ଧୁଡୁକି

ଉଇକିପିଡ଼ିଆ ରୁ
(ଘୁଡ଼ୁକି ରୁ ଲେଉଟି ଆସିଛି)
Jump to navigation Jump to search
ଧୁଡୁକି ବା ଘୁଡ଼ୁକି
Kala Ghuduki.jpg
ଶୁଦ୍ଧଶବର ଜାତିମାନଙ୍କଦ୍ୱାରା ପରିବେଷିତ କାଲା ଘୁଡ଼ୁକି ନାଚ । 'କାଲା ଘୁଡ଼ୁକି' ସାଧାରଣରେ କେବଳ ଘୁଡ଼ୁକିନାଚ ଭାବେ ଜଣା ନାଟର ଏକ ବିଶେଷ ପ୍ରଭେଦ ।
ମାଧ୍ୟମବାଦ୍ୟ ଯନ୍ତ୍ର
ସଂସ୍କୃତିଓଡ଼ିଆ ଚଳଣି[୧]
ସୃଷ୍ଟିଓଡ଼ିଶା

ଧୁଡୁକି (ଘୁଡ଼ୁକି ଭାବେ ମଧ୍ୟ ଜଣାଶୁଣା), ଓଡ଼ିଶାର ଏକ ପାରମ୍ପାରିକ ବାଦ୍ୟ ଯନ୍ତ୍ର ।[୨] ଏହାକୁ ଭିତ୍ତି କରି ପରିବେଷିତ ହେଉଥିବା ଲୋକକଳା ଘୁଡ଼ୁକି ବା ଧୁଡ଼ୁକି ନାଚ ନାମରେ ପରିଚିତ । ଧୁଡୁକିଆ ଶବର(ମୁଣ୍ଡପୋତା କେଳା) ସମ୍ପ୍ରଦାୟର ଲୋକେ ଏହି ବାଜା ବଜେଇ, ଲୋକମାନଙ୍କର ମନୋରଞ୍ଜନ କରନ୍ତି । ଧୁଡୁକି ବଜେଇ, ଏମାନେ ଉପେନ୍ଦ୍ର ଭଞ୍ଜଙ୍କ କାବ୍ୟକବିତା, ରାଧାକୃଷ୍ଣଙ୍କ ପ୍ରେମ କାହାଣୀ, ବିଭିନ୍ନ ଗ୍ରନ୍ଥ ଉପନିଷେଦର କଥା ବୋଲି ଶୁଣେଇଥାନ୍ତି । ଢେଙ୍କାନାଳ, ନୟାଗଡ଼, ଯାଜପୁର ଆଦି ଅଞ୍ଚଳରେ ଏହି କଳାକାରମାନେ ଦେଖାଯାଆନ୍ତି । [୩]

ଧୁଡୁକି, ଏକ ସମ୍ପୂର୍ଣ୍ଣ ସ୍ୱଦେଶୀ ବାଦ୍ୟଯନ୍ତ୍ର ଓ ବଜେଇବା ଲୋକେ ନିଜେ ଏହାକୁ ତିଆରି କରିଥାନ୍ତି । କାଠର ଏକ ନଳର ଗୋଟିଏ ପାର୍ଶ୍ୱରେ ଏକପ୍ରକାର ଚମଡାର ଆବରଣ ପକାଯାଇ, ତାହାର ମଧ୍ୟଭାଗରେ ଏକ ପ୍ଲାଷ୍ଟିକ ବା ଧାତୁ ନିର୍ମିତ ଡୋରି ବନ୍ଧାଯାଇଥାଏ । ଡୋରିର ଅନ୍ୟ ପ୍ରାନ୍ତରେ ଏକ ଦଣ୍ଡ ବନ୍ଧାଯାଇଥାଏ । କାଖରେ ଧୁଡୁକିର ନଳରଖି, ପାପୁଲିରେ ଦଣ୍ଡକୁ ଭିଡିଧରିବା ସହ, ଅନ୍ୟ ହାତର ଚାରି ଆଙ୍ଗୁଠି ସାହାଯ୍ୟରେ ଡୋରିକୁ ଟାଣି ଏହାକୁ ବଜାଯାଏ । ଏହାର ଧ୍ୱନୀକୁ ଆହୁରି ସୁନ୍ଦର କରିବା ପାଇଁ, ଦଣ୍ଡରେ ଘୁଙ୍ଗୁର ମଧ୍ୟ ବନ୍ଧାଯାଇଥାଏ । ଧୁଡୁକିର ତାଳେ ତାଳେ, ଘୁଙ୍ଗୁରର ଶବ୍ଦ ବେଶ ମଧୁର ଧ୍ୱନୀ ସୃଷ୍ଟିକରିଥାଏ । [୪]

ଆଧାର[ସମ୍ପାଦନା]

  1. S. Gajrani (2004). History, Religion and Culture of India. Gyan Publishing House. pp. 226–. ISBN 978-81-8205-063-1.
  2. http://www.orissadiary.com/orissa_profile/ruralfolk/Dhuduki%20Nacha.asp
  3. http://www.merinews.com/article/fading-tunes-of-dhuduki/150582.shtml
  4. ପ୍ରମେୟ ୨୬/୧୧/୨୦୧୪ ପୃଷ୍ଠା ୧୫