ଦୁର୍ଗାଚରଣ ମହାନ୍ତି

ଦୁର୍ଗାଚରଣ ମହାନ୍ତି
ଜନ୍ମ ଓ ଜନ୍ମସ୍ଥାନ	୧୯୧୨ ବୀରତୁଙ୍ଗ, ପୁରୀ ଜିଲ୍ଲା
ତିରୋଧାନ	୧୯୮୫
ରହିଥିବା ଜାଗା	ବୀରତୁଙ୍ଗ (ପୁରୀ)
ଜାତୀୟତା	ଭାରତୀୟ
ଶିକ୍ଷା	ମେଟ୍ରିକ
ପ୍ରସିଦ୍ଧି	ସମ୍ପାଦକ/ପରିଚାଳକ : ନୀଳାଚଳ ସାରସ୍ବତ ସଙ୍ଘ, ପୁରୀ, ଓଡିଆ ଲେଖକ : ଶ୍ରୀ ଶ୍ରୀ ଠାକୁର ନିଗମାନନ୍ଦ, ସଙ୍ଘ ସେବକ (୨୭ ଭାଗ), ବ୍ରହ୍ମ୍ ଚର୍ୟ ସାଧନ, ଯୋଗୀ ଗୁରୁ , ତାନ୍ତ୍ରିକ ଗୁରୁ, ଜ୍ଞାନୀଗୁରୁ ଓ ପ୍ରେମିକଗୁରୁ
ଧର୍ମ	ହିନ୍ଦୁ
ବାପା ମା	ପିତା :ଗୁଣନିଧି ମହାନ୍ତି ମାତା:ସୁନ୍ଦରମଣି ଦେବୀ
ପୁରସ୍କାର	ଓଡିଆ ସାହିତ୍ଯ ଏକାଡେମୀ (ପ୍ରଥମ ପୁରସ୍କାର) ୧୯୫୭-୫୮

ଦୁର୍ଗାଚରଣ ମହାନ୍ତି (୧୯୧୨-୧୯୮୫) ଓଡିଶା ର କୋଣାର୍କ ନିକଟବର୍ତ୍ତି ଗୋପ ଥାନା ଅନ୍ତର୍ଗତ ବୀରତୁଙ୍ଗ ଗ୍ରାମ ରେ ୧୯୧୨ ମସିହା କାର୍ତ୍ତିକ ଶୁକ୍ଳ ତ୍ରୋୟଦଶୀ ତିଥିରେ ଜନ୍ମ ଗ୍ରହଣ କରିଥିଲେ | ଓଡିଶା ର ସାହିତ୍ଯ ଏକାଡେମୀ ତରଫରୁ ତାଙ୍କ ଲିଖିତ 'ଭଗବାନ ଶଙ୍କରାଚାର୍ୟ' ପୁସ୍ତକ ୧୯୫୭-୫୮ ରେ ପ୍ରଥମ ପୁରସ୍କାରପ୍ରାପ୍ତ ହୋଇଥିଲା | ସଦଗୁରୁ ନିଗମାନନ୍ଦ ଙ୍କ ଏକନିଷ୍ଠ ଶିଷ୍ଯ ଭାବରେ ସେ ବିଶେଷ ପରିଚିତ| ଠାକୁର ନିଗମାନନ୍ଦଙ୍କ ପ୍ରତିଷ୍ଠାନ 'ନୀଳାଚଳ ସାରସ୍ବତ ସଙ୍ଘ' ପୁରୀର ସେ ସମ୍ପାଦକ/ପରିଚାଳକ ଥିଲେ | ଠାକୁର ନିଗମାନନ୍ଦଙ୍କ ସ୍ବରଚିତ ବିଖ୍ଯାତ ଗ୍ରନ୍ଥ ବ୍ରହ୍ମଚର୍ୟ ସାଧନ, ଯୋଗୀଗୁରୁ , ତାନ୍ତ୍ରିକ ଗୁରୁ, ଜ୍ଞାନୀଗୁରୁ ଓ ପ୍ରେମିକଗୁରୁ ପ୍ରଭୁତି ପୁସ୍ତକାବଳୀ ବଙ୍ଗଳା ଭାଷାରୁ ଓଡିଆ ରେ ସେ ଅନୁବାଦ କରିଛନ୍ତି | ଏହା ବ୍ଯତିତ ନିଜ ଗ୍ରାମ ବୀରତୁଙ୍ଗର ଭଲ୍ଯୁଣ୍ଟର ଆସୋସିଏନ୍ ର ସେ ସଭାପତି ଥିଲେ | ତାଙ୍କର ପ୍ରଚେଷ୍ଟାରେ ବୀରତୁଙ୍ଗ ଗ୍ରାମରେ ସାରସ୍ବତ ବିଦ୍ଯାପୀଠ ସ୍ଥାପିତ ହୋଇପାରିଛି |

ପରିବାର, ଶିକ୍ଷା

ପିତା ଙ୍କ ନାମ ଗୁଣନିଧି ମହାନ୍ତି | ମାତା ସୁନ୍ଦରମଣି ଦେବୀ | ପିତା ଗୋପ ଥାନା ନାଗପୁର ନିକଟବର୍ତ୍ତୀ ମଦରଙ୍ଗ ଗ୍ରାମରେ ତହସିଲଦାର କାର୍ୟ କରୁଥିଲେ | ମାତା ନୀଳାଚଳ ସାରସ୍ବତ ମହିଳା ସଙ୍ଘ ର ସଭାନେତ୍ରି ଥିଲେ |୧୯୨୯ ସାଲ ରେ ଦୁର୍ଗାଚରଣ ପୁରୀ ଜିଲ୍ଲା ସ୍କୁଲ ର ୯ମ ଶ୍ରେଣୀର ଛାତ୍ର ଥିଲେ |

ଆଧ୍ଯାତ୍ମିକ ବିକାସ

୧୯୨୯ ସାଲ ସେପ୍ଟମ୍ବର ମାସରେ ଠାକୁର ନିଗମାନନ୍ଦଙ୍କ ସହିତ ତାଙ୍କର ପ୍ରଥମ ଦର୍ଶନ ହୋଇଥିଲା | ୧୯୩୪ ମସିହା ଜୁନ୍ ୫ ତାରିଖ ଦିନ ନୀଳାଚଳ କୁଟୀରରେ ସେ ଠାକୁର ନିଗମାନନ୍ଦଙ୍କ ଠାରୁ ଦୀକ୍ଷା ଲାଭ କରିଥିଲେ | ସେହିଦିନ ଠାରୁ ସେ ଉତ୍କଳରେ ନିଗମାନନ୍ଦଙ୍କ ଭାବଧାର ପ୍ରଚାର କରି ନିଗମାନନ୍ଦଙ୍କ ଅନୁଷ୍ଠାନ ନୀଳାଚଳ ସାରସ୍ବତ ସଙ୍ଘର ସମ୍ପାଦକ ଓ ପରିଚାଳକ ରହି ଆସିଥିଲେ |

ପୁସ୍ତକ ରଚନା

ପ୍ରଣୀତ

ତାଙ୍କ ପ୍ରଣୀତ ଶ୍ରୀ ଶ୍ରୀ ଠାକୁର ନିଗମାନନ୍ଦ, ନୀଳାଚଳ ବାଣୀ, ସଂସାର ପଥେ(୪ ସ୍କନ୍ଦ -ଭାବନା, ସିଦ୍ଧି , ସାଧନା, ସଂଗ୍ରାମ), ନିଗମ ତତ୍ତ୍ବ, ନିଗମ ଉପଦେଶ, ଭକ୍ତସମ୍ମିଳନୀ ବହୁଗ୍ରନ୍ଥ ଉତ୍କଳରେ ନିଗମାନନ୍ଦଙ୍କ ଭାବଧାରା ସମ୍ବନ୍ଧରେ ସର୍ବସାଧାରଣଙ୍କୁ ଅବହିତ କରିପାରିଛି । ନିମ୍ନଲିଖିତ ତାଙ୍କ ରଚିତ ପୁସ୍ତକ ମହିଳା ଭକ୍ତମାନଙ୍କୁ ଆଦର୍ଶ ନାରୀ ଜୀବନଯାପନରେ ଅନୁପ୍ରାଣିତ କରିଅଛି :

• ସତିଚରିତ ମାଳା- ଆଦ ର୍ଶ ନାରୀ ଯୀବନ
• ସତିଚରିତ ମାଳା-ଆଦର୍ଶ ଗୃହିଣୀ
• ସତିଚରିତ ମାଳା-ଆଦର୍ଶ ନାରୀ ତତ୍ତ୍ବ
• ସତିଚରିତ ମାଳା-ଆଦର୍ଶ ଜନନୀ

ଅନୁବାଦ

ଠାକୁର ନିଗମାନନ୍ଦଙ୍କ ସ୍ବଚରିତ ଯୋଗୀ ଗୁରୁ, ଜ୍ଞାନୀଗୁରୁ, ତାନ୍ତ୍ରିକ ଗୁରୁ ଓ ପ୍ରେମିକଗୁରୁ ଓ ବ୍ରହ୍ମଚର୍ୟ ସାଧନ ପୁସ୍ତକ ଗୁଡିକ, ସ୍ବାମୀ ପ୍ରେମାନନ୍ଦ ସରସ୍ବତୀଙ୍କ ପ୍ରଣୀତ ଶ୍ରୀ ଶ୍ରୀ ନିଗମାନନ୍ଦ କଥାମୃତ, ନାରାୟଣୀ ଦେବୀଙ୍କ ରଚିତ ଶ୍ରୀ ଶ୍ରୀ ନିଗମାନନ୍ଦ ଜୀବନ ପ୍ରସଙ୍ଗ ଓ ଶିଶିର କୁମାର ବସୁଙ୍କ ସମ୍ପାଦିତ ଶ୍ରୀ ଶ୍ରୀ ନିଗମାନନ୍ଦ କଥା ସଂଗ୍ରହ ପ୍ରଭୃତି ପୁସ୍ତକାବଳୀ ଓଡିଆ ଭାଷା ରେ ଅନୁବାଦ କରିଛନ୍ତି ।

ଏହା ବ୍ଯତିତ ତ୍ରୈମାସିକ ପତ୍ରିକା ସଙ୍ଘ ସେବକ ର ନିଜେ ସମ୍ପାଦକ ରହି ଏହାର ୨୮ ସ୍କନ୍ଦ ପ୍ରଣୟନ କରିଛନ୍ତି ।

ପୁରସ୍କାର ଓ ସମ୍ମାନ

ଓଡିଆ ସାହିତ୍ଯ ଏକାଡେମୀର ପ୍ରଥମ ପୁରସ୍କାର Certificate

୧୯୫୬-୫୮ ରେ ତାଙ୍କ ଲିଖିତ ଭଗବାନ ଶଙ୍କରାଚାର୍ୟ ପୁସ୍ତକ ଓଡିଆ ସାହିତ୍ଯ ଏକାଡେମୀର ପ୍ରଥମ ପୁରସ୍କାର ପ୍ରାପ୍ତ ହୋଇଥିଲା ।

ମୁଖ୍ଯ ଅବଦାନ

ସାରସ୍ବତ ବିଦ୍ଯାପୀଠ ବୀରତୁଙ୍ଗ

୧୯୬୪ ରେ ତାଙ୍କ ପ୍ରଚେଷ୍ଟାରେ ବୀରତୁଙ୍ଗ ଗ୍ରାମରେ ସତ୍ ଶିକ୍ଷା ର ବିସ୍ତାର ନିମନ୍ତେ ସାରସ୍ବତ ବିଦ୍ଯାପୀଠ ସ୍ଥାପିତ ହୋଇପାରିଛି । ସେ ଉକ୍ତଳ ପ୍ରାଦେଶିକ ଭକ୍ତ ସମ୍ମିଳନୀ ର ଆୟୋଜନା ଓ ପରିଚାଳନା, ନୀଳଚଳ କୁଟୀର ଓ ସ୍ମୃତିମନ୍ଦିରର ସୁରକ୍ଷା ଓ ଉକ୍ତଳରେ ଠାକୁର ନିଗମାନନ୍ଦଙ୍କ ଭାବଧାରା ପ୍ରଚାରରେ ମୁଖ୍ଯ ଭୂମିକା ଗ୍ରହଣ କରି ଆସିଛନ୍ତି । ତାଙ୍କରି ପ୍ରେରଣାରେ ଉକ୍ତଳରେ ବହୁ ଆସନ ମନ୍ଦିର ପ୍ରତିଷ୍ଠା ହୋଇପାରିଛି ।

ଆହୁରି ଦେଖନ୍ତୁ

ସ୍ବାମୀ ନିଗମାନନ୍ଦ

ବାହାର ଆଧାର

• ଦୁର୍ଗାଚରଣ ମହାନ୍ତି ସଂକ୍ଷିପ୍ତ ଜୀବନୀ
• ଓଡିଆ ସାହିତ୍ଯ ଏକାଡେମୀର ପୁରସ୍କାରପ୍ରାପ୍ତ ବିଜେତା ଗଣ