ଭାଇନା, କ'ଣ କଲା ସେ

ଇଂରାଜୀ ଲିଙ୍କ

https://or.wikipedia.org/wiki/Bhaina,_Kana_Kala_Se

ଭାଇନା, କ'ଣ କଲା ସେ
ନିର୍ଦ୍ଦେଶକ	ସଞ୍ଜୟ ନାୟକ
ପ୍ରଯୋଜକ	ସଞ୍ଜୟ ନାୟକ
ସଂଳାପ	ସଞ୍ଜୟ ନାୟକ
ଚିତ୍ରନାଟ୍ୟ	ସଞ୍ଜୟ ନାୟକ
କାହାଣୀ	ସଞ୍ଜୟ ନାୟକ
କଳାକାର	ଉତ୍ତମ ମହାନ୍ତି କୁନା ତ୍ରିପାଠୀ ଚନ୍ଦନ କର ବାଳକୃଷ୍ଣ ନାୟକ ତମନ୍ନା
ସଙ୍ଗୀତ	ପ୍ରେମ ଆନନ୍ଦ
ଚିତ୍ରଗ୍ରହଣ	ପ୍ରଦୀପ
ସମ୍ପାଦକ	ରଞ୍ଜନ ଖଟେଇ
ବିତରକ	ତରଙ୍ଗ ସିନେ ପ୍ରଡ଼କ୍ସନ
ମୁକ୍ତିଲାଭ ତାରିଖ	୧୬ ସେପ୍ଟେମ୍ବର ୨୦୧୬
ଦେଶ	ଭାରତ
ଭାଷା	ଓଡ଼ିଆ

ଭାଇନା, କ'ଣ କଲା ସେ, ୨୦୧୬ ମସିହାରେ ମୁକ୍ତିଲାଭ କରିଥିବା ଓଡ଼ିଆ ଚଳଚ୍ଚିତ୍ର । ଓଡ଼ିଆ ଚଳଚ୍ଚିତ୍ର ଜଗତରେ କାଷ୍ଟିଂକାଉଚର ସତ୍ୟାସତ୍ୟକୁ ନେଇ ସଞ୍ଜୟ ନାୟକଙ୍କ ନିର୍ଦ୍ଦେଶନାରେ ଏହି ଚଳଚ୍ଚିତ୍ରଟି ନିର୍ମାଣ ହୋଇଥିଲା । ଏଥିରେ ହାସ୍ୟ ଅଭିନେତା ବାଳକୃଷ୍ଣ, ପପୁ ପମ ପମଙ୍କ ଭଳି ଦେଖାଯାଉଛନ୍ତି । ଚଳଚ୍ଚିତ୍ରଟିରେ ସଙ୍ଗୀତ ନିର୍ଦ୍ଦେଶନା ଦେଇଥିଲେ ପ୍ରେମ ଆନନ୍ଦ । ପ୍ରଥମାବସ୍ଥାରେ ଏହି ଚଳଚ୍ଚିତ୍ରଟିର ନାମ ଏକ୍ସକ୍ୟୁଜ ମି କ'ଣ କଲା ସେ ଥିଲା, ମାତ୍ର ପରବର୍ତ୍ତୀ ସମୟରେ ଏହାର ଶୀର୍ଷକ‌କୁ ବଦଳାଇ ଭାଇନା, କ'ଣ କଲା ସେ କରାଯାଇଥିଲା ।

ଏହି ଚଳଚ୍ଚିତ୍ରଟିର ମୁଖ୍ୟ ଭୂମିକାରେ ଅଭିନୟ କରିଥିଲେ ବାଳକୃଷ୍ଣ ନାୟକ ଏବଂ ତମନ୍ନା । କୁନା ତ୍ରିପାଠୀ, ଚନ୍ଦନ କର, ଜୀନା ସାମଲ, ଲିକ, ପ୍ରେମାଞ୍ଜନ ପରିଡ଼ା, ବିଜୁ ବଡ଼ଜେନା, ବିରେନ ମିଶ୍ର, ପ୍ରଦ୍ୟୁମ୍ନ ଲେଙ୍କା ଆଦି କଳାକାରମାନେ ଚଳଚ୍ଚିତ୍ରଟିରେ ବିଭିନ୍ନ ଭୂମିକାରେ ଅଭିନୟ କରିଥିଲେ ।

ଅଭିନୟ

• ବାଳକୃଷ୍ଣ ନାୟକ- ଦୀପୁ ଡିଂ ଡଂ
• ତମନ୍ନା ବ୍ୟାସ
• ଉତ୍ତମ ମହାନ୍ତି- ଉତ୍ତମ ମହାନ୍ତି
• କୁନା ତ୍ରିପାଠୀ
• ଚନ୍ଦନ କର
• ଜୀନା ସାମଲ
• ଲକି
• ପ୍ରେମାଞ୍ଜନ ପରିଡ଼ା
• ବିଜୁ ବଡ଼ଜେନା
• ବିରେନ ମିଶ୍ର
• ପ୍ରଦ୍ୟୁମ୍ନ ଲେଙ୍କା
• ପ‌ପି ସନ୍ତୁକା
• ଦେବଶ୍ୱତା

କାହାଣୀ

କଳାକାରଟିଏ ଅଭିନୟ ଦୁନିଆର ଶୀର୍ଷକୁ ଛୁଇଁବା ପାଇଁ କେଉଁଭଳି ସଂଘର୍ଷ କରେ ଏବଂ ଶୀର୍ଷରେ ପ‌ହଞ୍ଚିବା ପାଇଁ ପରେ କିପରି ବିବାଦରେ ଛନ୍ଦି ହେଇଯାଉଛି । ସେହି ବିଷୟରେ ନିର୍ମାଣ ହୋଇଛି ଏକ ଚଳଚ୍ଚିତ୍ରଟି ।

ଗୀତ ଓ ସଙ୍ଗୀତ

ଏହି ଚଳଚ୍ଚିତ୍ରରେ ପ୍ରେମ ଆନନ୍ଦ ସଙ୍ଗୀତ ନିର୍ଦ୍ଦେଶନା ଦେଇଥିଲେ । ଅରୁଣ ମନ୍ତ୍ରୀ, ମଧୁସୂଦନ ଦାସ, ସୁବ୍ରତ ସାହୁ ଓ ଦେବୀଦତ୍ତ ମହାନ୍ତି ପ୍ରମୁଖ ଗୀତିକାର ଚଳଚ୍ଚିତ୍ରର ଗୀତଗୁଡ଼ିକର ରଚନା କରିଥିଲେ । ହ୍ୟୁମାନ ସାଗର, ସୋହିନୀ ମିଶ୍ର, ସଞ୍ଜୁ, ଦୀପ୍ତିରେଖା ପାଢ଼ୀ ଏବଂ ସତ୍ୟଜିତ ପ୍ରଧାନ ଆଦି କଣ୍ଠଶିଳ୍ପୀମାନେ ଚଳଚ୍ଚିତ୍ରରେ କଣ୍ଠଦାନ କରିଥିଲେ ।

ଗୀତ

କ୍ରମ	ଗୀତ	ଗାୟକ	ସମୟ
1.	"ଏକ୍ସକ୍ୟୁଜ ମି କ'ଣ କଲା ସେ"
2.	"ଆ କରିବା ଠିଆ ପାଲା"	ଅସୀମା ପଣ୍ଡା, ସତ୍ୟଜିତ ପ୍ରଧାନ
3.	"ABCDEFGHI ତୁ ମୋ ବୟଫ୍ରେଣ୍ଡ"
4.	"ଚାଲ କରିବା ଠିଆ ପାଲା"

ମନ୍ତବ୍ୟ

ଓଡ଼ିଆ ହାସ୍ୟ ଅଭିନେତା ପପୁ ପମ ପମଙ୍କ ଉପରେ ଚଳଚ୍ଚିତ୍ରଟି ନିର୍ମାଣ ହେଉଥିବା କଥା ଅନେକ କ‌ହିଥିଲ, ତେଣୁ ଏହାକୁ ପସନ୍ଦ କରି ନ ଥିଲେ । ଏହି ଚଳଚ୍ଚିତ୍ରକୁ ସମାଲୋଚନା କରିବାକୁ ଯାଇ ସେ କ‌ହିଥିଲେ କି, "ଯେଉଁ ଫିଲ୍ମ ୭ଦିନରେ ହୁଏ, ତାକୁ ଫିଲ୍ମ କୁହାଯିବା କଥା ନୁହେଁ ।" ଏପରିକି ଚଳଚ୍ଚିତ୍ରଟି ମୁକ୍ତିଲାଭ କରିବା ପୂର୍ବରୁ ମଧ୍ୟ ଏହା ବିରୁଦ୍ଧରେ ଅଦାଲତରେ ଆବେଦନ ହୋଇଥିଲା । ଚଳଚ୍ଚିତ୍ରରେ ମାତ୍ରାଧିକ ଅଶ୍ଳୀଳ ଦୃଶ୍ୟ ଓ କାଷ୍ଟିଂ କାଉଚ୍‌ ବିବାଦରେ ଫସିଥିବା ପପୁ ପମ ପମଙ୍କ ବ୍ୟକ୍ତିଗତ କାହାଣୀ ଉପରେ ଏହା ଆଧାରିତ ହୋଇଥିବାରୁ ପପୁଙ୍କ ବ୍ୟକ୍ତିଗତ ଜୀବନ ଏଥିରେ ପ୍ରଭାବିତ ହେବାର ଆଶଙ୍କା କରି ଏହାକୁ ମୁକ୍ତିଲାଭ ନ କରିବାକୁ ଅଦାଲତରେ ଆବେଦନ କରିଥିଲେ ସୁଶାନ୍ତ ପଣ୍ଡା । ପରେ ପରେ ପପୁ ପମ ପମ ମଧ୍ୟ ଅଦାଲତରେ ଆବେଦନ କରିଥିଲେ । ମାତ୍ର ଏହି ଚଳଚ୍ଚିତ୍ରର ସମ୍ପୂର୍ଣ୍ଣ କାହାଣୀ ପପୁଙ୍କ ଜିବନୀ ଉପରେ ଆଧାରିତ ନୁହେଁ ବୋଲି କ‌ହିଥିଲେ ନାୟକ ବାଳକୃଷ୍ଣ ।