ଉଇକିପିଡ଼ିଆ:ଚାଟସଭା

ଉଇକିପିଡ଼ିଆ ରୁ

Chatasabha Odia Wikipedia.png

ଆପଣ ବି ଉଇକିପିଡ଼ିଆରେ ଲେଖିବାକୁ ଚାହାନ୍ତି କି?

ଓଡ଼ିଆ ଉଇକିପିଡ଼ିଆରେ କେମିତି ଲେଖିବେ ତାହା ଜାଣିବା ପାଇଁ ଏଠାରେ ପ୍ରଶ୍ନ ପଚାରିପାରିବେ, ଆପଣଙ୍କ ପ୍ରଶ୍ନର ଉତ୍ତର ଏଥିରେ ସମ୍ପାଦନା କରୁଥିବା କେହିଜଣେ ସଭ୍ୟ ଆଗାମୀ ୧୨ ଘଣ୍ଟା ଭିତରେ ଦେବେ

Shortcuts:

୧. ମୁଁ ଓଡ଼ିଆରେ କେମିତି ଟାଇପ କରିପାରିବି ?
Odia Wikipedia ULS enabling option.png ଓଡ଼ିଆରେ ଟାଇପ କରିବା ନିମନ୍ତେ ପ୍ରଥମେ ଆପଣଙ୍କୁ ଲଗ-ଇନ କରିବାକୁ ପଡ଼ିବ । ସମସ୍ତ ପୃଷ୍ଠାରେ ଉପରେ ଡାହାଣ ପଟେ ଲଗ-ଇନ (Log-in) ଲିଙ୍କରେ କ୍ଲିକ କରି ଆପଣ ଲଗ-ଇନ କରିପାରିବେ । ତା' ପରେ ଉପରେ ଥିବା ପସନ୍ଦକୁ ଯାଇ "Enable the Universal Language Selector" (ଚିତ୍ରରେ ଦେଖା ହେଲା ଭଳି) ଅପ୍‌ସନ‌ଟି ସକ୍ରିୟ କରିବେ ।

ULS guide-OR 02.png
ଏହା ପରେ ଆପଣ ଓଡ଼ିଆରେ ଟାଇପ କରି ଲେଖିପାରିବେ । ତେବେ ଲେଖିବା ପାଇଁ ଭିନ୍ନ ଭିନ୍ନ ପ୍ରକାରର ଲେ-ଆଉଟ ବା ଅକ୍ଷର ସଜାଣି ମଧ୍ୟ ବାଛି ପାରିବେ । ଏଥିପାଇଁ ପୃଷ୍ଠାର ବାମ ପାଖରେ ଥିବା ଗିଅର ଆଇକନରେ WMF-Agora-Settings 000000.svg କ୍ଲିକ କରନ୍ତୁ ।ULS guide-OR 01.png
ଏହିପରି ଏକ ବଡ଼ Popup Window ଖୋଲିବ

ଓଡ଼ିଆ ବାଛନ୍ତୁ

Apply settingsରେ କ୍ଲିକ କରନ୍ତୁ


ULS guide-OR 03.png
ଖୋଜିବା ଘର (Search box)ରେ କ୍ଲିକ କରନ୍ତୁ ଟାଇପ କରିବା ଲେଆଉଟ ଭିତରୁ ଗୋଟେ ବାଛନ୍ତୁ (ଟ୍ରାନ୍ସଲିଟରେସନ/ଲେଖନୀ/ଇନସ୍କ୍ରିପ୍ଟ)
ULS guide-OR 04.png

ଓଡ଼ିଆ ଉଇକିପିଡ଼ିଆରେ "Lohit Oriya" ନାମକ ଫଣ୍ଟ ବ୍ୟବ‌ହାର ହୋଇଥାଏ । ଯଦି ଆପଣଙ୍କୁ ଉଇକିପିଡ଼ିଆ ପଢ଼ିବାରେ ଅସୁବିଧା ହେଉଛି ତେବେ ତଳ‌ଲିଖିତ ସେଟିଂ ବ୍ୟବ‌ହାର କରି ଆପଣଙ୍କ କମ୍ପ୍ୟୁଟରରେ ଥିବା ଓଡ଼ିଆ ଫଣ୍ଟକୁ Reset କରିପାରିବେ ।

ଗିଅର ଆଇକନରେ WMF-Agora-Settings 000000.svg କ୍ଲିକ କରନ୍ତୁ Fonts System Font ବାଛନ୍ତୁ Apply settings ବାଛନ୍ତୁ

ଓଡ଼ିଆରେ ଲେଖିବା ପାଇଁ Key Board ର କେଉଁ କେଉଁ Key ବ୍ୟବହାର କରିବେ ଜାଣିବା ନିମନ୍ତେ http://or.wikipedia.org/wiki/Typing_help ଦେଖନ୍ତୁ ।

୨. ମୁଁ ଉଇକିପିଡ଼ିଆରେ ଲେଖିବା ପାଇଁ ଚାହୁଁଛି, କେମିତି ଲେଖିବି ?

Searching article-or.png

ଏହା ବହୁତ ଭଲ କଥା ! ପ୍ରଥମେ ଆପଣଙ୍କୁ ଗୋଟିଏ ପ୍ରସଙ୍ଗ ଖୋଜିବାକୁ ପଡିବ । Ctl + M ଦବାଇ ଓଡ଼ିଆ ଲେଖାକୁ ସଚଳ କରାନ୍ତୁ । ଉପର ଡାହାଣ ପଟରେ ଆପଣ ଖୋଜିବା ବାକ୍ସ ପାଇବେ । ଆପଣ ଖୋଜିବାକୁ ଚାହୁଁଥିବା ପ୍ରସଙ୍ଗଟିର ପ୍ରଥମ ଗୋଟିଏ ଦୁଇଟି ଅକ୍ଷର ଟାଇପ କରନ୍ତୁ । ଏହା ଆପଣଙ୍କୁ ସେହି ଲେଖାଟିର ଶୀର୍ଷକ ଦେଖାଇବ । ତା' ଉପରେ କ୍ଲିକ କରନ୍ତୁ । ପ୍ରସଙ୍ଗ ପୃଷ୍ଠାଟି ଖୋଲିବା ପରେ ଦେଖନ୍ତୁ କିପରି ସେହି ପ୍ରସଙ୍ଗଟିରେ ଅଧିକ ତଥ୍ୟ ଯୋଡ଼ି ତାହାକୁ ଉନ୍ନତ ମାନର କରିହେବ । ତାପରେ ଆପଣଙ୍କୁ ଡାହାଣ ପଟରେ ଥିବା "ଏହାକୁ ବଦଳାନ୍ତୁ" ଉପରେ କ୍ଲିକ କରିବାକୁ ହେବ ।

Edit button-or.jpg

ଏହା ଗୋଟିଏ ସମ୍ପାଦନା ବାକ୍ସ ଖୋଲିବ । ଆପଣ ଯଦି କିଛି ତ୍ରୁଟି ସୁଧାରିବାକୁ ଚାହୁଁଛନ୍ତି ତେବେ ବାକ୍ସ ଭିତରେ ସେହି ଶବ୍ଦଟିକୁ ଖୋଜନ୍ତୁ, ଏହାକୁ ବଦଳାନ୍ତୁ । ତା'ପରେ "ସାଇତିବେ" ଉପରେ କ୍ଲିକ କରି ଆପଣ ପ୍ରସଙ୍ଗଟିରେ କରିଥିବା ବଦଳକୁ ସାଇତିବେ ।
Save button-or.png

୩. ମୁଁ ପ୍ରସଙ୍ଗ ଗୁଡିକରେ ଅଧାରଗୁଡିକୁ ଦେଖୁଛି, ଏହା କଣ ଅଟେ ? ମୁଁ କୌଣସି ଏକ ପ୍ରସଙ୍ଗରେ ଆଧାର କେମିତି ଦେବି ?

  • ଉଇକିପିଡ଼ିଆରେ ସମସ୍ତେ ଲେଖିପାରିବେ, ତେଣୁ କିଛି ଲୋକ ଭୁଲ ତଥ୍ୟ ବି ଲେଖି ଦେଇ ପାରନ୍ତି । ଏହାକୁ ଏଡାଇବା ପାଇଁ ଆପଣଙ୍କୁ କିଛି ଭରସାଯୋଗ୍ୟ ଆଧାର ଦେବାକୁ ପଡିବ ।
  • ଆପଣ ପ୍ରକାଶ ପାଇଥିବା ବହି, ଲେଖା, ଖବରକାଗଜ ଏବଂ ୱେବସାଇଟ ଇତ୍ୟାଦିକୁ ଆଧାର ଭାବେ ଦେବା ଉଚିତ । ଆପଣ ଯେତେବେଳେ ଲେଖକ/ପ୍ରକାଶକ/ଖବରକାଗଜ/ୱେବସାଇଟର ତଥ୍ୟ ଦେଇଥାନ୍ତି, ପ୍ରକାଶନର ତାରିଖ ଏବଂ ପୃଷ୍ଠା ନମ୍ବର ଆପଣଙ୍କ ଲେଖାଟିକୁ ଅଧିକ ଭରସାଯୋଗ୍ୟ କରିଥାଏ ।
  • ଦୟାକରି କୌଣସି ବ୍ଲଗ, ଫେସବୁକ, ଟ୍ଵିଟର ଇତ୍ୟାଦିକୁ ଆଧାର ଭାବେ ଦିଅନ୍ତୁ ନାହିଁ କାରଣ ସେଥିରୁ ଜଣା ପଡେନି ଯେ ତଥ୍ୟଗୁଡିକ ସତ ନା ମିଛ ।

ମୁଁ ଆଧାର କେମିତି ଦେବି ?

  • ଆପଣ ଯେତେବେଳେ କୌଣସି ୱେବସାଇଟ/ବହିରେ କିଛି ଦେଖନ୍ତି, ତାହାର ଲେଖାଗୁଡ଼ିକ କପି ନ କରି ନିଜ ଭାଷାରେ କିଛି ଲେଖନ୍ତୁ । ବାକ୍ୟର ଶେଷରେ କ୍ଲିକ କରନ୍ତୁ । ଆପଣଙ୍କର ସମ୍ପାଦନା ବାକ୍ସରେ ଆପଣ ବହି ଭଳି ଏକ ଛବି ପାଇବେ ଯାହା ଏହି ଭଳି ଦେଖିବାକୁ :
    Reference-or.jpg

    ଯଦି ୱେବସାଇଟ ଥାଏ ତେବେ ସେହି ୱେବସାଇଟର ଠିକଣା ବା ଇଉଆରଏଲ (URL)ଟିକୁ କପି କରନ୍ତୁ ଓ ସେଠାରେ ପେଷ୍ଟ କରନ୍ତୁ । ଯଦି ବହି ଥାଏ ତେବେ ବହି ନାମ ଏବଂ ଲେଖକଙ୍କ ନାମ ଲେଖନ୍ତୁ । "ଭରିବେ" ଉପରେ କ୍ଲିକ କରନ୍ତୁ ।

ତାପରେ ଦେଖନ୍ତୁ କି ଯେ ପ୍ରସଙ୍ଗଟିରେ ଏହିଭଳି ଏକ ଛାଞ୍ଚ {{ଆଧାର}} ଅଛି ନା ନାହିଁ । ଏମିତି ଯଦି କିଛି ନ ଥାଏ ତେବେ ସେଠି ଏହା (ତଳ ଲିଖିତ ସିନଟାକ୍ସ) ଲେଖନ୍ତୁ ।
==ଆଧାର==
{{ଆଧାର}}

ବର୍ତ୍ତମାନ ଲେଖାଟିକୁ ସାଇତି ଦିଅନ୍ତୁ ।

୪. ଅକ୍ଷରଗୁଡିକୁ କିପରି ମୋଟା କିମ୍ବା ତେରଛା କରିବେ ?

Bold button-or.png

ପ୍ରଥମେ ଲେଖାଟିକୁ ବାଛନ୍ତୁ ଓ ସିଲେକ୍ଟ କରନ୍ତୁ । ସମ୍ପାଦନା ବାକ୍ସରେ ଥିବା ମୋଟା ଅକ୍ଷର ଉପରେ କ୍ଲିକ କରନ୍ତୁ । ଆପଣ ଯଦି ଲେଖାଟିକୁ ତେରଛା ଅକ୍ଷର କରିବାକୁ ଚାହୁଁଛନ୍ତି ତେବେ ତା ପରେ ଥିବା ତେରେଛା ଅକ୍ଷର ଉପରେ କ୍ଲିକ କରନ୍ତୁ । ଉଭୟ ମୋଟା ଓ ତେରଛା କରିବା ପାଇଁ ଦୁଇଟି ବଟନ ଉପରେ କ୍ଲିକ କରନ୍ତୁ ।

ନହେଲେ ନିଜେ କି ବୋର୍ଡ଼ ସାହାଯ୍ୟରେ ମୋଟା ଅକ୍ଷର ପାଇଁ ତିନି ତିନୋଟି (''') ଓ ତେରଛା ଅକ୍ଷର ପାଇଁ ଦୁଇ ଦୁଇଟି ('') ଇନଭର୍ଟେଡ଼ କମା (single quotes) ଶବ୍ଦର ଦୁଇ ପଟରେ ଦିଅନ୍ତୁ । ଉଭୟ ପାଇଁ ପାଞ୍ଚଟି ଦିଅନ୍ତୁ; ଉଦାହରଣ ଭାବେ '''''ଶବ୍ଦ''''' ଲେଖନ୍ତୁ, ଏହା ଏମିତି ଶବ୍ଦ ଦେଖାଯିବ ।

୫. ମୁଁ ଗୋଟିଏ ନୂଆ ଶିରୋନାମା କରିବାକୁ ଚାହୁଁଛି, କେମିତି ତିଆରି କରିବି ?

ଆପଣ ଯଦି ନୂଆ ଶିରୋନାମାଟିଏ ତିଆରି କରିବାକୁ ଚାହୁଁଛନ୍ତି ତାହେଲେ ଶିରୋନାମାର ଆଗରେ ଓ ପଛରେ == (ଦୁଇଟି ସମାନ ଚିହ୍ନ) ଦିଅନ୍ତୁ । ଉଦାହରଣ ସ୍ୱରୂପ, ଆପଣ ଯଦି ଗୋଟିଏ ନୂଆ ଶିରୋନାମା "ଇତିହାସ" ଲେଖିବାକୁ ଚାହୁଁଛନ୍ତି ତେବେ ତଳ ଲେଖା ପରି ଲେଖନ୍ତୁ :
== ଇତିହାସ ==

ତାହାକୁ ଲେଖିବା ପରେ ଏଣ୍ଟର ଦବାନ୍ତୁ ଏବଂ ସେହି ଶିରୋନାମାର ଲେଖା (ବିଷୟବସ୍ତୁ) ଲେଖନ୍ତୁ । ଠିକ ସେହିପରି ଉପ ଶିରୋନାମା, ଉପ ଉପ ଶିରୋନାମା ଦେବା ପାଇଁ ତିନୋଟି, ତାପରେ ଚାରୋଟି "ସମାନ ଚିହ୍ନ" ଦୁଇପଟରେ ଦେଇପାରିବେ ।