କାଳିନ୍ଦୀ ଚରଣ ପାଣିଗ୍ରାହୀ

ଉଇକିପିଡ଼ିଆ ରୁ
ସିଧାସଳଖ ଯିବେ ଦିଗବାରେଣିକୁ, ଖୋଜିବେ
କାଳିନ୍ଦୀ ଚରଣ ପାଣିଗ୍ରାହୀ
ପଦ୍ମଭୂଷଣ ଶ୍ରୀ କାଳିନ୍ଦୀ ଚରଣ ପାଣିଗ୍ରାହୀ
ଜନ୍ମ ୨ ଜୁଲାଇ ୧୯୦୧(1901-07-02)
ପୁରୀ, ଓଡ଼ିଶା
ତିରୋଧାନ ୧୫ ମଇ, ୧୯୯୧ (୮୯ ବର୍ଷ)
ବୃତ୍ତି କବି, ଔପନ୍ୟାସିକ
ଭାଷା ଓଡ଼ିଆ,
ଜାତୀୟତା ଭାରତୀୟ
ଆଞ୍ଚଳିକତା ଓଡ଼ିଆ
ଶିକ୍ଷାନୁଷ୍ଠାନ ରେଭେନ୍ସା ମହାବିଦ୍ୟାଳୟ
ଆଖିଦୃଶିଆ କାମ ମାଟିର ମଣିଷ
ପୁରସ୍କାର ପଦ୍ମ ଭୂଷଣ
ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର
ସନ୍ତାନ ନନ୍ଦିନୀ ଶତପଥୀ
ଜ୍ଞାତି କୁଟୁମ୍ବ ଭଗବତୀ ଚରଣ ପାଣିଗ୍ରାହୀ, ଦିବ୍ୟସିଂହ ପାଣିଗ୍ରାହୀ(ଭାଇ)


କାଳିନ୍ଦୀ ଚରଣ ପାଣିଗ୍ରାହୀ ଜଣେ ଖ୍ୟାତନାମା ଓଡ଼ିଆ କବିଔପନ୍ୟାସିକ । ସେ ଅନ୍ନଦା ଶଙ୍କର ରାୟ, ବୈକୁଣ୍ଠନାଥ ପଟ୍ଟନାୟକ ଓ ଅନ୍ୟମାନଙ୍କ ସହ ମିଶି ଓଡ଼ିଆ ସାହିତ୍ୟରେ ସବୁଜ ଯୁଗ ନାମରେ ଏକ ନୂଆ ଯୁଗର ଆରମ୍ଭ କରିଥିଲେ ।[୧] ସେ ଜଣେ ବାମପନ୍ଥୀ ଲେଖକ ଭାବରେ ଜଣାଶୁଣା ।

ଜୀବନୀ[ସମ୍ପାଦନା]

କାଳିନ୍ଦୀ ଚରଣ ପାଣିଗ୍ରାହୀ ଓଡ଼ିଶାର ପୁରୀ ଜିଲ୍ଲାର ବିଶ୍ଵନାଥପୁର ଗ୍ରାମରେ ୧୯୦୧ ମସିହା ଜୁଲାଇ ୨ ତାରିଖରେ ଜନ୍ମ ନେଇଥିଲେ । ତାଙ୍କ ପିତା ସ୍ଵପ୍ନେଶ୍ଵର ପାଣିଗ୍ରାହୀ ଜଣେ ଆଇନଜୀବି ଥିଲେ । ପିତା ଏବଂ ଦୁଇ ଭାଇ ଦିବ୍ୟସିଂହ ଓ ଭଗବତୀ ଚରଣ ସାହିତ୍ୟିକ ଥିଲେ । ପୁରୀରେ ହିଁ କାଳିନ୍ଦୀ ଚରଣ ନିଜର ବାଲ୍ୟଜୀବନ ଓ ଶିକ୍ଷା ସମାପ୍ତ କରିଥିଲେ । ହାଇସ୍କୁଲ ସମାପ୍ତ କରି, ସେ ରେଭେନ୍ସା ମହାବିଦ୍ୟାଳୟରେ ଶିକ୍ଷାଲାଭ କରିଥିଲେ । ଓଡ଼ିଶାର ପ୍ରଥମ ନାରୀ ମୁଖ୍ୟମନ୍ତ୍ରୀ ନନ୍ଦିନୀ ଶତପଥୀ ତାଙ୍କର ଝିଅ ।[୨] ସେ ୧୯୯୧ ମେ ୧୫ ତାରିଖରେ ଦେହ ତ୍ୟାଗ କରିଥିଲେ ı

ସାହିତ୍ୟ ସର୍ଜନା[ସମ୍ପାଦନା]

ରେଭେନ୍ସା ମହାବିଦ୍ୟାଳୟରେ ପଢିବା କାଳରେ କାଳିନ୍ଦୀ ଚରଣଙ୍କ ସାହିତ୍ୟ ପ୍ରତିଭାର ପରିଚୟ ମିଳିଲା । କଲେଜର ପଢିବା ସମୟରେ, ସେ "ନନସେନ୍ସ କ୍ଳବ" ଗଠନ କରିଥିଲେ । ଏହି ଦଳରେ ଥିବା ନଅ ଜଣ ଲେଖକ-ଲେଖିକା "ଉତ୍କଳ ସାହିତ୍ୟ" ପତ୍ରିକାରେ "ବାସନ୍ତୀ" ନାମକ ଏକ ଉପନ୍ୟାସ ଧାରାବାହିକ ଭାବରେ ପ୍ରକାଶ କରୁଥିଲେ । ଏହି ସମୟରେ "ସବୁଜ ଗୋଷ୍ଠୀ"ର ମୁଖପତ୍ର "ଯୁଗବୀଣା"ରେ କାଳିନ୍ଦୀ ଚରଣଙ୍କ ଲେଖାମାନ ମଧ୍ୟ ପ୍ରକାଶ ପାଉଥିଲା । ପରବର୍ତ୍ତୀ ସମୟରେ, ବାଲେଶ୍ଵରରୁ ପ୍ରକାଶ ପାଉଥିବା ଏକ ଇଂରାଜୀ ଓ ତାଙ୍କ ନିଜ ଓଡ଼ିଆ ପତ୍ରିକାର ସେ ସମ୍ପାଦନା କରିବାକୁ ଲାଗିଲେ । କବିତାରୁ ହିଁ କାଳିନ୍ଦୀ ଚରଣଙ୍କ ସାହିତ୍ୟ ସର୍ଜନା ଆରମ୍ଭ ହୋଇଥିଲା । ଶବ୍ଦ ସଂଯୋଜନା ତାଙ୍କ କବିତାର ଏକ ବୈଶିଷ୍ଟ ଥିଲା । ତାଙ୍କ ଲେଖାରେ ଓଡ଼ିଶାର ଗ୍ରାମ୍ୟ ପରିବେଶ, ଲୋକଙ୍କର ଆଚାରବିଚାର ପ୍ରମୂଖ ସ୍ଥାନ ପାଉଥିଲା । ଅନ୍ୟାୟ, ଅନୀତି ବିରୁଦ୍ଧରେ ତାଙ୍କ ସାହିତ୍ୟ ସ୍ଵର ଉତ୍ତୋଳନ କରୁଥିଲା । ସେ ଜଣେ ଦରଦୀ କବି ଓ ଜୀବନବାଦୀ ସାହିତ୍ୟିକ ଭାବରେ ପରିଚିତ ।

କବିତା[ସମ୍ପାଦନା]

  • ଯାଦୁଘର
  • ପୁରୀ ମନ୍ଦିର
  • ମହାଦୀପ
  • ଆଗାମୀ
  • କ୍ଷଣିକ ସତ୍ୟ
  • ମୋ କବିତା
  • ଛୁରିଟିଏ ଲୋଡା

ଉପନ୍ୟାସ[ସମ୍ପାଦନା]

  • ମାଟିର ମଣିଷ : ଏହି ଉପନ୍ୟାସ ଅସହଯୋଗ ଆନ୍ଦୋଳନର ପୃଷ୍ଟଭୂମୀ ଉପରେ ସଂଗଠିତ । ଏହା ପରେ ଏକ ମୃଣାଳ ସେନଙ୍କ ନିର୍ଦ୍ଦେଶନାରେ ୧୯୬୬ରେ ଏକ ଚଳଚ୍ଚିତ୍ର ରୂପରେ ଆସିଥିଲା ।
  • ଲୁହର ମଟାଳ
  • ଲୁହାର ମଣିଷ
  • ଆଜିର ମଣିଷ
  • ଅମରଚିତା
  • ଅମରାବତୀ
  • ମୁକ୍ତାଗଡ଼ର କ୍ଷୁଦ୍ଧା

କ୍ଷୁଦ୍ରଗଳ୍ପ[ସମ୍ପାଦନା]

  • ଦ୍ଵାଦଶୀ
  • ରାଶିଫଳ
  • ଶେଷ ରଶ୍ମୀ
  • ସାଗରିକା
  • ମୋ କଥା ସରିନାହିଁ

ନାଟକ[ସମ୍ପାଦନା]

  • ପଦ୍ମିନୀ
  • ପ୍ରିୟଦର୍ଶୀ
  • ସୌମ୍ୟା

ଜୀବନୀ[ସମ୍ପାଦନା]

  • ଭକ୍ତକବି ମଧୁସୂଦନ
  • କର୍ମବୀର ଗୌରୀଶଙ୍କର
  • ଯାହା ଅଙ୍ଗେ ନିଭାଇଛି (ନିଜ ଆତ୍ମଜୀବନୀ)

ପ୍ରବନ୍ଧ[ସମ୍ପାଦନା]

  • ସାହିତ୍ୟ ସମାଚାର
  • ସାହିତ୍ୟିକ
  • ନେତୃତ୍ଵ ଓ ନେତୃତ୍ଵ

ଆତ୍ମଜୀବନୀ[ସମ୍ପାଦନା]

  • ଯାହା ଅଙ୍ଗେ ନିଭେଇଛି[୩]

ପୁରସ୍କାର[ସମ୍ପାଦନା]

ଆଧାର[ସମ୍ପାଦନା]

  1. "KALINDI CHARANA PANIGRAHI". orissadiary.com. 2012. http://orissadiary.com/personality/writer/KALINDICHARANA%20.asp. Retrieved 2 July 2012. "Born on July 2nd 1901. Kalindi Charan Panigrahi belongs to Sabuja Gosthi" 
  2. "Smt. Nandini Satpathy Memorial Trust Orissa India". snsmt.org. 2011. http://snsmt.org/Smt.htm. Retrieved 2 July 2012. "She was the eldest daughter of Padmabhushan Sh. Kalindi Charan Panigrahi" 
  3. ସମୟ ୧୫/୦୫/୨୦୧୫ ପୃଷ୍ଠା ୮ରେ ପ୍ରକାଶିତ ଲକ୍ଷ୍ମୀଚରଣ ସାମନ୍ତରାୟଙ୍କ ଲେଖା "ଏକ ମାନବବାଦୀ କଥାକାର ସ୍ମରଣେ"