ମୌସୁମୀ ଦାସ

ଇଂରାଜୀ ଲିଙ୍କ

https://or.wikipedia.org/wiki/Narmada_Niloptala

ମୌସୁମୀ ଦାସ
୨୦୨୪ ମସିହାରେ ସାଳନ୍ଦୀ ସାହିତ୍ୟ ସଙ୍ଗମରେ ମୌସୁମୀ
ଜନ୍ମ ଓ ଜନ୍ମସ୍ଥାନ	(1972-08-03) ୩ ଅଗଷ୍ଟ ୧୯୭୨
ବୃତ୍ତି	କବି
ଭାଷା	ଓଡ଼ିଆ
ଜାତୀୟତା	ଭାରତୀୟ
ଶିକ୍ଷାନୁଷ୍ଠାନ	ବ୍ରହ୍ମପୁର ବିଶ୍ୱବିଦ୍ୟାଳୟ
ସମ୍ପର୍କୀୟ	କୃଷ୍ଣ ମୋହନ ଦାସ (ବାପା)

ମୌସୁମୀ ଦାସ (ଜନ୍ମ: ୩ ଅଗଷ୍ଟ ୧୯୭୨) ଜଣେ ଭାରତୀୟ ଓଡ଼ିଆ-ଭାଷୀ ଲେଖିକା, ଯିଏକି କବିତା ତଥା ଗଳ୍ପ ରଚନା ପାଇଁ ଜଣାଶୁଣା । ତାଙ୍କର ଉଲ୍ଲେଖନୀୟ କୃତି ଭିତରେ କବିତା ପୁସ୍ତକ ରାସପର୍ବ, ବାଇଗଣୀ ଖରା, ଏବଂ ଗଳ୍ପ ପୁସ୍ତକ ରାସପର୍ବ, ମିମାଂସା, ମେଘମୁକ୍ତ ଆକାଶ ଆଦି ଜଣାଶୁଣା ।

ଜୀବନୀ

ମୌସୁମୀ ୧୯୭୨ ମସିହାର ଅଗଷ୍ଟ ୩ ତାରିଖରେ ଜନ୍ମଗ୍ରହଣ କରିଥିଲେ । ତାଙ୍କ ବାପା କୃଷ୍ଣ ମୋହନ ଦାସ ଜଣେ ଗାଳ୍ପିକ ଥିଲେ । ୧୯୯୨ ମସିହାରେ ସେ ବ୍ରହ୍ମପୁର ବିଶ୍ୱବିଦ୍ୟାଳୟରୁ ସ୍ନାତକ କରିଥିଲେ । ୧୯୯୭ ମସିହାରୁ ସେ ଓଡ଼ିଶା ସଚିବାଳୟରେ କାର୍ଯ୍ୟରତ ଅଛନ୍ତି ।

ସାହିତ୍ୟ ସର୍ଜନା

ମୌସୁମୀ ଉଭୟ ଗଳ୍ପ ଓ କବିତା ରଚନା କରନ୍ତି । ଅଷ୍ଟମ ଶ୍ରେଣୀରେ ପଢ଼ିଲାବେଳେ ତାଙ୍କ ପ୍ରଥମ କବିତା ମୀନାବଜାରରେ ପ୍ରକାଶିତ ହୋଇଥିଲା । ଏହାପରେ ୧୯୯୨ ମସିହାରେ ସ୍ନାତକ ଶେଷ ବର୍ଷରେ କଲେଜ ପତ୍ରିକାରେ ତାଙ୍କ ଗପ ପ୍ରକାଶିତ ହେବା ପରେ ୧୯୯୫ ମସିହାରେ କଟକରୁ ପ୍ରକାଶିତ ଓଡ଼ିଆ ପତ୍ରିକା ଶର୍ମିଷ୍ଠାରେ ତାଙ୍କ ରଚିତ ଗପ ଝରାଫୁଲର ପ୍ରଶ୍ନ ପ୍ରକାଶିତ ହୋଇଥିଲା । ତାଙ୍କ ରଚନାଗୁଡ଼ିକ ସକାଳ, ଧରିତ୍ରୀ, ସମ୍ବାଦ ଭଳି ଜଣାଶୁଣା ଖବରକାଗଜରେ ପ୍ରକାଶିତ ହେବା ସହିତ ଝରଣା, ପକ୍ଷୀଘର, ଯୁବପ୍ରଭା, ସାଗରିକା ଭଳି ପତ୍ରିକା ପ୍ରକାଶିତ ହୋଇଛି ।

ପ୍ରକାଶିତ ଗଳ୍ପ ସଂକଳନ

• କଫି ହାଉସ୍ (୨୦୧୬, ଶ୍ରଦ୍ଧା ପବ୍ଲିକେଶନ)
• ମିମାଂସା
• ମେଘମୁକ୍ତ ଆକାଶ
• ସେଇ ରାତି ପରେ ରୀତା - (୨୦୨୩, ଟାଇମ୍‌ପାସ୍)

ପ୍ରକାଶିତ କବିତା ସଂକଳନ

• ରାସପର୍ବ (୨୦୧୭, ପଶ୍ଚିମା ପ୍ରକାଶନ)
• ବାଇଗଣୀ ଖରା (୨୦୨୧, ପଶ୍ଚିମା ପ୍ରକାଶନ)
• ବୁଢ଼ିଆଣୀଘର (୨୦୨୨, ପଶ୍ଚିମା ପ୍ରକାଶନ)

ସମ୍ମାନ ଓ ପୁରସ୍କାର

• ସୃଜନ ପାହାଚ ଯୁବ ପ୍ରତିଭା (ଗଳ୍ପ) ସମ୍ମାନ - ୨୦୧୪
• କଥାକଳିକା ଯୁବ ପ୍ରତିଭା ପୁରସ୍କାର
• ମଧୁଲିତା ଗଳ୍ପ ସମ୍ମାନ
• ଆରପାଖ ଯୁବ ଲେଖକ (ଗଳ୍ପ) ସମ୍ମାନ
• ବେଳାଧ୍ୱନି ଗଳ୍ପ ସମ୍ମାନ (ବ୍ରହ୍ମପୁର ସାହିତ୍ୟ ପରିଷଦ)

ବାହାର ଲିଙ୍କ୍

• ଫେସବୁକରେ ମୌସୁମୀ ଦାସ