯୩୦ ମସିହାରୁ ସମାଜ ଏକ ଦୈନିକ ସମ୍ବାଦପତ୍ର ରୂପେ ପ୍ରକାଶ ପାଇବାକୁ ଲାଗିଲା । ୧୯୪୬ ମସିହାରେ ପଣ୍ଡିତ ଲିଙ୍ଗରାଜ ମିଶ୍ରଙ୍କୁ ଓଡ଼ିଶାର ଶିକ୍ଷାମନ୍ତ୍ରୀ ନିଯୁକ୍ତ କରାଗଲା ଓ ରାଧାନାଥ ରଥ, ସମାଜର ସମ୍ପାଦନାର ଦାୟିତ୍ୱ ନେଲେ । ୧୯୫୨ ମସିହାରୁ ୧୯୬୧ ମସିହା ପର୍ଯ୍ୟନ୍ତ, ରାଧାନାଥ ରଥ ସକ୍ରିୟ ରାଜନୀତିରେ ଭାଗନେଇ ସମାଜର ସମ୍ପାଦନାରୁ ଦଊରେଇ ରହିଥିଲେ ଓ ୧୯୬୧ ମସିହାରେ ସମାଜର ସମ୍ପାଦନାକୁ ପୁନଶ୍ଚ ପ୍ରତ୍ୟାବର୍ତ୍ତନ କରିଥିଲେ । ରାଧାନାଥ ରଥଙ୍କ ପରେ ମନୋରମା ମହାପାତ୍ର, ସମାଜର ସମ୍ପାଦକ ଦାୟିତ୍ୱରେ ରହିଥିଲେ ।
ସମ୍ପାଦକଗଣ
[ସମ୍ପାଦନା]ସାମାଜିକ କାର୍ଯ୍ୟ ଓ ସମ୍ମାନ
[ସମ୍ପାଦନା]ସମାଜ କ୍ରମେ ନିଜକୁ ଏକ ଖବରକାଗଜରୁ ଏକ ସାମାଜିକ ଅନୁଷ୍ଠାନରେ ପରିବର୍ତିତ କରିସାରିଛି । ଏକ ସ୍ୱାଧୀନତା ପରବର୍ତ୍ତୀ ସମୟରେ ଏହା ସମାଜ ସଂସ୍କାର ତଥା ଦେଶ ଗଠନ ଦିଗରେ ଏକ ପ୍ରମୁଖ ଭୂମିକା ଗ୍ରହଣ କରି ଆସିଛି । ସମାଜର ଏହି ଗଠନ ମୁଳକ କାର୍ଯ୍ୟ ପାଇଁ ୨୦୦୭ ମସିହାରେ ଏହାକୁ ଆଇ.ଏଲ୍.ଏନ୍.ଏ. ସର୍ବୋତ୍କୃଷ୍ଟ ଜାତୀୟବାଦି ଖବରକାଗଜ ଭାବରେ ସମ୍ମାନିତ କରାଯାଇଛି । [୧୦]ଏହା ବ୍ୟତିତ ସମାଜର ରିଲିଫ କମିଟି ମଧ୍ୟ ଖୁବ ଉଚ୍ଚକୋଟିର ସମାଜ ସେବା କାର୍ଯ୍ୟ କରିଆସିଛି ।
ଆଧାର
[ସମ୍ପାଦନା]- ↑ "ସମାଜର ଆତ୍ମଲିପି". ସମାଜ. ୧୦ ଅକ୍ଟୋବର ୨୦୧୪. Retrieved ୧୦ ଅକ୍ଟୋବର ୨୦୧୪.
{{cite news}}: Check date values in:|accessdate=and|date=(help)[permanent dead link] - ↑ "ତପନ କୁମାର ମିଶ୍ର 'ସମାଜ'ର ସମ୍ପାଦକ". No. ସମାଜ ୦୭/୦୧/୨୦୨୦ପୃଷ୍ଠା ୩. ସମାଜ. Retrieved 7 January 2020.
- ↑ The Samaja ePaper https://samajaepaper.in/imageview_12_178202623256511_4_73_17-08-2026_3_i_1_sf.html. Retrieved 2026-08-17.
{{cite web}}: Missing or empty|title=(help) - ↑ ସମାଜର ୱେବସାଇଟ
- ↑ Shreeram Chandra Dash (1976). Gopabandhu Das. National Book Trust, India. p. 17. Retrieved 20 June 2012.
- ↑ Durgācaraṇa Kuam̐ra (1 January 2000). Utkalmani Gopabandhu Das. Sahitya Akademi. p. 20. ISBN 978-81-260-1101-8. Retrieved 20 June 2012.
- ↑ "ଆର୍କାଇଭ୍ କପି". Archived from the original on 2012-06-06. Retrieved 2012-06-20.
{{cite web}}: Cite has empty unknown parameter:|1=(help) - ↑ "ବାମାପଦ ତ୍ରିପାଠୀ 'ସମାଜ'ର ନୂଆ ସମ୍ପାଦକ". The Samaja ePaper. 2026-08-17. Archived from the original on 2026-08-18. Retrieved 2026-08-17.
- ↑ "ବାମାପଦ ତ୍ରିପାଠୀ 'ସମାଜ'ର ନୂଆ ସମ୍ପାଦକ". The Samaja ePaper. 2026-08-17. Archived from the original on 2026-08-18. Retrieved 2026-08-17.
- ↑ "ଆର୍କାଇଭ୍ କପି". Archived from the original on 2012-07-14. Retrieved 2012-06-20.
{{cite web}}: Cite has empty unknown parameter:|1=(help)
ବାହାର ଲିଙ୍କ
[ସମ୍ପାଦନା]- ସମାଜ
- ସମାଜ Archived 2011-08-12 at the Wayback Machine.