ସୂର୍ଯ୍ୟ ନାରାୟଣ ପାତ୍ର
ସୂର୍ଯ୍ୟ ନାରାୟଣ ପାତ୍ର | |
|---|---|
 | |
| ବିଧାୟକ: ୧୪ଶ, ୧୫ଶ, ୧୬ଶ ଓଡ଼ିଶା ବିଧାନ ସଭା | |
| କାର୍ଯ୍ୟକାଳ ୨୦୦୯ – ୨ ସେପ୍ଟେମ୍ବର ୨୦୨୩ | |
| ନିର୍ବାଚନ ମଣ୍ଡଳୀ | ଦିଗପହଣ୍ଡି |
| ବିଧାୟକ: ୧୦ମ, ୧୧ଶ, ୧୨ଶ, ୧୩ଶ ଓଡ଼ିଶା ବିଧାନ ସଭା | |
| କାର୍ଯ୍ୟକାଳ ୧୯୯୦ – ୨୦୦୯ | |
| ପୂର୍ବ ଅଧିକାରୀ | ଶରତ କୁମାର ଜେନା |
| ପର ଅଧିକାରୀ | ଚକ୍ରଧର ପାଇକ |
| ନିର୍ବାଚନ ମଣ୍ଡଳୀ | ମୋହନା |
| ବ୍ୟକ୍ତିଗତ ସବିଶେଷ | |
| ଜନ୍ମ | ୨୪ ଡିସେମ୍ବର ୧୯୪୮ |
| ମୃତ୍ୟୁ | ୨ ସେପ୍ଟେମ୍ବର ୨୦୨୩ (ବୟସ ୭୪) |
| ନାଗରିକତା | ଭାରତୀୟ |
| ଜାତୀୟତା | ଭାରତୀୟ |
| ରାଜନୀତିକ ଦଳ | ବିଜୁ ଜନତା ଦଳ |
| ଅନ୍ୟାନ୍ୟ ରାଜନୀତିକ ସମ୍ବନ୍ଧ | ଜନତା ଦଳ |
| ଜୀବନ ସାଥୀ | ରାଜଶ୍ରୀ ପାତ୍ର |
| ବାପା/ବୋଉ | ପୋଲକି କାଶି ପାତ୍ର (ବାପା) |
| ବୃତ୍ତି | ରାଜନୀତିଜ୍ଞ |
ସୂର୍ଯ୍ୟ ନାରାୟଣ ପାତ୍ର ([surd͡ʒjɔ narajɔɳɔ pat̪ɾɔ] (
listen); ୨୪ ଡିସେମ୍ବର ୧୯୪୮ – ୨ ସେପ୍ଟେମ୍ବର ୨୦୨୩) ଜଣେ ଓଡ଼ିଆ ରାଜନୀତିଜ୍ଞ ଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ୭ ଥର ନିର୍ବାଚିତ ହୋଇଥିଲେ । ୧୯୯୦, ୧୯୯୫, ୨୦୦୦, ୨୦୦୪, ୨୦୦୯, ୨୦୧୪ ଓ ୨୦୧୯ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ସେ ମୋହନା ଓ ଦିଗପହଣ୍ଡି ବିଧାନ ସଭା ନିର୍ବାଚନ ମଣ୍ଡଳୀରୁ ଯଥାକ୍ରମେ ୧୦ମ, ୧୧ଶ, ୧୨ଶ, ୧୩ଶ, ୧୪ଶ, ୧୫ଶ ଓ ୧୬ଶ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।
ଜନ୍ମ ପରିବାର ଓ ଶିକ୍ଷା
[ସମ୍ପାଦନା]ସୂର୍ଯ୍ୟ ୧୯୪୮ ମସିହାର ଡିସେମ୍ବର ୨୪ ତାରିଖରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ପୋଲକି କାଶି ପାତ୍ର ।[୧] ସେ ରାଜଶ୍ରୀ ପାତ୍ରଙ୍କୁ ବିବାହ କରିଥିଲେ । ଏହି ଦମ୍ପତ୍ତିଙ୍କର ଜଣେ ଝିଅ ଓ ୨ ଜଣ ପୁଅ ଅଛନ୍ତି।[୨]
ରାଜନୈତିକ ଜୀବନ
[ସମ୍ପାଦନା]ସୂର୍ଯ୍ୟ ଓଡ଼ିଶା ରାଜନୀତିରେ ଜନତା ଦଳ ଓ ପରେ ବିଜୁ ଜନତା ଦଳର ରାଜନେତା ଭାବରେ କାର୍ଯ୍ୟ କରୁଥିଲେ । ସେ ଓଡ଼ିଶା ବିଧାନ ସଭାକୁ ଜଣେ ବିଧାୟକ ଭାବରେ ୭ ଥର ନିର୍ବାଚିତ ହୋଇଥିଲେ[୩] ଏବଂ ଜଣେ ମନ୍ତ୍ରୀ ତଥା ବାଚସ୍ପତି ଭାବରେ କାର୍ଯ୍ୟ କରିଥିଲେ ।[୧]
୧୯୭୭ ମସିହାରେ ସେ ବ୍ରହ୍ମପୁର ମୁନିସିପାଲିଟିକୁ ଜଣେ କାଉନସିଲର୍ ଭାବରେ ନିର୍ବାଚିତ ହୋଇଥିଲେ ।[୧]
୧୯୯୦ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ସେ ମୋହନା ନିର୍ବାଚନ ମଣ୍ଡଳୀରୁ ଜନତା ଦଳର ପ୍ରାର୍ଥୀ ଭାବରେ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ ସେ ସମୁଦାୟ ୩୭,୩୩୪ ଖଣ୍ଡ ଭୋଟ ପାଇଥିଲେ ଏବଂ ତାଙ୍କ ନିକଟତମ ପ୍ରତିଦ୍ୱନ୍ଦୀ ଭାରତୀୟ ଜାତୀୟ କଂଗ୍ରେସର ପ୍ରାର୍ଥୀ ଶରତ କୁମାର ଜେନାଙ୍କୁ ୨୭,୩୬୬ ଖଣ୍ଡ ଭୋଟରେ ପରାସ୍ତ କରି ୧୦ମ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।[୪] ଏହି ବିଧାନ ସଭାରେ ସେ ୧୯୯୦ରୁ ୧୯୯୫ ମସିହା ଯାଏଁ କାମ କରିଥିଲେ । ୨୪ ଜୁଲାଇ ୧୯୯୦ରୁ ୨ ଜାନୁଆରୀ ୧୯୯୧ ଯାଏଁ ସେ ବିଜୁ ପଟ୍ଟନାୟକଙ୍କ ମନ୍ତ୍ରୀମଣ୍ଡଳରେ ରାଜ୍ୟ, ଜଙ୍ଗଲ, ମତ୍ସ୍ୟଚାଷ ଓ ପଶୁପାଳନ ମନ୍ତ୍ରୀ ଭାବରେ କାର୍ଯ୍ୟ କରିଥିଲେ ।[୫]
୧୯୯୫ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ସେ ଜନତା ଦଳର ପ୍ରାର୍ଥୀ ଭାବରେ ମୋହନା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ ସେ ସମୁଦାୟ ୪୪,୧୬୦ ଖଣ୍ଡ ଭୋଟ ପାଇଥିଲେ ଏବଂ ତାଙ୍କ ନିକଟତମ ପ୍ରତିଦ୍ୱନ୍ଦୀ ଭାରତୀୟ ଜାତୀୟ କଂଗ୍ରେସର ପ୍ରାର୍ଥୀ ଉଦୟ ନାରାୟଣ ଦେବଙ୍କୁ ୧,୩୫୪ ଖଣ୍ଡ ଭୋଟରେ ପରାସ୍ତ କରି ୧୧ଶ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।[୬] ଏହି ବିଧାନ ସଭାରେ ସେ ୧୯୯୫ରୁ ୨୦୦୦ ମସିହାରେ କାର୍ଯ୍ୟକାଳ ଶେଷ ଯାଏଁ କାର୍ଯ୍ୟ କରିଥିଲେ ।
୨୦୦୦ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ସେ ମୋହନା ନିର୍ବାଚନ ମଣ୍ଡଳୀରୁ ବିଜୁ ଜନତା ଦଳର ପ୍ରାର୍ଥୀ ଭାବରେ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ ସେ ସମୁଦାୟ ୫୧,୮୦୪ ଖଣ୍ଡ ଭୋଟ ପାଇଥିଲେ ଏବଂ ତାଙ୍କ ନିକଟତମ ପ୍ରତିଦ୍ୱନ୍ଦୀ ଭାରତୀୟ ଜାତୀୟ କଂଗ୍ରେସର ପ୍ରାର୍ଥୀ ପ୍ରଶାନ୍ତ ଚନ୍ଦ୍ର ସ୍ୱାଇଁଙ୍କୁ ୧୯,୬୯୮ ଖଣ୍ଡ ଭୋଟରେ ପରାସ୍ତ କରି ୧୨ଶ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।[୭] ଏହି ବିଧାନ ସଭାରେ ସେ ୨୦୦୦ରୁ ୨୦୦୪ ମସିହାରେ ନବୀନ ପଟ୍ଟନାୟକଙ୍କ ମନ୍ତ୍ରୀମଣ୍ଡଳ ଭାଙ୍ଗିବାଯାଏଁ କାର୍ଯ୍ୟ କରିଥିଲେ । ୬ ଅଗଷ୍ଟ ୨୦୦୨ରୁ ୧୬ ମଇ ୨୦୦୪ ଯାଏଁ ଏହି ବିଧାନ ସଭାରେ ସେ ପରିବେଶ ମନ୍ତ୍ରୀ, ବିଜ୍ଞାନ ଓ ପ୍ରଯୁକ୍ତିବିଦ୍ୟା ମନ୍ତ୍ରୀ ଓ ଶକ୍ତି ମନ୍ତ୍ରୀ ଭାବରେ କାର୍ଯ୍ୟ କରିଥିଲେ ।
୨୦୦୪ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ସେ ବିଜୁ ଜନତା ଦଳର ପ୍ରାର୍ଥୀ ଭାବରେ ମୋହନା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ ସେ ସମୁଦାୟ ୫୨,୬୩୨ ଖଣ୍ଡ ଭୋଟ ପାଇଥିଲେ ଏବଂ ତାଙ୍କ ନିକଟତମ ପ୍ରତିଦ୍ୱନ୍ଦୀ ଭାରତୀୟ ଜାତୀୟ କଂଗ୍ରେସର ପ୍ରାର୍ଥୀ ଉଦୟ ନାରାୟନ ଦେବଙ୍କୁ ୯୩୦ ଖଣ୍ଡ ଭୋଟରେ ପରାସ୍ତ କରି ୧୩ଶ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।[୮] ଏହି ବିଧାନ ସଭାରେ ସେ ୨୦୦୪ରୁ ୨୦୦୯ ମସିହାରେ କାର୍ଯ୍ୟକାଳ ଶେଷ ଯାଏଁ କାର୍ଯ୍ୟ କରିଥିଲେ ।
୨୦୦୯ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ସେ ଦିଗପହଣ୍ଡି ନିର୍ବାଚନ ମଣ୍ଡଳୀରୁ ବିଜୁ ଜନତା ଦଳର ପ୍ରାର୍ଥୀ ଭାବରେ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ ସେ ସମୁଦାୟ ୬୫,୨୦୧୯ ଖଣ୍ଡ ଭୋଟ ପାଇଥିଲେ ଏବଂ ତାଙ୍କ ନିକଟତମ ପ୍ରତିଦ୍ୱନ୍ଦୀ ଭାରତୀୟ ଜାତୀୟ କଂଗ୍ରେସର ପ୍ରାର୍ଥୀ ରବି ନାରାୟଣ ରାଜୁଙ୍କୁ ୩୨,୭୬୩ ଖଣ୍ଡ ଭୋଟରେ ପରାସ୍ତ କରି ୧୪ଶ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।[୯] ଏହି ବିଧାନ ସଭାରେ ସେ ୨୦୦୯ରୁ ୨୦୧୪ ମସିହାରେ କାର୍ଯ୍ୟକାଳ ଶେଷ ଯାଏଁ କାର୍ଯ୍ୟ କରିଥିଲେ ।
୨୦୧୪ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ସେ ବିଜୁ ଜନତା ଦଳର ପ୍ରାର୍ଥୀ ଭାବରେ ଦିଗପହଣ୍ଡି ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ ସେ ସମୁଦାୟ ୭୮,୯୪୯ ଖଣ୍ଡ ଭୋଟ ପାଇଥିଲେ ଏବଂ ତାଙ୍କ ନିକଟତମ ପ୍ରତିଦ୍ୱନ୍ଦୀ ଭାରତୀୟ ଜାତୀୟ କଂଗ୍ରେସର ପ୍ରାର୍ଥୀ ସକ ସୁଜିତ କୁମାରଙ୍କୁ ୪୫,୮୯୭ ଖଣ୍ଡ ଭୋଟରେ ପରାସ୍ତ କରି ୧୫ଶ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।[୧୦] ଏହି ବିଧାନ ସଭାରେ ସେ ୨୦୧୪ରୁ ୨୦୧୯ ମସିହାରେ କାର୍ଯ୍ୟକାଳ ଶେଷ ଯାଏଁ କାର୍ଯ୍ୟ କରିଥିଲେ ।
୨୦୧୯ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ସେ ବିଜୁ ଜନତା ଦଳର ପ୍ରାର୍ଥୀ ଭାବରେ ଦିଗପହଣ୍ଡି ବିଧାନ ସଭା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ ସେ ସମୁଦାୟ ୭୫,୦୧୬ ଖଣ୍ଡ ଭୋଟ ପାଇଥିଲେ ଏବଂ ତାଙ୍କ ନିକଟତମ ପ୍ରତିଦ୍ୱନ୍ଦୀ ଭାରତୀୟ ଜନତା ପାର୍ଟିର ପ୍ରାର୍ଥୀ ପିଙ୍କି ପ୍ରଧାନଙ୍କୁ ୪୦,୪୫୨ ଖଣ୍ଡ ଭୋଟରେ ପରାସ୍ତ କରି ୧୬ଶ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।[୧୧] ଏହି ବିଧାନ ସଭାରେ ସେ ୨୦୧୯ରୁ ୨ ସେପ୍ଟେମର ୨୦୨୩ରେ ତାଙ୍କ ମୃତ୍ୟୁ ଯାଏଁ କାର୍ଯ୍ୟ କରିଥିଲେ ।[୫]
୧ ଜୁନ ୨୦୧୯ରୁ ୪ ଜୁନ ୨୦୨୨ ଯାଏଁ ସେ ୧୬ଶ ଓଡ଼ିଶା ବିଧାନ ସଭାର ବାଚସ୍ପତି ଭାବରେ କାର୍ଯ୍ୟ କରିଥିଲେ ।[୧୨]
ବିଧାନ ସଭା ସଭ୍ୟ ବିବରଣୀ
[ସମ୍ପାଦନା]| ଆରମ୍ଭ | ଶେଷ | ପଦବୀ | ନିର୍ବାଚନ ମଣ୍ଡଳୀ | ଦଳ |
|---|---|---|---|---|
| ୧୯୯୦ | ୧୯୯୫ | ସଭ୍ୟ, ୧୦ମ ଓଡ଼ିଶା ବିଧାନ ସଭା | ମୋହନା | ଜନତା ଦଳ |
| ୧୯୯୫ | ୨୦୦୦ | ସଭ୍ୟ, ୧୧ଶ ଓଡ଼ିଶା ବିଧାନ ସଭା | ମୋହନା | ଜନତା ଦଳ |
| ୨୦୦୦ | ୨୦୦୪ | ସଭ୍ୟ, ୧୨ଶ ଓଡ଼ିଶା ବିଧାନ ସଭା | ମୋହନା | ବିଜୁ ଜନତା ଦଳ |
| ୨୦୦୪ | ୨୦୦୯ | ସଭ୍ୟ, ୧୩ଶ ଓଡ଼ିଶା ବିଧାନ ସଭା | ମୋହନା | ବିଜୁ ଜନତା ଦଳ |
| ୨୦୦୯ | ୨୦୧୪ | ସଭ୍ୟ, ୧୪ଶ ଓଡ଼ିଶା ବିଧାନ ସଭା | ଦିଗପହଣ୍ଡି | ବିଜୁ ଜନତା ଦଳ |
| ୨୦୧୪ | ୨୦୧୯ | ସଭ୍ୟ, ୧୫ଶ ଓଡ଼ିଶା ବିଧାନ ସଭା | ଦିଗପହଣ୍ଡି | ବିଜୁ ଜନତା ଦଳ |
| ୨୦୧୯ | ୨ ସେପ୍ଟେମ୍ବର ୨୦୨୩ | ସଭ୍ୟ, ୧୬ଶ ଓଡ଼ିଶା ବିଧାନ ସଭା | ଦିଗପହଣ୍ଡି | ବିଜୁ ଜନତା ଦଳ |
ମନ୍ତ୍ରୀପଦ ବିବରଣୀ
[ସମ୍ପାଦନା]| ପଦବୀ | ବିଧାନ ସଭା | ମୁଖ୍ୟମନ୍ତ୍ରୀ | ଆରମ୍ଭ ସମୟ | ଶେଷ ସମୟ |
|---|---|---|---|---|
| ରାଜ୍ୟ, ଜଙ୍ଗଲ, ମତ୍ସ୍ୟଚାଷ ଓ ପଶୁପାଳନ ମନ୍ତ୍ରୀ | ୧୦ମ ଓଡ଼ିଶା ବିଧାନ ସଭା | ବିଜୁ ପଟ୍ଟନାୟକ | ୨୪ ଜୁଲାଇ ୧୯୯୦ | ୨ ଜାନୁଆରୀ ୧୯୯୧ |
| ଶକ୍ତି ମନ୍ତ୍ରୀ | ୧୨ଶ ଓଡ଼ିଶା ବିଧାନ ସଭା | ନବୀନ ପଟ୍ଟନାୟକ | ୬ ଅଗଷ୍ଟ ୨୦୦୨ | ୧୬ ମଇ ୨୦୦୪ |
| ବିଜ୍ଞାନ ଓ ପ୍ରଯୁକ୍ତିବିଦ୍ୟା ମନ୍ତ୍ରୀ | ||||
| ପରିବେଶ ମନ୍ତ୍ରୀ | ||||
| ଶକ୍ତି ମନ୍ତ୍ରୀ | ୧୩ଶ ଓଡ଼ିଶା ବିଧାନ ସଭା | ୧୮ ମଇ ୨୦୦୪ | ୨୧ ମଇ ୨୦୦୯ | |
| ପର୍ଯ୍ୟଟନ ମନ୍ତ୍ରୀ | ୧୬ ମଇ ୨୦୦୯ | |||
| ବିଜ୍ଞାନ ଓ ପ୍ରଯୁକ୍ତିବିଦ୍ୟା ମନ୍ତ୍ରୀ | ୨୧ ମଇ ୨୦୦୯ | |||
| ସଂସ୍କୃତି ମନ୍ତ୍ରୀ | ୧୭ ମଇ ୨୦୦୬ | |||
| ରାଜସ୍ୱ ଓ ବିପର୍ଯୟ ପରିଚାଳନା ମନ୍ତ୍ରୀ | ୧୪ଶ ଓଡ଼ିଶା ବିଧାନ ସଭା | ୨୨ ମଇ ୨୦୦୯ | ୨୧ ମଇ ୨୦୧୪ | |
| ସୂଚନା ଓ ଜନ ସମ୍ପର୍କ ମନ୍ତ୍ରୀ | ୧୦ ମଇ ୨୦୧୧ | ୨ ଅଗଷ୍ଟ ୨୦୧୨ | ||
| ସମବାୟ ମନ୍ତ୍ରୀ | ୧୫ଶ ଓଡ଼ିଶା ବିଧାନ ସଭା | ୭ ମଇ ୨୦୧୭ | ୨୮ ମଇ ୨୦୧୯ | |
| ଖାଉଟି ଓ ଖାଦ୍ୟ ଯୋଗାଣ ମନ୍ତ୍ରୀ | ||||
| ଓଡ଼ିଶା ବିଧାନ ସଭାର ବାଚସ୍ପତି | ୧୬ଶ ଓଡ଼ିଶା ବିଧାନ ସଭା | ୧ ଜୁନ ୨୦୧୯[୧୩] | ୪ ଜୁନ ୨୦୨୨ |
ମୃତ୍ୟୁ
[ସମ୍ପାଦନା]୨୦୨୩ ମସିହାର ସେପ୍ଟେମ୍ବର ୨ ତାରିଖରେ ତାଙ୍କର ମୃତ୍ୟୁ ହୋଇଥିଲା ।[୧୪] ମୃତ୍ୟୁବେଳକୁ ତାଙ୍କୁ ୭୪ ବର୍ଷ ବୟସ ହୋଇଥିଲା ।
ଆଧାର
[ସମ୍ପାଦନା]- ↑ ୧.୦ ୧.୧ ୧.୨ "Shri Surjya Narayana Patro". odishaassembly.nic.in. Odisha Assembly. Retrieved 1 January 2021.
- ↑ Written at ଦିଗପହଣ୍ଡି. "ପୂର୍ବତନ ବାଚସ୍ପତି ସୂର୍ଯ୍ୟ ନାରାୟଣ ପାତ୍ରଙ୍କ ୭୫ ବର୍ଷ ବୟସରେ ଦେହାନ୍ତ". Sambad. ଭୁବନେଶ୍ୱର. 2 September 2023. Archived from the original on 2 September 2023. Retrieved 2 September 2023.
- ↑ "ଆରପାରିରେ ପୂର୍ବତନ ବାଚସ୍ପତି ସୂର୍ଯ୍ୟ ପାତ୍ର । ଚିକିତ୍ସାଧୀନ ଅବସ୍ଥାରେ ଆଖି ବୁଜିଲେ ଦିଗପହଣ୍ଡି ବିଧାୟକ ।". Kanak News (in ଆମେରିକୀୟ ଇଂରାଜୀ). 2 September 2023. Archived from the original on 2 September 2023. Retrieved 2 September 2023.
- ↑ "Orissa 1990". Election Commission of India (in Indian English). Retrieved 2019-06-27.
- ↑ ୫.୦ ୫.୧ Bisoyi, Sujit (2 September 2023). "Veteran BJD MLA and ex-Odisha Assembly Speaker Surjya Narayan Patro passes away". The Indian Express (in English). Retrieved 2 September 2023.
{{cite web}}: CS1 maint: unrecognized language (link) - ↑ "Orissa 1995". Election Commission of India (in Indian English). Retrieved 2019-06-27.
- ↑ "Orissa 2000". Election Commission of India (in Indian English). Retrieved 2019-06-27.
- ↑ "Orissa 2004". Election Commission of India (in Indian English). Retrieved 2019-06-27.
- ↑ "Orissa 2009". Election Commission of India (in Indian English). Retrieved 2019-06-27.
- ↑ "Orissa 2014". Election Commission of India (in Indian English). Retrieved 2019-06-27.
- ↑ "Odisha Legislative Assembly Election, 2019". Election Commission of India (in Indian English). Retrieved 2020-10-04.
- ↑ Sahoo, Santosh Kumar (4 June 2022). "ବାଚସ୍ପତି ପଦରୁ ଇସ୍ତଫା ଦେଲେ ସୂର୍ଯ୍ୟ ନାରାୟଣ ପାତ୍ର -" (in ଆମେରିକୀୟ ଇଂରାଜୀ). Archived from the original on 2 September 2023. Retrieved 2 September 2023.
- ↑ Dharitri (1 June 2019). "ସୂର୍ଯ୍ୟ ନାରାୟଣ ପାତ୍ର ହେଲେ ବାଚସ୍ପତି - Dharitri". Dharitri Odia News (in ଆମେରିକୀୟ ଇଂରାଜୀ). Archived from the original on 2 September 2023. Retrieved 2 September 2023.
- ↑ Dash, Mrunal Manmay (2 September 2023). "BJD MLA & former Odisha Assembly Speaker Surjya Narayan Patro passes away". Odisha TV (in English). Archived from the original on 2 September 2023. Retrieved 2 September 2023.
{{cite news}}: CS1 maint: unrecognized language (link)
ବାହାର ଆଧାର
[ସମ୍ପାଦନା]
ଉଇକିମିଡ଼ିଆ କମନ୍ସରେ Surjya Narayana Patro-ସମ୍ପର୍କିତ ମିଡ଼ିଆ
|  | |
