ଦେବାଶିଷ ମହାନ୍ତି

ଉଇକିପିଡ଼ିଆ ରୁ
Jump to navigation Jump to search
ଦେବାଶିଷ ସର୍ବେଶ୍ୱର ମହାନ୍ତି
ଖେଳାଳିଙ୍କ ତଥ୍ୟ
ଜନ୍ମ ତାରିଖ ୨୦ ଜୁଲାଇ ୧୯୭୬ (1976-07-20) (୪୩ ବର୍ଷ)


ଭୁବନେଶ୍ୱର, ଓଡ଼ିଶା, ଭାରତ

ବ୍ୟାଟିଙ୍ଗ ପ୍ରକାର ଡାହାଣ-ହାତୀ
ବୋଲିଂ ପ୍ରକାର ଡାହାଣ-ହାତୀ
ବିଶ୍ଵ ତଥ୍ୟ
ନିଜ ଦେଶ ପଟ ଭାରତ କ୍ରିକେଟ ଦଳ
ପ୍ରଥମ ଟେଷ୍ଟ ୯ ଅଗଷ୍ଟ ୧୯୯୭ v ଶ୍ରୀଲଙ୍କା
ପ୍ରଥମ ଦିନିକିଆ ୧୩ ସେପ୍ଟେମ୍ବର ୧୯୯୭ v ପାକିସ୍ଥାନ
Domestic team information
Years ଦଳ
ସହିଦ ସ୍ପୋଟିଙ୍ଗ
କ୍ୟାରିଅର ତଥ୍ୟ
Competition ଟେଷ୍ଟ୍ ଦିନିକିଆ ପ୍ରଥମ ଶ୍ରେଣୀ କ୍ରିକେଟ୍ ଲିଷ୍ଟ୍ ଏ କ୍ରିକେଟ୍
Matches ୪୫ ୧୧୭ ୧୨୯
Runs scored ୨୮ ୧୫୫୩ ୨୧୮
Batting average ୫.୬ ୧୩.୬୨ ୭.୨୬
100s/50s ୦/୦ ୦/୫
Top score ୧୮* ୯୭ ୨୨
Balls bowled ୪୩୦ ୧୯୯୬ ୨୨୦୫୩ ୬୦୨୪
Wickets ୫୭ ୪୧୭ ୧୬୦
Bowling average ୫୯.୭୫ ୨୯.୧୫ ୨୧.୦୩ ୨୬.୮୪
5 wickets in innings ୧୯
10 wickets in match
Best bowling ୪/୭୮ ୪/୫୬ ୨୨/୫
Catches/stumpings
Source: ESPNcricinfo, ୨୬ ଜୁଲାଇ

ଦେବାଶିଷ ମହାନ୍ତି ଭାରତୀୟ କ୍ରିକେଟ ଦଳରେ ପ୍ରତିନିଧିତ୍ୱ କରିଥିବା ପ୍ରଥମ ଓଡ଼ିଆ ଖେଳାଳି ।[୧] ତାଙ୍କ ବ୍ୟତିତ,ଶିବସୁନ୍ଦର ଦାସ,ସଞ୍ଜୟ ରାଉଳ, ପ୍ରଜ୍ଞାନ ଓଝା ମଧ୍ୟ ଭାରତୀୟ କ୍ରିକେଟ ଦଳରେ ପ୍ରତିନିଧିତ୍ୱ କରିଛନ୍ତି ।

ବ୍ୟକ୍ତିଗତ ଜୀବନ[ଉତ୍ସ ସମ୍ପାଦନା]

ଦେବାଶିଷ ମହାନ୍ତିଙ୍କର ପୁର୍ଣ ନାମ 'ଦେବାଶିଷ ସର୍ବେଶ୍ୱର ମହାନ୍ତି'। ସେ ୧୯୭୬ ମସିହା ଜୁଲାଇ ୨୦[୨] ତାରିଖରେ ପିତା ସର୍ବେଶ୍ୱର ମହାନ୍ତି ଓ ମାତା ମଞ୍ଜୁଳା ମହାନ୍ତିଙ୍କ ଠାରୁ ଭୁବନେଶ୍ୱରଠାରେ ଜନ୍ମ ଗ୍ରହଣ କରିଥିଲେ । ତାଙ୍କର ତିନି ଜଣ ଭଉଣୀ ମଧ୍ୟ ଅଛନ୍ତି । ଶିକ୍ଷାଗତ ଯୋଗ୍ୟତା ଅନୁଯାୟୀ, ସେ ଜଣେ ସ୍ନାତକ । ସେ ସମ୍ବଲପୁରର ଆଇନୀଜୀବୀ, ମୋତିଲାଲ ଦାସ ଓ ଚନ୍ଦ୍ରପ୍ରଭା ଦେବୀଙ୍କ କନ୍ୟା ରିତିମୁକ୍ତାଙ୍କୁ ବିବାହ କରିଛନ୍ତି ।[୩] ସେ ବର୍ତ୍ତମାନ ନାଲକୋରେ କାର୍ଯ୍ୟରତ ।

କ୍ରିକେଟ ଜୀବନ[ଉତ୍ସ ସମ୍ପାଦନା]

ଦେବାଶିଷ ମହାନ୍ତି, ୧୯୯୧ ମସିହାରୁ କ୍ରିକେଟ ଖେଳିବା ଆରମ୍ଭ କରିଥିଲେ । ପରବର୍ତ୍ତୀ ସମୟରେ ସେ ସହିଦ ସ୍ପୋଟିଂ କ୍ଳବରେ ଯୋଗଦାନ କରି ସ୍ୱର୍ଗତ କମଳ ଗାଙ୍ଗୁଲୀଙ୍କଠାରୁ କ୍ରିକେଟ ପ୍ରଶିକ୍ଷଣ ଗ୍ରହଣ କରିଥିଲେ । [୪] ସେ କ୍ରମେ ଭୁବନେଶ୍ୱର, ଓଡ଼ିଶା ଓ ପୂର୍ବାଞ୍ଚଳ ପାଇଁ ଖେଳିଥିଲେ । ୧୯୯୭ରେ ବଙ୍ଗଳାଦେଶରେ ଅନୁଷ୍ଠିତ ସାର୍କ ଟୁର୍ଣାମେନ୍ଟରେ ତାଙ୍କର ବୋଲିଙ୍ଗରେ ପ୍ରଭାବିତ ହୋଇ, ତତକାଳୀନ ଭାରତ 'ଏ' ଦଳର ପ୍ରଶିକ୍ଷକ, ଭାରତୀୟ ଦଳ ପାଇଁ ତାଙ୍କ ନାମ ସୁପାରିସ କରିଥିଲେ । [୫] ୧୯୯୭ ମସିହାରେ ଶ୍ରୀଲଙ୍କା ବିରୋଧରେ ସେ ପ୍ରଥମ କରି ଭାରତୀୟ ଦଳରେ ସ୍ଥାନ ପାଇଥିଲେ । ଏହି ମ୍ୟାଚର ପ୍ରଥମ ଇନିଙ୍ଗସରେ ସେ ୨୦.୪ ଓଭର ବୋଲିଙ୍ଗ କରି ୪ଟି ଉଇକେଟ ନେବାରେ ସଫଳ ହୋଇଥିଲେ ।[୬] ଏହି ପ୍ରଦର୍ଶନ ପରେ, ସେ ଜଣେ ଭଲ ସୁଇଙ୍ଗ ବୋଲର ହିସାବରେ ପରିଗଣିତ ହୋଇଥିଲେ । ଭାରତୀୟ ପିଚ ଅପେକ୍ଷା, ଭାରତ ବାହାରର ସୁଇଙ୍ଗ ପିଚରେ ତାଙ୍କର ପ୍ରଦର୍ଶନ ବେଶି ଭଲ ହୋଇପାରିଥିଲା । ପରବର୍ତ୍ତୀ ସମୟରେ ତାଙ୍କୁ ଟେଷ୍ଟ ମ୍ୟାଚରେ ବିଶେଷ ସୁଯୋଗ ମିଳି ପାରିନଥିଲା । ୧୯୯୭ରେ ହିଁ ସେ ପାକିସ୍ଥାନ ବିରୋଧରେ ଟରୋଣ୍ଟୋଠାରେ ପ୍ରଥମ ଦିନିକିଆ ମ୍ୟାଚ ଖେଳିଥିଲେ। ଏହି ମ୍ୟାଚରେ ସେ ୭ ଓଭରରେ ୨୨ ରନ ଦେଇ ଗୋଟିଏ ଉଇକେଟ ନେବାରେ ସଫଳ ହୋଇଥିଲେ । [୭] ଭାରତର, ଏହି ସିରିଜ ଜିତିବାରେ ଦେବାଶିଷ ମହାନ୍ତିଙ୍କର ପ୍ରମୁଖ ଭୁମିକା ରହିଥିଲା । ୧୯୯୯ ବିଶ୍ୱକପରେ ସେ ସର୍ବଶ୍ରେଷ୍ଠ ପ୍ରଦର୍ଶନ କରିଥିଲେ । ଏହି ବିଶ୍ୱକପରେ ସେ ସମୁଦାୟ ୬ଟି ମ୍ୟାଚ ଖେଳି ୧୦ଟି ଉଇକେଟ ନେଇଥିଲେ ଓ ଭାରତ ତରଫରୁ ଦ୍ୱିତୀୟ ସର୍ବାଧିକ ଉଇକେଟ ଅର୍ଜନ କରିଥିଲେ । ୨୦୦୧ ମସିହାରେ ଶ୍ରୀଲଙ୍କା ବିରୋଧରେ ସେ ନିଜର ଶେଷ ଆନ୍ତର୍ଜାତୀକ ମ୍ୟାଚ ଖେଳିଥିଲେ ।[୮] ୨୦୦୬ରେ ସେ କଲଉଇନୀ କ୍ରିକେଟ କ୍ଳବ ସହ ଅନୁବନ୍ଧିତ ହୋଇଥିଲେ । ତାଙ୍କ ନିଜ ମତରେ , ଭାରତୀୟ କ୍ରିକେଟ ଦଳ ପାଇଁ ବଛାଯିବା ଓ ବିଶ୍ୱକପରେ ଅଷ୍ଟ୍ରେଲୀୟ ଅଧିନାୟକ ଷ୍ଟିଭ ୱଙ୍କର ଉଇକେଟ ନେବା ତାଙ୍କ କ୍ରିକେଟ ଜୀବନର ଦୁଇଟି ସ୍ମରଣୀୟ ଘଟଣା ।[୪]

ବର୍ତମାନ ସେ ଓଡ଼ିଶା ରଣଜୀ ଦଳର ପ୍ରଶିକ୍ଷକ ରୁପେ କାର୍ଯ୍ୟରତ । [୯] ସେ ପୁର୍ବାଞ୍ଚଳ ଦଳର ପ୍ରଶିକ୍ଷକ ରୁପେ ମଧ୍ୟ କାର୍ଯ୍ୟ କରି ଏହାକୁ ଦୁଲୀପ ଟ୍ରଫି ଜିତାଇ ସାରିଛନ୍ତି ।[୧୦]

ପୁରସ୍କାର ଓ ସମ୍ମାନ[ଉତ୍ସ ସମ୍ପାଦନା]

ଆଧାର[ଉତ୍ସ ସମ୍ପାଦନା]

  1. Bill Frindall (1 February 2010). The Wisden Book of Test Cricket, 1977-2000. A&C Black. pp. 571–. ISBN 978-1-4081-2758-2.
  2. Orissa General Knowledge. Bright Publications. pp. 122–. ISBN 978-81-7199-574-5.
  3. http://www.odisha.com/20080424/fullstory/debasis.html
  4. ୪.୦ ୪.୧ http://www.orisports.com/PersonDetails.aspx?pId=MjU=
  5. https://www.batoi.com/360/odisha/infopedia/odia-personalities/debashish-mohanty/
  6. http://www.espncricinfo.com/ci/engine/match/63763.html
  7. http://www.espncricinfo.com/ci/engine/match/66035.html
  8. http://www.espncricinfo.com/ci/engine/match /66321.html
  9. http://www.espncricinfo.com/indian-domestic-2011/content/story/538716.html
  10. http://www.orissacricket.org/news-details.php?id=Mzg3
  11. http://www.imfa.in/resource-centre/2001/nov12.htm
  12. http://orissadiary.com/ShowSportsNews.asp?id=12297

ବାହାର ଆଧାର[ଉତ୍ସ ସମ୍ପାଦନା]