ପଦ୍ମିନୀ ରାଉତ

ଉଇକିପିଡ଼ିଆ‌ରୁ
ପଦ୍ମିନୀ ରାଉତ
୨୦୦୯ ମସିହାରେ ପଦ୍ମିନୀ
ଦେଶ ଭାରତ
ଜନ୍ମ (1994-01-05) ୫ ଜାନୁଆରୀ ୧୯୯୪ (ବୟସ ୩୦)
ବଡ଼ମ୍ବା, ଓଡ଼ିଶା
ଉପାଧୀମହିଳା ଗ୍ରାଣ୍ଡମାଷ୍ଟର (୨୦୦୭)
ଫିଡେ ମାନ୍ୟତା୨୪୫୪(ଫିଡେ ବିଶ୍ୱ ମାନ୍ୟତା), ମାର୍ଚ୍ଚ ୨୦୧୫
ସର୍ବଶ୍ରେଷ୍ଠ ରେଟିଂ୨୩୯୨ ନଭେମ୍ବର ୨୦୧୧

ପଦ୍ମିନୀ ରାଉତ (ଜନ୍ମ: ୫ ଜାନୁଆରୀ ୧୯୯୪) ଜଣେ ଭାରତୀୟ ଚେସ ଖେଳାଳି । ସେ ଉଭୟ ଇଣ୍ଟରନେସନାଲ ମାଷ୍ଟର[୧] ଓ ମହିଳା ଗ୍ରାଣ୍ଡମାଷ୍ଟର ଉପାଧୀ ହାସଲ କରିଛନ୍ତି ।[୨] ୨୦୧୪ରୁ ୧୭ ପର୍ଯ୍ୟନ୍ତ ୪ ବର୍ଷ ଧରି ସେ ଭାରତୀୟ ମହିଳା ପ୍ରିମିୟର ଚାମ୍ପିୟନ[୩] ଓ ୨୦୧୮ରେ ଏସୀୟ ମହିଳା ଚାମ୍ପିୟନ ଥିଲେ । ୨୦୦୭ ମସିହାରେ ସେ ବିଜୁ ପଟ୍ଟନାୟକ ଖେଳ ସମ୍ମାନ ଓ ୨୦୦୯ରେ ଏକଲବ୍ୟ ପୁରସ୍କାର ହାସଲ କରିଥିଲେ ।[୪]

ଚେସ ଖେଳାଳି ଜୀବନ[ସମ୍ପାଦନା]

୨୦୦୫ ମସିହାରେ ପଦ୍ମିନୀ ନାଗପୁରଠାରେ ୧୧ବର୍ଷରୁ କମ ସ୍ପର୍ଦ୍ଧାରେ ଜାତୀୟ ପ୍ରତିଯୋଗିତା ଜିତିଥିଲେ । ଏହାଥିଲା ତାଙ୍କର ପ୍ରଥମ ଜାତୀୟ ପ୍ରତିଯୋଗିତା ବିଜୟ । ୨୦୦୬ରେ ସେ ୧୩ବର୍ଷରୁ କମ ଜାତୀୟ ପ୍ରତିଯୋଗିତା ଓ ୧୨ବର୍ଷରୁ କମ ଏସୀୟ ପ୍ରତିଯୋଗିତା ଜିତିଥିଲେ ।[୫] ୨୦୦୮ରେ ସେ ୧୪ବର୍ଷରୁ କମ ସ୍ପର୍ଦ୍ଧାରେ ଉଭୟ ଏସୀୟ ପ୍ରତିଯୋଗିତା[୬] ଓ 'ବିଶ୍ୱ ଯୁବ ଚେସ ପ୍ରତିଯୋଗିତା' ଜିତିଥିଲେ । ୨୦୦୯ରେ ସେ ୨୦ବର୍ଷରୁ କମ ଏସୀୟ ଜୁନିୟର ମହିଳା ପ୍ରତିଯୋଗିତାରେ ପ୍ରଥମ ସ୍ଥାନ ହାସଲ କରିଥିଲେ ।[୭] ୨୦୧୦ରେ ସେ ୧୯ବର୍ଷରୁ କମ ଜାତୀୟ ଜୁନିୟର ମହିଳା ପ୍ରତିଯୋଗିତା ଜିତିଥିଲେ । ସେହିବର୍ଷ ସେ ଉଭୟ ଏସୀୟ ଜୁନିୟର ମହିଳା ପ୍ରତିଯୋଗିତାରେ[୮] ଓ ବିଶ୍ୱ ଜୁନିୟର ପ୍ରତିଯୋଗିତାରେ କାଂସ୍ୟ ପଦକ ହାସଲ କରିଥିଲେ ।[୯][୧୦]

ପଦ୍ମିନୀ, ଜାତୀୟ ମହିଳା ଚେସ ଚାମ୍ପିୟନସିପ ଲଗାତାର ୨୦୧୪, ୨୦୧୫, ୨୦୧୬ ଓ ୨୦୧୭ ୪ବର୍ଷ ଧରି ଜିତିଥିଲେ । ୨୦୧୫ରେ ସେ ରାଷ୍ଟ୍ରମଣ୍ଡଳ ମହିଳା ଚାମ୍ପିୟନସିପି ମଧ୍ୟ ଜିତିଥିଲେ ।.[୧୧] ୨୦୧୮ରେ ସେ ଏସୀୟ ମହିଳା ଚେସ ଚାମ୍ପିୟନସିପ ମଧ୍ୟ ଜିତିଥିଲେ ।[୧୨]

ଭାରତୀୟ ଜାତୀୟ ମହିଳା ଚେସ ଦଳ ତରଫରୁ ସେ "ମହିଳା ଚେସ ଅଲିମ୍ପିୟାଡ଼", "ୱାର୍ଲଡ଼ ଟିମ ଚେସ ଚାମ୍ପିୟନସିପ", "ୱିମେନସ ଏସୀୟା ଟିମ ଚାମ୍ପିୟନସିପ" ମଧ୍ୟ ଖେଳିଥିଲେ ।[୧୩]

ବ୍ୟକ୍ତିଗତ ଜୀବନ[ସମ୍ପାଦନା]

ପଦ୍ମିନୀ ୧୯୯୪ ମସିହା ଜାନୁଆରୀ ୫ତାରିଖରେ ବଡ଼ମ୍ବାଠାରେ ଜନ୍ମଗ୍ରହଣ କରିଥିଲେ । ତାଙ୍କ ପିତା ଅଧ୍ୟାପକ ଅଶୋକ କୁମାର ରାଉତ ଓ ମାତା ସସ୍ମିତା ଧଳ । ସେ ତାଙ୍କ ପିତାଙ୍କ କଥାରେ ଅନୁପ୍ରାଣିତ ହୋଇ ୯ବର୍ଷ ବୟସରୁ ଚେସ ଖେଳିବା ଆରମ୍ଭ କରିଥିଲେ ।[୧୪] ସେ 'ଇଣ୍ଡିଆନ ଅଏଲ" କମ୍ପାନୀରେ କାର୍ଯ୍ୟ କରନ୍ତି । ଭାରତ ସରକାର ତାଙ୍କୁ ସ୍ୱଚ୍ଛ ଭାରତ ଆମ୍ବାସଡ଼ର ଭାବରେ ମଧ୍ୟ ମନୋନୀତ କରିଛନ୍ତି ।[୧୫] ୨୦୨୪ ମସିହାରେ ସେ ଜୟକିଶିନ ମନକାନୀଙ୍କୁ ବିବାହ କରିଥିଲେ ।[୧୬]

କୃତିତ୍ତ୍ୱ[ସମ୍ପାଦନା]

  • ଏସୀୟ ଯୁବ ଚେସ୍ ପ୍ରତିଯୋଗିତା ବିଜେତା (୨୦୦୫, ୨୦୦୬)
  • ୨୦୦୬: ଜାତୀୟ ୧୩ ବର୍ଷରୁ କମରେ ବିଜେତା
  • ୨୦୦୮: ଜାତୀୟ ୧୪ ବର୍ଷରୁ କମରେ ବିଜେତା ଓ ଏକଲବ୍ୟ ପୁରସ୍କାର ବିଜେତା
  • ୨୦୧୦: ଏସୀୟ ଯୁବ ୨୦ ବର୍ଷରୁ କମରେ ତୃତୀୟ ସ୍ଥାନ
  • ୨୦୧୦: ବିଶ୍ୱ ଜୁନିୟର ପ୍ରତିଯୋଗିତାରେ ତୃତୀୟ ସ୍ଥାନ
  • ୨୦୧୧ରେ ଏସୀୟ ବ୍ୟକ୍ତିଗତ ବାଳିକା ବିଭାଗରେ ତୃତୀୟ ସ୍ଥାନ

ଆଧାର[ସମ୍ପାଦନା]

  1. "Rout Padmini chess games and profile - Chess-DB.com". chess-db.com. Archived from the original on 2016-08-26. Retrieved 2019-11-22.
  2. Bhattacharya, Rimli (2018-01-31). "Did You know About Chess Grandmaster Padmini Rout?". Feminism In India (in ଆମେରିକୀୟ ଇଂରାଜୀ). Retrieved 2019-11-22.
  3. "The 'Indian Chess Queen' Padmini Rout turns 25 - ChessBase India". www.chessbase.in. Retrieved 2019-11-22.
  4. "Padmini Rout gets Ekalabya Award". timesofindia.indiatimes.com. times of india. Retrieved 9 January 2020.
  5. Personalities: Padmini Rout. Orisports.com
  6. Akbarinia, Arash (2008-07-24). "Asian Youth Championship in Teheran". ChessBase. Retrieved 22 February 2016.
  7. Asian Junior Girls Chess Championship 2009. chess-results.com.
  8. Asian Junior Girls Chess Championship 2010. chess-results.com.
  9. "Negi disappoints but Padmini wins bronze - Times of India". The Times of India. 2010-08-17. Retrieved 2019-11-01.
  10. World Junior Girls Championship 2010. chess-results.com.
  11. "Abhijeet Gupta wins Commonwealth Chess Championship". Delhi Chess Association. 2015-06-30. Archived from the original on 4 March 2016. Retrieved 22 February 2016.
  12. "17th Asian Continental Chess Championships (2nd Manny Pacquiao Cup)". chess-results.com. Retrieved 2019-08-08.
  13. "Asian Nations Cup: Team India bags four medals! – All India Chess Federation | Official Website". Retrieved 2019-08-08.
  14. "ଆର୍କାଇଭ୍ କପି". Archived from the original on 2011-07-26. Retrieved 2011-10-15. {{cite web}}: Cite has empty unknown parameter: |1= (help)
  15. "କ୍ରୀଡ଼ା ଓ କ୍ରୀଡ଼ାବିତ". No. ସମାଜ ରବିବାର ୦୫/୦୧/୨୦୨୦ ପୃଷ୍ଠା ୭. ସମାଜ. Retrieved 9 January 2020.
  16. (RM), Samaja Digital (28 January 2024). "ବାହାହେଲେ ଚେସ ତାରକା ପଦ୍ମିନୀ ରାଉତ". Samaja Live. Retrieved 30 January 2024.

ଅଧିକ ତଥ୍ୟ[ସମ୍ପାଦନା]