ରଣପୁର (ବିଧାନ ସଭା ନିର୍ବାଚନ ମଣ୍ଡଳୀ)

ଉଇକିପିଡ଼ିଆ ରୁ
Jump to navigation Jump to search
ରଣପୁର ବିଧାନ ସଭା ନିର୍ବାଚନ ମଣ୍ଡଳୀ
ଭୋଟର ସଂଖ୍ୟା (୨୦୧୪): ୧,୮୬,୩୦୨
ଜିଲ୍ଲା: ନୟାଗଡ଼
ଲୋକ ସଭା ନିର୍ବାଚନ ମଣ୍ଡଳୀ: ପୁରୀ
ପଞ୍ଚାୟତ ସମିତି:
ଗ୍ରାମ ପଞ୍ଚାୟତ:
ବିଜ୍ଞାପିତ ଅଞ୍ଚଳ ପରିଷଦ:
ପୌର ପରିଷଦ:

ରଣପୁର (କ୍ରମିକ ସଂଖ୍ୟା: ୧୧୯) ନୟାଗଡ଼ ଜିଲ୍ଲା ଅନ୍ତର୍ଗତ ଏକ ବିଧାନ ସଭା ନିର୍ବାଚନ ମଣ୍ଡଳୀ[୧] ଏହି ନିର୍ବାଚନ ମଣ୍ଡଳୀ ଅନ୍ତର୍ଗତ ଅଞ୍ଚଳଗୁଡ଼ିକ ହେଲା ରଣପୁର ବ୍ଳକ ଓ ଓଡ଼ଗାଁ ବ୍ଳକର କିଛି ଅଞ୍ଚଳ ।[୨][୩]

ଗତ ୨୦୧୪ ନିର୍ବାଚନରେ ବିଜୁ ଜନତା ଦଳ ପ୍ରାର୍ଥୀ ରବିନାରାୟଣ ମହାପାତ୍ର ଭାରତୀୟ ଜନତା ପାର୍ଟି ପ୍ରାର୍ଥିନୀ ସୁରମା ପାଢୀଙ୍କ ଠାରୁ ୧୬୪୨୬ ଖଣ୍ଡ ଅଧିକ ଭୋଟ ପାଇ ନିର୍ବାଚିତ ହୋଇଛନ୍ତି।[୪]

୨୦୦୯ ବିଧାନ ସଭା ନିର୍ବାଚନରେ ବିଜୁ ଜନତା ଦଳ ପ୍ରାର୍ଥୀ ସତ୍ୟନାରାୟଣ ପ୍ରଧାନ, ଭାରତୀୟ ଜନତା ପାର୍ଟି ପ୍ରାର୍ଥୀ ସୁରମା ପାଢ଼ୀଙ୍କଠାରୁ ୨୧,୬୦୧ ଅଧିକ ଭୋଟ ପାଇ ନିର୍ବାଚିତ ହୋଇଥିଲେ ।[୫][୬]

ଇତିହାସ[ସମ୍ପାଦନା]

ରଣପୁର ଏକ ପ୍ରାଚୀନ ଗଡ଼ଜାତ ରାଜ୍ୟ । ୧୨ଶ ଶତାବ୍ଦୀରେ ଓଡ଼ିଶାର ରାଜା ଅନଙ୍ଗ ଭୀମଦେବ ତତ୍‍କାଳୀନ ରଣପୁର ରାଜାଙ୍କୁ 'ନରେନ୍ଦ୍ର' ଉପାଧି ପ୍ରଦାନ କରିିଥିଲେ । ରାଜବଂଶାବଳୀରୁ ଜଣାଯାଏ, ୩୬୦୦ ବର୍ଷ ମଧ୍ୟରେ ଏହି ରାଜ୍ୟରେ ୧୧୨ଜଣ ରାଜା ରାଜୁତି କରିସାରିଲେଣି । ଏ ରାଜ୍ୟର କ୍ଷେତ୍ରଫଳ ୨୦୩ ବର୍ଗମାଇଲ । ଏଥିରେ ୨୬୫ଟି ଗ୍ରାମ ଅନ୍ତର୍ଭୁକ୍ତ । ଏଠାରେ ପ୍ରାଚୀନ ପ୍ରଥାରେ ଶାସନ ଚାଲୁଥିଲା । ଏ ରାଜ୍ୟ ସେତେ ଉନ୍ନତ ନଥିଲା । ଓଡି଼ଶା ରାଜ୍ୟର ପ୍ରଥମ ମହିଳା ମନ୍ତ୍ରୀ ବସନ୍ତ ମଞ୍ଜରୀ ଦେବୀ ହେଉଛନ୍ତି ରଣପୁରର ରାଜମାତା ।[୬]

କିମ୍ବଦନ୍ତୀ[ସମ୍ପାଦନା]

କିମ୍ବଦନ୍ତୀ ଅନୁସାରେ ପ୍ରାଚୀନ କାଳରେ ରଣାସୁର ନାମରେ ଏକ ରାକ୍ଷସ ଏଠାରେ ବାସ କରୁଥିଲା । ତାରି ନାମାନୁସାରେ ଏ ରାଜ୍ୟର ନାମ ରଣପୁର ହୋଇଛି ବୋଲି ଲୋକବିଶ୍ୱାସ । ପୁରାଣ ଅନୁସାରେ କଳିଯୁଗ ଆରମ୍ଭର ୧୭୪ ବର୍ଷ ପରେ ଏ ରାଜ୍ୟ ସ୍ଥାପିତ ହୋଇଛି ବୋଲି 'କପିଳ ସଂହିତା'ରେ ଉଲ୍ଲେଖ ଅଛି । ଶୁଣାଯାଏ, ବେଣୁ ରାଜବଂଶର ବିଶ୍ୱବାସବ ଏ ରାଜ୍ୟର ପ୍ରତିଷ୍ଠାତା । ମଣିନାଗ ଏ ରାଜ୍ୟର ପ୍ରସିଦ୍ଧ ଦେବତା ।[୬]

୨୦୦୯ ନିର୍ବାଚନ ଫଳାଫଳ[ସମ୍ପାଦନା]

୨୦୦୯ ବିଧାନ ସଭା ନିର୍ବାଚନ, ରଣପୁର [୭]
ରାଜନୈତିକ ଦଳ ପ୍ରାର୍ଥୀ ଭୋଟ % ±%
ବିଜଦ ସତ୍ୟନାରାୟଣ ପ୍ରଧାନ ୫୪,୬୪୩ ୪୫.୪୮ -
ଭାଜପା ସୁରମା ପାଢ଼ୀ ୩୩,୦୪୨ ୨୭.୫୦ -
କଂଗ୍ରେସ ରମାକାନ୍ତ ମିଶ୍ର ୨୫,୮୯୮ ୨୧.୫୬ -
ସ୍ଵାଧୀନ ଅନିଲ ଛୋଟରାୟ ୩,୪୯୯ ୨.୯୧ -
ଆରପିଆଇ (ଆ) ଆଶାମଣି ନାୟକ ୭୮୨ ୦.୬୫ -
ସ୍ଵାଧୀନ ପ୍ରିୟବ୍ରତ ପ୍ରହରାଜ ୭୨୬ ୦.୬୦ -
ସ୍ଵାଧୀନ ସତ୍ୟନାରାୟଣ ମିଶ୍ର ୭୨୪ ୦.୬୦ -
ସମୃଦ୍ଧ ଓଡ଼ିଶା ଉମାକାନ୍ତ ମିଶ୍ର ୫୪୦ ୦.୪୫ -
ସ୍ଵାଧୀନ ଜୟକୃଷ୍ଣ ସାହୁ ୨୮୫ ୦.୨୪ -
ଭୋଟ ବ୍ୟବଧାନ ୨୧,୬୦୧ ୧୭.୯୮* -
ମତଦାନ ହାର ୧,୨୦,୧୬୨ ୬୮.୨୮ -

*: ମୋଟ ବୈଧ ଭୋଟର ଶତକଡ଼ା ଭାଗ

ନିର୍ବାଚିତ ବିଧାୟକଗଣ[ସମ୍ପାଦନା]

୧୯୫୧ରୁ ୨୦୧୪ ମଧ୍ୟରେ ମୋଟ ୧୫ଥର ନିର୍ବାଚନ ଅନୁଷ୍ଠିତ ହୋଇସାରିଛି । ଏହି ନିର୍ବାଚନ ମଣ୍ଡଳୀରୁ ନିର୍ବାଚିତ ହୋଇଥିବା ବିଧାୟକ ମାନେ ହେଲେ: [୮][୯][୪]

  • ୨୦୧୪: ରବିନାରାୟଣ ମହାପାତ୍ର (ବିଜଦ)
  • ୨୦୦୯: (୧୧୯): ସତ୍ୟନାରାୟଣ ପ୍ରଧାନ (ବିଜଦ)
  • ୨୦୦୪: (୬୧): ସୁରମା ପାଢ଼ୀ (ଭାଜପା)
  • ୨୦୦୦: (୬୧): ରମାକାନ୍ତ ମିଶ୍ର (କଂଗ୍ରେସ)
  • ୧୯୯୫: (୬୧): ରମାକାନ୍ତ ମିଶ୍ର (କଂଗ୍ରେସ)
  • ୧୯୯୦: (୬୧): ଶରତ ଚନ୍ଦ୍ର ମିଶ୍ର (ଜନତା ଦଳ)
  • ୧୯୮୫: (୬୧): ରମାକାନ୍ତ ମିଶ୍ର (କଂଗ୍ରେସ)
  • ୧୯୮୦: (୬୧): ରମାକାନ୍ତ ମହାପାତ୍ର (କଂଗ୍ରେସ-ଇ)
  • ୧୯୭୭: (୬୧): ରମେଶ ଚନ୍ଦ୍ର ପଣ୍ଡା (ସିପିଆଇ-ମାର୍କ୍ସବାଦୀ)
  • ୧୯୭୪: (୬୧): ରମେଶ ଚନ୍ଦ୍ର ପଣ୍ଡା (ସିପିଆଇ-ମାର୍କ୍ସବାଦୀ)
  • ୧୯୭୧: (୬୦): ରମେଶ ଚନ୍ଦ୍ର ପଣ୍ଡା (କମ୍ୟୁନିଷ୍ଟ)
  • ୧୯୬୭: (୬୦): ବି. ଏସ. ବି. ନରେନ୍ଦ୍ର ମହାପାତ୍ର (କଂଗ୍ରେସ)
  • ୧୯୬୧: (୮୫): ରାମ ଚନ୍ଦ୍ର ରାମ (କମ୍ୟୁନିଷ୍ଟ)
  • ୧୯୫୭: (୫୮): ବସନ୍ତ ମଞ୍ଜରୀ ଦେବୀ (କଂଗ୍ରେସ)
  • ୧୯୫୧: (୯୧): ବସନ୍ତ ମଞ୍ଜରୀ ଦେବୀ (କଂଗ୍ରେସ)

ଆଧାର[ସମ୍ପାଦନା]